Долгот на централните власти кон Јавното сообраќајно претпријатие (ЈСП) Скопје од јануари идната година ќе изнесува десет милиони евра и Советот треба да дискутира дали воопшто ќе има бесплатен превоз за сите, а не само за студентите од приватните универзитети, изјави денеска градоначалничката на Град Скопје, Данела Арсовска.

Превозот за студентите, вкучително и за оние од приватните факултети, како што посочи, требало да биде обезбеден од централните власти како дотација кон претпријатието и како дел од мерката за поддршка на студентскиот стандард.

Долгот кон ЈСП е веќе осум милиони евра. Од почетокот на наредната година долгот ќе изнесува десет милиони евра, долг на централната власт кон градот Скопје, односно кон Јавното Сообраќајно Претпријатие така што веќе не можеме да дискутираме за бесплатен јавен превоз, не само за студентите од приватните универзитети. Јавното градско претпријатие функционира со тоа што генерира навистина големи трошоци за разлика од претходните мандати кога во година имало и до 30- 40 милиони евра коишто се слевале од страна на централниот буџет во касата на јавните претпријатија. Сега во изминативе три години имаме дефицит односно помалку средства од она што го должат, не зборувам за студентите, туку за она што го должат околу 20 милиони евра долг од централните власти и институции во државата кон јавните претпријатија, рече Арсовска.

Според неа, советниците на Скопје ќе мора да донесат одлука затоа што без да има покритие на трошоците, ЈСП ќе тоне се повеќе во долгови.

Одговарајќи на новинарски прашања, Арсовска рече дека ЈСП е огромен потрошувач на нафтени деривати, нагласувајќи, дека станува збор за тековни побарувања, а проблем е и одржувањето на автобусите и набавката на резервни делови.

Во однос на новогодишното украсување на главниот град, Арсовска рече дека постапките се започнати и наредната недела ќе има повеќе информации.

The post Долгот на централните власти кон ЈСП во 2025 година ќе достигне десет милиони евра appeared first on Република.

Министерката за енергетика Сања Божиновска на денешната прес-конференција кажа дека ЕСМ е во многу лоша состојба и ќе бидат потребни финансиски средства за справување со грејната сезона. Министерката дополни дека тоа е причината зошто од септември месец се набавуваат големи количини електрична енергија.

Следните седум дена ќе правиме точен енергетски биланс и се надеваме дека ќе ги имаме точните бројки за потребна електрична енергија. Сето тоа зависи и од хидрологијата. Во моментов акумулациите се полни само со 24 отсто што воопшто не е во ред, меѓутоа може да се наполнат акумулациите ако ноември е дождлив. Што се однесува за финансии - со премиерот имаме дискутирано и тука, иако не е финализирано, имаме добри шанси да набавиме финансиски средства. Се уште немаме разговарано како, но ќе бидат домашните банки - рече Божиновска.

Министерката рече дека кон ЕВН има голем долг кој не е платен во изминативе 3 години, но дека се договориле тој да се исплаќа повеќе години.

Изминатите три години не е платен ниту денар на име субвенционирана струја. Тоа што го гледавме на сметките дека владата го покрива како трошок на граѓаните не е платено. Сметката стигна сега. 60 милиони евра е долгот во однос на ова што го имаме. Разговаравме со ЕВН за долгот. Тие се свесни за состојбата на нашиот буџет кажаа дека ова не е нешто што треба да се врати за една или две години и дека се спремни да дискутираме. Знаат дека тоа ќе биде долгорочно - додаде Божиновска.

The post Државата му должи на ЕВН 60 милиони евра, 3 години не е платен денар на име субвенционирана струја appeared first on Република.

Премиерот Христијан Мицкоски попладнево изјави дека очекува до крајот на следната година, долгот на Фондот за здравствено осигурување (ФЗО) да биде еднаков на нула.

Прашан дали Владата планира некако да помогне, бидејќи има информации дека ФЗО е во долгови, Мицкоски рече дека долгови има насекаде.

Долгови има насекаде. Тие се бројат во милијарди денари. Состојбата со ФЗО беше долг од пет милијарди денари. Видовте дека за помалку од 100 дена, за нешто повеќе од 80 дена, со заштедите и со доброто менаџирање, обезбедени се две милијарди денари од тие пет милијарди, да биде вратен долгот. Очекувам следната година до крајот веќе таа состојба да биде еднаква на нула, одговори Мицкоски на новинарско прашање за време на посетата на општина Кавадарци.

