Во Дирекцијата на Јавното сообраќајно претпријатие „Скопје“ во Автокоманда денеска ќе бидат примопредадени шест нови еколошки автобуси на компримиран природен гас. Автобусите се донација за возниот парк на ЈСП од Европската Униуја преку проектот „ЕУ за чист воздух“.

Овие автобуси претставуваат значаен чекор на патот на Град Скопје кон намалување на емисиите, подобрување на квалитетот на воздухот и промовирање на одржлива урбана мобилност, соопшти Министерството за животна средина и просторно планирање.

На настанот е најавено присуство на амбасадорот на Европската Унија во Македонија, Михалис Рокас, првиот вицепремиер и министер за животна средина и просторно планирање, Изет Меџити, претставничка на УНОПС во Македонија, Микела Телатин, и градоначалничката на Скопје, Данела Арсовска.

The post ЈСП ќе добие шест еколошки автобуси донација од ЕУ appeared first on Република.

Во Основното јавно обвинителство за гонење на организиран криминал и корупција, во присуство на заменик амбасадорката на САД Никол Варнс, денеска и официјално е пуштена во употреба лабораторија за дигитална форензика.

Со поддршка на Амбасадата на САД се набавени неопходните хардверски и софтверски компоненти за хардверско и софтверско опремување во областа на дигиталната форензика во вредност од околу 500.000 американски долари. Опремата вклучува најсовремени форензички станици за работа во лабораториски услови, лап топ компјутери, ултраблок китови со врајт блокери за различни видови носачи на електронски податоци што ќе бидат предмет на анализа, како и форензички софтвери што се користат за исчитување и анализа на одземена или запленета електронска опрема. Во лабораторијата за дигитална форензика ќе можат непречено да се отвораат и декодираат одземените електронски уреди со цел да се пронајдат електронски докази што ќе бидат корисни за понатамошниот тек на постапките и кои како валидни, законски прибавени докази ќе се користат во постапка и пред судот.

Воедно, за потребите на аналитичкиот центар во Обвинителството, Амбасадата на САД донираше софтверска алатка Analyst’s Notebook 10 со помош на која се овозможува големи количини на податоци да се претворат во визуелни дијаграми, како мрежи на односи, временски линии и шеми на настани и на тој начин полесно да се откријат скриени врски и модели.

The post Пуштена во употреба лабораторија за дигитална форензика во ОЈО ГОКК appeared first on Република.

Во касарната „Илинден“ во Скопје, денеска, во 10:30 часот, се изврши примопредавање на донација на опрема од Република Турција за потребите на Армијата.

На настанот свое обраќање ќе имаат министерот за одбрана Владо Мисајловски, началникот на Генералштабот на Армијата, генерал – мајор Сашко Лафчиски и амбасадорот на Турција, Фатих Улусој.

Турската донација се состои од дронови, средства за врски, ноќни визири и интендантска опрема.

The post Турција донираше дронови и воена опрема за потребите на македонската Армија appeared first on Република.

Монитор за преглед на сите парамтери кај децата, како и инфузиони пумпи за секојдневна работа за прецизно дозирање на течности и лекови, се апарите кои ги добија вработените на Педијатрија во Клиничка болница (КБ)-Штип, од страна на Здружението „Поради живот“ од Шпанија.

Директорот на КБ-Штип, Владко Захариев и медицинскиот персонал на денешното предање на донацијата упатија голема благодарност на претставникот на здружението, Берарди Вебија.

Голема благодарност за донацијата што ја давате на работната единица за детски болести и се надевам дека ќе имаме и понатаму соработка и би сакал, исто така, на граѓаните да им кажам дека целта на оваа донација е да има зближување помеѓу народите низ целиот свет, вели Захариев.

Берарди Вебија од Здружението „Подари живот“ во Шпанија вели дека неговото мото е да помага на сите.

