Двајца врвни лекари од приватната болница „Плодност“ Битола, загинаа утрово во сообраќајката кај индустриската зона во Прилеп на пат за Битола. Загинаа примариус доктор Александар Ристески, радилог и гинкологот д-р Никола Василески. Животот го загуби и Фанче Јованоска рендген техничар во болницата, сите од Прилеп, дознава „Апла.мк“.

https://republika.mk/vesti/crna-hronika/tri-a-ne-dve-litsa-zaginale-na-litse-mesto-so-teshkiot-sudir-na-patot-prilep-bitola/

Според информациите од СВР Биотла утрово во 07.51 часот било пријавено дека на патот Прилеп - Битола кај клучката Лагово се случила сообраќајна несреќа помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво" со скопски регистарски ознаки управувано од Г.Р.(51) од Битола.

Во несреќата патничкото возило се запалило и на лице место починале тројцата патници во истото.

Смртта ја констатирал лекар од Итна медицинска помош Прилеп.

Како што соопштуваат дел од медиумите, до судирот дошло бидејќи камионот се движел во обратен правец, кон Прилеп, но тоа ќе се утврдува после увидот кој на лице место го вршат јавен обвинител и полициски службеници од ОВР Прилеп.

На социјалните мрежи е споделено и видео од епилогот на несреќата:

The post Загинаа врвни доктори од Прилеп, камионот наводно возел во спротивен правец appeared first on Република.

Министерот за здравство Арбен Таравари одговорајќи на новинарски прашања во Тетово, рече дека очекува институциите да дадат одговор што се случило со Блерант Рамадани, кој беше приведен по барање на Интерпол, па по добиен домашен притвор сега е слободен.

– Вчера прочитав дека Рамадани не е во Македонија. Како и да е, мислам дека од почетокот, господинот Рамадани не требаше да се затвори. Меѓутоа треба да го прашате господниот Абази, јавниот обвинител, зошто остана предолго па после му се овозможи домашен притвор. Сега се надевам надлежните институции ќе кажат што и како се случило, рече Таравари.

На прашањата на теми од здравството, Таравари рече дека недостатокот од кадри во областа ќе се надминува и со средно медицински кадар и со доктори.

Не само во Тетово, генерално секаде, има недостаток посебно на средно медицински кадар. Ние ќе се обидеме, знаете во овој период со 300 доктори специјализанти ќе се обидеме да бидат ангажирани. Меѓутоа и средно медицински кадар ќе се обидеме да ангажираме. Се надеваме дека донекаде недостатокот на кадар ќе се покрие, се надева Таравари.

Министерот рече дека по објавената јавна набавка за компресорски систем за хируршките клиники во Скопје сè уште нема информации дали има пријавено заинтересирани фирми.

The post Таравари: Недостатокот од кадри ќе се надминува и со средно медицински кадар и со доктори appeared first on Република.

Како доктор, постојано се ангажирам за подобрување на професионалните услови за здравствените работници. Во изминатиот мандат значлително ги покачивме платите на сите категории зрасвтвени рботници, но тоа не е доволно. Во следниот мандат потребно уште поголемо зголемување.

Ова го истакна носителот на листата на СДСМ во Изборната единица 4, д-р Венко Филипче кој заедно со Соња Мираковска од НСДП, исто така дел од листата, остварија средба со доктори во Неготино.

За да ги задржиме лекарите и здравствените работници тука, мора да добијат конкурентни услови за работа и плати како во европските земји. Треба да им понудиме соодветна поддршка и усовршување, повисоки плати и почитувана позиција во општеството. Не смееме да губиме здравствени работници“, порача Филипче.

Филипче потсети дека во изминатите седум години многу е направено за подобрување на условите во здравството, а исто така истакна дека СДСМ постигна историски најголемо зголемување на платите на лекарите.

„СДСМ е првата политичка партија во Владата која повеќекратно ги зголеми платите во здравствената дејност, конкретно на здравствените работници, медицинските соработници и на техничкиот персонал. Планираме уште едно драстично зголемување на платите. Докторите специјалисти да имаат плата од 140.000 до 180.000 денари, општите доктори плата од 120.000 денари, а медицинските сестри плата од 60.000 до 90.000 денари“, рече Филипче.

