ласачите   во Македонија избираат нов парламент и одлучуваат за нивниот следен претседател. Последните анкети укажуваат на можна промена на власта во балканската нација. Се очекува националистичката опозициска партија ВМРО-ДПМНЕ да победи на парламентарните избори и да ја предводи следната владина коалиција. Партијата очекува и добри вести во вториот круг од гласањето за претседателската функција.

Актуелниот претседател Стево Пендаровски (61), кој е поддржан од актуелните владејачки социјалдемократи (СДСМ), беше втор во првиот круг пред две недели.

Предизвикувачот Гордана Силјановска-Давкова (70) од ВМРО-ДПМНЕ доби двојно повеќе гласови од Пендаровски.

За време на предизборната кампања, националистите најавија дека доколку победат ќе водат поконфронтациски курс против соседните Грција и Бугарија.
-------------------------------

Reuters
Избирачките места во Македонија беа отворени денеска за парламентарните и за претседателските избори на кои се очекува десничарската опозиција да добие предност против владејачката партија која не успеа да ги подобри преговорите за влез во ЕУ и да ја елиминира корупцијата.

Не се објавени анкети пред гласањето, но посилните резултати од очекуваното на опозициската партија ВМРО-ДПМНЕ во првиот круг од претседателските избори минатиот месец укажуваат на тоа дека гласачите се фрустрирани од владејачките социјалдемократи. Некои од оние што гласаа рекоа дека сакаат влада способна да внесува инвестиции и да ја искорени корупцијата. Љубљанскиот Меѓународен институт за блискоисточни и балкански студии (ИФИМЕС) наведе дека победата на ВМРО-ДПМНЕ може да ги комплицира понатамошните разговори со ЕУ, со оглед на нивното противење на договорите со Грција и Бугарија.
----------------------
Аl Jazeera 
Во Македонија излегуваат на гласање за парламентарни и претседателски избори кои можат да претставуваат тест за амбициите на балканската држава за Европската унија.

Гласањето денеска доаѓа  откако Гордана Силјановска-Давкова од десничарската ВМРО-ДПМНЕ убедливо поведе во првиот круг од претседателските избори одржани минатиот месец. Победата на националистичката партија ќе ја постави сцената за тензии со соседните Грција и Бугарија, заканувајќи се да ги оптоварува веќе бавните разговори за пристап во ЕУ. Сепак, левичарската партија, која моментално ја води владата и може да се пофали со претседателската функција, се бори да ја врати иницијативата по тешката загуба во првиот круг во претседателските избори, при што популистичката агенда на Мицкоски се покажа моќна.
--------------------
AP (Associated Press)
Гласачите во Македонија гласаа денеска на парламентарните избори и на вториот круг од претседателските избори во кои доминираа прашања како што се патот на земјата кон членство во Европската унија, корупцијата и економијата.

Првиот круг од изборите за претседател, главно церемонијална функција, се сметаше за барометар за парламентарното гласање. Тоа и даде јасно водство на Гордана Силјановска-Давкова, кандидатот поддржан од десниот центар, пред актуелниот претседател Стево Пендаровски, кој е поддржан од владината левичарска коалиција. Патот на Македонија кон ЕУ е блокиран од соседна Бугарија, која бара да се измени Уставот за да се признае бугарското малцинство. И додека левиот центар се согласи со барањето, ВМРО-ДПМНЕ го осуди владиниот „капитулантски бугарски диктат. Нешто повеќе од 3.500 луѓе од речсии 1,84 милиони се идентификувале како Бугари на последниот попис во Македонија, во 2021 година.
--------------------------
AFP
Се чини дека Македонија е вo судир со нејзините соседи во ЕУ, Грција и Бугарија, со двоjните избори денееска на кои најверојатно, ќе ја вратат на власт десничарската опозиција во земјата. Гласањето може да има голем ефект врз сонот на балканската земја за пристапување во Европската унија. Откако постигна убедлива победа во првиот круг од претседателските избори минатиот месец, националистичката партија ВМРО-ДПМНЕ преполни со доверба се упатија кон вториот круг гласање и на парламентарни избори.
------------------------
Washingotn post
Во Македонија се одржуваат избори на кои доминира патот на земјата кон членство во ЕУ и борбата со корупцијата. Преговорите за членство во ЕУ со Македонија - и со другата кандидатка Албанија - започнаа во 2022 година и се очекува процесот да трае со години.

