Скопскиот Дом на АРМ предминатиот викенд „настрадал“ во разбојничка кражба. Иако се наоѓа во центар на главниот град, а има и чуварска служба од припадници на Армија, земја членка на НАТО, разбојниците се прекачиле и влегле преку терасата на објектот.

Според информациите на Телма, биле украдени повеќе работи од ресторанот кој се наоѓа на вториот кат. Однесен бил телевизорот од ресторанската сала, професионален кафемат и други работи.

Од МВР не ја објавија кражбата во дневните билтени за 16-ти или 17-ти октомври, а денеска на прашања на Телма ја потврдија кражбата и дека сѐ уште водат истрага.

На 16.10.2022 во 01.30 часот во СВР Скопје било пријавено дека на ул.Македонија во ДОМ на АРМ од страна на непознати сторители насилно била отворена вратата од терасата, било влезено внатре и извршено било претурање во просторија во ресторанот. Се работи на расчистување на случајот, одговориле од МВР.

Од Министерството за одбрана, пак, за Телма одговориле дека е проценета материјалната штета од кражбата, со тврдење дека чуварската служба спречила поголем грабеж.

На 16.10.2022 во 01.00 часот во Домот на Армијата, непознати сторители насилно влегле преку тераса на објектот во просториите на ресторанот на Домот на Армијата, при што е извршена кражба на предмети во вредност од околу 1.000 евра. Благодарение на брзата реакција на чуварската служба во Домот на Армијата не е направена поголема штета. Полицијата го расчистува случајот, одговорија од Министерството за одбрана.

The post Од МВР не објавија дека Домот на АРМ во Центар бил ограбен appeared first on Република.

Црвен крст на Република Македонија - Општинска организација Центар и Институтот за трансфузиона медицина, в недела, на 28 август традиционално, по јубилеен 20. пат ја организираат крводарителска акција по повод празникот Успение на Пресвета Богородица.

Крводарителската акција ќе се спроведе во Домот на АРМ, од 9 до 17 часот.

Целта на акцијата е да се обезбедат поголеми количини на крв во летниот период, заради можноста од недостаток на крв и крвни деривати. Оваа акција веќе 19 години ја покажува големата хуманост на граѓаните на град Скопје. Започнувајќи со 146 дарувања во 2003-та година, денеска, по 19 реализирани акции, се зборува за вкупна бројка од 4186 единици крв, или во просек 210 крводарители по акција.

The post Крводарителска акција во Скопје во повод празникот Успение на Пресвета Богородица. appeared first on Република.

Вечерва, на 19 мај во 21 часот на сцената на Дом на АРМ во Скопје, студентите на Катедрата за современ танц ќе настапат во претставата „Импулс“ на Скопје танцовиот театар 2. Ќе бидат изведени дела на современи млади кореографи и тоа: “КОНТУРА“ на Дејан Битровски, во кое ќе настапи студентката Емилја Милак и „Go Figure It Out #vol2“ во изведба на Стефани Шаршмит, Викторија Коцева, Андреј Димоски, Сара Димовска, Клара Христова, Емилија Милак, Јоана Благадуша, Микаела Анџела Глигорова.

Во рамките на вечерта ќе бидат презентирани и две кореографиите на студентите од Мастер студии за кореографија, во класа на Рисима Рисимкин, “NEBULA MZ3” на Ана Папаниколау од Грција, а ќе настапат студентките Клара Христова и Стефани Шааршмит, како и короеграфијата “БЕЗ-НАДЕЖЕН” на Иван Ангелковски во која настапува студентката Стефани Шааршмит. Работата на Скопје танцов театар е поддржана од Министерство за култура и Град Скопје.

Скопје танцовиот театар е првата официјална современа танцова компанија во земјава, основана во 2011 година и предводена од кореографката Рисима Рисимкин.

The post Настап на студентите во класата на Рисима Рисимкин на Катедрата за современ танц во Дом на АРМ appeared first on Република.