Телеметриската сеизмолошка мрежа на Република Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, утринава, 16.11.2024 година во 5 часот и 31 минута, регистрира земјотрес чиј епицентар се наоѓа 80 km југоисточно од Скопје, во епицентралното подрачје Дојран-Кукуш со Рихтерова локална магнитуда ML3.0.

Според досегашните податоци со кои располага опсерваторијата, земјотресот е почувствуван во Дојран и блиската околина со интензитет од III степени според Европската макросеизмичка скала.

The post Регистриран земјотрес кај Дојран appeared first on Република.

Заврши филмскиот фестивал „Преку езерото” во Стар Дојран. Со проекции на пет долгометражни филма, од кои четири играни и еден документарен, фестивалот, кој е единствен од ваков вид во Македонија, понуди програма за сечиј вкус, на отворено, на брегот на Дојранското Езеро.

Краткиот филм Дали си маж / Are You a Man освои награда за најдобра режија на фестивалот „Преку езерото“ во Дојран! Тоа е прва домашна награда, а ја прими продуцентката Ивана Шекуткоска!

The post Награда за најдобра режија за краткиот филм „Дали си маж“ на фестивалот „Преку езерото“ во Дојран appeared first on Република.

На официјалното отворање на филмскиот фестивал „Преку езерото“ беше доделена единствената НАГРАДАТА „МЕТО ЈОВАНОВСКИ“ - магот на македонското и балканското филмско мајсторство, актерот кој мината година ја одигра својата последна улога на овој свет и замина во светот на вечната игра и вечните соништа - актерот и сонувачот со отворени очи.

„ Да се зборува за трето издание на фестивал кој е создаден само од нашата страст да го споделиме светот на филмот со други луѓе навистина е, ама навистина многу, многу тревожна работа. Кога за прв пат ќе направиш нешто, на медитеранот тоа се нарекува: ``имање среќа``! Кога пак истото тоа ќе се повтори уште еднаш, дури и со намера, тоа ќе ти го опишат како:``абе, се случува``! И најпосле, кога е по трет пат, е дури тогаш може да се рече дека тоа нешто и навистина постои! Е-па, драги мои, ние сме само на миг пред третото издание на нашиот фестивал. Многу се радувам што со вас ќе ги споделиме овие незаборавни денови со приказни. Приказни од балканот и медитеранот, за кои сум убеден дека ќе ги променат нашите верувања дека на овој дел од светот има смисол да се верува во што и да е, ако е помалку од три пати! Верувајте. Ова е ``Преку езерото`` по трет пат, рече пред бројната публика проф. д-р Јани Бојаџи, директор на Фестивалот.

Пред присутните се обрати и претседателката на Советот на филмскиот фестивал „Преку езерото“, Мими Ѓорговска Илиевска, која рече дека сè она што Владо Јовановски го прави различен од многу други актери, еднакво извонредни како него – е неговата посебност, неговата киногенија, неговото присуство во кадарот кое ве привлекува да го гледате дури и без да дејствува, без да збори, без да се движи, дури и без да трепка со очите вие сте ставени во ситуација да очекувате нешто да случи..

„Владо Јовановски е актер кој во кадар може да чита од телефонски именик а ние тоа да го доживееме како приказна, тажна и среќна во истото време. Владо Јовановски е она што на почетокот од ова патување наречено филм, од журналот го создало филмот, таков каков што го знаеме денес. Владо Јовановски е посебна, оригинална, неповторлива уметничка големина, и за наша среќа, актер во најдобрите години од својот живот од кого допрва ги очекуваме најизвонредните достигнувања на актерството во уметноста на филмот. Да е жив и здрав“ рече Ѓорговска Илиевска.

Наградата ја додели почесниот конзул на Република Србија во Македонија, Владимир Стајиќ.

„Пријатели на филмот, чест ми е што сум дел од филмскиот фестивалот „Преку езерото“ каде сите заедно ќе ја славиме уметноста, креативноста и страста на филмот. Вечерва моја е честа да ја доделам наградата на еден ислучителен уметник чие име е синоним за врвно актерство и посветеност на филмската уметност. Тој трпеливо ја градеше својата кариера и остави неизбришлива трага во светот на кинематографијата. Еден од ретките наши актери чиј широк актерски распон е препознаен, видлив и вреднуван и кој стана миленик на публиката на целиот Балкан.. Добитник на НАГРАДАТА МЕТО ЈОВАНОВСКИ за изворедно актерско достигнување во уметноста на филмот на актерот е актерот Владо Јовановски“ рече Стајиќ.

