Музичкиот бенд „Дрим Тим“ вечерва со почеток во 20 часот во Македонскиот народен театар ќе одржат концерт по повод нивниот јубилеј 25 години постоење.

 

 

Концертот се најавува како вистинско музичко патување низ времето, низ кариерата која почна во далечната 1999 година кога тогашната постава на Дрим Тим во која членуваа Никола Коцев, Маријан Коцев, Александар Ангелов, Сашко Велков, Ангел Ќосев и Гоце Илиоски реши да почне да ја раскажува својата музичка приказна.

 

 

Сегашната постава на Дрим Тим ги вбројува Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани).

На сцената вечерва се очекува да се придружат дел од колегите со кои соработувале низ годините, како што се Синтезис, Влатко Лозановски, Маријан Коцев и Сузана Гавазова.

The post Дрим Тим со концерт во МНТ одбележуваат 25 години постоење appeared first on Република.

Одбројувањето до големиот славенички концерт 25 години Дрим тим почна, а до петочното патување низ времето, низ кариерата која датира од далечната 1999 година кога тогашната постава тргна да ја раскажува својата музичка приказна, остана уште малку. Во моментов се вршат последните подготовки, односно во тек се последните проби пред славеничкиот концерт закажан в петок, на 29 ноември во Македонскиот народен театар со почеток од 20:00 часот.

На сцената освен Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани) присутните ќе имаат можност да видат и дел од колегите со кои тие соработувале низ годините, а меѓу нив се: Маријан Коцев, Сузана Гавазова, Влатко Лозановски, Синтезис, Сузана Гавазова и Благоја Грујовски. На репертоарот, пак, ќе се најдат некои од најголемите хитови кои ја одбележаа кариерата на Дрим тим.

Она што е сигурно е дека квалитетна музика нема да недостасува, нема да недостасува ниту добро расположение затоа што таму каде што се Дрим тим не смее нешто да нема. Така е затоа што сите - од прв до последен, се врвни музичари и кога се живите настапи во прашање им нема рамни.

The post Концертен јубилеј на „Дрим тим“ – 25 години музика appeared first on Република.

Американците решија да патуваат за Париз со најдобрите играчи кои ги имаат и со право важат за фаворити на Олимписките игри.

Сепак, се чини дека нема баш идилична атмосфера во репрезентацијата на САД, барем ако се суди по изјавите на Џоел Ембиид, кој јавно го „исплука“ тимот чиј дрес го носи.

-Не можам да кажам дека се чувствувам како Американец. Јас сум Камерунец и се чувствувам така. Секогаш ќе биде така. Таму сум роден, таму пораснав, ја видов борбата за преживување. Тоа е една од причините поради кои успеав. Почнав да играм кошарка на 16 години. Не е лесно да се снајдеш во денешно време кога почнуваш да се занимаваш со спортување толку доцна, особено затоа што момците овде во Америка почнуваат многу рано. Беше многу тешко да се изборам, но го направив тоа, изјави Џоел Ембиид.

Камерунецот имаше покана и од француската репрезентација, најпрвин начелно прифати да настапува за оваа селекција, а потоа ја промени одлуката.

-Тоа беше тешка одлука. Можев да играм за Камерун, мојата татковина, потоа Франција, каде имам многу роднини, и за САД, каде што сум 14 години. Чувствував дека Французите ме избрзуваат со одлуката, а јас не сакав да пресечам само така. Не ми се допаѓа односот на Франција кон африканските земји. Не помогна што ми дадоа ултиматум. Од американската федерација рекоа да одвојам онолку време колку што ми треба. Многу е полесно и поубаво кога никој не те притиска, кажа центарот за „Њујорк тајмс“.

Иако сите мислат дека Американците ќе се „прошетаат“ до злато на Олимписките игри, Ембид смета дека ќе биде многу потешко.

-Дефинитивно имаме неверојатен талент, но истиот талент постои и во другите тимови. Исто така, треба да разберете дека повеќето момци во нашиот тим остареа. Леброн денес не е ист како Леброн пред неколку години. Има огромна разлика. И самите гледате дека не е атлетски доминантен како порано. Имињата на хартија може да измамат. Сите тоа се луѓе кои направиле многу во своите кариери, но сега се стари и не се тоа што беа, изјави Ембиид

The post Јужен Судан беше на чекор од изненадување: Американсиот дрим тим не е толку од соништата appeared first on Република.

Селекторот на американската репрезентација Стив Кер именуваше тројца кошаркари кои ги гледа како столбот на стартната петорка.

Кер доби тешки критики од навивачите во САД за неговата одлука да се потпре на центарот на Филаделфија 76 ерс, Џоел Ембиид како стартер, но центарот роден во Камерун е еден од оние кои имаат сигурно место меѓу првите пет на Кер. Останатите двајца се ветераните Леброн Џејмс и Стеф Кари.

-Разгледавме различни опции, сигурно имаме и други опции, но мене лично тие тројца заедно најмногу ми се допаѓаат, изјави Кер по победата на Американците над Србија во Абу Даби.

Тој сподели дека е задоволен од работата на резервните центри Ентони Дејвис и Бам Адебајо, кои го обезбедија потребниот мир при играњето во одбраната против предводникот на Србите, Никола Јокиќ.

-Имаме доволно стрелци во нашиот тим. Тоа не е проблем за нас и никогаш не било. Но, важно е да се види одбраната, одбраната, одбраната. Тоа треба да биде она што не издвојува, заедно со длабочината во тимот. Мислам дека тука е нашата најголема сила, објасни Кер, кој има луксуз да смета на 12 од најголемите ѕвезди во НБА.

Првиот натпревар репрезентацијата на САД на олимпискиот турнир во Париз ќе го има на 28 јули повторно против Србија, а дотогаш олимписките шампиони ќе одиграат уште две контроли - против дебитантот Јужен Судан и против светскиот шампион Германија

The post Навистина е „дрим-тим“ : Ова е стартната петорка на САД за Олимпијадата appeared first on Република.

Тимот на САД го избра својот состав за Олимписките игри во Париз.

Во олимпискиот тим на САД ќе бидат: Леброн Џејмс, Стеф Кари, Кевин Дурант, Џоел Ембид, Ентони Дејвис, Девин Букер, Ентони Едвардс, Џејсон Тејтум, Џру Холидеј, Бам Адебајо и Тајрис Халибартон.

Првиот човек на националниот тим на САД, Грент Хил реши да го остави последното место во списокот отворено до јулскиот тренинг камп и ревијалните натпревари во Лас Вегас.

Лидерот на Голден Стејт, Кари ќе го има својот прв настап на Игрите, а калифорнискиот клуб ќе го претставува и тренерот Стив Кер. Репрезентацијата повторно ќе ги спои со поранешниот напаѓач на Вориорс, Дурант.

Џејмс ќе учествува на своите четврти Олимписки игри. Неговата колекција веќе вклучува бронзен медал од 2004 година и златни медали од 2008 и 2012 година.

Олимпијадата во Париз ќе се одржи од 26 јули до 11 август

The post Американскиот „дрим-тим“ на ОИ ќе биде навистина од соништата appeared first on Република.