Пред војната во Газа, Израел увезуваше околу 1.200 тони домати неделно од Турција, што претставуваше 30% од неговата потрошувачка. Кога овој увоз престана, се појави криза бидејќи домашното производство на домати во Израел, со центар во западниот дел на Негев во близина на Газа, беше нарушено од конфликтот. Израел првично увезуваше 500 тони домати од Јордан, но тоа не беше доволно за да се задоволи побарувачката и немаше друга алтернатива. Како што растеа цените на овошјето и зеленчукот, фрустрирајќи ја јавноста, решението дојде тивко од Турција.

По долги владини дискусии, израелските реакции против турскиот претседател Реџеп Таип Ердоган беа повлечени и Израел одлучи да не прибегнува кон бојкот на турски прозиводи. Причината стана јасна - доматите. Зад сцената, Израел доби речиси 700 тони турски домати за само една недела, заедно со друга стока, што помогна да се олесни кризата.

Накратко, и Израел и Турција се согласија за начините за заобиколување на бојкотот кој официјално остана на сила. Трговците од двете земји, со одобрение од владата, управуваа со процесот. За да се избегне прекршување на законот, стоката е означена како наменета за Палестина и е регистрирана на палестинските трговци на Западниот Брег, кои добиваат голема провизија. Вообичаено, стоката наменета за палестинските власти поминува низ израелските пристаништа. По царинењето, палестинските посредници ја добиваат стоката и им ја предаваат на израелските трговци. Како што системот стана рутински, палестинските трговци повеќе не мораа воопшто да се појавуваат и израелските трговци го презедоа транспортот, испраќајќи провизии директно до Палестинците.

Периодов се дозна дека со наредба на израелското Министерство за земјоделство од 26 август е дозволен увоз на турски домати и покрај забраната, користејќи трета земја како покритие, под услов трасата да биде јасно документирана.

Прашањето е: дали пристапот на Турција е единствен или други земји исто така бојкотираат, но бараат начини да ги одржат врските со Израел?

Д-р Моше Бен-Давид, 72-годишен историчар и поранешен службеник на израелското разузнавање, тврди дека денешните бојкоти се неефикасни и лесно може да се најде начин да бидат заобиколени.

The post „Домат дипломатијата“ тивко го прекинува бојкотот меѓу Турција и Израел со посредство на Палестина appeared first on Република.

Сè почесто слушаме коментари дека доматот нема ист вкус како порано, дека е пластичен и дека на некои луѓе воопшто не им годи кога ќе го изедат.

Доматот содржи многу витамини и минерали што му се неопходни на нашето тело, но само ако е природно одгледуван

Постои многу лесен начин да утврдите дали е прскан и дали има многу пестициди во него. Добро погледнете ја неговата внатрешност.

Пресечете го и внимателно погледнете го – обично доматот со токсини има жолтеникави линии, со жолт дел во средината.

The post Како да препознаете дали доматот е прскан и полн со хемии appeared first on Република.

Доматите се омилен зеленчук на многу луѓе поради нивниот освежителен вкус. Може да се јадат свежи, варени, како состојка во салати, сосови, супи и во многу други јадења. Нивниот слатко-кисел вкус одлично ги дополнува различните кулинарски креации, што ги прави незаменлив дел од многу рецепти. Одгледувањето домати може да биде предизвик, но со малку труд, секој може да ужива во сопствениот домашен производ. Ним им требаат доволно сонце, плодна почва и редовно наводнување, како и поддршка во форма на стапчиња или решетки за да се развиваат стабилно и да даваат плод. Редовното плевење и заштитата од штетници и болести се неопходни за здрав раст на растенијата.

Иако бараат внимание и грижа, наградата дефинитивно вреди да се вложи труд. Нема ништо поубаво од вкусот на домашните домати, кои штотуку се собрани од вашата градина, многу позрели и поароматични од оние купени во продавница. Освен што се вкусни, доматите се и многу здрави, богати со витамини и антиоксиданти што придонесуваат за општото здравје.