Мене ми е чест што сум во болницата за да ги донираме медицинските апарати и тоа со цел, за сите деца да можат да добијат вистинска дијагнозa. Со оваа цел, мене ми е чест за да може да помогне на многу деца и се надевам дека во иднина ќе купиме уште неколку апарати кои се потребни, бидејќи тоа ни е персонална сатисфакција, рече Вебија.

The post Нови медицински апарати донирани за штипска Педијатрија appeared first on Република.

Министерот за здравство доктор Арбен Таравари на Фејсбук информира дека Лазим Дестани донирал еден милион евра за Општата болница во Тетово.

Ме трогна овој дарежлив гест на Лазим Дестани кој штотуку донираше 1 милион евра за болницата во Тетово. Лазим е пример за добар човек, напиша Таравари.

Инаку, Дестани важи за најбогат Албанец во светот. Тој живее во Тетово, а неговото богатство се проценува на над 3 милијарди долари, пишуваат албанските медиуми.

Тој е сопственик на компанијата „Еколог Интернационал“.

The post Лазим Дестани донирал еден милион евра за Тетовската болница appeared first on Република.

https://republika.mk/zivot/kaleidoskop/da-pomogneme-stefan-se-bori-za-zdiv-da-donirame-za-nov-aparat/

The post Донирана е машината за дишење за Стефан appeared first on Република.

ИТНО🚨
Ве молам споделете, овде се работи за живот 🙏
Во државава нема резервен апарат за кој се бориме!
Малиот Стефан (6) од Кривогаштани од самото раѓање се бори со сериозна болест, мускулна дистрофија,не дише самостојно а машината која ја користеше е расипана, семејството не поседува резервна.
Најитно е потребно да му подариме здив, донирајќи за нов апарат ❤️
Кој колку може, од 100 до 6000 денари!
https://bit.ly/podari-zdiv-doniraj-respirator

The post Да помогнеме: Стефан се бори за здив, да донираме за нов апарат appeared first on Република.

Максим треба итно да направи 2 операции и истите ќе се изведат во Белград во болницата Свети Вид за што побрзо тој да може да се врати во школските клупи. Максим има сериозно влошена состојба која е пратена со гледање на дупли слики, отежнато читање и пишување.

За лекувањето на Максим се потребни 5.000 евра, а за неговата самохрана мајка оваа сума е тешко достижна без наша помош. Тимот на ecrowd.mk/, каде досега во експресно брз рок се собраа средства за голем број дечиња, сега е во мисија да му помогне и на Максим.

Донирајте на следниот ЛИНК

Да направиме сите заедно големо дело за ИЛИНДЕН!

The post Да направиме големо дело за Илинден: Ова е Максим, му требаат 5.000 евра за нормално да гледа! appeared first on Република.

Откако Џо Бајден се откажа од претседателската трка, Доналд Трамп брзо ја оцрни Камала Харис, која најверојатно ќе стане демократска кандидатка за претседател. Недолго откако Бајден ја објави својата одлука, на социјалните мрежи масовно почна да се шири информацијата дека Доналд Трамп донирал 5.000 долари за кампањата на Камала Харис во 2011 година. И тоа не била неговата единствена донација.

Тој, исто така, донирал 1.000 на Харис во февруари 2013 година на почетокот на нејзината кампања за реизбор за државен обвинител. Ќерката на Трамп, Иванка, исто така донирала 2.000 долари на Харис во јуни 2014 година.

Демократскиот конгресмен од Флорида, Џаред Московиц, твитна слика од чек со донацијата на Трамп за Камала Харис, нарекувајќи ја „мудра инвестиција“.

The post Трамп и Иванка донирале пари за Камала Харис appeared first on Република.

Хумани луѓе, ви благодарам за досегашните донации со кои ми дадовте надеж дека нема да го загубам видот и ќе можам да си ги видам најмилите! Поголемиот дел од средставата се собрани, останува да се соберат уште 20.000 евра за да ја победам трката со времето и болеста Neuomielitis Optica!

извор:ecrowd.mk

The post Да ги сочуваме очите на Дијана! Да донираме од срце! appeared first on Република.

