Почина последниот припадник на бразилското староседелско племе во домородната област Танару, во сојузната држава Рондонија, кое немало контакт со друга цивилизација.

Како што соопштија од бразилската Национална агенција за заштита на домородното население – ФУНАИ, на 23 август, службеници на ФУНАИ го пронашле телото на мажот во лежалка во кабина. Немало знаци на борба, насилство или присуство на други луѓе.

Тој починал од природна смрт, а неговото тело ќе биде дадено на вештачење - соопшти Агенцијата.

Познат како „Човекот од дупката“, тој последниве 26 години одбивал контакт со други луѓе и живеел во целосна изолација во Танару, длабоко во бразилска Амазонија. Прекарот го добил поради неговата навика да прави длабоки дупки за да се скрие, но и за да лови животни.

Се претпоставува дека остатокот од неговото племе можеби бил истребен во поголем број судири со сточари и дрвосечачи во 1980-тите и 90-тите, врз основа на сличен случај со друго изолирано племе во истата област.

The post Живееше сам без контакт со каква било друга цивилизација: Почина последниот припадник на бразилско племе во Амазон appeared first on Република.

Канада ќе исплати 40 милијарди канадски долари (28 милијарди евра) отштета за домородните деца кои биле насила одземени од нивните семејства и ставени во системот на социјална помош.

Договорот прредвидува 20 милијарди канадски долари (еден канадски долар чини 42,8 денари) за потенцијално стотиците илјади домородни деца кои биле одземени од семејства и немале пристап или имале проблеми да пристапат до јавните услуги.

Дополнителни 20 милијарди канадски долари се наменети за реформи за социјалната заштита во следните пет години.

Договорот за компензација е постигнат речиси 15 години откако Здружението на канадски староседелци поднесе тужба поради кршење на човековите права.

https://republika.mk/vesti/svet/desetina-crkvi-vo-kanada-vandalizirani-kako-odmazda-za-zlostorstvata-vrz-deca-od-domorodnoto-naselnie/

Канада призна дека нејзиниот систем е дискриминаторски, но постојано одбива да плати компензација и да ги финансира реформите.

Ова е најголем финансиски договор од ваков вид во канадската историја, а конечниот договор мора да биде финализиран до 31 март оваа година.

The post Канада ќе плати 40 милијарди долари отштета на домородните деца насила земани од нивните родители appeared first on Република.