Многу луѓе не јадат доволно често домати, а има многу причини зошто треба да ги вклучите во вашата секојдневна исхрана. Истражувањата покажуваат дека ликопенот, присутен во доматите, може да го спречи развојот на клетките на ракот, особено ракот на простата, желудникот и дебелото црево. Интересно е тоа што варените домати содржат поголемо количество ликопен од суровите домати.

Доматите се богати и со витамин Ц, кој влијае како природен антиоксидант. Освен тоа, содржат и витамин А, железо и калиум, кои се клучни за здравјето на нервите и за одржување на нормалната циркулација на крвта. Витаминот К, присутен во доматите, е важен за правилно згрутчување на крвта. Редовното консумирање домати исто така ќе ѝ помогне на вашата кожа да остане здрава и блескава. Доматите можат да ја намалат штетата предизвикана од пушењето бидејќи содржат кумарин и хлорогена киселина, супстанции што помагаат да се неутрализираат штетните ефекти. Доколку сакате да ослабете, доматите се одличен избор. Нискокалорична и богата со влакна, оваа намирница ќе ви помогне да се чувствувате сити подолго време.

The post Истражувањата покажуваат дека ликопенот, присутен во доматите, може да го спречи развојот на клетките на ракот appeared first on Република.

„Ајмо, уживанција“, „Најубаво“, „Е така се летува“, се само дел од илјадниците коментари под видеото на Ибро, кој ја покажа својата гозба на плажа во Хрватска.

@h.ibro28 #Argeta ♬ original sound - Croatia

Паштета, мајонез, салама, домати, два намази, млад кромид, кифлички, сол и сок беа дел од гозбата на еден млад човек на Јадранот кој сето тоа го стави пред себе на пешкирот, поради што ја доби титулата на „елитен патлиџан турист“ .

Бидејќи на многумина им било чудно што ја има целата плажа за себе, се прашувале во кое време е направена снимката, како и на која плажа е снимена.

Плажа Никола. Ова беше вечера за мене, снимав околу 18 часот попладне, напиша тој.

The post „Ајмооо уживанција“ велат сите на оваа гозба на плажа во Хрватска appeared first on Република.

Министерот за земјоделство, шумарство и водостопанство Љупчо Николовски денеска објасни дека за доматите, краставиците и пиперот не се намалуваат увозните царински давачки во октомври и ноември зашто тогаш производството е најголемо. Со тоа, рече, ќе се оневозможи маркетите и пазарите да бидат преплавени со домати, пипер и краставици од други земји.

Според Николовски, земјава секогаш ќе увезува и ќе извезува, но мора, пред се, да се штити домашното производство и да се овозможи, како приоритет, најпрво домашниот пазар да се снабди со наши, македонски производи.

Се изборивме клучните производи, за кои имаме производство во октомври и ноември, целосно да бидат изземени овие два месеца од Одлуката за намалување на царинските давачки. Тоа се доматите, краставиците и пиперот зашто, ако ги прочитате бројките, немаме поголем увоз, туку имаме три пати поголем извоз во овие два месеца. И во периодот кога е извозот, односно кога го имаме производството, царината нема да биде намалена. И оризот е целосно исклучен од Одлуката зашто беше предлог и оваа култура да биде со намалена царинска стапка. Наша надлежност е да ги поддржуваме домашните производители. Проверете ги количините, да зборуваме со факти. Зборувам за најголемото домашно производство и ќе повторам сто пати, дека пиперот, доматите и краставиците се најголемото македонско производство со кое треба да се гордееме. Тие се бренд на државата. Има три пати поголем извоз во овој период и затоа не дозволивме да се намалат царините, за да не бидат пазарите и маркетите преплавени со други производи од надвор - изјави Николовски, одговорајќи на новинарски прашања.