Јовановски, пред бројната публика во Амфитеатарот во Дојран рече дека оваа награда е една огромна одговорност во идни ангажмани.

„Оваа награда што ми претставува особена чест, ќе ми претставува уште еден товар во куферите што ние актерите ги носиме на нашите плеќи. Ова треба да се оправда, ова треба да се заслужи, ова треба постојано и секогаш во секој наред проект да се достоинствено да се оправдува а тоа не е лесно. Господ да ми е напош“ рече Јовановски и се заблагодари за наградата.

Третото издание на филмскиот фестивал „Преку езерото“, традиционално го отвори домаќинот, градоначалникот на општина Дојран,  Анго Ангов , а публиката уживаше во проекцијата на „Руски конзул“ на Мирослав Лекиќ, Србија кој е истовремено и последниот филм на Мето Јовановски, во македонскиот „Параноик“ на Андреј Георгиев и францускиот „И покрај тоа што е ноќ“ на Гилермо Гарсија Лопез.

Претходно, во предпладневните часови, како дел од студенската програма во овогодинешното издание на „Преку езерото“ се оддржа вториот пичинг на студенти на конкурсот за финансиска подршка на дипломски филмови.

The post Доделена наградата „Мето Јовановски“ на официјалното отворање филмскиот фестивал „Преку езерото“ во Дојран appeared first on Република.

„Преку езерото”  – што беше идеја на филмскиот режисер Јани Бојаџи, пред само три години веќе прераснува во етаблиран фестивал на балкански и медитерански филм . Покрај Дојранското езеро и под звезденото небо ќе има проекции на пет долгометражни филмови од кои 4 играни и еден долгометражен документарен. Филмскиот фестивал кој е единствен од ваков тип во Македонија нуди одлична програма за сечиј вкус и може да го задржи сечие внимание. Годинава „Преку езерото“  има регионализација и со своја програма во Гевгелија, Валандово и во Богданци.

Поразлично од досега, со „СТЕЛА“ и проекција на кратки филмови за деца и млади синхронизирани на македонски јазик, фестивалот почнува од вечерва од 20:00 часот во Детски парк во Стар Дојран.

Утревечер според предвиденото има студентска програма но истовремено ќе се прикаже и видео омаж од филмови на ВЛАДО ЈОВАНОВСКИ под отворено небо во Амфитеатаротна брегот на Дојранското езеро.

В петок од 20 часот е закажано и официјалното отворање, кога и за прв пат од одржувањето на фестивалот ќе се додели специјалната награда во филмската индустрија „Мето Јовановски” а ќе има и проекција на последниот негов филм.
„Руски конзул“. Потоа ќе следува проекција на македонскиот филм „Параноик” и францускиот „И ПОКРАЈ ТОА ШТО Е НОЌ” .

Сабота на 10 август исто така публиката ќе ужива во најдобрите филмови од селекцијата. Ќе бидат прикажани еден македонски филм “ДАЛИ СИ МАЖ“,израелскиот – СРЕБРЕН БУНТ, по еден хрватски и грчки филм човекот КОЈ НЕМОЖЕМЕ ДА МОЛЧИ и ТИШИНА 16-9. Проекција ќе има и на два филма од Франција: ВОЛКОТ И МАЧКАТА и БАЛАДА .

Недела е и последната вечер, кога ќе имаат прикажан филмот ЅВЕЗДЕНА од соседна Србија, ХОТЕЛ ПУЛА од Хрватска , ПОДРУМ од Турција, португалскиот филм ЛОШО НА МОМЕНТ и францускиот ЗАРАЗЕНИ.На свеченото затворање на фестивалот ќе бидат доделени фестивалските награди како и грантовите за дипломски студенски филмови.

Конечно, идејата на организаторите веќе трета година по ред е фестивалот да се одржува во Дојран, покрај брегот на езерото, а од година во година веќе изгради репутација на врвно културно случување не само во Македонија, туку и во земјите од регионот.