Премиерот Мицкоски додава и дека со ребалансот на буџетот, биле обезбедени една милијарда денари, наменети за исплата на К-15 на повеќе од 83.000 вработени во јавната администација, иако, како што рече, тие не биле предвидени претходно.

Обезбедивме повеќе од 1,2 милијарди за исплата на земјоделците. Долгови стари покрај редовните, што тие не ги предвиделе. Обезбедивме пет милијарди денари редовна исплата на пензиите на пензионерите, што тие не ги предвидоа. Плус, од 1 октомври, пензионерите ќе добијат еднократно зголемување од две и пол илјади денари, што си продолжува и понатаму и уште две и пол илјади денари согласно Законот на 1 април за март. Практично цело време, ветувањето што го имавме од тие пет илјади денари во првата година, го реализираме во првите девет месеци, дури и порано. Ќе потсетам дека, тоа е многу значајно, особено овде, дека вработените во АД „Водостопанство“ и АД „Национални шуми“, кои немаа земено плата со месеци, добија плата. И тука од страна на ребалансот, беа обезбедени околу половина милијарда денари, рече Мицкоски.

Премиерот додаде дека мора одвреме-навреме да се повторува што било оставено, во случај „криминалци од поранешната влада“ да играат на таа карта и „повторно да го потценуваат сопствениот народ“.

Ќе потсетам дека сметката на Владата на 24 јуни, што беше прв работен ден, беше минус двесте милиони евра, то ест, минус дванаесет милијарди денари. Тоа на ниедна влада, откако ние како држава, Македонија е независна, не ѝ се случило. Дури и по конфликтот во 2002 година, сметката беше позитивна, нагласи Мицкоски.

The post Мицкоски: На првиот работен ден на 24 јуни се соочивме со минус од 200 милиони евра, тоа не се случило никогаш досега appeared first on Република.

На 09.04.2024 во 23.50 часот М.М.(46) од с.Шемшово пријавил дека околу 13.45 часот четири лица насилно го внеле во патничко возило и му се заканиле со огнено оружје.

Потоа го однеле во куќа во с.Грчец и физички го нападнале барајќи му да врати наводен долг, по што му одзеле 500 евра.

Околу 21.00 часот со возило го оставиле во с.Добарце. Се преземаат мерки за расчистување на случајот.

The post Четворица мажи насила го внеле во возило и го однеле во Грчец каде што го тепале и му барале да врати долг appeared first on Република.

Многу е лоша ситуацијата во државата и ако продолжи со ова темпо ќе биде уште полошо, за само 7 години оваа власт успеа да го зголеми долгот за неверојатни 3,8 милијарди евра. Тоа е цифра која што оваа власт како наследство односно како едно време ни ја остава на нас и на идните генерации на неродените деца, посочи Маја Кадиевска Војновиќ член на ИК на ВМРО-ДПМНЕ во вчерашното гостување во емисија „Заспиј ако можеш“ на телевизија Алфа.

Кадиевска Војновиќ кажа дека оваа влада на СДС и ДУИ ќе биде запаметена како најлоша влада во историјата на Македонија во однос на управувањето со економијата.

Однесувањето на оваа влада беше како да нема утре, ќе се финансираме со креирање на буџетски дефицити, ќе трошиме повеќе отколку што ни е чергата и едноставно не им е гајле, утре ќе си заминат од власт, кој дојде нека се мисли и нека се мачи. Но тие ги задолжија граѓаните, ги задолжија бизнисите, не задолжија сите нас. Едноставно лоша е ситуацијата, ова сите економисти го знаат. Оваа влада во македонската независна историја ќе биде запамтена како една од најлошите влади со управувањето на економијата, после онаа на Бранко од транзицијата можам со сигурност да кажам дека оваа влада нема никакви економски ефекти -нагласи Кадиевка Војновиќ.

Војновиќ додаде дека Македонија предводена од СДС и ДУИ не испорача никакви резултати во економијата а креираше огромен долг.