Во рамките на кампањата за поттикнување на читачките навики „Читањето е супермоќ“, издавачката куќа „Арс Ламина“ донираше 600 изданија во основните училишта во Штип.
По реализацијата на едукативната презентација пред просветните работници од основните училишта во Општина Штип, „Арс Ламина“ донираше по сто книги и едукативни изданија за училишните библиотеки во шест училишта: ООУ „Ванчо Прке“, ООУ „Гоце Делчев“, ООУ „Димитар Влахов“, ООУ „Славејко Арсов“, ООУ „Тошо Арсов“ и ООУ „Страшо Пинџур“ – Карбинци.

– Со оваа донација, нашата цел е да ги збогатиме библиотечните фондови на училишните библиотеки и да ја продолжиме нашата мисија за поттикнување на читачките навики кај децата. Донацијата се состои од лектири и читанки од едицијата „Лесно читливо“, збирки, вежбанки и други дидактички и нагледни материјали. Благодарност до градоначалникот на Општина Штип – Иван Јорданов, и до раководителот на Одделение за образование, Роберт Аџипетров, кои го препознаа значењето на кампањата „Читањето е супермоќ“. Следниот период ќе продолжиме со презентации и во другите општини низ државата и со донации на книги во училиштата што ќе се вклучат во неа – велат од „Арс Ламина“.

Издавачката куќа „Арс Ламина“, на 15 јуни (сабота), со почеток во 11 часот, во книжарницата „Литература.мк“ во „Дајмонд мол“, ќе го организира литературно-музичкиот хепенинг „Читањето е супермоќ“, со кој ќе биде заокружена кампањата за поттикнување на читачките навики кај децата, за оваа учебна година.
На настанот ќе бидат наградени победниците на истоимениот литературен и ликовен конкурс „Читањето е супермоќ“, што беше спроведен во градинките и во основните училишта во целата држава.  Децата од градинките учествуваа со ликовни творби на тема „Во светот на приказните“, а учениците од основните училишта со ликовни и литературни творби на тема „Во светот на книгите“.

The post Основните училишта во Штип добија донација од 600 книги appeared first on Република.

МИНИ ТРЧАЈ БЕ ќе се одржи во недела на 9 јуни, на градското шеталиште во Битола со почеток во 11 часот.

Дворот на општина Битола беше точка за едукативна и атлетска соработка бидејќи наставниците по физичко образование и директорите на основните училишта се собраа да добијат донации. Овие донации, обезбедени од организаторите на познатата градска трка Трчај бе и Атлетската федерација на Македонија, опфатија основна атлетска опрема за 12 основни училишта во општина Битола и 3 во општина Могила.

Како дел од кампањата за пријавување на трката под слоганот “Мали чекори за големи соништа”, претходно организаторите донираа и 50 стартни пакети за децата од социјално загрозените семејства, обезбедувајќи повеќе деца да имаат можност да учествуваат и да уживаат во трката.

Овој гест е доказ за посветеноста на организаторите Трчај бе и  на Атлетската федерација на Македонија во поддршката и на децата и на едукаторите посветени на негувањето на младите атлетски таленти. На настанот присуствуваа Никола Димитровски-организатор на Трчај бе, Димитар Петровски-секретар на Атлетската федерација на Македонија и градоначалникот д-р Тони Коњановски, заедно со претставници на училиштата, за да ја предадат донацијата.

Никола Димитровски, организаторот на Трчај бе изјави: „Сите ние сакаме да ги поддржиме нашите училишта и да им ги дадеме на децата алатките што им се потребни за здрав, активен живот. Битола има богата историја во атлетиката со АК Олимп кој замре и се подзаборави, па ние го возобновивме со раѓањето на големата трка пред шест години, враќајќи го атлетскиот дух на градот кој дал незаборавни национални рекорди. Денес, новите спортски надежи на битолската атлетика нижат успеси, не се враќаат од натпревар без освоен пиедестал. Оттука и идејата за детско издание на Трчај бе, под името Мини Трчај бе кое го започнавме минатата година, не е само трка, тоа е прослава на иднината на нашите млади идни спортисти“

Димитар Петровски, секретарот на Атлетската федерација на Македонија, истакна: „Оваа заедничка иницијатива меѓу АФМ и Трчај бе ја покажува нашата посветеност за негување на младите таленти и промовирање на атлетиката во сите заедници. Горди сме што стоиме со Оштина Битола во ова и се трудиме и работиме на поттикнување на интересот за атлетиката во помалите општини, па таков пример е  Могила. Оваа донација е доказ за нашата посветеност. И така продолжуваме”.