Пристапот до квалитетна здравствена заштита го диктира основниот квалитет на живот. Затоа ќе ставиме голем фокус на ова прашање и ќе продолжиме да се залагаме за уште подобро здравствено осигурување.

„Тоа значи инвестирање не само во постоечкиот здравствен персонал, туку и создавање на нов квалитетен и високообразован кадар. Во таа насока, планираме зголемување на квотата за студенти на јавните високообразовни установи за медицина, стоматологија и фармација, како и укинување на партиципацијата за студирање. Преку овие мерки, целта е да ги стимулираме младите да се посветат на своето образование и кариера, и да ја изградат својата иднина во дома, обезбедувајќи им конкурентни услови што се слични на оние во европските земји“, истакна Филипче.

The post Филипче ветува плати до 180.000 денари за докторите специјалисти, до 90.000 за медицинските сестри appeared first on Република.

Важи ли правичната застапеност, на која се повикуваат поединци (ама само тогаш – кога им одговара), за вработувања во гостиварската општа болница? – прашува пратеничката на ВМРО-ДПМНЕ, Дафина Стојаноска.

Таа објави список на вработени лица, доктори, на неопределено време. Меѓу нив нема ниту еден Македонец.

Погледнете убаво и уверете се дали и како се спроведуваат во Гостивар балансерот и Бадинтерот“ – вели таа со објавата на списокот.

The post Правична застапеност при вработување во болницата во Гостивар: На списокот нема ниту еден Македонец appeared first on Република.

Лекарската комора на Македонија ги осудува јавните вербални навреди, напади и притисоци врз лекарите и лекарската професија, како и неоснованите обвинувања за направена лекарска грешка, што се зачестено присутни во медиумите и социјалните мрежи.

Апелираме да престане секојдневниот и голем притисок врз докторите од ЈЗУ Клиничка болница „Д-р Трифун Пановски” - Битола, кој е присутен иако инспекцискиот и стручниот надзор, како и извештајот на Судска медицина не утврдија лекарски грешка и стручен пропуст во лекувањето и не е констатирана причинско - последична врска меѓу терапијата која била дадена на 5-годишната пациентка и исходот од лекувањето, се вели во рекцијата на Лекарската комора.

Од ЛК додаваат:

Во такви услови, целосно е неоправдано континуирано да се создава јавно мислење дека сите лекари во нашата земја, вклучително и во болницата во Битола, работат нестручно и несовесно. Процесот на создавање на лекар трае долго време и бара посветеност, континуирано учење и залагање, што е голема инвестиција на самиот лекар, неговото семејство, но и на образовниот и здравствен систем. Истакнуваме дека најголем дел од лекарите професионално, одговорно, стручно и посветено секојдневно се грижат за здравјето на пациентите во условите кои постојат во здравствениот систем. Не постои доктор кој не сака да го излекува својот пациент.

Докторите, како најважен чинител на здравствениот систем, мора да бидат еднакво заштитени и почитувани без разлика дали се дел од јавното или приватно здравство, затоа што сите се образуваат на истите факултети и најчесто најголем дел од својот професионален развој го достигнуваат во јавните здравствени установи. Иако јавното здравство се соочува со предизвици во однос на расположливите ресурси, докторите од Клиничка болница во Битола, а и во сите други јавни здравствени установи, секојдневно се обидуваат да пронајдат начини како да се подобрат условите, да не се затвораат одделенија и да им се овозможи на пациентите подобра здравствена заштита со поголемо обострано разбирање и трпение. Неоправданиот притисок што се прави врз лекарите создава услови за нивно заминување од јавното здравство, што е примарно на штета на пациентите.

Лекарската комора ја истакнува и важноста, медиумите и новинарите кои влијаат врз креирање на општото јавно мислење да ги почитуваат професионалните стандарди при известувањето за лекувањето на пациенти и да пренесуваат проверени информации од официјални извори, со почит кон пациентите и нивната приватност. Ширењето на шпекулации и до крај непотврдени информации прави поширока општествена штета.

