Националниот олимписки комитет на Грција објави суспензија на неименуван учесник на Олимписките игри во Париз поради кршење на правилата за антидопинг.

Грчкиот олимписки комитет соопшти дека е информиран за позитивен допинг тест од еден од членовите на Олимпискиот тим во Париз. Грчката Национална антидопинг агенција наведува дека на ова лице веднаш му била изречена привремена забрана и затоа е побарано негово отстранување од Олимпиското село, се вели во соопштението на организацијата.

Претходно грчката атлетичарка Клаудија-Полак, која настапува во скок со стап, извести дека во еден нејзин примерок биле пронајдени траги на допинг, кои можеле да бидат внесени во телото како резултат на јадење месо. Концентрацијата на супстанцијата била во границите на нормалата, па затоа била примена на Олимписките игри.

Клаудија-Полак не успеа да се пласира во финалната фаза од натпреварувањето.

The post Грчки учесник на Олимпијадата 2024 година суспендиран поради кршење на антидопинг правилата appeared first on Република.

Доминацијата на Карлос Алкараз со само 23 години е невреојатна. Но, многумина го поставуваат прашањето дали ова момче користи недозволени средства, односно допинг. Шпекулациите ги подреа она што го видовме во финалето на Вимблдон кога Карлито извади шишенце со некаква течност од торбата и веднаш ја испи.

Истото се случи и на ланскиот УС опен.

Што мислите?

https://republika.mk/sport/ostanati-sportovi/fotografija-shto-ke-vleze-vo-istorija-16-godishniot-alkaraz-go-gleda-gokovik-kako-trenira/

The post Дали ова „дете“ користи недозволени средства: Што има во шишенцето на Алкараз? appeared first on Република.

Светскиот рекордер на 100 метри до 20 години Исам Асинга е дисквалификуван поради допинг.

Деветнаесетгодишниот атлетичар од репрезентацијата на Суринам е суспендиран на четири години, соопшти независното атлетско тело АИУ. Во јули тој беше позитивен на забранетата супстанција GW1516.

Асинга се обиде да докаже дека допингот влегол во телото поради бонбоните за џвакање „Gatorade“ (кои се користат како додаток во исхраната за спортистите). Но, дисциплинското тело не ја прифати оваа верзија.

Во 2023 година, Асинга постави светски рекорд меѓу јуниорите до 20 години на трката на 100 метри. Тој патеката ја истрча за 9,89 секунди на првенството на Јужна Америка. Овој резултат, како и две победи на континенталниот шампионат ќе бидат поништени.

Според „Асошиетед прес“, тркачот има намера да поднесе жалба на дисквалификацијата до Судот за спортска арбитража (CAS).

The post Светски рекордер на 100 метри доби четири години суспензија поради допинг appeared first on Република.

Поранешниот француски велосипедист, Марк Мадио, смета дека Новак Ѓоковиќ, мора да биде суспендиран, затоа што одбил комплетно тестирање на допинг контрола при Дејвис куп настапите.

Пред натпреварот против Камерон Нори Ѓоковиќ беше избран да биде тестиран и одби, сметајќи дека тоа можело да почека по мечот за да не му ја наруши рутината пред натпреварот.

Секогаш сум бил поддржувач на допинг контроли, но не пред натпреварот. Што ќе променеше тоа? Ништо, порача Ѓоковиќ.

На тоа велосипедистот Мадио, реагираше со свој став:

Новак одби да биде тестиран пред натпревар, ако антидопинг телото си ја работеше својата работа, господинот Ѓоковиќ требаше да биде суспендиран. Во велосипедизмот, ако одбиете тест, а тестот потоа е позитивен, ќе бидете казнети. Немате право да одбиете тестирање, тоа е правило, порача Мадио за РМЦ радиото.

The post Новак Ѓоковиќ мора да биде суспендиран, смета велосипедистот Мадио appeared first on Република.

Тренерот на Јувентус, Масимилијано Алегри го сподели своето мислење за ситуацијата околу играчот од средниот ред Пол Погба.