Градоначалникот д-р Тони Коњановски изрази благодарност истакнувајќи: „Денешниот настан е светол пример за тоа како соработката и духот на заедницата можат да направат вистинска разлика.

Битола е град на спортот, горд сум што има бројни спортски клубови и здруженија кои го поддржуваат спортскиот развој на нашите деца. А овој пример на Трчај бе со АФМ е добар начин за поврзување на клубовите со образованието и заедницата. Со нетрпение очекуваме да ја видиме радоста и возбудата на лицата на нашите млади учесници оваа недела“.

The post МИНИ трчај, бе, в недела во Битола- донирана атлетска опрема за 12 основни училишта appeared first on Република.

Во касарната „Илинден“ во Скопје денеска ќе биде предадена донација од 76 моторни возила од Кралството Норвешка.

Седумдесет и шесте моторни возила, од кои триесет и шест се лесни пешадиски моторни возила од типот Мерцедес бенз- 290ГД, Мулти 2 и четириесет товарни моторни возила камиони Сканија-П3, се последен од досегашните многубројни проекти на континуирано одличната соработка во полето на одбраната помеѓу Република Македонија и Кралството Норвешка, велат од Министерството за одбрана.

На настанот ќе се обратат министерката за одбрана Славјанка Петровска и началникот на Генералштабот, генерал-потполковник Васко Ѓурчиновски, амбасадорката на Кралството Норвешка за Македонија, Кристин Мелсом и бригадниот генерал Андрес Јернберг, командант на логистика на Вооружените сили на Кралството Норвешка.

На чинот на официјалното предавање ќе присуствува и раководството од Министерството за одбрана и Генералштабот, генерали во Армијата и команданти од единици.

The post Кралството Норвешка донира 76 возила за Армијата на Македонија appeared first on Република.

Чешкиот амбасадор Јарослав Лудва заедно со министерот за здравство Илир Демири официјално предаде инкубатор од чешката фирма ТСЕ Ческе Будјејовице.

„Оваа опрема од ТСЕ е уште една потврда за пријателските врски помеѓу нашите две земји. Сигурен сум дека овој инкубатор со висока технологија понатаму ќе го унапреди угледот на клиниката во Чаир и ќе спаси многу бебешки животи,“ рече чешкиот амбасадор Јарослав Лудва.

Финансирањето на проектот беше обезбедено од Чешката агенција за развој заедно со македонската фирма Промедика.

The post Чешка донираше инкубатор за бебиња на клиниката „Мајка Тереза“ во Чаир appeared first on Република.

Од срце за Јани !
Јани има 18 години, заради опасна повреда на вратот и р’бетот, заврши неподвижен со Tetraplegija Paraplegija. Заради непостоење на соодветна клиника во Македонија, ниту покривање од ФЗО, за лекувањето на Јани во Грција ни треба Ваша помош, во надеж дека Јани ќе застанеме пак на нозе.

Повеќе детали за начинот и сумата за донирање може да се прочитаат на страната на ecrowd.mk

The post Да помогнеме: Од срце за Јани! appeared first on Република.

„Струшки вечери на поезијата“ ѝ донираше на Градската библиотека „Браќа Миладиновци“ шеесеттина наслови од нивната богата издавачка продукција, кои сега се достапни и за читателите на Градската библиотека, информираат оттаму.

Изданијата добија посебна полица во Одделот за странска литература (популарниот Британски оддел) и ќе можат да се користат само во просториите на Библиотеката

Снежана Стојчевска, директорката на ГБСК и Тодорче Тасевски директорот на СВП, разговараа и за понатамошното збогатување на збирката, како и за идни соработки меѓу двете институции.