Власта креираше огромен долг, а не испорача никаков економски раст. Просечниот раст на целиот период на владеење е само 1,6 проценти. Тоа е испорачување на ништо. Ние не мрднавме по животен стандард пресметан по индикатор кој што цел свет го пресметува а тоа е БДП по глава на жител. Ние не мрднавме од место за разлика од регионот. Србија конвергира кон ЕУ со неверојатно темпо. Црна Гора исто па дури и Косово и Албанија да потраеше оваа власт ќе не претркаа и тоа многу. Изговорот на оваа влада е кризата, пандемијата и енергетската криза но таа ги зафати сите и светот и регионот. Сите останати беа ефикасни во преземање на мерки неутрализирачки ефекти врз економијата освен нашата влада - истакна Кадиевска Војновиќ.

The post Кадиевска Војновиќ: Владата на СДС и ДУИ во целиот мандат има раст од 1 процент БДП, а го зголемија долгот на 3.8 милијарди евра appeared first on Република.

Дополнителната заменичка министерка за финансии Елена Петрова, обвинува дека Министерството за финансии ги лажира извештаите за јавниот долг во Бруто домашниот производи и за буџетскиот дефицит.

На прес-конференција рече дека според податоците на Државниот завод за статистика, јавниот долг во БДП изнесува 62,1%, а не 58,4% како што се вели во официјалните извештаи на МФ.

Буџетскиот дефицит од општата Влада е 4,9% од БДП, а не 4,6% од БДП колку е објавен и земен во Фискалната стратегија за периодот од 2024-2028 година и во предлог буџетот за 2024 година. Интервенирав до надлежниот сектор во Министерството, да ги смени бројките бидејќи податокот за БДП за 2023 година е објавен. По мојата интервенција податоците на Министерството не се променети, исто така, не добив никаков одговор на пишаното барање од што заклучувам дека министерот за финансии не сака да ги објави точните податоци за учество во јавниот долг во БДП на крајот на 2023 година и буџетскиот дефицит - потенцира Петрова.

Со ова, според неа, се крши Законот за буџети кој е основа за фискална дисциплина.

Вели дека е надминат критичниот праг на долгот и тоа според неа е неодржливо.

Петрова додава дека и оваа година владата се задолжила премногу.

Продолжуваат да ја задолжуваат Македонија. За два и пол месеци во 2024 година, само на домашниот пазар на државни хартии од вредност се задолжија со нови 237 милиони евра. Буџетскиот дефицит за два месеци од 2024 година е 136 милиони евра или една четвртина од предвидениот, рече Петрова.

Вели, податоците покажуваат дека има отстапка од принципот на одржливост зашто сега буџетскиот дефицит и јавниот долг се прекумерно оптоварување на економијата.

The post Петрова: ДУИ и СДСМ манипулираат со точните податоци за јавниот долг и буџетскиот дефицит appeared first on Република.

Фирмата Сара-Јавор Инженеринг ДОО од Струмица има долг од неколку милиони денари за неплатен Данок на додадена вредност (ДДВ) и на Данок на добивка, и’ е ставен на Листата на должници која денеска ја објави УЈП.

Оваа фирма е сопственост на Вице Заев, брат на поранешниот премиер и лидер на СДСМ, Зоран Заев.

Сара-Јавор Инжинеринг на државата и’ должи 5,884.888 денари за неплатен ДДВ и плус 2,180.693 денари за неплатен Данок на добивка, наведено е во Листата на должници на УЈП.

Своевремено, во 2013 година, кога Сара-Јавор Инженеринг беше напаѓана во јавноста дека добивала милионски тендери од општината Струмица, тогаш од СДСМ соопштија:

Господинот Вице Заев, брат на претседателот Зоран Заев, станува сосопственик во фирмата Сара Инжинеринг, во јули, 2013 година. Значи зборуваме за тендер што е доделен пред 2 години, кога совршено е јавно дека немало допирни точки на фирмата со семејството Заеви, велеа тогаш од СДСМ.

Инаку ова не е прв пат фирми на Вице Заев да должат милионски суми за данок на државата. Пред две години од ВМРО ДПМНЕ јавно објавија дека фирми во кои сопственик е братот на Зоран Заев должат над еден милион евра данок.

Управата за јавни приходи, денеска, ја објави листата на должници за доспеани долгови до 30 ноември 2023 и неплатени до 29 февруари годинава по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На Листата на должници бр.03/2024 објавени се 1.801 правни лица (помалку за 71 од претходната листа) и 3.606 физички лица (помалку за 21 од претходната листа).

The post Фирма на Заеви има милионски долгови за неплатен ДДВ и Данок на добивка appeared first on Република.

