Во обраќањето по повод Денот на МАНУ, нејзиниот претседател, академик Живко Попов, денеска се осврна на пречките на земјава на патот на зачленување во Европската Унија. Како што рече, пријателството, спремноста за соработка и отворениот дијалог со сите, а посебно со соседните земји „не секогаш беше возвратено на соодветен начин“.

Напротив, некои од нив покажаа неразбирање и нерационално однесување. Евроскептицизмот кој се јавува во последно време е резултат на пречките кои ЕУ неправедно ни ги постави на нашиот европски пат, а кои најмногу се однесуваат на меѓународно преземените обврски во врска со договорите со Грција и оној за добрососедство со Бугарија, кои во најмала рака беа референдумски прашања кои треба да се почитуваат, чиишто последици се евидентни и сѐ уште не им се гледа крајот. За нив земјата направи болни компромиси, при што си го промени прво државното знаме, а потоа и државното неприкосновено име, но и покрај тоа изостана отворањето на процесот на преговори со ЕУ - истакна Попов во обраќањето.

Сепак, рече, треба да сме свесни дека ние „како мал народ и сиромашна држава“ само преку рамноправен дијалог и соработка со соседите и ЕУ „може да дојдеме до разумни и прифатливи решенија за создадените проблеми“.

Зачувувајќи го притоа културното и историско наследство кое му припаѓа на македонскиот народ како европска вредност. Но, и покрај сите пречки, македонската држава денес е дефинитивна историска реалност со потврден целосен историски идентитет и меѓународен државно-правен легитимитет, којашто на достоинствен начин мора храбро да продолжи по зацртаниот европски пат - додаде претседателот на МАНУ.

Порача дека „иднината на македонската држава се гради со труд, со заедништво, обединетост и храброст“.

Ако по утрото денот се познава, со промените што се случуваа оваа година, може да се предвиди дека за нашава земја доаѓаат подобри времиња - рече претседателот на МАНУ.

The post Последиците од договорите со Грција и Бугарија се евидентни и сѐ уште не им се гледа крајот, смета претседателот на МАНУ appeared first on Република.

Денеска во Свечената сала во Владата претседателот на Владата на Република Македонија Христијан Мицкоски заедно со сопственикот и менаџер на Бреинчајлд, Ралф Хенинг Гросел ќе потпишат два договори за државна помош за два одделни инвестициски проекти кои ќе бидат реализирани паралелно од двата правни субјекти.

The post ВО ЖИВО: Потпишување на договор за две нови инвестиции помеѓу Премиерот Мицкоски и сопственикот на Бреинчајлд appeared first on Република.

Во Владата денеска беа потпишани договори со општините за реализација на 274 проекти за капитални инвестиции во вредност од 4,1 милијарда денари. Договорите се однесуваат за реализација на проекти во делот на образованието, транспортот, социјалната политика, културата и туризмот, животната средина и во спортот.

Согласно првиот повик што го објави Министерството за локална самоуправа, денеска вклучуваме договори за 274 проекти во вкупна вредност од околу 4.1 милијарди денари. Денеска се потпишуваат договорите што се темелат на шест владини одлуки, поделени на шест клучни ресори каде што овие пари ќе бидат инвестирани во изградба на проекти - појасни премиерот Христијан Мицкоски на прес-конференцијата одржана веднаш по потпишувањето на договорите.

Речиси 133 милиони денари се одвојуваат за реконструкции, изградба и модернизирање на училишта и спортски сали, а се опфатени општините Гази Баба, Битола, Липково, Боговиње, Кичево и други.

За реализација на инфраструлктурни проекти од областа на транспортот се одвојуваат околу две милијарди и 800 милиони денари, а опфатени се општини Берово, Аеродром, Битола, Брвеница, Богданци, Босилово, Бутел, Валандово, Вевчани, Велес, Врапчиште, Гази Баба, Гевгелија, Гостивар, Градско, Дебар, Делчево, Демир Капија, Дебарца, Демир Хисар, Дојран, Долнени, Ѓорче Петров, Желино, Зелениково, Зрновци, Илинден, Јегуновце, Кавадарци, Карпош, Карбници, Крива Паланка, Крушево, Маврово и Ростуше и други. Ппроектите се однесуваат на инвестиции во локалната патна мрежа, коловози, патеки, пристапни улици....