На прашањето, зошто увезуваме кромид од Египет и пипер од Хрватска, Николовски повтори дека нашето производство го има и тука, но и се извезува.

Да повторам. Три пати поголем извоз на македонски домати, пиперки и краставици има во последните два месеца, тоа се факти и бројки. За кој увоз зборуваме кога имаме три пати поголем извоз? Затоа е нашата борба, за клучните производи. Во ноември, декември, јануари и февруари, за жал, одредени производи немаме и тогаш, заради крајните потрошувачи, заради намалување на цените, логично е да се намалат и царините. Но, во секој период кога имаме интензивно домашно производство ние македонските производители сме ги заштитиле и апелираме - да, знаеме дека се обезбедуваат повисоки цени надвор од државата, но мора да имаме развиено национално чувство и интенцијата треба да биде да ги задоволиме домашниот пазар и домашните потреби - рече Николовски.

Ако има нови одлуки за нови ограничувања, постапки и нови политики во делот на цените за што е задолжено Министерството за економија, МЗШВ, дополни, ќе ги разгледа и ќе даде соодветни мислења како оние за последната владина одлука кога се предложи да се намалат царините на сите производи, вклучувајќи ги доматот краставиците и пиперките.

Во следните два месеца овие наши производи се барани, цената на регионалните пазари е поголема и од тоа нашите производители добиваат повеќе, не помалку. Но, навистина, сите имаме обврска и ќе ја спроведуваме кампањата во таа насока за да ја пратиме порака дека домашниот пазар и домашните потрошувачи треба да бидат задоволени од домашни производи. Значи, прво да ги задоволиме домашните потреби, па потоа да извезуваме. Знаеме дека цената на извезените производи е поголема зашто се барани овие македонски производи, но обезбедивме следните два месеца, во октомври и ноември, на барање на производителите, за овие производи чие производство ќе биде големо, воопшто да нема намалување на царината и Владата тоа го прифати - повтори Николовски.

Негова оценка е дека ако не се субвенциите, половина од производителите ќе се откажат и ќе ги напуштат нивите.

Секогаш ќе извезуваме и ќе увезуваме. Наша обврска е, сто пати ќе повторам, да ги поттикнеме македонските производители. Ако не се субвенциите половина од производителите ќе се откажат и ќе ги напуштат нивите, да не се новите програми ќе имавме сериозен пад на производството. Зошто во последната година имаме зголемување на површините и нови 2 000 договори, зошто лани имавме рекордни цени на јачменот, пченицата, тутунот, грозјето, на се што произведуваме? Нашата цел е производителите да не се откажат, туку да ги задржиме, а секако, секогаш ќе има и увоз и извоз, тоа секогаш било и така ќе остане, но на крајот, ако сакаме да ја јакнеме економијата треба да имаме зголемен девизен прилив. Се радуваме и се гордееме со најголемиот девизен прилив што го имаме од тутунот, зошто тоа не се прашува? Зошто не прашаме еднаш за тоа дека сме 13. земја по извоз на вино и грозје што е огромен девизен прилив?, потенцира министерот.

Владата на 28 септември донесе одлука за намалување на увозните давачки на свежи домати, краставици и пиперки која ќе важи од 1 декември годинава до крајот на февруари догодина.

The post За доматите, краставиците и пиперот не се намалуваат увозните давачки во октомври и ноември, зашто тогаш производството е најголемо appeared first on Република.

Овошјето и зеленчукот не биле никогаш поскапи како сега, поради тоа многу граѓани годинава не планираат да прават ајвар, лутеница, малиџано, џемови, слатка, туршии… На зелените пазари, килограм црвени пиперки ајварки се продаваат од 80 до 100, везенките по 100 денари, доматите по 80 денари, модриот патлиџан, зависно од големината, од три до пет парчиња за 100 денари, краставиците 90 денари…

Земјоделците велат дека зголемените цени на овошјето и на зеленчукот годинава се должат на климатските промени и на намаленото производство. Граѓаните коментираат дека годинава ќе останат без традиционалниот ајвар и без другите зимски специјалитети, за чија подготовка ќе им требаат 200 евра.