Изразуваме жалење и разбирање за болката на пациентите и нивните семејства, но потенцираме дека состојбите нема да се подобрат со ширење говор на омраза кон лекарите и споделување на нестручни проценки и тврдења. Надлежните институции се единствени во земјата коишто даваат официјално, стручно мислење врз основ на факти и тие се единствен извор на точни и прецизни информации за настанатата состојба. За одржливост на здравствениот систем ја истакнуваме важноста лекарите и пациентите да ги почитуваат одлуките на институциите, а истите да постапуваат ажурно и кога ќе се утврди лекарска грешка, но и кога лекарот ќе биде неосновано напаѓан и обвинуван, се вели во реакцијата на ЛК.

The post Лекарска комора: Неоправдано е да се создава јавно мислење дека сите лекари во Македонија, вклучително и во болницата во Битола, работат нестручно и несовесно appeared first on Република.

Луѓето кои работат во итната медицинска помош биле подготвени да ги загрозат животите за да им помогнат на ранетите во двете злосторства во Србија. Дотрчале уште пред да се уапсат сторителите, а докторот Владимир Ѓукиќ, и директорот на КБЦ „Д-р Драгиша Мишовиќ“ открива се за повредите, штетите и последиците од раните.

Поминаа само седум дена на жалост и сите сме поразени. Србија треба да биде во мрак. Состојбата на повредените е нешто подобра отколку кога првично се грижевме за нив, но сепак е исклучително тешко. Станува збор за прострелни рани предизвикани од екстремно огнено оружје. Тоа е калашников кој прави страшно уништување на ткивото каде што влезната рана е помала, а излезната е голема, уништувајќи коски, меки ткива и крвни садови - открива д-р Ѓукиќ за српските медиуми.

Тој додава дека морале да бараат помош од своите колеги.

Има повреди на екстремитетите кои моравме да ги погрижиме заедно со колегите од КБЦ Земун и ги повикавме колегите од Бањица да ни помогнат бидејќи се работи за сериозна повреда на бутната коска. Ги истражувавме васкуларните структури, беше поставена целосна дијагноза, сепак , поради сложеноста на траумата и спиналниот шок, во договор со Клиничкиот центар таму префрливме еден пациент - вели докторот.

Јас сум воен хирург, бев во војна две години. Подоцна бев во Ургентниот центар за време на бомбардирањето. Ова е нешто што, се надевам, е последен пат во кариерата на српските хирурзи да го имаат проблем за згрижување тешко повредени деца и млади. Моите молитви се и со децата кои се уште се многу тешки на неврохирургија во Тиршова и во Клиничкиот центар на Србија, вели доктор Ѓукиќ, кој ги пофали луѓето кои работат во Итната помош.

The post Ова е стравично, воен хирург сум, ама…: Лекарите ја откриваат состојбата на повредените во масакрите appeared first on Република.

Во болница во Лондон, кај 29-годишен Албанец, кој се пожалил на здравствени проблеми, при преглед е откриено дека неговото срце е на десната страна, а и другите органи биле на спротивна страна.

Според Ора њуз случајот го открил познатиот албански кардиохирург Кристо Папа, кој живее и работи во Лондон.

На пациентот кој има 29 години му беше констатирана дестрокардија и инверзии на абдоминалните органи од лево. Ова е редок случај, бидејќи во целиот свет може да има само пет до шест случаи на луѓе кои имаат ваков вид на телесни абнормалности, изјави доктор Папа во онлај врска за телевизијата.

Додава дека тој и колегите во болницата ќе го следат случајот со младиот човек “кој е своевиден феномен за лекарите” и посочува дека е потребна “голема внимателност и умешност при здравствените третмани”.

The post Докторите во шок: Срцето му е од десна страна, органите спротивно, млад Албанец е медицински феномен appeared first on Република.

Докторката од Инфективната клиника Жаклина Шопова објави дека уште не ја зеле јануарската плата, иако вчера веќе почнаа да легнуваат платите на дел од вработените по болниците, по хакерскиот напад на Фондот за здравство.