Во делот на социјалната политика ќе бидат инвестирани околу 59 милиони денари што ќе бидат употребени за изградба на нови детски градинки во Петровец и Гази Баба.

Во областа на спортот беа потпишани договори во висина од 220 милиони денари за изградба на центри за спорт, рекреативни паркови и спортски сали во општините Вевчани, Демир Хисар, Центар, Битола, Кавадарци, Чашка и други.

За реализација на проекти од културата и туризмот предвидени се близу 200 милиони денари кои се наменети за општините Гевгелија, Пехчево, Радовиш, Гази Баба.

Потпишан договорот од првата транша од проектот „250 милиони евра за капитални инвестиции во општините“

Договори беа потпишани и за проекти од областа на животната средина и просторното планирање за што ќе бидат инвестирани близу 630 милиони денари. Со оваа одлука се опфатени општините Василево, Берово, Шуто Оризари, Пехчево, Пробиштип, Тетово, Бутел, Могила, Делчево, Врапчишта, Липково, Кисела Вода, Чаир, Арачиново, Охрид, Росоман, Чучер Сандево и други.

Според премиерот Мицкоски, ова е нивното клучно ветување до граѓаните и доказ за нивната работа за инфраструктурни инвестиции и директна поддршка на илјадници граѓани.

За само три месеци, овој проект станува реалност и сега почнува процесот на она што ќе придонесе за промена на тешката реалност и отсуството на поддршка на општините. Ова е историска најголема инвестиција на централната власт за локалните самоуправи и ќе продолжат јавните повици сѐ до целосно искористување на предвидените 250 милиони евра - подвлече премиерот.

Тој апелираше општините да изработуваат квалитетни проекти и тие, како што нагласи, ќе бидат реализирани.

На овој начин, државата враќа на граѓаните и вака го подобруваме реалниот живот на сите луѓе во Македонија, истакна Мицкоски.

Одговарајќи на новинарско прашање, тој се осврна на четири општини што немаат воопшто добиено никаков одобрен проект бидејќи задоцниле со документите. За нив рокот за достава на документацијата е продолжен до 15 ноември.

Ќе имаат простор до 15 ноември да достават тоа што им недостасува. Но, дел од овие општини што ги споменав, исто така, имаат проекти што се одобрени, но, недостасуваат некои од документите и тие, исто така, ќе треба да ги дополнат документите до 15 ноември и оваа бројка од 270 да дојде до околу 350, така што, сите ќе бидат опфатени што имаат капитални инвестиции - подвлече Мицкоски, додавајќи дека очекувањата се дека бројката на средства што ќе бидат наменети за општините во оваа фаза ќе достигне до шест милијарди денари.

За следната година, како што најави, ќе бидат финансирани проекти од 15 милијарди денари со што ќе се стигне до бројка од 21 милијарда денари.

The post Потпишани договори за 274 проекти во општините во вкупна вредност од околу 4,1 милијарда денари appeared first on Република.

Денешниот ден претставува значаен момент за економската соработка во рамките на ЦЕФТА.Заедничкиот комитет на ЦЕФТА усвои 9 револуционерни договори, дизајнирани да ја трансформираат трговијата и економската соработка. Овие договори ветуваат реални и опипливи придобивки–поедноставување на деловните операции, создавање нови работни места и зајакнување на заштитата на потрошувачите.

Неколку дена пред одбележувањето на 10-годишнината од Берлинскиот процес, ЦЕФТА презема решителен чекор кон реализација на визијата за Заедничкиот регионален пазар. Втемелени на правилата и најдобрите практики на ЕУ, овие договори ќе ги приближат пазарите на ЦЕФТА до единствениот пазар на ЕУ и ќе го отклучат потенцијалот на новиот план за раст на ЕУ.