The post 3. издание на Фестивалот на балкански и медитерански филм „Преку езерото“ appeared first on Република.

Температурата на водата во Дојранското Езеро изнесува 32 степени целзиусови, на Преспанското 29, а на Охридското Езеро 26,5 степени, информира Управата за хидрометеоролошки работи.

Синоптичарите најавуваат дека во следните денови ќе се задржи сончево и многу топло време со максимална дневна температура која насекаде ќе биде над 30 степени, а наместа ќе надминува 40 степени, поради што до крајот на работнава недела ќе биде активно портокаловото ниво за опасност од високи температури.

Во петок и за време на викендот во попладневните часови ќе има локален пороен дожд, грмежи и засилен ветер и дневната температура ќе биде во постепено опаѓање, велат од УХМР.

The post Водата во Дојранско Езеро 32 степени целзиусови appeared first on Република.

Од 09:00-10:40 часот на регионален пат 1105 од излез Нов Дојран до влез Стар Дојран, сообраќајот ќе биде во прекин, информираа од АМСМ.

The post Од 9 часот утрово во прекин сообраќајот од излез Нов Дојран до влез Стар Дојран appeared first on Република.

За првомајските и велигденските празници во Дојран се очекува да престојуваат над 10 илјади туристи, соопшти градоначалникот Анго Ангов.

Според него, се бара место повеќе и сите капацитети се исполнети.

Сакам да истакнам дека не само за празниците, туку од лани и од почетокот на оваа година расте бројот на туристи кои го посетуваат Дојран надвор од летната сезона. Ние сме подготвени да ги пречекаме сите посетители и да им го понудиме нашето познато гостопримство, рече градоначалникот Ангов.

Додава дека се зголемува бројот на сместувачките капацитети со обновување на тие коишто не биле во функција подолго време, а се градат и нови со што туристичката понуда на Дојран се зголемува.

The post Гужва во Дојран за празниците, се очекуваат над 10.000 туристи appeared first on Република.

Најстудено утрово е во Лазарополе -2 степена, -1 степен е измерен на Попова Шапка, еден во Маврови Анови, Битола, Крушево и Тетово, два во Крива Паланка, Прилеп, Охрид и Претор, три во Берово, четири во Струмица, Виница, Штип, Скопје-Петровец и Скопје-Зајчев Рид, пет во Велес и Демир Капија, шест во Кавадарци и Гевгелија, а 10 степени во Дојран.

Управата за хидрометеоролошки работи информира дека во изминатите 24 часа најмногу дожд наврнало на Попова Шапка со седум литри на квадратен метар, пет во Тетово, четири во Пожаране, Крива Паланка и Крушево, три во Охрид, два во Прилеп, Виница, Маврови Анови и Претор и еден литар на квадратен метар во Лазарополе, Демир Капија, Берово, Штип, Кавадарци, Гевгелија, Велес, Битола, Ѓуриште.

Во текот на ноќта и изутринава времето е претежно ведро со мала до умерена локална облачност. Утрово во крајните западни и источни делови има појава на умерена облачност, а наместа долж речните долини има појава на магла. Дуваше слаб до умерен ветер претежно од северен правец.

Времето денеска ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Максималната температура ќе биде во интервал од 16 до 23 степени.

Во Скопје сончево со мала до умерена облачност и со слаб ветер од северозападен правец. Максималната температура ќе достигне до 21 степен.

The post Утрово во Лазарополе -2, а во Дојран 10 степени appeared first on Република.

Потпретседател на ВМРО-ДПМНЕ, Александар Николоски, од митингот во Дојран порача дека веќе се бројат деновите до првиот круг на претседателските избори и дека е сигурен оти уште првиот круг ќе донесе огромна победа за ВМРО-ДПМНЕ, односно за Гордана Силјановска Давкова, што ќе претставува влез во голема победа на 8 мај на вториот круг од претседателските и парламентарните избори.

Сакам да почнам со една локална тема, во четвртата изборна единица малце се општините каде што ВМРО-ДПМНЕ нема градоначалник, една од тие е Дојран и сум убеден дека следната година ќе имаме градоначалник и тука и дека ВМРО-ДПМНЕ ќе ја води општината“, нагласи тој.