Според податоците објавени од Народната банка за банкарскиот сектор за 2023 година, македонските граѓани им должат на македонските банки 244 милијарди 790 милиони денари или 3,97 милијарди евра, што е за 14,6 милијарди денари повеќе во однос на 2022 година.

Најголемиот износ македонските граѓани го должат по основ на потрошувачки кредити – 122 милијарди 700 милиони денари или 1,99 милијарди евра.

Потоа следуваат станбените кредити со износ од 83,17 милијарди денари или околу 1,35 милијарди евра.

На кредитните картички граѓаните се задолжиле 19,96 милијарди денари, а на трансакциските сметки негативните салда изнесувале 14,20 милијарди денари.

За реновирање на деловен простор должат 1,03 милијарди денари.

Износот на автомобилските кредити е 403 милиони денари.

За кредити по други основи граѓаните должат 3,33 милијарди денари.

The post Македонските граѓани лани им должеле 3,97 милијарди евра на банките appeared first on Република.

Според податоците објавени од Народната банка за банкарскиот сектор за 2023 година, македонските граѓани им должат на македонските банки 244 милијарди 790 милиони денари или 3,97 милијарди евра, што е за 14,6 милијарди денари повеќе во однос на 2022 година.

Најголемиот износ македонските граѓани го должат по основ на потрошувачки кредити - 122 милијарди 700 милиони денари или 1,99 милијарди евра.

Потоа следуваат станбените кредити со износ од 83,17 милијарди денари или околу 1,35 милијарди евра.

На кредитните картички граѓаните се задолжиле 19,96 милијарди денари, а на трансакциските сметки негативните салда изнесувале 14,20 милијарди денари.

За реновирање на деловен простор должат 1,03 милијарди денари.

Износот на автомобилските кредити е 403 милиони денари.

За кредити по други основи граѓаните должат 3,33 милијарди денари.

The post Македонските граѓани лани им должеле 3,97 милијарди евра на македонските банки appeared first on Република.

Во текот на вчерашниот ден две женски лица пријавиле напад поради финансиски недоразбирања во СВР Тетово.

Прво, 24-годишната М.З. од Битола, со престој во Тетово, вчера во 13 часот и 30 минути во СВР Тетово пријавила дека на втори овој месец околу 17 часот била физички нападната од тетовецот Н.М. поради нивни нерасчистени должничко-доверителски односи.

Ноќеска, пак, во 4 часот и 30 минути, 33-годишната З.К. во СВР Тетово пријавила дека час и половина пред тоа на улица „Јане Сандански“ во Тетово била физички нападната од 30-годишниот Р.Б. од тетовско Церово, поради финансиски недоразбирања.

Од СВР Тетово велат дека се преземаат мерки за расчистување и документирање и на двата случаи.

The post Две жени нападнати поради долгови и „недоразбирања“ околу пари appeared first on Република.

На виделина излезе дека ЈСП раководено од страна кадарот на Данела Арсовска и СДС на приватните превозници им должел 1,5 милиони евра, велат од ВМРО-ДПМНЕ, додавајќи дека пред една година Арсовска и тогашниот директор на ЈСП со триста манипулации и клевети се обидуваа да го докажат спротивното, но еве вистината излезе.

Освен што се потврди долгот на ЈСП кон приватните превозници, сега со народни пари треба да се платат дополнителни 1,5 милиони денари за затезни камати и судски трошоци.

И доколку долгот мораше да се исплати, не смееше да дојде до тоа да бидат исплатени овие казнени 1,5 милиони денари. За трошењето за овие средства, но и состојбите со јавните претпријатија во Градот Скопје, главна причина е нерационалноста и инаетот на Арсовска. Таа наместо да се зафати со реализација на програмата и проектите од програмата за која доби поддршка од граѓаните, се зафати со сплеткарења, кавги, клевети, обвинувања, кочења, а сега гледаме и со плаќање на затезни камати и судски трошоци, вели ВМРО-ДПМНЕ.

The post Поради нерационалноста на Арсовска ќе се исплатат 1,5 милиони евра долг кон приватните превозници и целосно непотребни 1,5 милиони денари камати и судски трошоци appeared first on Република.

Јавното сообраќајно претпријатие никако да ја заврши финансиската голгота со приватните превозници, без кои не може да фукционира градскиот превоз, колку и тоа да го порекнува градоначалничката Данела Арсовска. Всушност, таа го порекнуваше и милионскиот долг кон приватните превозници, за да на крај испадне дека ЈСП навистина им ги должи тие пари, објави „Нетпрес“.