„ЦЕФТА е од фундаментално значење за слободното движење на стоки и услуги, стимулирајќи го економскиот раст и интеграција. Со овие одлуки создаваме посилна и пообединета економска зона, каде што бизнисите ќе можат побрзо да растат, а потрошувачите ќе бидат заштитени дури и при купување надвор од своите локални пазари. Ова е значаен момент за ЦЕФТА, бидејќи се приближуваме кон целосно усогласување со пазарот на ЕУ. Придобивките ќе се почувствуваат низ целата ЦЕФТА. На малите и средните претпријатија ќе им биде овозможено да извезуваат и да го искористат најдоброто од дигиталните пазари, додека сите ние ќе имаме повеќе избор, подобри цени и квалитет и посилна заштита на потрошувачите,“ изјави Данијела Гачевиќ, в.д. директорка на Секретаријатот на ЦЕФТА.

Клучни поенти од 9-те договори:

Признавање на AEO програмите: Бизнисите кои имаат царински бенефиции на домашните пазари сега ќе ги уживаат истите привилегии на сите 7 пазари на ЦЕФТА. Ова значи побрзи и поефикасни царински постапки, што ќе доведе до значително заштедување на време и трошоци.
Олеснување на е-трговијата: Единствена рамка ќе им овозможи на бизнисите непречено да продаваат преку интернет низ пазарите на ЦЕФТА, што ќе им олесни на потрошувачите да купуваат без ограничувања. Дополнително, ќе бидат воспоставени стандарди за заштита на потрошувачите при онлајн купување.
Испорака на пакети: Новите правила ја поедноставуваат испораката на пакети помеѓу земјите-членки на ЦЕФТА, подобрувајќи ја регулаторната контрола и воведувајќи ЕУ стандарди за транспарентност на цените и квалитет на услугата.
Превенција од неправедно гео-блокирање: Овие правила обезбедуваат дека онлајн продавниците нема да го блокираат пристапот до веб-страниците, производите или услугите врз основа на локацијата и потеклото на потрошувачите, што овозможува неограничено купување низ пазарите на ЦЕФТА.
Трговски аспекти на правата за интелектуална сопственост (IPR): Хармонизираните стандарди за IPR ќе ги заштитат и бизнисите и потрошувачите од фалсификувани производи, поттикнувајќи иновации и штитејќи го пазарот на ЦЕФТА.
Воспоставување на електронски систем за управување со ризик: Електронската размена на податоци ќе им овозможи на царинските служби поефикасно да ги таргетираат пратките со висок ризик, подобрувајќи ја безбедноста на трговијата и забрзувајќи го движењето на стоките.
Олеснување на трговијата со услуги од туристички агенции и тур-оператори: Патничките агенции и тур-операторите ќе имаат полесен пристап до сите пазари на ЦЕФТА, создавајќи нови можности за раст и привлекување повеќе туристи во регионот.
Механизам за решавање на спорови (Дополнителен Протокол 7): Нов механизам за решавање на трговски спорови ќе гарантира правичност и транспарентност, зголемувајќи ја довербата на бизнисите во примената на правилата за олеснување на трговијата на ЦЕФТА.
Олеснување на моторното осигурување (Препорака): Поедноставените процеси за осигурување на моторни возила ќе им овозможат на патниците да возат низ земјите на ЦЕФТА без грижи за осигурителното покритие.
Дополнително, Заедничкиот комитет на ЦЕФТА усвои три одлуки насочени кон реформирање на внатрешното работење. Овие реформи вклучуваат нови Правилници за работа на Заедничкиот комитет, ажурирање на Одлуката за управување на Секретаријатот и создавање нови тела за надзор на соработката во новите области, како испорака на пакети, интелектуална сопственост и професионални квалификации.

The post ЦЕФТА усвои 9 нови договори за унапредување на трговијата, работните места и правата на потрошувачите низ регионот appeared first on Република.

Меѓународните договори треба да се почитуваат и тука немаме никаква дилема, но тоа е двонасочна улица, изјави мандатарот за состав на нова влада Христијан Мицкоски во одговор на новинарско прашање да даде коментар на препораките од САД и Франција да се почитуваат меѓународните договори.

