Два трговски центри во Белград денеска добиле дојава за бомба, пишува Euronews Србија.

Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.

Во моментов во тек е евакуација на посетителите во тие трговски центри.

The post Дојава за бомба во два трговски центри во Белград appeared first on Република.

Околу 270 основни училишта низ Словачка утринава добија дојава за бомба, изјави словачкиот министер за внатрешни работи, Матус Шутај Ешток.

Помеѓу училиштата кои добиле дојави се и основните училишта во општината Петржалка во Братислава, потврди портпаролката на општинските власти Марија Халашкова.

Полицијата не пронашла експлозив во училишните простории, па учениците по проверка можеле да се вратат во училниците.

Во меѓувреме, закана за бомба била испратена во основно училиште во Бернолаково, исто така во регионот на Братислава.

Оваа информација на Фејсбук ја потврди и министерот за образование Томас Дракер.

„Најостро го осудувам овој невиден чин насочен против нашите деца, родители и наставници“, напиша тој на својот профил.

Министерот за образование и порача на јавноста дека состојбата се следи одговорно и дека МВР и полициските сили ја обезбедуваат безбедноста.

Истовремено, словачките министерства за образование и внатрешни работи свикаа заеднички состанок со цел да се реши новосоздадената ситуација

The post Kaко во Македонија кога СДСМ беше на власт: Во 270 училишта во Словачка дојава за бомби appeared first on Република.

Судовите во Словачка денеска добија дојава за бомба, изјави портпаролката на регионалната полиција на Братислава, Јана Шимункова.

Полицијата врши увид во сите судски згради, додаде портпаролката.

Дојава за бомба има и за Врховниот суд на Словачка, јавија словачките медиуми.
Пред еден месец дојави за бомби имаше во над 1.300 уилишта низ таа држава

The post Сите судови во Словaчка со дојава за бомби appeared first on Република.

Поради дојава за бомба во Подгорица, евакуирана е зградата во која се наоѓаат Врховниот, Апелациониот и Вишиот суд.

Како што дознава порталот РТЦГ, информацијата за поставената бомба била добиена по електронска пошта.

Ќе се случи нешто многу големо, што нашето братство постави многу моќен експлозив на неколку места, да видиме дали ќе го најдете пред ударот. Ве предупредуваме, а вие само продолжите да ги следите политичките лидери. Да живее Србија , да живее Русија, да живее Република Српска“, се вели во заканувачкиот мејл.

Е-маил адресата е на име Паја Велимировиќ, пренесува порталот.

Во тек е преглед против субверзија.

The post Дојава за бомба во Врховниот, Апелациониот и Вишиот суд во Подгорица appeared first on Република.

Дојави за поставени бомби во основното училиште „Братство - единство“ во Охрид и просторот околу градиските гробишта во овој град, објави порталот „Охрид1“.

Евакуирани се учениците, а надлежните го пребаруваат теренот.

Дојава за поставена експлозивна направа на просторот околу градските гробишта во Охрид. Патот затворен за сообраќај поради безбедносни причини. Во моментов се прават солуции за пренасочување и непречено одвивање на сообраќајот, додека се пребарува теренот, пишува „Охрид1“.

The post Дојава за поставени бомби во основното училиште „Братиство – единство“ и околу градските гробишнта во Охрид appeared first on Република.

Порака со предупредување за поставена бомба во некое од средните и основните училишта, што била испратена по електронска пошта на официјалната адреса на Локалната самоуправа во Кочани, денеска привремено ја прекина наставата.

Од Општина Кочани за МИА информираа дека по добивањето на пораката веднаш биле известени надлежните полициски органи, кои направиле увид на терен.

Претпладнево на службената меил адреса на Општина беше добиена порака за поставена бомба во образовна институција, без да биде посочено за кое училиште станува збор. Полициски службеници презедоа соодветни истражни мерки, при што учениците безбедно ги напуштија училниците. По направениот увид беше констатирано дека се работи за лажна дојава, односно дека не постои никаква опасност за учениците и вработените во образовните институции, па наставниот процес беше продолжен, истакна Голубинка Георгиева, раководителка на Одделение за јавни дејности во Општина Кочани.

