Регионалниот ЦУК Скопје, известува дека околу 17:25 часот е започнат пожар на кровна конструкција од барака (куќа) на ул. „Бранко Заревски“ бр.36. во Драчево, Скопско. Во моментот има информација дека пожарот е проширен и бие зафатени три бараки (куќи). Интервенираат 15 пожарникари со 6 ПП возила од БППЗ на Град Скопје. Екипите на БППЗ на Град Скопје во 20:15 часот се уште се на терен.

The post Гореше куќа во Драчево, пожарот зафати уште три бараки appeared first on Република.

Полициски службеници од СВР Скопје, Единица за недозволена трговија, го лишиле од слобода З.М.(46) од Драчево, Скопје.

Имено, по претходни сознанија и добиена наредба од Основен кривичен суд Скопје бил извршен претрес во неговиот дом, при што биле пронајдени и одземени една ловна пушка и 44 ловни патрони.

The post Претрес во скопско Драчево, пронајдени пушка и патрони appeared first on Република.

На 23.11.2023 во 00.00 часот на подрачје на Кисела Вода, полициски службеници од Полициската станица Кисела Вода ги привеле Ф.К.(21), Л.Б.(19) и П.Ф.(18), сите од Скопје, затоа што со возило „бмв“ со скопски регистарски ознаки, кое без дозвола го управувал Ф.К., не застанале на знак за запирање даден од полициски службеници и агресивно се однесувале кон нив при извршување службени дејствија. По документирање на случајот ќе следува соодветен поднесок.

На 22.11.2023 во 15.45 часот во СВР Скопје било пријавено дека во Казнено-поправна установа Затвор Идризово, 32-годишниот осуденик З.Н. од с.Батинци, скопско, агресивно се однесувал и упатил закани кон полициски службеник кој извршувал службени дејствија. Се преземаат мерки за расчистување на случајот.

На 22.11.2023 околу 22.00 часот на подрачје на Драчево, полициски службеници од Полициската станица Драчево го лишиле од слобода А.Т.(39) од Скопје, затоа што физички нападнал полициски службеник кој вршел службени дејствија. Исто така, при извршена контрола било констатирано дека А.Т. бил баран со централна потерница за издржување затворска казна во врска со кривично дело по член 247 од Кривичниот законик.

Еден час подоцна во Драчево бил лишен од слобода и М.К.(37) од Скопје, затоа што агресивно се однесувал кон полициски службеник кој извршувал службени дејствија.

The post Драчевци и осуденик од Батинци биле агресивни кон полицијата, млади скопјани со БМВ не застанале на знак за запирање appeared first on Република.

Министерството за внатрешни работи информираше дека во петокот во СВР Скопје било пријавено дека на подрачјето на Драчево настанал пожар во кој биле опожарени три куќи во ист двор, сопственост на П.С.(54), М.С.(46), Е.С.(27), С.С.(24) и А.С.(52), сите од Скопје.

Повредени лица нема, а пожарот е изгаснат.

Полициски службеници излегле на местото на настанот и се врши увид.

The post Три куќи изгореа во пожар во Драчево appeared first on Република.

На 02.06.2023 во 21.15 часот во Полициската станица Драчево, Д.А.(26) од Скопје пријавил дека на ул.„Јанко Мишиќ“ бил каснат од куче скитник.

Исто така вчера во 22.30 часот во Полициската станица Драчево, Ј.Г.(49) од Скопје пријавил дека на ул.„Иван Хаџи Николов“ бил каснат од куче скитник.

The post Двајца скопјани испокасани од кучиња скитници во Драчево appeared first on Република.

Вчера во 17:00 часот во СВР Скопје било пријавено дека на ул.„Јустинијан Први“ во Скопје се случила сообраќајна несреќа помеѓу патничко моторно возило „сеат алтеа“ со скопски регистарски ознаки управувано од Р.А.(54) од с.Студеничани, скопско и патничко моторно возило „дачиа“ со скопски регистарски ознаки управувано од С.Б.(60) од Скопје, при што, по ударот патничкото возило „дачиа“ удрило во Б.С.(70) од Скопје.

По несреќата Б.С. бил пренесен во Градската општа болница „Св. Наум Охридски“ каде му биле констатирани тешки телесни повреди.

Увид на местото на настанот извршила екипа од СВР Скопје.

The post Пешак настрада по судир на две возила во Драчево appeared first on Република.

Седми ден трае потрагата по Зојка Луковиќ, родена 1954 година, која излегла од својот дом во Драчево на 31 декември, околу 12 часот, по што ѝ се губи секаков траг.