Договорот е договор помеѓу најмалку две страни, и треба и двете страни да го почитуваат. Ако конкретно мислите на Преспанскиот договор, и ние како идна влада го почитуваме во детали, се што е дел од нашето законодавство, во Устав, се почитува во детали, и тука не треба да има никој никаква дилема. Но истовремено очекувам и вториот потписник, а тоа е нашиот јужен сосед, да ги почитува. Креиравме документ колку е имплементрирано од наша страна, а колку е имплементирано од грчка страна, и планираме да го запознаеме секој оној којшто е љубопитен да знае колку двете страни го почитуваат билатералниот меѓународен договор - потенцираше Мицкоски.

Вели дека очекува сите наши стратешки партнери кои се дел од тие договори ќе ги почитуваат онака што како и ние како држава ги почитуваме.

Во однос на тоа колку победата на Европската народна партија ќе биде исчекор во проширувањето на ЕУ, Мицкоски вели дека очекува да продолжи патот којшто беше трасиран а тоа е, вели, отворениот пат на евроинтеграции, на државите кои сакаат да бидат дел од европското семејство.

Европската народна партија е голем поддржувач. За жал, Македонија како држава можеби беше многу поподготвена од голем дел и од земјите-членки на самата Европска Унија, но поради услови кои никој порано ги немал, е жртва на политиките на некои политичари, и за жал се уште, после две и пол децении не може да ги отпочне преговорите - рече тој.

Очекува, како што вели, дека ќе преовлада разумот, очекувам дека идниот состав на Европската комисија ќе работи поинтензивно и дека единствен критериум ќе бидат Копенхашките критериуми, и додаде дека ставот на ВМРО-ДПМНЕ и коалицијата е јасен - диктати и ултиматуми не прифаќаме.

Грешката која ја направи се уште актуелната Влада за жал ги наруши преговарачките позиции и лековерноста на некој од политичарите кои беа и се се уште дел од оваа Влада ни ги отежна позциите но јас сум убеден дека ќе преовлада разумот дека ќе разговараме за иднина а не за минато, и дек аимаме разумен предлог којто ВМРО-ДПМНЕ го има како дел од својата изборна програма и дека ќе наидеме на разбирање и дека ќе го откочиме патот и јас сум убеден дека во фуриозен стил Македонија ќе биде дел од ЕУ - рече Мицкоски во изјава за медиуми пред почетокот на Шестата седница на Генералното собрание на ЗЕЛС.

The post Мицкоски: Меѓународните договори треба да се почитуваат и тука немаме никаква дилема, но тоа е двонасочна улица appeared first on Република.

Дополнителниот заменик министер за земјоделство, шумарство и водостопанство Цветан Трипуновски на својата Фејсбук страна објави дека ги потпишал првите 16 договори за закуп на земјоделско земјиште во државна сопственост.

Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“

Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.

Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години. – дополни Трипуновски.

Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.

ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија. – заврши Трипуновски во својата објава.

The post Трипуновски: Ги потпишав првите 16 договори за закуп на земјоделско земјиште во државна сопственост, нека е аирлија! appeared first on Република.

Министерката за култура Бисера Костадиновска Стојчевска ги советува носителите на проекти во Младинскиот културен центар (МКЦ) – Скопје кои користат средства преку Министерството за култура да ги одложат проектите доколку се во можност додека да се реши проблемот со ангажманот на 30 хонорарни соработници во МКЦ на кои од почетокот на месецов не им се продолжени договорите.

Одговарајќи на новинарско прашање Костадиновска Стојчевска рече дека одредени проекти се во опасност затоа што треба да се реализираат во овој период, истакнувајќи дека за статусот на хонорарните соработници треба да одговори Државната комисија за спречување на корупцијата (ДКСК).

-Бев исконтактирана од неколку корисници на проекти од МКЦ кои користат средства преку Министерство за култура преку нивната програма и од нив ми беше кажано дека ќе се обратат до Министерството за култура. Меѓутоа, се уште немаме конкретен одговор, затоа што тоа не е нешто што треба да го одговори Министерството за култура, туку Државната комисија за спречување на корупцијата. Од она што јас го имам како информација е дека тие се хонорарци кои се ангажираат месец за месец и токму тука настанал проблемот иако на нив како што слушнав од медиумите директорот им ветил дека по изборите ќе им ги продолжи договорите, рече Костадиновска Стојчевска.

Таа дополни дека има одредени проекти кои се во опасност затоа што треба да се реализираат во овој период.