Наставата во втората смена во сите училишта во Кочани попладнево се одвива нормално.

The post Дојава за бомби во училиштата во Кочани ја прекина наставата во првата смена appeared first on Република.

Неколку згради се евакуирани во германскиот град Мајнц откако полицијата добила дојава за поставена бомба во германската јавна телевизија ЗДФ.

Полицијата ја примила пријавата утрово околу 08:20 часот, пишува Билд.

Весникот додава дека го пребарува комплексот на ЗДФ со кучиња за откривање експлозиви.

The post Евакуирана зградата на германската јавна телевизија поради дојава за поставена бомба appeared first on Република.

Хотелот Подгорица и зградата „Бемакс“ денеска се евакуирани поради дојава дека во овие згради има бомба, јавуваат црногорските медиуми.

Според извештаите, дојавата за бомбите дошла на телефонскиот број на полицаец.

Полицијата и службите се на терен.

The post Драма во Црна Гора: Евакуиран хотел поради дојава за бомба appeared first on Република.

Портпаролката на меѓународниот аеродром „Адем Јашари“ во Приштина, Ваљентина Гара, потврди дека попладнево добиле закана за бомба.

Потврдуваме дека добивме закана за бомба. Патниците и персоналот се евакуирани и безбедни. Тимовите вклучени во планот за вонредни состојби се ангажирани во извршувањето на нивните задачи, соопшти Гара.

Како што пренесува Бета, ова е една од десетината закани кои беа упатени кон овој аеродром, и сите беа лажни.

The post Предупредување за бомба на аеродромот во Приштина appeared first on Република.

Директорот на Центарот за управување со кризи (ЦУК), Стојанче Ангелов, во емисијата „Само вистина“ на телевизија „Канал 5“ изјави дека повеќе институции работат на откривањето на испраќачите на стотиците лажни дојави за бомби во македонските училишта и јавни објекти.

Ангелов вели дека ова нанесува економска штета, а му штети и на образовниот процес.

Сепак, тој смета дека граѓаните ќе отрпнат на ова и дека дел од нив веќе воопшто не се плашат, затоа што знаат дека дојавите за бомби се лажни.

Ако сега отидам дома и ако ми јават дека во зграда има дојава за бомба, нема да излезам, ќе гледам телевизија, надвор студи“, изјави Ангелов.

The post Ангелов: Ако сега има дојава за бомба во мојата зграда, ќе останам да гледам телевизија, надвор студи appeared first on Република.

Министерството за внатрешни работи соопшти дека се направени сите потребни проверки во врска со денешните пријави по добиените пораки на електронски адреси со закана за наводно поставена експлозивна направа во 86 училишта, една градинка и Завод за рехабилитација во Скопје, како и едно училиште во Прилеп и утврдено е дека станува збор за лажни пријави.

Од МВР нагласуваат дека веднаш по добиените пријави, од полициски службеници се преземени соодветни мерки и активности, извршени се потребните проверки од антитерористички тимови и утврдено е дека станува збор за лажни пријави.

The post МВР: Лажни се пријавите за поставени експлозивни направи во училишта и градинка appeared first on Република.

На аеродромот во Софија се спроведува специјална полициска акција поради сигнал за поставена бомба, јавија софиските медиуми.

Од патниците и посетителите на двата терминала е побарано веднаш да излезат надвор од зградите и да го чекаат крајот на полициската акција. Закана за посетавена бомба на тој аеродром е добиена утрово околу 8:30 по локално време.

The post Дојава за бомба на аеродромот во Софија appeared first on Република.

Врховниот и Вишиот кривичен суд во Хрватска добија дојави за поставена бомба, а во тек е евакуација на вработените.

Дојава наводно стигнал до Владата на Хрватска.

-Добивме информации за можни експлозивни направи во неколку судови во градот. Во соработка со одговорните лица на институциите се утврдуваат сите околности, наведува загрепската полиција за Индекс.хр.