После долги превирања, јавни препукувања, ароганции, протести, хаос во градскиот сообраќај, долгот сепак е исплатен, но, тоа што остана недокажано е: што со казнетите камати за долгот кои беа дел од тужбата на „Слобода превоз“?

Веројатно и очекувано, Основниот суд Скопје вчера донесе одлука дека ЈСП треба да му исплати на „Слобода превоз“ камати за долгот од 61.812.596 денари (за период од 15.9. 2022 до 18.5.2023 година). Значи, освен што од градската каса им беше исплатен милионскиот долг, во недоличен процес на јавни препукувања, сега Градот ќе треба да плаќа и камати, наместо да не негираше дека постои долг и да го исплати тоа што го должи пред приватните превозници да поднесат тужба.

Во судскиот процес, тужбата за исплата на главниот долг е повлечена, бидејќи во меѓувреме ЈСП целосно го исплаќа долгот, но сепак, казнените камати останале.

Според пресудата, ЈСП се задолжува на „Слобода превоз“ да му плати законска казнена камата во висина од референтната стапка на НБМ и тоа:
„На платен износ од 82.146 сметано од 15.9.2022 до 28.2. 2023
На платен износ од 9.931.718 денари сметано од 15.9 2022 до 17.3.2023
На платен износ од 411.367 (од 15.9.2022 до 22.3.2023)
На платен износ од 589.487 9 (од 15.10 2022 до 22.3.2023)
На платен износ од18.696.842 (од 15.10.2022 до 22.3.2023)
На платен износ од 968.707 (од 15.10 2022 до 18.5.2023)
На платен износ од25.132.329 ( од15.11.2022 до 18.5.2023)“.

Исто така, „ЈСП се задолжува да му плати на Слобода превоз 7.200 денари како надоместок при доцнење на исполнување на парична обврска и да му ги надомести трошоците во постапката од 272.093 денари“.

Целиот текст тука

The post Поради инаетот на Арсовска, сега ЈСП ќе плаќа и камати за долгот кон приватните превозници appeared first on Република.

На 04.11.2023 година во 00.00 часот во СВР Скопје, Ш.А.(39) од Скопје пријавила дека на 03.11.2023 околу 11.00 часот на подрачјето на Бит Пазар, по претходна расправија околу должничко-доверителски односи, И.М. упатила закани кон семејството и ѝ го скршила телефонот.

Според пријавеното, таа претходно со тврд предмет оштетила и стакло од лифт од станбена зграда. Се преземаат мерки за расчистување на случајот.

The post Скопјанка скршила стакло од лифт, а потоа и телефон поради долг appeared first on Република.

Големиот долг на Клиниката за радиотерапија и онкологија почнал да се создава во 2021 година, кога изнесувал околу 394.721.263 денари, а уште позначајно се зголемил во 2022. Највисокиот износ бил 823.185.746 денари во ноември минатата година кога сегашната в.д. медицински директор д-р Виолета Клисарова ја презела функцијата.

Во 2018 година, како што рече, Клиниката имала околу 231 илјада денари долг, во 2019 година околу 355 илјади денари, а во 2020 долгот изнесувал 94.357.707 денари.

Најголема причина за ова прогресивно зголемување на долгот мислам дека е поради набавката на лекови кои не се на позитивната листа, надвор од тековно одобрените буџети соодветно по годините. Големиот долг наследен од претходно дополнително ја усложнува состојбата на Клиниката и ја става во повеќе судски спорови, дополнителни трошоци за камати и за дел од нив веќе имаме правосилни судски пресуди, рече Клисарова на сведочењето на седница на собраниската Анкетна комисија.

Намалувањето на долгот почнало лани во декември со одобрени средства од ФЗОМ за исплата на долгови, во тенденција е на опаѓање и во јули годинава бил речиси преполовен односно 474 675 492 денари.

За 2023 година, рече, имаат повисок буџет и се внимава на месечните нарачки на лекови да бидат во рамки на одобрени 12-тинки т.е. месечнини, иако има и отстапувања поради нарачки. Постојано, рече, се во координација со ФЗОМ и прават постојан притисок за дополнителни средства

-Новиот годишен тендер за условен буџет е активен од мај 2023 и по само 20 дена се воочи дека има поголемо исцрпување на количините и опасност дека ќе ја исцрпиме количината од предвиденото, рече д-р Клисарова.