Николоски додаде дека има неколку пораки до актуелниот градоначалник при што посочи дека во Дојран пропаѓаат убаво уредените плажи и патеката околу езерото, во Дојран езерото зависи само од Господ и од природата, затоа што не функционира или нередовно функционира системот кој што треба да го одржува езерото. Николоски истакна дека не е одговорно од градоначалникот што воопшто не посветува внимание на овие работи.

Пред некој ден бевме на другата страна, во селото Николиќ и ни рекоа тука во близина имавме преубаво уредена плажа за жал сега ја нема затоа што никој не се грижи за неа. И ни велат покрај земјоделие можеме убаво да живееме од туризам но градоначалникот тоа не ни го овозможува.

 

Би му порачал дека треба многу, многу поодговорно да се грижи за општествениот, државниот имот затоа што тоа е имот на сите нас и тука се трошат пари од сите вас, од граѓаните на Дојран, но и на сите кои што сакаат да помогнат“, порача Николоски.

Тој посочи дека втората порака до градоначалникот на Дојран е да го предупреди дека согласно Изборниот законик и Кривичниот законик се сметаат за тешки кривични дела, делата против изборите. Николоски додаде дека слуша дека градоначалникот тргнал притисоци да прави и поткуп да нуди.

Да му кажам дека тие кривични дела не застаруваат, за нив се одговара, казните се големи. За некои се од пет години нагоре, а за некои се и од десет години нагоре. Така што пет пати да отвори очи пред било што да прави, да престане да прави притисоци и да престане да нуди поткуп.

 

Третата работа која што сакам да ја порачам е дека многу внимателно ја следиме неговата работа. Иако општината на прв поглед изгледа мала заради езерото е исклучително атрактивна. Има бројни сомнежи за злоупотреба на службена положба. А, пред се во делот на урбанизмот, и тоа го следиме многу внимателно. И сето тоа ќе биде внимателно истражено затоа што никој не смее да се богати на ваш грб, никој не смее да се богати на грб на граѓаните“, порача Николоски.

Тој укажа дека се надева дека градоначалникот на Дојран ќе ги слушне трите пораки.

Николоски додаде дека изборот на овие избори е јасен, Македонија е време да стане повторно горда, а тоа ќе биде со Гордана Силјановска Давкова како претседател на државата и ВМРО-ДПМНЕ да ја формира владата.

The post Николоски со порака до градоначалникот на Дојран: Престани да правиш притисоци и да нудиш поткуп, тоа е казниво appeared first on Република.

Таа позади себе има два успешни албуми "Fatou" (2011) и "Fenfo" (2018) кои се фаворит на критичарите и публиката. Нејзината соработка со Gorillaz на патеката „Désolé“ ја покажа нејзината сестраност, со нејзиното меѓународно признание за соработката, таа продолжува да ги руши границите во музичката индустрија.

Надвор од нејзината музичка моќ, Fatoumata е и актерка која била номинирана на наградите БАФТА и Оскарите во 2014 година, покрај тоа и активистка која се залага за поддршка на женските права и социјалната правда!

Не ја пропуштајте оваа ретка можност да бидете сведоци на магијата на Fatoumata Diawara во живо на Д Фестивал.

The post Волшебната Fatoumata Diawara ќе ја краси сцената на Д Фестивал со нејзиниот извонреден вокал и моќни перформанси appeared first on Република.

The post „Зостер“ за прв пат пристигнуваат на Д фестивал appeared first on Република.

Денеска, точно на пладне започувна со продажба специјалната промотивна акција на билети РАН КОРМОРАН во ограничен број од 300 билети за овогодишното, четиринаесето издание на Д Фестивал!

Најповолната цена на фестивалските билети е секогаш резервирана за верните фанови на Д Фестивал, спремни први да се впуштат во акција:

• 1200 ден. - тридневен фестивалски билет со пристап до цела програма)
• 1300 ден. (тридневен фестивалски билет со пристап до цела програма + камп место).

Официјален слоган на овогодинешното издание - #LoveSpreads! Ширете го чувството на љубов, заедничката радост и припадност, бидејќи знаеме дека Љубовта е она што нè поврзува и прави нашите срца да чукаат посилно.

Со нетрпение го чекаме летото за да се сретнеме повторно и заедно да ја креираме новата магична фестивалска приказна од 28 до 30 јуни!