The post 60 наслови од издавачката продукција на „Струшки вечери на поезијата“ од денеска во Градската библиотека „Браќа Миладиновци“ appeared first on Република.

Украинските медиуми ја прогласија пејачката Ана Асти за предавничка на Украина затоа што донирала 10.000 долари за фамилиите на загинатите и ранетите во терористичкиот напад во „Крокус Сити“ центарот во Москва.

Се случи страшна трагедија, па затоа е важно да им се даде поддршка на засегнатите“, порача пејачката за причините зошто се одлучила да донира.

Според последните информации од Русија, бројот на загинатите во терористичкиот напад надмина 140 луѓе.

The post Украински медиуми ја прогласија пејачката Ана Асти за предавник затоа што донирала за жртвите од терористичкиот напад во Москва appeared first on Република.

Министерот за здравство Илир Демири и заменик министерката за здравство д-р Маја Манолева денеска присуствуваа на потпишувањето нови грант-проекти во рамки на Јапонската програма за мали грантови за основни потреби и човечка безбедност, во организација на Амбасадата на Јапонија. Директори на три јавно здравствени установи потпишаа договори со јапонската амбасада.

Со овие грантови се опфатени три јавни здравствени установи, како што се: Специјализираната болница за геријатриска и палијативна медицина „13 Ноември“ - Скопје, која се зајакнува со нов апарат за ултразвук; Универзитетската клиника за дигестивна хирургија, каде е предвидено реновирање на подовите и вратите; додека за Здравствениот дом Неготино е предвидена набавка на нов дигитален рендген апарат, изјави министерот за здравство Демири на потпишувањето.

Амбасадата на Јапонија е наш партнер во заложбите за унапредување на квалитетот на здравствените услуги и зајакнување на капацитетите на јавното здравство. Показател за одличната соработка која ја негуваме со Јапонија и јапонската амбасада се бројните реализирани проекти во областа на здравството и вредните инвестиции кои досега се реализирани во над 70 јавни здравствени установи низ целата држава, кажа Демири.

Тој се заблагодари до амбасадорот Оцука Казуја и јапонската амбасада за овој значаен придонес честитајќи 30 години дипломатски односи помеѓу Македонија и Јапонија.

The post Јапонија преку грантови донираше пари за да се купи нов апарат за ултразвук, дигитален ренген апарат и да се реновираат подовите и вратите на Клиниката за дигестивна хирургија appeared first on Република.

Во Македонија само пет илјади граѓани доброволно се запишале во македонскиот дарителски регистар на коскена срцевина. За разлика од кај нас, во Хрватска има 70 илјади доброволни дарители. Апелирам до граѓаните да се запишуваат во Регистарот, порача денеска директорката на Клиниката за хематологија д-р Ирина Пановска Ставридис.

Националната кампања „Биди срцевина, биди херој“ почна во 2019 година со цел зголемување на бројот на доброволни донори на матични клетки и беше поддржана од Министерството за здравство, Универзитетската клиника за хематологија и Институтот за имунологија и хумана генетика, кадешто се наоѓа Националниот дарителски регистар на коскена срцевина.

Секој возрасен здрав човек на возраст помеѓу 18 и 50 години во Институтот за имунологија и хумана генетика може да дарува коскена срцевина и да спаси човечки живот.

Во моментот на Клиниката има четири трансплантирани пациенти кои се надевам дека од понеделник ќе ги качиме на новиот оддел кој ќе почне да функционира со полн капацитет. Исто така има уште десетина кои чекаат да бидат трансплантирани. За жал, ентузијазмот кај нашите граѓани не е голем за да се запишат во Регистарот. Имаше кампања „Биди херој, биди срцевина“, која дури и во време на ковидот кампања одеше напред, меѓутоа мора да заживее, изјави денеска д-р Пановска Ставридис на отворањето на Центарот за трансплантација на хематопоетски матични клетки на Клиниката за хематологија.