Претседателот на Сојузот на земјоделците од Струмица, Ристо Велков, за весникот ВЕЧЕР вели дека цените се високи бидејќи нема доволно количини, а и климатските промени си го направиле своето.

Причината за високите цени се намалените површини, климатските промени и немањето работна сила. Површините со ајварка годинава се намалени за 20 отсто поради климатските промени, родот е проретчен, а мал дел од пиперот е оштетен од дождот и од градот, вели Велков.

Тој додава дека откупната цена на ајварката во Струмица е 40 и 50 денари за килограм, а на пазарите се продава по 80 и 100 денари за килограм. Лутиот пипер се откупува по 60, а благиот по 50 денари за килограм. Ова покажува дека трговците се тие што го собираат кајмакот во државата за сметка на граѓаните и на земјоделците.

Поради малите количини, очекуваме годинава брзо да се продаде и втората берба. До крајот на септември ќе се заврши со бербата на ајварката за разлика од други години, кога имало пипер и во октомври, вели Велков.

Повеќе на Вечер

The post Годинава не се прави ајвар без 200 евра appeared first on Република.

МЗШВ и Љупчо Николовски наместо да се грижат за тоа каква храна јадат граѓаните, дозволуваат увоз на зеленчук со поголемо ниво на пестициди од дозволеното, обвини на денешната прес-конференција Цветан Трипуновски, претседател на Комисија за земјоделство, шумарство и водостопанство во ВМРО-ДПМНЕ.

https://republika.mk/vesti/makedonija/vo-skopje-se-prodavaa-domati-koi-trebashe-da-bidat-unishteni-ili-vrateni-a-ne-da-se-pravat-salati-so-niv/

Откако го урнисаа македонското земјоделство и го направија увозно зависно, почнаа да увезуваат отровен зеленчук од соседството. До мене стигнаа документи од анализи на Државната фитосанитарна лабораторија при увоз на зеленчук во Македонија од Албанија, од кои се гледа присуство на пестициди повеќе од дозволеното. Ова се документи од МЗШВ, од државната фитосанитарна лабораторија, со документ и печат на институцијата заведени со број 10802-409/2 и 10802-372/2, од кои јасно се гледа дека Државната фитосанитарна лабораторија направила анализа на увезена крставица и домат за утврдување на присуство на пестициди. Наодот од анализата утврдува присуство на пестициди над дозволената граница, рече Трипуновски.

Според неговите сознанија, неколку камиони со отровен зеленчук се влезени во Македонија и пуштени во промет. Ова се доказите.

https://youtu.be/MKDZWMZz6ck

Граѓаните освен што јадат скапа храна, јадат и небезбедна храна. ЈО мора веднаш да реагира. Немаме време за комисии, работни тела и инспекции, потребни се итни мерки, брзи истраги и одговорност. Овој штетен зеленчук може да завршил на пазарите во Скопје, Тетово, Кавадарци, Гостивар, Штип, Велес, буквално низ целата територија на Република Македонија. Колку треба да биде профитот на некој поединец за да се дозволи труење на сопствените граѓани од страна на власта? Ваква операција на труење на сопствените граѓани, не може да се спроведе без знаење на Љупчо Николовски и Николче Бабовски. Бараме веднаш одговор и одговорност од директорот Николче Бабовски и министерот Љупчо Николовски. Оставки за овој скандал мора да има, сподели тој.

Истовремено, Трипуновски побара веднаш да се отвори истрага против Љупчо Николовски, како и за сите вмешани во процедурите за испитување при увоз на храна.

Потребна е целосна ревизија и заострување на мерките при увоз на храна. Будно ја следиме ситуацијата, и порачуваме дека одговорност за ова ќе има. Доколку ЈО го премолчи и ова, тогаш идната влада на ВМРО-ДПМНЕ уште во првиот ден од преземањето на власта ќе отвори постапка и ќе изврши истрага кој и зошто допуштил македонските граѓани да консумираат небезбедна храна, рече тој на денешната прес-конференција.