Јас и денес на пауза пиев кафе со колегите од Детска клиника...само си го донесовме во термос, бидејќи ние сеуште немаме плата!
П.С. можеа да дојдат и директорите од ФЗО за да се сликаат со нас „хероите“ и да не стават по билборди...барем така се рекламираше Филипче!, пишува таа.

The post Шопова: Требаше да дојдат директорите од ФЗО да се сликаме со нас „хероите“, оти уште немаме плата appeared first on Република.

На 02.06.2022 во ОВР Прилеп, Г. Ј (48) од Прилеп, пријавил дека на 02.06.2022 околу 11.30 часот во амбулантата за спортска медицина лоцирана во Центарот за јавно здравје Прилеп, пријавителот- доктор бил физички нападнат од страна на В. Д. и И.С., вработени во ЈЗУ Општа болница Прилеп.

На 03.06.2022 во ОВР Прилеп, К. С(47), директор во ЈЗУ Општа болница Прилеп пријавила дека на 02.06.2022 околу 11.00ч. додека пријавителката била во Одделот за спортска медицина, заедно со комисијата на Болницата, со цел физичко дислоцирање на Стрес-тест апарат, истата била физички нападната од докторот Г. Ј. бидејќи се противел на интерната одлука за дислокација на апаратот и ги спречувал службените лица во вршење службено дејствија.

The post Доктори од Прилеп се степале за Стрес-тест апарат appeared first on Република.

Приватните лекари на Денот на здравството 7 април ќе излезат на протест за да искажат револт што не им е решен ниту еден од бројните проблемите кои ги имаат. Здружението на приватни лекари (ЗПЛМ) одлучи протестот да се одржи во 12 часот пред Министерството за здравство, на кој покрај докторите ќе протестираат и медицинските сестри.

Се сменија многу министри, многу Влади, но никој не направи ништо за опстанокот на примарното здравство. Не се покачени буџетите за матичните лекари, ниту за специјалисти и лаборатории. Имаме енормни зголемувања, покачена е минимална плата, цената на индустриската струја отиде високо. Капитациониот бод мора да се зголеми - вели д-р Лилјана Чолакова-Дервишова, претседател на ЗПЛМ.

Иако после последниот протест со Министерството за здравство беше договорено формирање на работни групи и почнување на разговорите, тоа не се случило.

Ги пративме нашите предлози за примарно и секундарно здравство,за лаборатории и за специјалистички. Но, ништо не се случи, немаше состанок, каде суштински ќе се разговара и ќе има резултати. Не бараме средби само да се гледаме, туку нешто треба да се придвижи. Вредноста на бодот од 63 денари капитација е премногу ниска, а за стоматолог е 48 денари -рече Чолакова-Дервишова.

The post Откако ниту едно барање не им се исполнило и тие на нозе: На 7 април ќе протестираат приватните лекари appeared first on Република.

Околу 50.000 вработени во словенечките здравствени домови, болници, установи за социјална заштита, центри за социјална работа и аптеки денеска стапија во еднодневен штрајк по неуспешните преговори за платите со Владата.

За време на штрајкот од 7 до 19 часот во здравствените домови и болниците ќе се обезбедува само итна медицинска помош, аптеките ќе работат со работно време како во недела, а социјалните институции во намален обем ќе вршат само законски задолжителни задачи.

Министерот за здравство Јанез Поклукар рече дека не гледа причина за штрајкот и оцени дека одлуката на синдикатот да ги прекине преговорите со Владата е избрзана. Сличен став изнесе и министерот за труд Јанез Циглер Краљ.

На нешто повеќе од два месеци пред парламентарните избори, словенечката влада е под притисок од различни синдикати да ги зголеми платите поради повисоките животни трошоци и зголемената инфлација.

Неодамна и дел од синдикатите во јавниот сектор најавија штрајк, незадоволни од владината одлука со посебен закон годинава да ги зголеми платите на лекарите бидејќи сметаат дека тоа ги нарушило платите на другите категории вработени во јавниот сектор.

The post Во Словенија еднодневен штрајк на вработените во здравствените и социјалните установи appeared first on Република.