Нејзиниот син Марјан за „Фокус” вознемирен од настанот раскажува дека мајка му немала здравствени проблеми и живееле заедно. Животот го поминала работејќи хонорарни работи, чувала стари лица, се борела да донесе парче леб како самохран родител.

Дента кога исчезнала носела црвена јакна и капа, и е ситна жена со црвена коса. Тој и се јавил на мобилниот околу 18 часот, и вели дека штом и го слушнал гласот знаел дека нешто не е во ред, па веднаш пријавил во полиција.

Мајка ми излегла од дома околу 12 часот. Се беше во ред со неа, немаше никаков проблем. Кога во 18 часот и се јавив да видам каде е и зошто не си доаѓа дома, таа не можеше да зборува на телефон. Ми одговори на повикот, кога ја прашував каде е, само нешто нејасно слушнав, сфатив дека нешто се случува и веднаш се јавив во полиција, раскажува тој.

Ова е втор случај во Драчево за девет месеци, како исчезнува жена со слична физиономија. Во март лани и се изгуби трагот на Виолета Крстевска Јаневска (60). Таа тргнала во оптика да си ги земе наочарите, и од тогаш ја нема.

Нејзината ќерка тогаш раскажа дека по неколку часа ѝ се исклучил и мобилниот телефон. Појаснуваше дека се работи за сериозна жена, која никогаш не би заминала од дома без збор, работела како сметководителка во Факултетот за безбедност, била со ситна градба, слаба, со црвена кратка коса.

https://republika.mk/vesti/crna-hronika/majka-mi-e-odgovorna-organizirana-i-zdrava-lichnost-ja-nema-vekje-8-dena-semejstvoto-vo-potraga-po-ischeznata-violeta-baraat-pomosh/

Целата сторија на Фокус

The post Втора исчезната жена за девет месеци во Драчево, со слична физиономија како првата која уште не е пронајдена appeared first on Република.

Нов рекреативен парк со самонаводнување никнува на местото од дивата депонија во селото Драчево. Во месноста Оскиген, на површина од 7500 м2, Општина Кисела Вода гради рекреативен центар каде во своето слободно време ќе можат да уживаат граѓани од сите возрасти.

Покрај голема површина на зеленило кое ќе се одржува преку систем за самонаводнување, просторот ќе нуди и детски катчиња, сквер, патеки, летниковци како и фитнес справи. Љубителите на фудбалот и баскетот пак, ќе имаат прилика да спортуваат на комплетно нови целосно освтлени игралишта.

Градежните работи се во полн ек и наскоро, ова ќе биде новото собиралиште за одмор и рекреација на сите жители од овој дел на градот.

По повеќе од три децении празни ветувања, дивата депонија во местото викано Оксиген ја претвораме во огромен рекреативен парк со самонаводнување од 7500m2! Во селото Драчево, огромната површина во Оксиген во изминативе триесеттина години служеше како депонија која во еколошка и естетска смисла го нарушуваше животот и здравјето на моите сограѓани.

 

Тоа не би било така доколку властите во изминатите неколку децении го сределе ова место. Напротив, беше уште едно лажно ветување дека оваа депонија ќе прерасне во парк, особено пред секои избори.

 

На тоа решивме да му ставиме крај и конечно ова место да стане современ рекреативен центар каде во своето слободно време ќе можат да уживаат сите возрасти, изјави Ѓорѓиевски.

Рекреативниот парк ќе се простира на површина од 7500 м2 и ќе нуди детски катчиња, сквер, патеки, летниковци како и фитнес справи.

Љубителите на фудбалот и баскетот пак, ќе имаат прилика да спортуваат на комплетно новите игралишта, но и да уживаат во фудбалските натпревари од трибини во денот, но и навечер бидејќи целиот парк ќе биде осветлен.

Паркот ќе има има и голема површина на зеленило за сето ова убаво да изгледа и зеленило кое ќе содржи систем за самонаводнување преку атмосферски бунар.

Местото веќе почнува да го добива својот лик, работите се одвиваат со полна пареа за овие мои сограѓани да го имаат тоа што го заслужуваат.

 

Убеден сум дека ова ќе биде ново место на кое сите ќе се собираме, ќе се дружиме и ќе остане да сведочи за новата иднина која ја испишуваме за нашата Кисела Вода.

 

Продолжуваме да креираме иднина, преку дела кои мојот народ ги препознава“, изјави градоначалникот Орце Ѓорѓиевски при увидот во градежните активности.