Пред два дена се дозна дека францускиот фудбалер повторно имал позитивен допинг тест за тестостерон.

Погба и јас сме многу блиски, го познавам уште кога беше млад. Штета е што фудбалот губи посебен играч. Ова е тежок момент за Пол, можеме само да му посакаме се најдобро, вели Алегри за „Фудбол Италиа“.

Погба се соочува со долгогодишна забрана. Претходно беше објавено дека Јувентус би можел да го раскине договорот со играчот од средниот ред.

https://republika.mk/sport/fudbal/se-soochuva-so-kazna-da-ja-zavrshi-karierata-pogba-povtorno-padna-na-doping-testot/

The post Алегри за позитивниот допинг тест на Погба: Фудбалот губи посебен играч appeared first on Република.

Францускиот фудбалер Пол Погба е позитивен и на вториот допинг тест извршен годинава.

Италијанската агенција АНСА, пред еден месец објави дека Погба (30), бил позитивен на тестостерон по стандардниот допинг тест кој го направи по мечот со Удинезе во август. Тогаш, Јувентус, на „Дачија Арена“ го победи Удинезе со 3:0. Погба натпреварот го гледаше од клупата за резерви, но по мечот беше повикан на допинг контрола.

Според италијанските медиуми, фудбалерот на Јувентус бил позитивен и на резултатите од вториот тест, објавени деновиве.

По ваквиот исход на тестот, Погба ќе биде суспнедиран, а одлуката за должината на суспензијата допрва ќе биде донесена. Италијанските медиуми веќе шпекулираат дека би можело да стане збор за суспензија од четири години, а евентуалната таква казна веројатно би значела и крај на кариерата на францускиот фудбалер.

The post Се соочува со казна да ја заврши кариерата: Погба повторно падна на допинг тестот appeared first on Република.

Романската тенисерка, Симона Халеп, е обвинета за второ прекршување на правилата за допинг поради „неправилности во нејзиниот спортски биолошки пасош. Како што пренесува „Би-Би-Си“, Халеп е суспендирана од октомври откако беше позитивна на нелегална супстанца на „УС Опен“.

Дополнителните обвинувања, кои се одвоени од овој случај, се однесуваат на неправилности забележани во нејзиниот спортски биолошки пасош.

Халеп била позитивна на „рокадустат“, лек против анемија кој го стимулира производството на црвени крвни зрнца.

На двократната Грен слем шампионка сега ѝ се заканува нова суспензија, но не се знае на колкав период.

The post Симона Халеп обвинета за второ прекршување на правила за допинг appeared first on Република.

Поранешната прва тенисерка на ВТА листата, Романката Симона Халеп, е суспендирана поради прекршување на антидопинг правилата.

Според објавата на официјалната веб-страница на ИТИА (Меѓународна агенција за интегритет во тенисот), кај Халеп е пронајдена нелегалната супстанца роксадат во А примерокот земен на допинг тест во август 2022 година, за време на УС Опен.

Триесет и едногодишната тенисерка побара да се провери примерок Б, но тоа само го потврдило прекршувањето на правилата.

Халеп е победник на 24 турнири под покровителство на ВТА во сингл. Романката ги освои Гренслем турнирите во Ролан Гарос (2018) и Вимблдон (2019).

The post Поранешната прва тенисерка на светот играла нефер: Симона Халеп суспендирана поради допинг appeared first on Република.

Фудбалерот на ЦСКА Софија, Георги Јомов, настапил допингуван на реванш натпреварот на домашен терен против Македонија Ѓорче Петров во рамки на 2. квалификациско коло во Конференциската лига, објавија од бугарскиот прволигаш.

Натпреварот во кој ЦСКА ја совлада Македонија ЃП со 4-0 и се квалификува во следната рунда се одигра на 28 јули во Софија, а УЕФА го известила бугарскиот клуб за позитивниот наод неколку часа пред реваншот на ЦСКА против швајцарски Базел одигран во четвртокот.

Софискиот клуб во клупското соопштение отфрли каква и е да одговорност за случајот со Јомов.