Ја објасни и процедурата за набавка на лековите која треба да биде во рамки на ограничениот буџет, балансирајќи притоа и за доброто на пациентите и, како што рече, да бидат чисти пред законот.

За да се испланира реалната потреба, комуницира со раководителите на 12-те оддели кои се поделени според примарното потекло на малигната болест и секој треба да ги определи потребите според потребите на пациентите – одреден лек, број на пациенти, дозирање на лековите. Кога сите оддели ќе достават извештаи до неа, се прави сумарна табела со која се настапува во преговори за буџет. Како што рече, веледрогериите немаат удел кога се утврдува реалната потреба за секој лек одделно. Потребни се и околу 20 отсто над реалните потреби што ќе ги изразат докторите од одделите на Онкологија.

Секој менаџер предвидува дополнителни 10 до 15 отсто зголемување од реалната потреба зашто од година во година имаме зголемување од 10 до 15 проценти на нови пациенти. Исто така, и уште барем пет проценти да бидат зголемени количините за сите непредвидливи ситуации што можат да се случат од икс причини, рече Клисарова во Собранието.

Потоа го чекаат одобрувањето на буџетот – доколку е помал од она што го планирале тука, рече, настанува проблем и тоа со години се провлекува. Лимитираните финансиски средства, како што рече, свесно ги става во ситуација да намалат нешто што реално им треба.

Смета дека надлежните институции треба да го реформираат финансирањето на здравствениот систем.

Во јануари 2023 година на Клиниката за радиотерапија и онкологија и е одобрен вкупен буџет од 1.719.200.000 денари, поделен на основен и условен. Во мај годинава, Клиниката добила дополнителни 60 милиони за основен буџет и околу осум милиони денари за корекција на минимална плата, како и дополнителни 120 милиони денари за условен буџет во септември.

Во овој момент Клиниката има 1.907.170.009 денари. Со ваков буџет менаџирањето е полесно од претходните години, но иако цифрите се големи и зголемувањето е значајно, за жал и овој одобрен буџет не ја покрива реалната потреба на Клиниката, рече д-р Виолета Клисарова, в.д. медицински директор на Онкологија.

The post Големиот долг на Онкологија почнал да се создава во 2021, а најголем бил лани во ноември appeared first on Република.

The post Мицкоски: Владата на ДУИ и СДСМ за 6 години го зголеми долгот за речиси 2,5 милијарди евра, за да имаат повеќе пари за наместени тендери appeared first on Република.

Вчера во 21.40 часот во СВР Тетово, Ш.Р. од тетовско Желино пријавил дека на паркинг во с.Сиричино од страна на Д.А., О.Р. од с.Чегране и уште едно лице било пукано со огнено оружје кон неговиот син С.А. од Желино, при што му била одземена и чанта со пари и лични документи.

Според пријавеното, С.А. и Д.А. имале нерасчистени должничко доверителски односи и судски спор во Швајцарија.

Увидна екипа од СВР Тетово извршила увид и се преземаат мерки и активности за расчистување на случајот, по што против инволвираните ќе следуваат и соодветни пријави, велат од МВР.

The post Во Сиричино се пукаа поради нерасчистени сметки во Швајцарија appeared first on Република.

Во четвртокот, американскиот Сенат го усвои законот за кој преговараа претседателот Џо Бајден и претседателот на Конгресот Кевин Мекарти за зголемување на лимитот на американскиот долг за 31,4 милијарди.

Сенатот го усвои законот со 63 гласа „за“ и 36 „против“, кој во средата го изгласа Претставничкиот дом по неколкумесечни несогласувања меѓу демократите и републиканците.

Министерството за финансии претходно предупреди дека нема да може да ги плати обврските доколку до 5 јуни не се донесе мерка.

„Вечерва избегнуваме неплаќање“, рече лидерот на мнозинството во Сенатот, Чак Шумер.

Пред гласањето, сенаторите отфрлија десетина амандмани, испраќајќи го нацрт-законот до претседателот Џо Бајден на потпис пред крајниот рок.

Според новиот закон, федералниот лимит за задолжување ќе биде суспендиран до 1 јануари 2025 година.

Бајден рече дека двопартискиот договор е голема победа за американската економија и народ.

The post Ќе се спасат ли од банкрот? Американскиот Сенат го усвои нацрт-законот за зголемување на долгот appeared first on Република.