The post Документи: Отровен зеленчук увезен од Албанија appeared first on Република.

Документ со анализа на домати направен во лабораторијата на Факултот за ветеринарна медицина во Скопје покажува дека во земјава сепак влегле домати со недозволена концентрација пестициди. Пред десетина дена на социјалните мрежи се појави информација дека 10 камиони небезбедни домати со потекло од Албанија се увезени во Македонија и дека се опасни по здравјето на луѓето. Веднаш потоа Агенцијата за храна и ветеринарство испрати демант до сите медиуми во кој се вели дека оваа информација е лага.

Но, анализите до кои дојде редакцијата на МКД.мк и за кои побара толкување од професорката од Земјоделскиот факултет Станислава Лазаревска, покажуваат дека во доматите кои се испитувале има една забранета состојка и една состојка со количина над дозволената.

Состојката хлорперифос метил која ја има во анализите е забранета, односно се работи за активна материја која не е дозволена во земјоделската регулатива. Од јануари 2020 година постои забрана за увоз на производи кои ја содржат оваа состојка и ако често се конзумираат производи кои ја имаат, тие доведуваат до хронични промени на здравјето на луѓето. Ние имаме регулатива за внес на храна која е усогласена со европската и е многу строга, само треба да се почитува. Ако се утврди дека има производ со овој инсектицид, тој требало да се врати или да се уништи, но никако да се увезе. Хлорперифос метил не смее да има во ниту еден производ. Втората состојка од анализите, перимифос метил има вредност која е поголема од дозволената, значи и тоа не е во ред. Сѐ што е забрането или во зголемена вредност не смее да се увезува и да имаме такви производи, вели во изјава за МКД.мк професорката Лазаревска толкувајќи ги анализите.

И токсикологот Андон Чибишев реагира дека се работи за хемикалии кои припаѓаат на групата на пестициди кои според хемискиот состав се органофосфорни соединенија и се користат воглавно како инсектициди.

Се работи за исклучително токсични хемикалии кои во САД и Европската унија се забранети да се користат во земјоделството. Според Законот за хемикалии и во Македонија овие токсични супстанции се ставени во препарати кои се штетни за човековото здравје и треба да се користат под строго утврдени правила.
Инаку, внесени во човековиот организам доведуваат до пореметување на одредени метаболни процеси при што со блокирање на одредени ензими доаѓа до натрупување на други материи кои во високи концентрации можат сериозно да го нарушат здравјето.
Имаат афинитет кон периферниот и централниот нервен систем, кардиоваскуларниот и респираторнит систем и можат да го нарушат видот.
Внесени во поголема количина можат да го загрозат и животот а внесувани хронично во помали количини можат на пократок и подолг рок сериозно да го нарушат човековото здравје.
Соодветните државни институции се на потег, вели тој.

The post Во Скопје се продавале домати кои требаше да бидат уништени или вратени, а не да се прават салати со нив appeared first on Република.

Агенцијата за храна и веринарство ги демантира и ги оценува како груби лаги вчерашните објави на социјалните мрежи за наводен нелегален увоз на 10 камиони со небезбедни домати од соседна Албанија.

Груба невистина анонимно пласирана преку социјалните мрежи е вчерашниот обид на граѓаните да им се протне лагата дека е доведено во опасност нивното здравје поради наводниот нелегален увоз на 10 камиони со небезбедни домати по потекло од соседна Албанија. Според анонимниот загрижен автор на пораката, наводно станува збор на домати кои како небезбедни поради утврдено зголемено присуство на тешки метали и пестициди се вратени од увоз од Босна и Херцеговина или од Република Црна Гора. Како одговорна институција за безбедноста на храна, уште поодговорно тврдиме дека ваков таканаречен увоз не е можен, бидејќи пратки со храна, вклучително и со домати кои како небезбедни се вратени од увоз во други земји освен да транзитираат, не смеат да се увезат во државава, соопшти од АХВ.