Овој центар е сместен на целосно нов кат на површина од 800 м2, донација на Амбасадата на САД, кои преку Европската команда на американската армија финансиски ја поддржаа изградбата со еден милион евра. Останатите средства се обезбедени од ФЗО со поддршка од Министерството за здравство и Владата.

Д-р Пановска - Ставридис апелира до граѓаните да се запишуваат во Регистарот.

Навистина многу малку треба. Да дојдат на Институтот за имунологија, доколку е поголема работна организација, ние можеме да организираме акција и во нивната организација, само една епрувета крв, согласност и пет минути од времето и стануваат потенцијални спасувачи на живот, кажа д-р Пановска - Ставридис.

Директорката на Клиниката за хематологија кажа дека мината година имале две донации, македонски граѓани кои им спасиле живот на Македонци, со кои не се познавале меѓусебе и не биле роднини.

Едната беше докторка, другата беше пациентка која се пријавила за братот кој бил болен да ја типизираат, но не била идентична со братот, а излезе идентична со друг пациент. И тие два пациента се добри, рече д-р Пановска Ставридис.

Министерот за здравство Фатмир Меџити кажа дека за ова прашање веќе зборувал со неколу поглавари на верски заедници.

Овој дел ни е многу битен и ќе ги повикаме заедно со вас медиумите, да седнеме со нив да ја подигнеме свеста и да спасиме животи, изјави Меџити.

The post Во Македонија само пет илјади граѓани се регистирале за донирање на коскена срцевина, надлежните апелираат да се зголеми бројот appeared first on Република.

Со донацијата на 6.000 литри екстра лесно масло за греење, компанијата ОКТА по втор пат го обезбеди вкупното годишно количество гориво потребно за затоплување на една од куќите на СОС Детско село, во која живеат младинци без родителска грижа.

Ни претставува особено задоволство што втора година по ред имаме можност да помогнеме во обезбедувањето топол дом за младите згрижени во СОС Детско село. Со оваа донација ќе биде задоволена вкупната годишна потрошувачка на гориво за греење на младинската куќа лоцирана во Радишани. На овој начин ОКТА продолжува со реализација на својата заложба да биде одговорен член на заедницата, обезбедувајќи подобри услови за живот за најранливите категории граѓани, изјави Марија Ставрева, менаџер за корпоративна општествена одговорност во ОКТА АД - Скопје.

Во младинските куќи на СОС Детско село се згрижени младинци на возраст над 14-годишна возраст, каде оваа хуманитарна организација им обезбедува 24-часовна поддршка, грижа и помош, со цел младите да се подготват и оспособат за целосно независен и самостоен живот, како и нивна понатамошна ефективна интеграција во општеството.

Благодарни сме што низ повеќегодишната соработка на неколку проекти, ОКТА прерасна во вистински долгорочен партнер на СОС Детско село. Таквите партнерства се особено значајни и драгоцени за нас, затоа што на организацијата ѝ овозможуваат полесно и долгорочно да ги планира своите активности, за децата да можат безгрижно да им се посветат на своите дневни обврски во образованието, но и да се подготват за вклучување во заедницата како самостојни личности, истакна Силвија Брајовиќ, раководител на фондот за собирање средства од СОС Детско село Македонија.

На донаторскиот настан кој што се случи денес во младинската куќа во Радишани учествуваа и кошаркарите Војдан Стојановски и Дамјан Робев од националната кошаркарска репрезентација кои се дружеа со младинците згрижени во СОС Детско село и разговараа за тоа како се станува успешен спортист. Младинците добија потпишани кошаркарски топки и дресови, а беа поканети да присуствуваат на претстојните репрезентативни натпревари кои ќе се одиграат во Скопје. ОКТА е главен спонзор на националната кошаркарска репрезентација во претквалификациите за Олимписките игри 2024 и во квалификациите за Евробаскет 2025.

The post Донација на ОКТА за топол дом на младинците од СОС Детско село appeared first on Република.