Корупцијата е другото жешко прашање, при што извештајот на Европската комисија минатата година вели дека таа „останува распространета во многу области“ во Македонија. Во декември, американската амбасадорка Ангела Агелер рече дека има „епидемија на корупција во оваа земја што го погоди секој сектор, секоја организација и само со разоткривање на корумпираните актери можеме да почнеме да и помагаме на земјата да ги реши овие прашања“.
-----------------
DW
На опасност предупредува Улф Брунбауер, научен директор на Лајбниц Институтот за Источна и Југоисточна Европа во Регенсбург, Германија, кој смета дека исходот од изборите во Македонија ќе биде „доказ за геополитичкото слепило на ЕУ“, алудирајќи на фактот дека и по 20 години откако стана кандидат, државата уште формално не ги започнала преговорите за полноправно членство во ЕУ.

„За ЕУ, оваа прогноза е засрамувачка“, напиша Брунбауер во коментарот.
„Постои закана од обновување на етничките конфликти, уште една земја од Западен Балкан може да се сврти кон исток, додека Брисел целосно го загуби својот кредибилитет како фактор на стабилноста во тој регион исполнет со тензии. Според се, очигледно актерите во ЕУ се уште не ја разбрале експлозивната геополитичка динамика на Балканот“, заклучува германскиот експерт.

The post Странските медиуми ја најавија промената на власта во Македонија appeared first on Република.

На  Македонија не и е лесно ниту во Европа, ниту со неа. Најпрво соседна Грција го спречи почетокот на преговорите за членство во ЕУ а сега и Бугарија.

По спорот кој траеше повеќе од две и пол децении, Скопје се согласи да го смени претходното име на државата. Ова му го отвори патот за влез во НАТО, па Македонија стана нејзина членка во 2020 година.

Но, Бугарија долго време го кочи приближувањето на земјата кон ЕУ. Таа сака да изнуди промени во толкувањето на националната историја од Македонија според волјата на Софија. Дополнително, Бугарија тврди дека македонскиот не е самостоен јазик, туку само западно-бугарски дијалект, пишува „Дојче веле“.

И, конечно, се бара бугарското малцинство, кое брои само 3.000 припадници, да биде вклучено во Уставот на Македонија како „државотворна нација“. Во исто време, во Бугарија се негира постоењето на македонското национално малцинство-пишува Дојче веле

И покрај охрабрувачките говори и празните ветувања на западните политичари: Македонија е сè уште играчка на меѓународната политика. И земја кандидат за членство во ЕУ која толку долго чекаше на почеток на преговорите како ниедна друга земја пред неа. Сепак, т.н

Пристапната конференција во јули 2022 година го означи формалниот почеток на преговорите. Но, поради бугарската блокада тоа се уште не се вистински преговори, каде би се отвориле поединечни поглавја.

The post Maкедонија под власт на СДСМ прогласена за најдепресивна земја appeared first on Република.

Македонската власт во континуитет не гради институции, туку разградува, вели во интервјуто за Дојче веле поранешниот лидер на СКМ-ПДП, поранешен министер за финансии и ексгувернер на Народна банка на Македонија, Петар Гошев.

– Нашиот систем во суштина е „систем свој човек“. Го немаш ли, тешко ти се пишува. Деградираните институции – лишени од знаење и одговорност, како и планетарната корупција која се претвори во „најпрестижна дејност“, се главната причина за претворањето на Македонија во една голема надземна септичка јама, вели Гошев.

Тој прогнозира, како и премиерот Димитар Ковачевски, дека нѐ чека тешка зима.

– Дефицитите на јавниот сектор се огромни, структурните слабости се несовладливи дури и на среден рок, а зависноста од надворешните шокови е непремостлива, смета Гошев.

Бившиот лидер на СКМ-ПДП, а потоа и на Демократската партија вели дека Македонија нема плурализам:

– Немаме плурализам, туку конкуренција на олигархии. Со вадење пиштоли на маса, со разни закани за одмазда, се изнудуваат привилегии – чиниш ја живееме добата на најпримитивната првобитна акумулација од историјата на човештвото, оценува Гошев.

Целото интервју во Дојче веле.

The post Незнаење, неодговорност и планетарната корупција ја претворија Македонија во една голема надземна септичка јама appeared first on Република.

Европската Унија го троши својот кредибилитет кога се удоволуваат мегаломанските барања на поединечни држави, вели лидерот на ВМРО-ДПМНЕ, Христијан Мицкоски во интервју за Дојче Веле.