The post Наместо депонија, современ парк од 7500 м2 во село Драчево appeared first on Република.

Две лица на возраст од 75 и 70 години физички се пресметале, по претходно недоразбирање.

Случајот бил пријавен вчера (26.09.22) во Полициската станица Драчево во 12.30 часот.

Од МВР информираат дека двајцата го нарушиле јавниот ред и мир. Полицијата презема мерки за расчистување на случајот.

The post Се степале двајца дедовци во Драчево appeared first on Република.

По неколку децении се реконструира коловозот на влезот во Драчево, објави на социјалната мрежа на Фејсбук Орце Ѓорѓиевски.

-Започнува првата фаза од реконструкцијата на една од главните артерии во Драчево, улицата „Јустинијан |“, или кај населението позната како „Драчевска“.

Во оваа прва фаза од градежните активности ќе бидат опфатени 500m од мостот на Маркова Река до влезот на Драчево.

Со ова, завршува долгогодишната голготата на сите учесници во сообраќајот кои секојдневно се соочуваа со нерамнините и дупките на оваа улица и значително ќе се унапредат условите во кои ќе се одвива сообраќајот.

За нашите сограѓани да добијат подобар и поквалитетен живот, она што со години им недостасува и го заслужуваат се вложуваме максимално.

Градежната офанзива со која Кисела Вода ќе добие едно ново руво, модерно и урбано, рамномерно ќе ги опфати сите урбани и месни заедници.

Со напорна работа и посветена работа, продолжуваме понатаму за наша Кисела Вода!, пишува Ѓорѓиевски во својата објава.

The post Ѓорѓиевски: По неколку децении се реконструира коловозот на влезот во Драчево appeared first on Република.

Вчера, на подрачјето на Драчево полициски службеници од Единицата за внатрешни работи-Одделение за криминалистички работи Аеродром и Драчево и од Полициската станица Драчево привеле крадец.

Според извештајот на МВР, станува збор за Г.Ј.(50) од Скопје.ој се сомничи дека неколку часа претходно извршил кривично дело „тешка кражба“ од продажен објект на подрачјето на Драчево. Во службен разговор Г.Ј. го признал делото, а дел од одземените предмети се пронајдени и вратени на сопственикот.

Од полицијата известуваат дека по целосно документирање на случајот против него ќе биде поднесен соодветен поднесок.

The post Притворен 50-годишен крадец од Драчево appeared first on Република.

Дел од корисниците лоцирани на улиците „Малешевска“, „Аилска“, „Јакупица“, „Румена Хаџипанзова“ и „Бранко Заревски“ во скопската населба Драчево, како и на „Јадранска магистрала“ денеска ќе имаат прекин во водоснабдувањето.

Како што информира ЈП „Водовод и канализација“ – Скопје, прекините се поради улични дефект на улица „Јустинијан Први“ број 2 во Драчево и на улица „Качанички Пат“ 1/16.

Водоснабдувањето ќе биде прекинато се додека не се санираат дефектите.

The post Без вода делови од Драчево и Визбегово appeared first on Република.

МВР соопшти дека вчера попладне е пронајдена почината жена во нејзиниот дом во населбата Драчево.

Според полицијата, се работи за С.И. (48) од Скопје, која имала здравствени проблеми.

Случајот е пријавен во 17.50 часот во СВР Скопје. Лекар од Итната медицинска помош констатирал смрт без траги на насилство. Увид извршила екипа од СВР Скопје, а по наредба на Јавен обвинител телото е предадено за обдукција

The post 48-годишна скопјанка пронајдена мртва appeared first on Република.

Денеска на прес конференцијата на мостот на Маркова река кон населбата Драчево, Директорот на ЈП Улици и патишта Скопје, Борис Настов го најави техничкото решение за санирање на оштетувањето кое во изминатите денови се појави на мостот на Маркова река во населбата Драчево.

„Во консултација со стручни лица е одлучено дупката да се санира со брзоврзувачки материјали на цементна основа, кои ќе ни овозможат враќање на асфалтот за само 24 часа после реконструкцијата на самата коловозна плоча. Во подготвителните работи за санацијата следува механички да се отстранат лабилните бетонски површини, потоа се става антикорозивна заштита на арматурата, се поставува арматурна мрежа и се залива отворот со самозаливен малтер, вели Настов.

Настов истакна дека санацијата ќе се заврши за два дена, сметано до поставување на асфалтната маса и од таа причина се бара период со минимална фреквенција на мостот, од причина што во еден период од 20-тина часа, сообаќајот на мостот ќе треба да се одвива по само една сообраќајна лента, со најмала можна брзина на движење, од околу 10км/h.