Само за три месеци внатрешниот долг, доспеани а неплатени обврски на државни институции, министерства, училишта, судови, клиники, јавни претпријатија, е зголемен за 22,7 милиони евра. Во првиот квартал од оваа година државните долговите достигнаа 441 милион евра, пишува Порталб.мк. Само државните фирми и ЈП имаат долг од 173 милион евра.

Државните фирми и ЈП со највисоки долгови – износ од 173 милион евра

Здравството, државните јавни претпријатија, училиштата, со “надградени” долгови, во првиот квартал од годинава во споредба со состојбата на крајот од минатата година, ги зголемиле доспеаните а неплатени обврски, покажуваат новите податоци од Министерството за финансии. На новата должничка листа, со доспеани а неплатени долгови се 944 институции од судството, извршната, законодавната власт. Вкупниот внатрешен долг достигна 441,3 милиони евра.

Доспеани а неплатени обврски

Март 2023 441 370 000 евра

Декември 2022 418 622 400 евра

Ако се анализира според видот на државните субјекти, за три месеци долговите се зголемени во здравството и на крајот од март тие достигнаа 91,3 милион евра, значајно се зголемени и доспеаните обврски на буџетски корисници од втора линија ( образование, социјална заштита, институции за култура) и тие изнесуваат скоро 4,4 милион евра а раст има и на долговите на државните фирми и јавни претпријатија кои на крајот од март изнесувале 173 милион евра.

Доспеани а неплатени обврски ( март 2023)

Државни фирми и ЈП 173 000 000 евра

Јавни здравствени установи 91 344 140 евра

Општински јавни претпријатија 72 017 560 евра

Општини 64 108 100 евра

Токму државните јавни претпријатија и фирми и здравството се на првите две места на должничката листата според вкупниот износ на долгот а зад нив се општинските јавни претпријатија со неплатени сметки во износ од 72 милион евра и општините со долг во износ од 64,1 милион евра.

МЖ Транспорт и МЖ инфраструктура се “лидери” според висината на долгот

На првите пет “должнички ” позиции се наоѓаат четири државни/јавни претпријатија а на петто место се Јавни установи од здравството за потребите на болниците, клиниките и Ургентниот центар. Конкретно, највисок износ на долг од 68,7 милион евра пријавиле АД МЖ Транспорт, на второ место со доспеани а неплатени обврски во износ од 29,3 милион евра е ЈП МЖ Инфраструктура – овие две државни фирми со години котираат виско според износот на доспеани а неплатени обврски.

Највисок износ на доспеани, а неплатени обврски:

МЖ Транспорт 68 782 334 евра

МЖ Инфраструктура 29 300 000 евра

АД Номагас 26 600 000 евра

ЕСМ – дистрибуција на топлина 22 430 000 евра

ЈУ од областа на здравството 22 429 400 евра

На трето место со долг од 26,6 милион евра е државно АД “Номагас” кое беше формирано лани преку спојување на АД НЕР ( национални енергетски ресурси) и АД ГА-МА. Со доспеани а неплатени сметки во износ од 22,4 милион евра на четврто место е новоформираната ЕСМ – дистрибуција на топлина а Јавни установи од областа на здравството се на петто место со приближно ист долг во износ од 22,4 милион евра.

Податоците покажуваат дека државните институции, агенции, болници, училишта, културни установи, судство, најмногу должат за комунални услуги, греење, транспорт и овие обврски надминаа 78,6 милион евра а приближно иста сума се должи за набавка на материјали и ситен инвентар.

Извор: Порталб.мк

The post Анализа: Внатрешниот долг надмина 441 милион евра ! appeared first on Република.

Општата болница со проширена дејност од Кочани отплатила поголем дел од заостанатите обврски кон различни доверители, со што ја намалила задолженоста за над 81 отсто.

Од затекнатите долгови во 2017 година, во износ од околу 28 милиони денари, на почетокот на мај годинава неподмирени останале близу 5,3 милиони денари, од кои најмногу кон Институтот за трансфузиона медицина и Медицинскиот факултет од Скопје, а помал дел за гориво за возилата на итната помош.