Токму за време на посетата на лидерот на ВМРО-ДПМНЕ, Христијан Мицкоски и потпретседателот на партијата, Александар Николоски на Будимпешта, каде остварија средба со Виктор Орбан – премиер на Унгарија и претседател на нивната сестринска партија ФИДЕС, еврокомесарот за проширување, Унгарецот Оливер Вархеји, во интервју за Еуроактив упати критики до македонската опозиција – дека таа ги поминала основните демократски црвени линии во дејствувањето против францускиот предлог.

За Македонија ова треба да биде момент за отрезнување, и за опозицијата. Палењето документи во пленарна сала, туркањето на луѓето во насилство и поттикнувањето омраза не носат ништо, само штета. Постојат многу јасни граници за европскиот начин на водење политика, многу јасни граници за цивилизираната политика, а моја процена е дека многу од тие црвени линии беа поминати од опозицијата, изјави меѓудругото Вархеји.

За оваа критика и за тековните активности на ВМРО-ДПМНЕ, ДВ побара одговор од нејзиниот лидер Христијан Мицкоски.

ДВ: Ги поминавте ли црвените линии?

Сметам дека единствените црвени линии кои беа поминати беа тие на распродажбата на македонскиот идентитет, грубата трговија со нашите историски наследства и културни обележја врз кои како народ ја градиме нашата држава и го негуваме нашиот идентитет. Познавајќи ја европската бирократија, го разбирам господинот Вархеји кој како политичар во ЕУ сака уште едно завршено поглавје на своето биро, уште едно затворено прашање. И воедно, јасно ми е дека од негова гледна точка тешко е да се разбере она што за нас е исклучително важно, а тоа е нашиот идентитет и правото како немногуброен народ да опстоиме и тоа во состојба кога нашиот сосед има аспирации и неоправдано нѐ блокира, искористувајќи ја слабата и корумпирана влада, која не можејќи да испорача резултати – тргува со идентитетските обележја. Но исто така и комесарот треба да сфати дека во ситуација кога никој од владата не ја консултираше опозицијата при изработка на документот кој беше усвоен како преговарачка рамка, кога целосно беше игнорирана опозицијата и нашите барања јавно да се објави текстот од протоколот каде седат бугарските мегаломански барања, кога се прифати преговарачка рамка по која немаме вистински старт на преговорите туку обична фото-сесија и истите проблеми кои останаа, единствената црвена линија која се помина е таа на здравиот разум, на идентитетското распознавање на Македонија и народот како и бескрајната толеранција на Европската Унија на неразумните блокади и тапкањето во место. Воедно и Европската Унија го троши својот кредибилитет кога се удоволуваат мегаломанските барања на поединечни држави. Единствено што сакам и на што опстојувам е доследно почитување на вредностите врз кои почива ЕУ, а тоа е почитување на различностите, на силно вреднување на солидарноста, затоа што ниту Европа ниту Бугарија ќе има поголема корист од тоа што криминална влада и условени политичари исполниле мегаломански барања преку кои довеле една земја и народ во потчинета состојба.

ДВ: Дали на средбата со унгарскиот премиер Виктор Орбан ви беше пренесена слична порака, со оглед дека Вархеји потекнува од истата политичка опција?

Не, разговорите со премиерот на Унгарија, Орбан, воопшто не беа во тој дух. Напротив. Тој е пријател на Македонија и голем поддржувач на стратешките интереси. Одблиску го запознав со деталите околу преговарачката рамка, и тоа што нам ни пречи, а тоа е правото кое се дозволува на земја членка на Унијата да ги менува нашите учебници, нашиот Устав, да го негира нашиот јазик, а за возврат ние сѐ уште да сме пред портите на ЕУ, сѐ додека некој од Бугарија не рече – доволно е обезличување, сега можете да влезете. Разговаравме и за состојбите во регионот, енергетската криза и ред други теми и прашања. Пријателска и средечна средба.

Целото интервју со лидерот на ВМРО-ДПМНЕ прочитајте го ТУКА

The post Мицкоски: Не ја поминавме црвената линија, некој друг ја премина линијата на здравиот разум appeared first on Република.

ДВ дојде до двата документи кои се понудени од Франција како решение за надминување на спорот меѓу Бугарија и Македонија: Преговарачката рамка и Нацрт-заклучоците на Советот на ЕУ.