Купете ја својата влезница уште веднаш на dfestival.mk/vleznici или преку продажната мрежа на МК Тикетс.

The post Денеска почнува Ран Корморан appeared first on Република.

Мигрант од Сирија загина, а уште еден е поврден синоќа во сообраќајна несреќа во близина на Дојран, соопшти полицијата.

Во близина на Дојран, синоќа околу 20 часот, патничко моторно возило „крајслер“, излетало во провалија. Тоа, откако претходно не застанало на дадена наредба за запирање од страна на полициски службеници на раскрсница „Смоквица“ и на влез во Валандово, продолжило со движење, зголемувајќи ја брзината, соопшти Министерството за внатрешни работи.

При извршениот увид, констатирано е дека во возилото се превезувале 11 лица, мигранти од Сирија. Од нив, едно лице починало на местото на настанот, едно лице е пренесено во Комплекс клиники „Мајка Тереза“ во Скопје за укажување на лекарска помош. На останатите лица им била укажана лекарска помош во Општа болница Гевгелија, по што биле сместени во Прифатно- транзитниот центар Гевгелија за понатамошна постапка, појаснуваат од МВР.

Според кажаното од мигрантите, возачот на возилото, пред тоа да излета, ја отворил вратата и скокнал, по што се дал во бегство.

Увид бил извршен од јавен обвинител и увидна екипа од ОВР Валандово.

Се преземаат мерки за пронаоѓање на возачот и расчистување на случајот.

The post Загина мигрант кај Дојран, откако возачот бегал од полиција, па излетале во провалија appeared first on Република.

Во Берово утрово е најстудено, минус три степени, а најтопло е во Дојран, шест степени.

Како што соопшти УХМР, до 7:30 часот минус еден степен е измерен во Скопје, кај Петровец и во Демир Капија, нула степени на Попова Шапка и во Тетово, Битола, Струмица, Прилеп, Велес, а еден степен во Куманово, Штип, Кавадарци и Крива Паланка. Два степени се измерени во Охрид, во Скопје - Зајчев Рид, Маврови Анови и Гевгелија, три во Крушево и четири степени во Претор и Виница.

Според УХМР, во текот на ноќта и изутринава краткотрајно облачноста беше помала, а потоа од запад се прошири облачност која во утринските часови се намалува најпрвин во југозападните делови.

Претпладне по одделни котлини ќе има појава на магла или ниска облачност, а од пладневните часови ќе биде променливо облачно со сончеви периоди. Кон крајот на денот најпрвин во западните, а во текот на ноќта и во југоисточните делови ќе има повремен дожд. Претпладне ќе дува слаб до умерен јужен ветер кој во попладневните и во вечерните часови вдолж Повардарието краткотрајно ќе засилува. Максималната температура ќе биде во интервал од 10 до 16 степени.

Во Скопје претпладне со појава на магла или ниска облачност, а во текот на денот променливо облачно со слаб променлив ветер. Максималната температура ќе достигне 11 степени.

The post Најстудено во Берово, најтопло во Дојран appeared first on Република.

Утрово во Берово се измерени -5 степени целзиусови, во Скопје- Петровец, Тетово, Битола, Демир Капија и Струмица - 2, -1 степен е измерен во Куманово, Прилеп, Охрид, Штип и Велес, нула во Скопје - Зајчев Рид, Претор, Крива Паланка и Кавадарци, три на Попова Шапка, еден степен во Маврови Анови, Крушево и Виница, 2 во Гевгелија и 6 степени во Дојран.

Во текот на ноќта преовладуваше ведро време, информираа од УХМР. Утрово е сончево со мала локална облачност, а во Демир Капија има појава на слаба магла. Наместа дува слаб ветер од северен и западен правец.

Времето денеска ќе биде сончево и потопло со мала локална облачност. Ќе дува слаб до умерен ветер претежно од западен правец. Максималната температура ќе биде во интервал од 10 до 17 степени.

Во Скопје сончево со мала облачност и со слаб ветер од променлив правец. Максималната температура ќе достигне 14 степени.

The post Во Берово утрово беше најстудено со -5, најтопло во Дојран со шест степени appeared first on Република.

Во Берово утрово е најстудено - еден степен, а најтопло е во Дојран, 12 степени.