Генералната состојба на мостот е мало локално оштетување на плочата од коловозот, што може да се смета за “најлесна можна категорија на оштетување на носечката конструкција “ на еден мост. Притоа стабилноста и носивоста на мостот воопшто не е доведена во прашање, туку во овој момент имаме само состојба на мало локално оштетување на плочата од мостот и кое лесно и брзо ќе се санира. Веќе од сабота ќе се работи на тоа и според предвидената работа и во зависност од временските услови би требало да биде саниран до почетокот на другата недела, истакна Настов.

Настов исто така истакна дека генералната забелешка на градежните стручни лица за причините на настанување на дупката на мостот кој е постар од 40-тина години се несоодветното одржување на горниот строј на мостот, неизведена хидроизолација помеѓу армиранобетонската плоча и асфалтната подлога, односно несоодветен заштитен слој на арматурата во плочата, изостанок на периодични прегледи на состојбата на мостовите, како и буџет за одржување на мостовите, од причина што слични сценарија се видени и на мостовите од постоечките магистрални патишта.

The post Санацијата на дупката на мостот во Драчево ќе се заврши за два дена appeared first on Република.

Поради технички дефект на ПП хидрант ф-80 мм на ул. „Коце Металец“ 1г, утре прекинато водоснабдување ќе имаат корисниците на дел од истата улица (од бр.1 до бр.19), информираат од РЦУК – Скопје, по добиеното известување од ЈП Водовод и канализација.

Водоснабдувањето ќе биде прекинато од 09:00 часот до завршување со санација на дефектот.

Прекинато водоснабдување ќе имаат и корисниците на селата Драчево и Студеничани, поради дефект на затворач ф-250 мм на „Јустинијан Први“ бб, пред мостот во Драчево.

Водоснабдувањето, како што информираат од РЦУК Скопје, ќе биде прекинато од 08:00 часот до завршување со санација на дефектот.

The post Драчево и Студеничани утре без вода appeared first on Република.

Денес ми претставува огромно задоволство што заедно со градоначалникот на Кисела Вода Орце Ѓорѓиевски присуствував на осветувањето на камен темелникот на Крстот во населба Драчево, се вели во Фејсбук статусот на потпретседателот на ВМРО-ДПМНЕ, Александар Николоски.

Крстот ќе биде висок 63,5 метри. Темелите ги освети господин господин Стефан во сослужение со повеќе свештени лица. Прекрасен ден во Драчево, нека е аирлија! Истакна Николоски.

The post Николоски и Ѓорѓиевски на осветување на камен темелникот на Крстот во Драчево appeared first on Република.

Градоначалничката на Град Скопје, Данела Арсовска и градоначалникот на Општина Кисела Вода, Орце Ѓорѓиевски денеска извршија увид во состојбата на улицата „Славка Динкова“ во населба Драчево, општина Кисела Вода, за што Градот Скопје издвои 50.5 милиони денари за реконструкција на улицата и поставување на нова атмосферска канализација.

На барање на жителите на Драчево по 30 години за првпат ги решаваме истакнатите значајни проблеми со атмосферската канализација и постојното сообраќајно решение на ул. „Славка Динкова“. Ги слушаме нивните барања и посветено работиме на обезбедување на ефикасни и безбедни решенија кои пред се нудат квалитетни услови за живот. Токму затоа и еден од приоритетните проекти кои беа ветени веќе започнуваме да ги реализираме. Реконструкцијата на оваа асфалтна површина опфаќа и нова атмосферска канализација во должина од 1.175 метри, изјави градоначалничката Арсовска.

Градоначалникот на општина Кисела Вода, Орце Ѓорѓиевски истакна дека Град Скопје и Кисела Вода за првпат работат на решение со кое значително ќе се олесни функционирањето и движењето на повеќе од 30.000 граѓани кои секојдневни транзитираат по улицата Славка Динкова, додавајќи дека во исто време работат и на исполнување на едно од изборните ветувања за поставување на нова атмосферска канализација на овој потег како дел од овој проект.

Како прва фаза во реализацијата на овој проект е изградба на атмосферска канализација на улицата Славка Динкова, со понатамошни градежни активности кои вклучуваат реконструкција на улицата, изградба на нови тротоари и поставување на нови лед штедливи светилки, кои значително ќе ги намалат трошоците во време на економска и енергетска криза, рече градоначалникот Ѓорѓиевски.