Посочуваат дека од почетокот на годинава од вкупно увезените 1.819.306 килограми домати по потекло од Република Албанија нема вратено ниту една пратка како небезбедна. Во неделата (14.05.2023 година) преку инспекциското место на ГП Табановце кое работи за време на викенд, од страна на инспектор за храна на Агенцијата за храна и ветеринарство, извршен е преглед и дозволен е увоз на 12 пратки со различен вид зеленчук, од кои 148.757 килограми домати. Увозот е реализиран од 11 оператори со храна евидентирани во Агенцијата за храна и ветеринарство кои за увозот ја поседуваат целокупната потребна документација.

Наводниот увоз на 10 камиони со небезбедни домати од Албанија, за кој во анонимната ФБ објава се тврди дека е реализиран деновиве, воопшто не е евидентиран од Агенцијата за храна и ветеринарство како таков, односно, досега, вклучително и викендов, не е вратена ниту една небезбедна пратка по потекло од соседна Албанија. Апелираме граѓаните да бидат спокојни и да не наседнуваат на дезинформации, особено не на објави на социјалните мрежи зад кои се затскриваат интереси на поединци, кои, од само за нив познати причини, во име на грижа за здравјето на граѓаните пласираат невистини и ги доведуваат во заблуда потрошувачите. До анонимниот објавувач упатуваме апел доколку располага со вистините докази случајот да го пријави до надлежните државни органи, истакнуваат од АХВ.

Инспекциските служби на Агенцијата за храна и ветеринарство вршат контроли на домашниот пазар со овошје и зеленчук, како и на пратките кои се увезуваат во земјава. Со контролите се опфатени магацините за чување на овошје и зеленчук, дистрибутивните центри и преработувачките капацитети за овошје и зеленчук. Дополнително, велат од АХВ, прометот со овошје и зеленчук се контролира и во рамки на контролите на мешовитите продавници кои вклучуваат и трговија со овошје и зеленчук и преработки од нив

The post АХВ тврди: На македонскиот пазар не се увезени небезбедни домати од Албанија appeared first on Република.

Владата денеска ја донесе Одлуката со која се замрзнуваат цените на 11 видови овошје и зелечук. Одлуката, со која се опфатени доматите, краставиците, кромидот, карфиолот, пиперот, гравот, леќата, бананите, портокалите, мандарините и лимонот, ќе важи од 5 април до крајот на месецов.

Како што соопшти министерот за економија Крешник Бектеши на денешната прес-конференција, свежите домати ќе чинат максимум 70 денари, краставиците 75, кромидот 60, карфиолот 70, пиперот 90, гравот 75, леќата 110, бананите 70, портокалите 55, мандарините 60 и лимонот 55 денари.

-Ги уверувам граѓаните дека согласно сите анализи, цените, посебно на прехранбените производи и енергенсите, целосно се стабилизирани и имаат надолен тренд, на намалување, истакна Бектеши.

Сепак, рече, ќе се причекаат официајлните податоци од Државниот завод за статистика кои треба да се објават на 7 април.

Министерот ги повика трговците да ја почитуваат Одлуката. Анализите покажале, напомена министерот, дека за овие производи имало големи маржи кои во март достигнале дури 200 - 250 отсто.

На прес-конференцијата во Владата се очекува да се обрати и директорот на Државниот пазарен инспекторат, Горан Трајковски. мч/аа/

The post Од 5 април доматите 70 денари, кромидот 60, пиперот 90, лимонот 55, а бананите 70 денари appeared first on Република.

Три лица биле повредени, од кои едно потешко, кога четири автомобили се излизгале на автопат во Калифорнија откако камион удрил во заштитна ограда и истурил повеќе од 150.000 домати на коловозот.