Ги советувавме корисниците дека е најдобро да го одложат одржувањето на проектите за после изборите, доколку е можно, за да може овие долгогодишни соработници на МКЦ, да се вратат назад на работа и да ги реализираат проектите. Тоа може да советуваме од Министерство за култура, сепак за нивниот статус ќе мора да одговори ДКСК, изјави Костадиновска Стојчевска, која беше на увид во почетокот на реновирањето на просторот доделен на НУ Национален џез оркестар.

Раководството на МКЦ Скопје, според објавите во медиумите, не ги продолжило договорите на хонораците по известување од ДКСК дека согласно со членот 8 -а од Изборниот законик, во изборен процес е противзаконски да се злоупотребува буџетот на установата.

The post Костадиновска Стојчевска: Да се одложат одредени проекти во МКЦ додека да се реши статусот на хонорарците appeared first on Република.

Денес сум на работен состанок со земјоделците од Овчеполието, поточно во општина Свети Николе. Денеска ќе разговараме за еден проблем за кој што се дигна голема галама, а немаше потреба од такво нешто, односно станува збор за продолжување на договорите кои што истекуваат согласно претходните склучени договори, истакна дополнителниот заменик министер за земјоделство, Цветан Трипуновски.

Најголем дел од земјоделците имаат поднесено речиси сите уредно барање за продолжување, меѓутоа гледаме дека министерот и Владата сакаат да ја префрлат топката дека техничкиот министер го кочи процесот, дека собраниската комисија исто така, меѓутоа она што сакам јас денеска да го пренесам на земјоделците и вас на медиумите дека постои многу елегантно решение без притоа да се прават било какви измени на законот, а тоа е дека согласно поднесените барања од страна на земјоделците министерот по претходна одлука на Влада може да склучи договор за непосредна спогодба и во овој период иако се наоѓаме во предизборието.

Јас пред мене го имам и дописот од ДКСК и од 2016 и од 2019 година каде што сакам да цитирам дека не постои законска пречка да бидат овие договори продолжени без притоа да се преголема политика, а земјоделците да се нервираат.

Имено, на прашање дали постои законска пречка во овој период да се склучуваат вакви договори, одговорот од ДКСК е следниот: од денот на донесување за одлука за распишување на избори до завршување на изборот на пратеници и изборот на Влада на Република Македонија НЕ ПОСТОИ законска пречка да се донесе одлука за давање согласност за склучување договори за земјоделско земјиште. Значи повторувам не постои законска пречка.

Се поставува прашањето зошто актуелниот министер Николовски, зошто целата Влада го користи овој период да се дига паника помеѓу земјоделците, да се малтретираат и едноставно да бидат загрижени за својата производна сезона. Решението е овде, јас и вчера во текот на вчерашниот ден се обратив до медиумите и кажав дека решението е многу елегантно. Не знам зошто се прави паника и се прави политика од целава работа. Дали ова наликува на онаа паника која што ја направија со проблемите со патните исправи?

Претпоставувам дека се они само креатори на една нереална ситуација која што сакаат да ја искористат за политички цели, додава Трипуновски.

The post Трипуновски: Барам да се направи анекс на договорите како што дозволува ДКСК, прашање е зошто Николовски крева паника и не ги потпишува новите договори appeared first on Република.

Српскиот претседател Александар Вучиќ денеска изјави дека во Тирана, на самитот Украина – Југоисточна Европа, Србија не потпишала никакви аранжмани и договори со претседателот на Украина Володимир Зеленски за соработка во однос на оружје и муниција.

Не, ние не потпишавме никакви аранжмани со претседателот Зеленски. Ние го поддржуваме територијалниот интегритет на Украина, а тие го поддржуваат територијалниот интегритет на Србија. И ние сме им длабоко благодарни. Двете земји ги поддржуваат прописите на Повелбата на ОН и резолуциите на ОН, кои се темел и основа на меѓународното јавно право, рече Вучиќ.

Претседателот на Србија со ова одговори на прашањето на странските медиуми да коментираат како во средата во Тирана ја потпишал Декларацијата за осуда на руската агресија врз Украина, а во исто време порачал дека Србија нема да воведе санкции против Руската Федерација и зошто Србија би задржал таков „хибриден однос“ кон Украина и Русија, како и дали потпишал некакви конкретни договори со Зеленски во врска со оружје или муниција.