Македонија ќе треба да се обврзе да го смени Уставот во брз рок за да ги внесе Бугарите во Преамбулата, а потоа и да донесе Акциски план за заштита на нивните права, за да ги започне пристапните преговори со ЕУ, се наведува во францускиот предлог кој е доставен до Софија. Официјално Скопје, барем засега, тврди дека до нив не стигнал овој документ. Притоа, поголем дел од планот „4+1″ на чија основа двете земји преговараат за надминување на билатералниот спор, се сели во Преговарачката рамка. Па така, во Акцискиот план кој треба да го спроведе Скопје, освен заштитата на малцинствата и недискриминацијата, се споменува и образованието. Дополнително, за воопшто да почнат пристапните преговори, Бугарија ќе треба да биде задоволна дека повеќе не се врши дискриминација во земјата и дека нема говор на омраза. Тие прашања ќе бидат регулирани со Акцискиот план на кој Скопје ќе мора да се обврзе.

Со предлогот, за кој Софија треба да се изјасни деновиве, останува активен и спорот за македонскиот јазик кој го отвори Бугарија, затоа што во него се предвидува двете земји со унилатерални декларации да и се обратат на ЕУ со објаснување за јазикот.

Притоа, Франција предлага и едно уникатно решение за организирање на две Меѓувладини конференции. Првата уште на 23 јуни во Брисел, која ја претставува како „политичка“, и втората во иднина, тогаш- кога Македонија ќе заврши со уставните измени.

Дојче веле од дипломатски извори дојде до двата документи од кои, во продолжение, ви ги пренесуваме клучните точки. Првиот е Преговарачката рамка во која се додадени повеќе бугарски барања, а вториот е Предлог-заклучокот кој претседавачот Франција му го доставува на Советот на ЕУ.

Комисијата ќе го следи напредокот

Во самата Преговарачка рамка, во точката 4 каде се наведуваат обврските на Македонија да ги почитува вредностите на ЕУ, освен „традиционалните“ барања за напредок во владеењето на правото, борбата против корупцијата и основните права, француското претседателство ги додава и „анти-дискриминацијата и борбата против говорот на омраза“.

Во точката 10, уште еднаш се потенцира потребата од заштита и недискриминаторски однос кон лица кои припаѓаат кон малцинства или заедници. „За да се обезбеди неповратноста на напредокот во овие сегменти и целосната имплементација, напредокот одблиску ќе се набљудува од Комисијата, која за тоа ќе му реферира на Советот“.

Што се однесува до дилемата дали Бугарија се откажала од спорењето со постоењето на македонскиот јазик, точката 11 во голема мерка ги решава тие дилеми. Иако Брисел го нарекува јазикот „македонски“, Бугарија сака да ја објасни својата позиција со декларација.
„Што се однесува до преводот на законите на ЕУ на македонски, ЕУ ја бележи намерата на Бугарија и Македонија да поднесат унилатерални декларации за македонскиот јазик“.

Акциски план за бугарските барања

Во точката 35 од поглавјето Преговарачки процедури поместен е уште еден дел кој одговара на барањата на Бугарија. Имено, оваа точка го опишува Патоказот во однос на владеењето на правото во земјата, кој владата во Скопје треба да го усвои врз база на скринингот кој ќе го изврши Европската комисија во земјата. Она што е ново во овој дел е следното:

Македонија ќе усвои, низ инклузивен процес, Акциски план насочен кон заштита на правата на лицата кои припаѓаат кон малцинства или заедници, вклучително и во делот на не-дискриминацијата, борбата против говорот на омраза, образованието, обезбедувањето ефективни мерки, механизми за пријавување и идентификување на одговорни институции за тоа. Усвојувањето и имплементацијата на овој Акциски план понатаму е додаден и како услов за отворање на првиот кластер со ЕУ наречен „Темели”.

Понатаму, во точката 47, каде се објаснува следењето на напредокот на Македонија од страна на Комисијата, е додадена уште една реченица:

Комисијата ќе обрне специјално внимание кон заложбите на Македонија за добрососедски односи и регионална соработка како што е наведено во точката 5 и ќе ја информира Меѓувладината конференција за нивната имплементација“.

Останатите детали за тоа што може да се очекува од билатералниот договор меѓу владите во Скопје и Софија се наоѓаат во Предлог заклучоците кои Франција му ги предлага на Советот на ЕУ. Париз тука наведува дека „Македонија планира приоритетно” да изврши „уставни измени со цел да ги вклучи во Преамбулата на Уставот граѓаните кои живеат во границите на државата и кои се дел од други нации, како Бугарите.”

Доколку Скопје се обврзе да го стори тоа, уште на 23 јуни во Брисел ќе се одржи „политичка меѓувладина конференција“ која, како што може да се разбере од Предлог-заклучоците нема да биде Меѓувладина конференција со која ќе се овозможи почеток на пристапните преговори. Таквата, вистинска Меѓувладина конференција, би се одржала дури откако ќе се промени Уставот и во него ќе се вметнат Бугарите. Преговорите со ЕУ за полноправно членство би започнале откако ќе се исполнат предусловите за отворање на кластерот Темели.