Неколку стотици вработени во Општинскиот и Жупанискиот суд во Сплит се евакуирани од зградите поради дојава за поставена бомба.

Оваа информација за Хина ја потврди портпаролот на Жупанискиот суд, Динко Мешин, кој рече дека дојавата за бомбата ја добиле по електронска пошта во 9:24 часот.

Во дојавата наводно пишувало „Зградите ќе бидат урнати“. Не го игнорирајте ова. Бомбата е поставена“.

Полицијата е на терен со кучиња и во моментов се врши увид на објектите.

The post Дојави за бомби во повеќе хрватски институции, во тек е евакуација appeared first on Република.

Директорката на основното училиште „Кочо Рацин“ во скопско Петровец, Виолета Јаневска, која како што рече министерот за внатрешни работи Оливер Спасовски, еден ден по добиената дојава за бомба го известила МВР за упатена закана тврди дека мејлот бил испратен по завршувањето на работното време, кога немало кој да ја отвори пораката и немало ученици во училиштето.

- Mаилот е пратен вчера во 15 ч и 07 мин. по завршување на работното време на службите кои што што се задолжени за отворање на електронската пошта на училиштето и додека во моментот во училишната зграда нема ученици. Утрово по пристигнување на работното место ја отворив електронската пошта околу 7ч и 20 мин. пред почеток на часовите при што видов дека има порака со заканувачка содржина. По што го известив МВР и општината и учениците беа безбедно евакуирани во училишниот двор. Потоа пристигнаа единиците на Министерството за внатрешни работи при што беше констатирано дека дојавата за бомба е лажна, тврди директорката во статус на социјалните мрежи.

Таа додава дека и МВР не ги контактирало навремено.

- Сакам да прашам зошто кога на испратениот е-маил се гледа до кои училишта е пратена пораката меѓу кои е и нашата е маил адреса МВР вчера не нѐ контактира да праша дали сме добиле порака со заканувачка содржина а веќе се знаело до кои училишта е пратено???, прашува Јаневска.

The post Се огласи директорката на училиштето која ја пропушти лажната бомба – меилот пристигнал по завршувањето на работното време appeared first on Република.

Министерството за внатрешни работи соопшти дека по извршените проверки во објектите на училиштата во Скопје до кои беа упатени дојави по електронска пошта за поставени експлозивни направи, е утврдено е дека станува збор за лажни пријави.

Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави, се наведува во соопштението на МВР.

Во текот на денов закани за поставени експлозивни направи беа упатени до осум средни училишта во Скопје – „Раде Јовчевски – Корчагин“, „Орце Николов“, „Јосип Броз Тито“, „Панче Арсовски“, „Никола Карев“, „Владо Тасевски“, „Михајло Пупин“ и „Цветан Димов“, како и до основните училишта „Кочо Рацин“ и „Петар Поп Арсов“.

Општина Центар претходно соопшти дека по преземените мерки и антитерористичките проверки, е утврдено пријавата за поставена бомба во „Кочо Рацин“ на Водно е лажна.

https://republika.mk/vesti/crna-hronika/lazna-dojava-za-bomba-vo-skopskoto-ou-kocho-racin/

Скопските средни училишта изминатиот период во повеќепати добиваа закани за поставени бомби, за кои полицијата утврди дека биле лажни, а денеска првпат такви дојави беа упатени и за основни училишта.

Министерот за внатрешни работи Оливер Спасовски неодамна изјави дека станува збор за хибридни закани и оти очекува истрагата за лажните дојави на бомби наскоро да заврши.

The post МВР: Сите денешни дојави за бомби во скопските училишта се лажни appeared first on Република.

Денешната дојава за поставена бомба во едно училиште во Скопје се покажа како лажна пријава, информира МВР.

Од Министерството за внатрешни работи за МИА информираат дека случајот во СВР Скопје е пријавен околу 14 часот, откако на меjл адреса на училиштето е упатена закана за поставена експлозивна направа.