Како што соопшти Управата за хидрометеоролошки работи (УХМР), до 7:30 часот два степени се измерени во Лазарополе, три во Битола, четири во Струмица, Тетово и во Маврови Анови, пет во Скопје - Петровец и во Демир Капија, шест во Прилеп, Велес, Куманово, Штип, Крива Паланка, Претор и Попова Шапка. Седум степени се измерени во Скопје - Зајчев Рид, Охрид, Кавадарци, Гевгелија, а девет во Крушево и во Виница.

Во текот на ноќта и изутринава времето беше ведро со слаб променлив ветер. Утрово е сончево и свежо.

Времето денеска ќе биде сончево со слаб ветер од јужен правец. Максималната температура ќе биде во интервал од 20 до 27 степени.

Во Скопје сончево со слаб променлив ветер. Максималната температура ќе достигне 24 степени

The post Утрово пролет во Дојран appeared first on Република.

Викендов во Дојран се одржа четвртиот модул на Школата за политики за 2023 година при Претседателскиот центар за политичко образование на тема „Геополитички импликации на војната во Украина: улогата на ЕУ и НАТО во регионот на Западен Балкан“, во соработка со Фондацијата „Конрад Аденауер“ во Македонија.

На четвртиот модул поздравни обраќања и завршни согледувања имаа проф. д-р Александар Љ. Спасов, претседател на Програмскиот совет на Претседателскиот центар за политичко образование, советник на претседателот за надворешна политика, внатрешна политика и уставни прашања и вонреден професор на Правниот факултет „Јустинијан Први“ и Даниела Поповска, член на Програмскиот совет на Претседателскиот центар за политичко образование и координатор на проекти при Фондацијата „Конрад Аденауер“ во Македонија.

За актуелните безбедносни предизвици и перспективи на Македонија и регионот во време на војната во Украина, се обрати помошникот на директорот на Агенцијата за разузнавање на Република Македонија. 

Пред учесниците на четвриот модул на Школата за политики денеска се обрати шефот на делегацијата на Европската унија во земјава, амбасадорот Дејвид Гир, кој говореше на тема „Предизвици на политиките за проширување на ЕУ - реалност наспроти очекувања“.

Професорите Марјан Ѓуровски од Институтот за безбедност, одбрана и мир при Филозофскиот факултет на УКИМ, Стефан Сурлиќ од Факултет за политички науки – Белград и Јоргос Кристидис од катедрата за балкански, славистички иориентални студии при Универзитет „Македонија“ во Солун, одржаа предавања на тема „Билатерални договори во регионот – привремени решенија или трајно решавање на долготрајни отворени билатерални спорови“.

Учесниците на четвртиот модул имаа можност да дискутираат и за регионалните спорови во склоп на процесот на европската интеграција на регионот, која беше и тема на која се обрати Зоран Нечев од Институт за демократија „Социетас Цивилис“ – Скопје.

За местото и значењето на ефективниот мултилатерализам во време на глобални предизвици, пред учесниците говореше амбасадорот Пајо Авировиќ, специјален пратеник на претседателот при Постојаниот совет на Меѓународната организација на Франкофонијата и директор на Директоратот за мултилатерални односи и безбедносна соработка во Министерството за надворешни работи.

Воедно, учесниците на модулот беа вклучени во работилницата „Кинеското влијание во Западен Балкан: Лост или кочница во приближувањето кон ЕУ?“, која ја водеше Ана Крстиновска од НВО „ЕСТИМА“.

Школата за политики се одржува трета година по ред, во соработка со партнерските фондации и организации кои се дел од Програмскиот совет на Претседателскиот центар за политичко образование: фондацијата „Фридрих Еберт“ за Македонија, Меѓународниот републикански институт (ИРИ), фондацијата „МК2025“, фондацијата „Конрад Аденауер”, фондацијата за демократија на Вестминстер во Македонија и Националниот демократски институт (НДИ).

The post Четврт модул на Школата за политики за 2023 година при Претседателскиот центар за политичко образование appeared first on Република.

– На крајот на оваа туристичка сезона се остварени околу 100 илјади ноќевања, но точниот број не може да се утрврди бидејќи наплатата на туристичката такса не е целосно реализирана зашто таа е показател за точниот број на туристите, смета градоначалникот на Дојран, Анго Ангов.