Сите витамини кои ги добиваат фудбалерите во тимот се од светски сертифицирани брендови и медицински одобрени. Земањето други супстанции надвор од програмата на клубот е строго забрането - се наведува во соопштението на нугарскиот клуб.

ЦСКА со вкупен резултат 2-1 беше елиминирана во плејофот од Базел и остана без пласман во групната фаза во Конференциската лига.

The post Ќе бара ли македонскиот клуб отштета: Софиска ЦСКА настапила со допингуван фудбалер против Македонија ЃП appeared first on Република.

Угледниот германски лекар Фриц Зергел долго време се сомнева дека Рафаел Надал користи недозволени супстанци.

Медицинскиот експерт Фриц Зергел, специјалист за допинг од Институтот за биомедицински и фармацевтски истражувања во Нирнберг, во интервју за германски Спорт 1 откри дека тенисот е на врвот на листата на спортови во кои допингот е најзастапен.

"Анаболичките стероиди се класика во тенисот. Затоа не сум изненаден. Следам настани со децении и имам јасна слика за се. Тенисот е во првите четири спортови кога е во прашање допингот, покрај зимските спортови, атлетиката и велосипедизамот“, рече Зергел.

The post Германски доктор е убеден: Надал се допинува подолго време appeared first on Република.

Во јавноста се појави документ од 2009 година, кој докажува дека Рафа користел недозволени супстанци, кои му биле припишувани заради лекување.

Пред 12 години Шпанецот доби медицинска лиценца за да може да ја користи забранетата супстанца бетаметазон заради лекување, бидејќи другите методи не дадоа резултати..

Надал имаше тешка операција во септември, по која можеше да оди само со помош на патерици, а за неполни четири месеци на неверојатен начин го освои Австралија Опен. Изгледаше нереално дека 35-годишен човек има повеќе енергија од Медведев, кој наскоро ќе наполни 26 години.

The post Се појавија документи: Дали Надал цело време игра под допинг? appeared first on Република.

Руската лизгачка Камила Валиева (15) доби позитивен резултат на допинг тестот, а познато е на кој меч „нападна“. Taa на ОИ изведе неверојатна точка која и пркосеше на гравитацијата.

Валиева била позитивна на забранетиот лек за срце пред Игрите во Пекинг, а примерокот наводно бил добиен пред Валиева да го освои Европското првенство минатиот месец во Естонија.

Таа користела „Триметаздин“, кој, според Агенцијата за лекови на Европската унија, е лек кој се користи за лекување на ангина пекторис и за лекување на симптоми на вртоглавица. Исто така, овој лек ја зголемува ефикасноста на протокот на крв и ја подобрува издржливоста.Се наоѓа на списокот на забранети супстанции на Светската антидопинг агенција во категоријата „модулатори на хормони и метаболизам“

The post Девојчето што и пркосеше на гравитацијата се допингувала со лек за срце appeared first on Република.

На социјалните мрежи се појави документ кој покажува дека Надал во текот на кариерата користел недозволени средства.

Станува збор за документ од 2009 година, кога Надал имаше проблем со повреда на рамото. Потоа добил лекарска дозвола да ја користи забранетата супстанца бетаметазон за лекување, бидејќи другите методи не функционирале.

Надал имаше операција на стапалото во септември, можеше да оди само со помош на патерици, но веќе беше на теренот во ноември.

Професорот д-р Ненад Дикиќ, основач на Антидопинг агенцијата на Република Србија и претседател на Здружението за спортска медицина на Србија бјасни за што се работи.

Во спортот имате супстанци кои спортистите можат да ги користат доколку се болни и се добива терапевтско ослободување. Тоа е редовна процедура и голем број спортисти кои имаат дијабетес добиваат инсулин кој е забранет, спортистите кои имаат астма добиваат бетагонисти кои исто така се забранети. Така Надал примил кортикостероиди додека бил повреден, но со дозвола на лекарот.

The post Надал допингуван победил на Австралија Опен?! appeared first on Република.