Гимназијата „Кирил Пејчиновиќ“ во Тетово втор ден е без снабдување со електричната енергија, по што нема затоплување во просториите и не се одржува настава.

Според информациите на родителите на учениците, уште вчера е прекинато снабдувањето со електрична енергија, а со проблемот се соочуваат и во централниот објект, како и во објектот познат под името „Стара медицина„.

Нема струја, а со тоа нема и греење во училиштата. Уште вчера е во прекин електричната енергија, па децата порано се вратија дома. Денес во првата смена заминаа на настава, но повторно се вратија дома затоа што немаат услови за следење настава, информираат родители на ученици во тетовската гимназија.

Директорката Теута Лала денеска информираше дека снабдувањето со електрична енергија е исклучено од електродистрибутивната компанија поради неплатен долг. Од јули 2023 година гимназијата „Кирил Пејчиновиќ“ е под ингеренции на Министерството за образование и наука.

Електричната енергија не е платена затоа што гимназијата има долгови па средствата кои ни доаѓаат од Министерството за образование ги земаат извршители. Првите седум месеци од оваа година нашите средства според мои сознанија останувале во општината и затоа имаме долгови. Барав директно од Министерството за образование и наука да најде решение за проблемот, информираше директорката Теута Лала.

Од Секторот за јавни дејности при Општина Тетово информираат дека немаат надлежности да зборуваат за гимназијата поради одземените ингеренции.

Во гимназијата „Кирил Пејчиновиќ“ настава следат 1300 ученици.

The post Втор ден нема струја и настава во тетовската гимназија, парите за сметки завршуваат кај извршители appeared first on Република.

Поради големи долгови и факултетите, судовите, зоолошката градина, затворите може да останат без струја, објави ТВ Телма.

ЕВН од утре ќе испорачува известување за исклучување и до овие инситуции. Претходно ваков документ добија Клинички и Железници, дека за помалку од две недели можат да останат без електрична енергија.

Како што пишува Телма министерот за финансии Бесими ќе проба да најде пари за барем да го намали долгот од околу 7 милони и Клинички да се спаси од мрак.

Во меѓувреме се токмат нови милионски набавки на струја.Од утре продолжува купувањето на електрична енергија.За само три дена за нешто над 10.000 мегават часови ќе се потрошат над 4 милиони евра.

The post Факултетите, судовите и затворите поради долгови, можат да останат без струја appeared first on Република.