Зборувајќи за односот на Србија кон Русија, Вучиќ истакна дека тоа не е „хибридна позиција“, туку многу јасен став на слободна земја која носи свои одлуки, за себе и за доброто на својот народ.

Тој потсети дека Србија беше под санкции речиси една деценија и дека „добро знае како тоа функционира“.

The post Вучиќ: Не сме потпишале никакви договори со Зеленски appeared first on Република.

Денес, 22.02.2024, четврток со почеток во 16:30 часот Првиот заменик претседател на Владата задолжен за европски прашања, Бојан Маричиќ, во улога на Национален координатор за распределба на странска помош во Република Македонија, ќе присуствува и ќе има свое обраќање на церемонијата за потпишување на Договори за странска помош од Јапонија.

На церемонијата ќе се потпишат 5 проекти со кои Владата на Јапонија ќе обезбедува поддршка за реализација на Грант програми за мали проекти за основни човекови потреби.

На церемонијата нивни обраќања ќе имаат и Министерот за надворешни работи, Бујар Османи, Министерот за здравство, Илир Демири и Министерката за животна средина и просторно планирање, Каја Шукова.

The post Потпишување пет проекти со кои Владата на Јапонија ќе обезбеди поддршка за реализација на Грант програми appeared first on Република.

Указите што ги потпишав не се однесуваат на договорот меѓу Владата и „Бехтел-Енка“, ниту пак се однесуваат на составот на Надзорниот одбор кој треба да ја надгледува изградбата на автопатите околу чија што структура се појавија неколку издржани критики во јавноста, вели претседателот на државата Стево Пендаровски во интервју за „Радио Слободна Европа“.

Во однос на информациите дека со потпишувањето на указите, сакал да добие политичка поддршка од владејачката коалиција за втор претседателски мандат, Пендаровски нагласува дека потпишаните укази се однесуваат исклучиво на содржината на петте закони и дека тоа нема никаква врска со ниту едно друго политичко или правно прашање.

Пендаровски појаснува дека главната причина зошто го потпишал Указот за Законот за работни односи е тоа што во него не постои одредба за 60-часовна работна недела.

Пред пакетот закони воопшто да влезе во Парламентот предупредив на можноста во измените на Законот за работни односи да стои одредба за 60-часовна работна недела и во таков случај сигурно немаше да го потпишам указот затоа што минатата година Уставниот суд веќе ја прогласи за неуставна таа одредба во тогашните измени на истиот закон, вели Пендаровски.

Прашан дали проширувањето во ЕУ ќе земе замав заради геополитичкиот момент со војната во Украина, Пендаровски вели дека не верува во нови форми на асоцирање и членување во ЕУ, нагласувајќи дека македонските граѓани се заморени од нови методи според кои треба да се приклучиме кон ЕУ.

Францускиот претседател Макрон пред три години побара нова методологија, која тврдеше дека ќе биде поефикасна и далеку покуса.

Велеше како ќе напредувате кластер по кластер веднаш ќе чувствувате придобивки под членство, нема да чекате до последен момент кога ќе станете полноправна членка.

За жал, до овој момент и двете држави од Западен Балкан, Србија и Црна Гора кои се во процес на преговори повеќе од деценија, не почнале практично преговори во новата методологија.

Не ни се потребни нови форми на соработка во тоа поле за да станеме членка на ЕУ еден ден, посочува Пендаровски.

Смета дека има моментум во проширувањето, но спорна за него е позадината на тој моментум, односно мотивацијата.

Не би сакал, вели Пендаровски, да видам моментум за приклучување на Западен Балкан, вклучително и на Македонија во Европа, само затоа што има војна некаде на континентот.

Ако дадете статус на кандидат на Украина, на Молдавија и на Босна и Херцеговина со одредени условувања, имено заради војната во Украина, моето прашање до европските званичници е што ќе се случи кога, дај боже утре, престане војната во Украина? Ако треба да чекаме војна на континентот, вам да ви текне Западниот Балкан и дел од таканареченото источно партнерство треба по децении чекање формално да стане дел од ЕУ, се плашам дека тој тип на резонирање не бил никогаш карактеристичен за ЕУ.