Големото количество домати расфрлани на автопатот во Калифорнија предизвикале големи проблеми на возачите.

https://twitter.com/cnni/status/1564734733333979141?ref_src=twsrc%5Etfw%7Ctwcamp%5Etweetembed%7Ctwterm%5E1564734733333979141%7Ctwgr%5Ec795cfe9a36bcf7820c933bfca4c1619cb3b9c02%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4000963%2Fparadajz-napravio-haos-na-auto-putu-kamion-udario-u-zastitnu-ogradu-prosuto-vise-od-150000-plodova-3-osobe-povredjene-video

Камионот се судрил со друго возило во близина на градот Вакавил, по што удрил во заштитната ограда и истурил неколку тони домати, создавајќи куп длабок околу два метри на патот, соопшти локалната полиција.

Четири возила се излизгале и се судриле откако наблегле во расфрланиот зеленчук. Три лица се пренесени во болница, а едно е тешко повредено.

https://twitter.com/Local3News/status/1564761894195548160?ref_src=twsrc%5Etfw%7Ctwcamp%5Etweetembed%7Ctwterm%5E1564761894195548160%7Ctwgr%5E26d91dfac93ded2e7be250890a9e0c7ca8b16fdf%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4000963%2Fparadajz-napravio-haos-na-auto-putu-kamion-udario-u-zastitnu-ogradu-prosuto-vise-od-150000-plodova-3-osobe-povredjene-video

Екипите користеле специјални средства за чистење за да ги отстранат доматите и сокот од коловозните ленти, кои биле повторно отворени за сообраќај шест часа по несреќата.

Доматите во комбинација со масло и нечистотија создадоа опасни услови на патот. Кога лушпите од домати се оставени на асфалтот, тоа е како одење по мраз - соопшти припадник на службите во Калифорнија.

The post Домати предизвикаа хаос на автопат: Камион удри во заштитна ограда и истури над 150.000 плодови, тројца повредени appeared first on Република.

Трговците и извозниците од Струмичко стравуваат дека во јули и август ќе бараат килограм повеќе домати и краставици од вториот производствен турнус, бидејќи производството на овие две градинарски култури од година во година постојано се намалува, а во оваа производствена сезона тоа е преполовено.

Според трговецот Благој Витанов од компанијата „Империјал фруит“ таквата состојба е карактеристична за последните неколклу години и се должи на сменетата структура на градинарското производство.

Високите откупни цени, но и изгор цените на пазарите на мало, ќе се должат на драстично намаленото производство. Пред неколку години а и лани, во текот на летото, доматите и краставиците се откупуваа по 60-70 денари за килограм, а така ќе биде и годинава. Јас стравувам дека заради тоа ќе нема за извоз, а доматите и краставиците ќе се пласираат на домашниот пазар, но по високи цени, бидејќи градинарите произведуваат количини доволни за нашиот пазар - смета Витанов.

Тој додава дека намалувањето на производството на доматите и краставиците се должи на зголемените трошоци за нивно одгледување и затоа градинарите се ориентираат на производство на зелка и црвена пиперка за кои не треба поголема инвестиција.

Во услови кога драстично е намалена понудата која не може да ја задоволи побарувачката, тогаш е нормално да има повисоки цени и затоа односот меѓу понудата и побарувачката е единствениот механизам која ја определува цената - вели Витанов.

Инаку, во Струмичко се задржува трендот на откуп на градинарски култури по растот на цените од пред неколку денови. Доматите се откупуваат за 40 денари за килограм, пиперките 40, а краставиците од 10 до 30 денари за килограм.

The post Доматите и краставиците летово ќе имаат изгор цени на пазарите, стравуваат трговците од Струмичко appeared first on Република.

Идеалната здрава трпеза се состои од 50 проценти зеленчук – остатокот се белковини од животинско потекло, житарки и масти. Трите најдобри „борци” против канцерот се рибата, брокулите и доматите.