-Според податоците добиени од Министерството за здравство, во моментот имаме остварување од 82 отсто од финансиските средства што ги добиваме од Фондот за здравство, што е еден од највисоките проценти на ниво на држава. За да се обезбеди заштеда на средствата, во нашата здравствена установа во изминатите неколку години не е исплатена ниту една дневница за службено патување, нема трошоци за репрезентација, а внатрешните членови на Управниот одбор работат без надоместок. И покрај недостигот на медицински персонал, успешно се справуваме со сите задачи и предизвици, а заедно со кадровското доекипирање, еден од приоритетите ни е да обезбедииме финансиска стабилност и навремено подмирување на тековните и другите обврски, истакна Александар Серафимов, директор на ЈЗУ Општа болница со проширена дејност – Кочани.

Менаџментот и медицинскиот персонал добиле позитивни оценки за работењето и при ненајавената контролна посета на болницата, што пред десетина дена ја направил министерот за здравство Фатмир Меџити. По обиколката на сите болнички одделенија и Итната медицинска помош не биле упатени никакви забелешки.

Општата болница од Кочани го очекува враќањето од специјализција на 16 млади лекари, кои треба да го надополнат недостигот на одделенијата за интерни болести, хирургија, гинекологија, педијатрија и другите оддели, како и во новиот Центар за ментално здравје.

The post Болницата во Кочани отплатила поголем дел од долговите appeared first on Република.

Само кон домашните кредитори, банки, осигурителни компании, пензиски фондови, по основ на земен заем државата должи повеќе од 2.500.000.000 евра, пишува Порталб.мк. Внатрешниот долг кон домашните кредитори значајно е зголемен, но во исто време драматично е променета структурата – над 76 отсто од долгот е долгорочен.

1,1 милијарда евра или скоро половина од внатрешниот долг е со рок на отплата од 15 години

Сите документи се подготвени, се чека само потписот на новиот министер за правда за да започне повторената постапка за издавање на нова еврообврзница. Претходната во износ од 600 милиони евра пропадна. Дали повторно Владата ќе го бара овој износ ќе зависи од каматата што ќе треба да ја плати. Во меѓувреме, потрагата по пари продолжи на домашен терен – во текот на овој месец преку две домашни обврзници државата позајми 144 милиони евра, од нив 130 милиони евра ќе треба да се вратат за две години а 14 милиони евра се со рок за враќање од 15 години.

На крајот од првиот месец од годинава (23 јануари), вкупниот долг на Владата кон домашните кредитори по основ на хартии од вредност изнесува повеќе од 2,5 милијарди евра.

Анализата на висината и на структурата на долгот по различни основи покажува неколку факти – изминатите пет години долгот е значајно зголемен, а драматично е променета и рочноста – дури 76,92 отсто е долгорочен, а 23,08 отсто е краткорочен долг. Ако пред повеќе од пет години доминираа задолжувањата со рок на исплата до една година, сега најголемиот дел од долгот е по основ на обврзници со рок на исплата од 15 години, што значи дека за парите што сега се трошат ќе плаќаме камата во следната една и пол деценија, по што ќе треба да го вратиме целиот износ на заемот.

Конкретно по основ на обврзници со рок на отплата од 15 години, државата должи повеќе од 1,1 милијарда евра, што претставува скоро 45 отсто од вкупниот внатрешен долг. На второ место се 12-месечните државни записи во износ од над 577 милиони евра со удел од 23 проценти во вкупниот долг кон домашните кредитори, а на трето место се обврзниците со рок на отплата од 3 години во износ од скоро 200 милиони евра. Приближно толку се должи и преку обврзници со рок на отплата од 10 години.

На кого и колку должи Владата…

Изминатите години пензиските фондови заземаа сè поголема улога на “позајмувачи” на пари на Владата. На крајот од јануари, пензиските фондови преку откуп на државните хартии од вредност на државата ѝ дале заем од скоро 1,2 милијарда евра, што претставува 47 отсто од вкупната сума што ја должи Владата на домашните кредитори.

На второ место се банките од кои државата позајмила 820 милиони евра – удел од 32,8 отсто во вкупниот долг, а на трето место се останати пазарни субјекти кои откупиле државни хартии од вредност во износ од над 300 милиони евра. Милионски износи државата должи и на осигурителни компании.

Во јануари годинава во споредба со истиот месец лани долгот по основ на државни хартии од вредност е зголемен за 102.000.000.евра. Според планот на Владата, годинава, во споредба со 2022, внатрешниот долг треба да се намали, но дали тоа ќе биде така ќе зависи и од задолжувањето на странските пазари.

The post Парите ги трошиме сега, камата ќе плаќаме следните 15 години: Колку и по кој основ должи државата на домашните кредитори appeared first on Република.