Тој тип на геостратешко резонирање, безбедносни закани, војни, нови хибридни закани, е специфика на НАТО.

ЕУ секогаш низ историјата имала сосема поинаков профил на критериуми низ кој ги проценувала потенцијалните членки.

И ако почнете да наликувате на НАТО алијансата, што правиме ако таа војна запре со примирје. Ќе го изгубиме моментумот?, вели претседателот на државата.

Прашан колку Русија е вмешана во спорот со Бугарија, Пендаровски со став дека не верува и да има руско влијание, дека тоа не е толку доминантно во нарацијата која бугарските влади ја спроведуваат кон нас.

Мојот впечаток е дека во позадината на тој спор станува збор за дебели историски наслаги на бугарска страна.

Нивната реторика во изминативе 2-3 години не се разликува од реториката и кога сме биле дел од Југославија и пред 30 и пред 50 години, вели Пендаровски.

Во однос на случувањата на северот на Косово, Пендаровски со оценка дека силите на Алијансата кои, како што посочува ќе бидат засилени, се доволни да не дозволат прелевање на нестабилноста во останатите делови на Косово и во регионот.

Како членка на НАТО ја следиме директно. И како членка на Алијансата, која има свои војници на Косово. Нашите војници не се на северот на Косово распоредени, меѓутоа имаме 65 војници таму.

Имаме намера да останеме и во догледна иднина да го зголемиме тој контингент и заеднички придонесуваме во сигурноста на регионот.

Ако ние придонесуваме за стабилноста на Косово, со кое сме директни соседи, придонесуваме и за нашата стабилност и безбедност.

Проценките на Алијансата се дека таму состојбите одвреме навреме доаѓале и ќе доаѓаат до точка на вриење, на северот на косово, меѓутоа силите на Алијансата, кои во меѓувреме ќе бидат засилени, со дополнителна бројка на војници, се доволни да не дозволат прелевање на нестабилноста ниту во останатите делови на Косово, не само на северот, значи да останат локализирани.

А уште помалку да се прелеат кај нас или во некои други делови во регионот, вели Пендаровски.

The post Пендаровски: Указите што ги потпишав не се однесуваат на договорот меѓу Владата и „Бехтел и Енка“ appeared first on Република.

На вториот ден од разговорите меѓу кинескиот претседател Ши Џинпинг и рускиот претседател Владимир Путин во центарот се економските односи на двете земји и се очекува да потпишат два големи договори за проширување на „сеопфатното партнерство“ и „стратешката соработка“.

Неочекувано, денеска исто така ќе се одржи средба на врвот во Киев, каде што јапонскиот премиер Фумио Кишида ќе се сретне со Володимир Зеленски и ќе му понуди „солидарност и поддршка“.

Патувањето на Ши во Москва се смета за голем поттик за неговиот стратешки партнер Путин, кој е предмет на налог за апсење од страна на Меѓународниот кривичен суд по обвинение за незаконско депортирање на украински деца.

Вчера Џинпинг и Путин разговараа четири и пол часа, нарекувајќи се еден со друг „драг пријател“, а меѓународно изолираниот руски лидер рече дека е отворен да разговара за предлозите на Кина за решение на војната во Украина. По разговорите, Путин го отпрати Ши до неговиот автомобил, што е реткост, а двајцата беа видени заедно насмеани.

Рускиот лидер за време на средбата рече дека е отворен за разговори за Украина и го пофали предлогот на Пекинг за конфликт од 12 точки, кој вклучува повик за дијалог и почитување на територијалниот суверенитет на сите земји. Кина се обидува да се прикаже себеси како неутрална страна во конфликтот во Украина, но Вашингтон вели дека потезите на Пекинг би можеле да бидат „тактика на застој“ за помош на Москва.

Москва и Пекинг ја зајакнаа соработката во последниве години, и двете водени од желбата да се спротивстават на американската глобална доминација. Ставот на Пекинг за Украина наиде на критики од западните земји, кои рекоа дека Кина премолчено ја поддржува вооружената интервенција на Москва.