Брокула

Глукосинолатите кои се наоѓаат во брокулата му даваат на овој зеленчук интензивен вкус, но ја намалуваат веројатноста за појава на малигни клетки. Оваа состојка е особено активна при џвакањето и во текот на варењето, и е исклучително делотворна во борбата против ракот на мочниот меур и дојката.

Риба

Кај жените кои консумираат премногу масна храна, ризикот за добивање на рак на дојка изнесува и до 55 проценти. Нутриционистите јасно дефинирале што е „премногу”: консумирање на масна храна повеќе од три пати неделно. Оние кои ќе се преориентираат кон рибата (три пати неделно е сосема доволно), ќе го намалат ризикот за добивање на малигни заболувања и до 65 проценти.

Омега-3 масните киселини во рибата не само што се обидуваат да го спречат настанокот на малигни клетки, туку и го запираат понатамошниот развој на веќе формираните. Кај оние кои веќе се борат со канцерот, а каде рибата е често застапена на трпезата, постои голема шанса за канцерогените клетки во нивниот организам понатаму да не се развиваат.

Домати

Овие црвени плодови не само што се нискокалорични (100 грама содржи од 17 до 20 калории), туку се и исклучително вкусни. Доматот е зеленчук кој има најмногу ликопен, супстанца поради која оваа билка има црвена боја и која служи како многу значаен заштитник на срцето и крвните садови.

Ликопенот, меѓутоа, може и многу повеќе од тоа – тој го забавува растот на малигните клетки и до 50 проценти – а во комбинација со витаминот Е кој се наоѓа во маслата и мастите од растително потекло, нивниот раст се намалува за дури и до 70 проценти. Неговата концентрација се зголемува со загревање – варен или термички обработен (на пример во вид на кечап или сос), доматот е многу поделотворен во борбата против ракот, отколку кога се консумира сиров.

The post Три намирници кои се најдобри борци против канцерот appeared first on Република.

Францускиот претседател Емануел Макрон денеска го посети пазарот Церги во Париз, но таму, очигледно не беше добредојден.

Додека тој разговараше со луѓето, некои нервозни пазарџии грабнаа да го гаѓаат претседателот со патлиџани.

Службата за обезбедување веднаш реагираше со тоа што отвори чадор и успеа да спречи Макрон да биде погоден во главата.

Macron visé par un jet de tomates à Cergy pic.twitter.com/it0mANtU2I

— Nils Wilcke (@paul_denton) April 27, 2022

The post Нервозни пазарџии го гаѓаа Макрон со домати додека шеташе низ пазарот Церги во Париз appeared first on Република.

Епидемијата на корона вирус која го зафати светот трета година по ред, предизвика голем број луѓе кои биле заразени со Ковид-19, да страдаат и од згрутчување на крвта. Сепак, во заклучокот на научен труд од Шкотска, се вели дека доматите може да бидат одлично средство за спречување на ова заболување, затоа што помагаат да се разреди крвта и со тоа, да се намали можноста од тромбоза.

Истражувачите спровеле експеримент со 200 доброволци. Според резултатите, секојдневното јадење домати ја разредува крвта и до 70 отсто. Последиците се регистрирани кај 97 отсто од учесниците. Испитувачите го поврзуваат тоа со присуството на антитромботичните елементи во овој зеленчук - флавоноидите.

Покрај тоа, високата содржина на ликопен во доматот ги одржува клетките здрави. Се препорачува доматите да се јадат и свежи, но и приготвени.

По две минути варење или печење, количината на корисен ликопен се зголемува. Најголемата количина во доматната пулпа е до 1500 милиграми на килограм - објаснува нутриционистката Оксана Видра.

Доматите исто така спречуваат кардиоваскуларни болести, помагаат во борбата против воспаленијата и го подобруваат здравјето на очите поради големата количина на витаминот А.

The post Доматите штитат од згрутчување на крвта appeared first on Република.