The post Град Скопје со 50.5 милиони денари ќе ја реконструира ул. „Славка Динкова“ во Кисела Вода appeared first on Република.

Град Скопје во соработка со општина Кисела Вода целосно ја реконструира ул. „Славка Динкова“ во Драчево.

Целосно ќе се реконструира улицата „Славка Динкова“ една од главните артерии во населбата која ги поврзува помалите собирни улици во Драчево со магистралната улица „Јустинијан Први“.

Она што беше децениски проблем со кој секојдневно се соочуваа жителите на Драчево, заминува во историјата. Комплетно ќе се реконструира коловозот во должина од речиси еден километар кој е во крајно лоша состојба со видливи оштетувања, нерамнини и огромни дупки, а со изградбата на атмосферска канализација, ќе се надмине и долгогодишниот проблемот со поплавување, кој редовно настанува при пообилни врнежи, објави градоначалникот на Кисела Вода Орце Ѓорѓиевски.

Дополнително, проектот опфаќа и поставување на ново улично осветлување.

Ова беше мое предизборно ветување но и на градоначалничката Данела Арсовска, а сега се остварува и ќе се реализира како меѓуопштинска соработка во која Градот Скопје целосно ќе ја финансира реконструкцијата, додека општина Кисела Вода учествува во проектот со изработка на техничка документација.

Се работи за градежен зафат вреден околу 50.500.000 денари и истиот во текот на вчерашниот ден беше поддржан од Советот на Град Скопје.

Воедно, Град Скопје продолжува со големите инфраструктурни зафати на територија на општина Кисела Вода, пред сѐ доизградбата на булеварот ,,Борис Трајковски" кон Драчево како главна артерија која ќе го намали метежот, ќе ја зголеми безбедноста и ќе го олесни сообраќајот за преку 70 000 лица од Кисела Вода, Драчево, Пинтија, Лисиче, Студеничани и околните населени места кои секојдневно ја користат оваа делница, додаде Ѓорѓиевски.

The post Ѓорѓиевски: Ќе се реконструира улицата „Славка Динкова“ во Драчево appeared first on Република.

Советот на Град Скопје на  денешната седница  расправаше и  донесе одлука Град Скопје  да реализира голем инфраструктурен проект за целосна реконструкција на улицата „Славка Динкова“, општина Кисела Вода.

Проектот  ќе се реализира преку меѓуопштинска соработка помеѓу Град Скопје и Општина Кисела Вода.

Со овој проект се предвидува изградба на атмосферска канализација, целосна реконструкција на коловозот и пешачките патеки, како и поставување на ново улично осветлување.

Улицата „Славка Динкова“ е една од најголемите улици во населба Драчево и истата претставува конектор - сообраќајница која ги поврзува поголемите собирни улици во Драчево со магистралната улица „Јустинијан Први“.

Проценетата вредност на овој проект изнесува 50.500.000 денари и средствата ќе се обезбедат од буџетот на Град Скопје, додека Општина Кисела Вода ќе учествува во проектот со изработка на техничка документација и решавање на евентуалните имотно правни односи.

The post Градот Скопје ќе финансира целосна реконструкција на улицата „Славка Динкова“ во Драчево appeared first on Република.

Градежните работи за продолжување на булеварот „Борис Трајковски“ до населбата Драчево течат со посакуваната динамика, информира градоначалникот на општина Кисела Вода, Орце Ѓоргиевски.

Тој соопштува дека заедно со претставници од градот Скопје, кој е директно задолжен за изведбата во координација со општината, е извршен увид во активностите на терен.

На овој потег кој води од населбата Пинтија до влезот на Драчево, пред мостот на Маркова река се изведува модерно булеварско решение во должина од над два километри, кое е продолжение на булеварот кој води низ Кисела Вода.

 

Во моментов, интензивно се работи на процесот на експропријација на приватното земјиште, кое во најголем процент е во сопственост на деловни субјекти.

 

Очекуваната временска рамка за завршување на овој голем инфраструктурен проект е до крајот на оваа година.

 

Со ова ќе се намали метежот, ќе се зголеми безбедноста и ќе го олесни сообраќајот за преку 70 000 лица од Кисела Вода, Драчево, Пинтија, Лисиче, Студеничани и околните населени места кои секојдневно ја користат оваа делница, а дополнително, бенефит ќе имаа и за индустриската зона лоцирана во овој дел на градот - вели градоначланикот Ѓоргиевски.

The post Градежните работи течат со посакуваната динамика: Ѓоргиевски со увид во изградбата на булеварот „Борис Трајковски“ кон Драчево appeared first on Република.