– Веднаш по добиената пријава, од полициски службеници се преземени мерки за безбедно евакуирање на училиштето и антитерористички проверки, при што е утврдено дека станува збор за лажна пријава. Превентивно се евакуирани и други училишта во Скопје и во тек се детални проверки и на овие објекти, велат од МВР.

Ова е трет ден како на меjл се испраќаат пораки за поставени бомби. Во изминатите два дена, по направените проверки од страна на МВР беше утврдено дека пријавите се лажни

The post И денешната дојава за бомба во училиште е лажна appeared first on Република.

Министерството за внатрешни работи ги направило сите потребни проверки во врска со денешните пријави дека девет училишта на територија на Скопје добиле мејл со закана за поставена експлозивна направа, и утврдено е дека станува збор за лажни пријави, информираат оттаму.

– Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави – велат од МВР.

Денеска, околу 14 часот во СВР Скопје беше пријавено дека на меил адреси на девет училишта во Скопје е упатена закана за поставена бомба.

Вчера, исто така, по меил осум скопски среди училишта добија закани за подметнати бомби. По направените проверки утврдено беше дека станува збор за лажни пријави.

The post Лажни се пријавите за бомби во сите девет училишта appeared first on Република.

Учениците од средното училиште „Јосип Броз Тито“ во моментов се евакуираат бидејќи и во ова училиште пристигнала денеска нова дојава за подметната бомба.

Полицијата е на терен, а претходно вакви дојави имаше и во „Орце Николов“ и во „Корчагин“ од каде исто така се евакуирани учениците.

https://republika.mk/vesti/skopje/i-vo-korchagin-dojava-za-bomba-uchenicite-evakuirani/

https://republika.mk/vesti/skopje/povtorno-dojava-za-bomba-vo-orce-nikolov-vo-momentov-teche-evakuacija/

The post Се евакуираат ученици од средното училиште „Јосип Броз Тито“ и таму нова дојава за бомба appeared first on Република.

Нова закана за бомба попладнево пристигнала во средното училиште Раде Јовчевски Корчагин во Скопје. Истата порака ја има добиено и училиштето Орце Николов.

На учениците кои биле присутни во втората смена им било соопштено да ги напуштат училниците за краток период, и дека се ослободуваат од настава до крајот на денешниот ден. Учениците веќе се излезени од училиштата, а полициските екипи пристигнати на терен

Дека е испратена дојава за бомба во неколку средни училишта во Скопје потврди и директорот на гимназијата „Орце Николов“ Митко Димовски во изјава за САКАМДАКАЖАМ.МК

„Пораката денес е пратена од друга електронска адреса, но повторно е за седум-осум училишта. Децата се ослободени од настава и повикана е полиција. Мора серизоно да се преземе нешто, не може секој ден да прекинуваме настава“, вели Димовски.

https://republika.mk/vesti/crna-hronika/povtorno-dojava-za-bomba-vo-orce-nikolov-vo-momentov-teche-evakuacija/

The post И во Корчагин дојава за бомба, учениците евакуирани appeared first on Република.

Пет скопски средни училишта денеска по електорнска пошта добиле порака дека е поставена бомба.

Денеска во СВР Скопје е пријавено дека на меил адреса на пет училишта во Скопје е упатена закана за поставена бомба. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористичкки проверки и се преземаат мерки за расчистување на случајот, велат од МВР.

Учениците од училиштето „Орце Николов“ се евакуирани, односно кажано им е само да ги напуштат училниците бидејќи во училиштето ќе се врши дератизација. 

По завршување на шестиот час ни рекоа да го напуштиме училиштето, бидејќи требало да се врши дератизација. Никој ништо не спомна за некаква бомба, вели ученик во гимназијата „Орце Николов“.

Порталот „Сакам да кажам“ објави дека истата порака за поставена бомба е пратена и во средните училишта „Никола Карев“, „Јосип Броз Тито“,„ Раде Јовчевски-Корчагин“ и АСУЦ „Боро Петрушевски“.

The post Дојава за бомба во пет скопски средни училишта appeared first on Република.