Општина Битола почна со адаптација и реконструкција на дел од поранешниот Дом за доенчиња и мали деца, кој ќе биде пренаменет во детска градинка.

Од Општина Битола информираа дека градежни активности ќе се одвиваат во наредните 10 месеци кога треба да заврши оспособувањето на дел од објектот во детска градинка, со капацитет за сместување од 70 деца.

Како што е познато, минатата година, градоначалникот Тони Коњановски и министерката за труд и социјална политика Јована Тренчевска, потпишаа договор за финансиска поддршка.

Изработен е архитектонски проект и извршен избор на изведувач од страна на МТСП, сега следува реконструкција на водовод и канализација, со соодветни технички и електрични адаптации, партерно уредување на дворот, пристапни патеки и нов пристап до самата градинка, соопштија од Општина Битола.

The post Поранешниот Дом за доенчиња во Битола станува градинка appeared first on Република.

Пијана негувателка од домот за доенчиња врзала едно од децата во вреќа за спиење за кревет, а другите ги запоставила. Народниот правобранител веднаш, влегол во домот во Битола, ја прочешлале целата документација со која се потврдува шокантниот случај што ја вознемири јавноста. Омбудсманот бара надлежното Министерство да преземе најстроги мерки, вработената најостро да се казни, а во иднина да се води поголема грижа за тоа какви лица се вработуваат во установите за згрижување на деца.

Во разговор со директорот и правникот, како и увид во целокупната документација изготвена по повод настанот, наводите се потврдени и констатирано е дека вработената била во алкохолизирана состојба и дека едно од децата било во вреќа за спиење, која била врзана за кревет, со што детето било оневозможено да се движи велат од институцијата за телевизија Алфа.

Целиот текст овде.

The post Вработена во домот за доенчиња и мали деца во Битола во алкохолизирана состојба, врзала едно од децата за кревет appeared first on Република.