Кластерот Темели ќе се отвори прв и ќе се затвора последен, за да може да се следи напредокот во тој сегмент, се наведува натаму. Притоа, во точката 51, францускиот предлог предвидува паралелна контрола на Патоказот за напредок во делот на владеењето на правото, и Акцискиот план со кој треба да се обезбеди заштита на малцинствата. Понатаму, во точката 53 каде што се објаснуваат одредниците за кластерот Темели, се прецизира дека Патоказот за владеењето на правото и Акцискиот план, кој практично произлегува oд бугарските барања, се изедначуваат по важност и без нивното целосно исполнување државата нема да може да продолжи натаму.

The post „Дојче Веле“ го објави спорниот предлог: Бугарските позиции влегуваат во преговарачката рамка appeared first on Република.

Руските трупи напредуваат во Донбас така што и украинскиот претседател Зеленски признава дека ќе биде тешко воено да се вратат териториите. Кремљ наводно е подготвен на преговори, но бара укинување на дел од западните санкции.

The post Германски воен експерт за „Дојче веле“: На Путин добро му оди во Украина, затоа нема никаква мотивација да оди на преговори appeared first on Република.

The post НАТО никогаш се нема обврзано дека нема да се шири на Исток appeared first on Република.

Русија воведе забрана за емитување на германскиот меѓународен радиодифузер „Дојче веле“, ја затвора неговата канцеларија во Москва и ќе ја одземе акредитацијата на новинарите од тој медиум, соопшти Министерството за надворешни работи во Москва.

Потегот на Москва е одговор на вчерашната одлука на германскиот регулатор, кој ги блокираше преносите на рускиот ТВ канал „РТ ДЕ“. Кремљ ја критикуваше таквата одлука како „ништо помалку од напад на слободата на говорот“.

https://republika.mk/vesti/svet/germanija-zabrani-emituvanje-na-rasha-tudej-na-germanski/

Германската Комисија за лиценцирање и надзор (ЗАК), која е одговорна за регулирање на медиумите во Германија, му забрани на каналот на германски јазик „РТ ДЕ“ да емитува програма во земјата, наведувајќи дека нема дозвола за емитување.

„РТ“, поранешна „Раша Тудеј“, се емитува на меѓународно ниво на шест јазици и тврди дека нејзината програма на германски јазик придонесува за различноста на мислењата во Европа. Во меѓувреме, критичарите ја обвинуваат „РТ“ дека е гласноговорник на Кремљ и се користи за ширење пропаганда и дезинформации.

„Дојче веле“ или „ДВ“ е германски државен 24-часовен информативен канал финансиран од федералниот даночен буџет. Се емитува програма на германски, англиски, шпански и арапски јазик.

The post Русија го забрани емитувањето на германскиот меѓународен радиодифузер „Дојче веле“ appeared first on Република.

Она што можам да го кажам е дека оваа влада го загуби кредибилитетот од народот уште на локалните избори кои што беа своевиден дебакл на сите политики на актуелната влада“, вели за „Дојче веле“ лидерот на ВМРО-ДПМНЕ, Христијан Мицкоски.

Сега во оваа влада се наоѓаат истите ликови чии политики беа поразени. Го имате Љупчо Николовски кој беше задолжен за антикорупција во времето кога оваа влада на сите скали е на првото место по корупција. Повторно министер е Маричиќ, кој е познат по неправдите и хаосот во правосудството и монтираните случаи кои завршуваат со неспроведување на правдата. Во владата продолжува да биде министер за внатрешни работи Оливер Спасовски, кој е главниот бранител на мафијата и во чие време се случија најголемите скандали поврзани со разни шверцови, пасоши, нерасветлени убиства и слично. Министер е и Битиќи, кој ќе остане запаметен по фијаското во економијата, инфлацијата, високите цени во маркетите, а ниските плати. Од друга страна, имате и невпечатливи министри, чии портфолија кажуваат дека таму се дојдени како чувари на заевизмот и слепи послушници. Министер е и професорот Тупанчески, кој би било добро да го чуеме што мисли како добар правник за главното барање на Алтернатива кое е дел од договорот со СДСМ - за реотворање на случаите Монструм и другите правно утврдени случаи“, вели лидерот на ВМРО-ДПМНЕ.

Целиот текст овде.

The post Мицкоски: Во новата влада се истите лица чии политики беа поразени! appeared first on Република.