Општината е задоволна од посетеноста на Дојран, но како општина се стремат за развој на туризмот преку целата година.

За таа цел презедовме низа мерки како што се санација на стари објекти со кои се збогатува туристичката понуда и привлекување на туристи надвор од летната сезона. Овие денови заедно со Центарот за развој на Југоисточниот плански регион реализиравме проект за набавка на 20 електрични велосипеди, смарт табли и други активности кои ќе значат промоција и посета на Фронтовската линија од Првата светска војна за да станеме поатрактивни. Формиравме и ново претпријатие кое ќе организира тури до Фронтовската линија и првпат ќе се посетуваат Турската бања и Саат-кулата кои се историски споменции и се обновени по 115 години од нивното разурнување, вели Ангов.

За зголемувањето на наплатата на туристичката такса, Општината организирала повеќе настани на кои на туристичките работници и издавачите на соби им било укажано дека со собирањето на овие средства се збогатува туристичката понуда и тие средства повторно се враќаат.

Ангов смета дека и покрај тоа не е подигната свеста за плаќање на туристичката такса. Најавува дека во наредниот период ќе се засилат контролите за да може да се собира туристичката такса.

The post Во летната сезона во Дојран се остварени околу 100 илјади ноќевања appeared first on Република.

На крајот на оваа туристичка сезона се остварени околу 100 илјади ноќевања, но точниот број не може да се утрврди бидејќи наплатата на туристичката такса не е целосно реализирана зашто таа е показател за точниот број на туристите, смета градоначалникот на Дојран, Анго Ангов.

Општината е задоволна од посетеноста на Дојран, но како општина се стремат за развој на туризмот преку целата година.

-За таа цел презедовме низа мерки како што се санација на стари објекти со кои се збогатува туристичката понуда и привлекување на туристи надвор од летната сезона. Овие денови заедно со Центарот за развој на Југоисточниот плански регион реализиравме проект за набавка на 20 електрични велосипеди, смарт табли и други активности кои ќе значат промоција и посета на Фронтовската линија од Првата светска војна за да станеме поатрактивни. Формиравме и ново претпријатие кое ќе организира тури до Фронтовската линија и првпат ќе се посетуваат Турската бања и Саат-кулата кои се историски споменции и се обновени по 115 години од нивното разурнување, вели Ангов.

За зголемувањето на наплатата на туристичката такса, Општината организирала повеќе настани на кои на туристичките работници и издавачите на соби им било укажано дека со собирањето на овие средства се збогатува туристичката понуда и тие средства повторно се враќаат.

Ангов смета дека и покрај тоа не е подигната свеста за плаќање на туристичката такса. Најавува дека во наредниот период ќе се засилат контролите за да може да се собира туристичката такса.

The post Летово во Дојран се остварени околу 100 илјади ноќевања, наплатата на туристичката такса незадоволителна appeared first on Република.

Полициски службеници вчера лишиле од слобода две лица од Општина Дојран, откако кај нивните домови се пронајдени и одземени повеќе предмети кои потекнуваат од тешки кражби.

Вчера во 06:30 часот, полициски службеници од Одделението за внатрешни работи Гевгелија ги лишиле од слобода Р.Б.(27) од село Николиќ, општина Дојран и С.С.(31) од Нов Дојран. При претрес во нивните домови, извршени со судска наредба, биле пронајдени и одземени повеќе предмети кои потекнуваат од тешки кражби и кражби извршени во туристички капацитети и викенд куќи на подрачјето на Нов и Стар Дојран, соопшти Министерството за внатрешни работи.

Од МВР информираат дека лицата биле задржани во Полициската станица Гевгелија и за случајот бил запознаен Јавен обвинител од Основното јавно обвинителство Гевгелија.

Против Р.Б. е поднесена кривична пријава поради сомнение дека сторил седум кривични дела „тешка кражба“ и две кривични дела „кражба“, од кои пет биле извршени во 2023 година, а останатите во 2021 и 2022 година. Лицето било изведено пред Судија на претходна постапка, кој му определил мерка притвор, се наведува во соопштението на МВР.

The post Крадци хараат по викендичките и апартманите низ Дојран appeared first on Република.