Американскиот државен секретар Ентони Блинкен рече дека посетата на Ши на Москва „сугерира дека Кина не чувствува одговорност да го повика претседателот на одговорност за злосторствата извршени во Украина“.

„ И наместо тоа, дури и да осудува, тој повеќе би сакал да обезбеди дипломатско покритие за Русија да продолжи да ги врши овие големи злосторства“, додаде тој.

The post Путин и Ши денеска ќе потпишат два големи договори appeared first on Република.

Во Министерството за култура на Бугарија денеска ќе бидат потпишани договори за заеднички активности меѓу Националниот археолошки институт со музеј при Бугарската академија на науките, Археолошкиот музеј на Република Македонија и Националниот музеј на Србија, јави дописникот на МИА. во Софија.

Музеите ќе ги претставуваат нивните директори. На настанот ќе присуствуваат министерот за култура на Бугарија, Велислав Минеков и амбасадорите на Македонија и на Србија во Софија, Агнеза Руси Поповска и Желко Јовиќ.

Главна цел на договорите е спроведување заеднички проект меѓу трите национални институти со цел сукцесивно претставување на заедничка изложба во Скопје, Белград и Софија. Изложбата треба да ги прикаже материјалите и историјата на истражувањето на античката некропола, откриена во 1918 година кај Требениште кај северниот брег на Охридското Езеро за време на градежните активности на бугарските инженерски единици, а подоцна истражувана од бугарски, српски и македонски археолози во различни децении на 20-ти век.

Целта на изложбата и проектот не е само првпат по 100 години да се соберат репрезентативните наоди кои денес се чуваат во музеите во Скопје, Охрид, Софија и Белград, туку и да се покаже заедничката волја за соработка и пријателство меѓу трите земји.

Првата изложба се одржа во 2019 година во Скопје. Три години првата изложба, трите институтуции од Бугарија, Македонија и Србија ги обновуваат напорите за целосно спроведување на проектот за трите соседни земји. Трите музеи ги здружуваат силите во име на пријателските односи меѓу нивните земји и стратешки важното партнерство во областа на културното и историското наследство и неговото научно истражување, зачувување и презентација.

The post Во Софија ќе бидат потпишани договори меѓу музеите на Македонија, Бугарија и Србија appeared first on Република.

Јавното претпријатие за државни патишта на 6 септември склучило договор со компании кои се обврзале дека ќе учествуваат во поправката и рехабилитацијата на македонските патишта, открива порталот „Пари“. Според договореното, за нашите патишта ќе се грижат компании од Македонија, но и од Бугарија и од Косово.

Договорите се рамковни, што значи дека износите не мора да се исцрпат, но, секако, јавното претпријатие има некаков план што ќе прави, а има простор и за некои непланирани работи на патиштата што би можеле да се случат. За 18 месеци склучени се две рамковни спогодби од по 23 милиони евра.

Целиот текст на „Пари“

The post Фирми од Бугарија, Косово, Струга и Желино добиле милионски договори за одржување на македонските патишта appeared first on Република.

Заклучно со вчерашниот ден, потпишани се вкупно 3.800 договори со ЕСМ снабдување ДООЕЛ Скопје, информираше денеска на прес-конференција помошник-директорот за топлинска енергија во АД ЕСМ, Александра Маројевиќ.

Маројевиќ, во изјава за медиумите соопшти дека АД ЕСМ почна со воведување нови начини за олеснување на процесот на префрлање на потрошувачите на топлинска енергија во градот Скопје од претходниот снабдувач на новиот снабдувач ЕСМ Снабдување со топлина.
Во продолжение ја пренесуваме интегралната изјава.„ЕСМ Снабдување со топлина засилено работи на изнаоѓање поедноставени начини за склучување договори со потрошувачите, со кои тие ќе се префрлат од претходниот снабдувач со топлинска енергија на сегашниот, ЕСМ Снабдување.

Во изминатата недела потрошувачите склучуваа договори само преку директно пристапување кон пунктовите каде документите се пополнуваа и потпишуваа.

Од денеска, Договорот е поставен на интернет страницата на АД ЕСМ и ќе биде поставен и на нашите официјални канали на социјалните мрежи, од каде потрошувачите ќе можат да го симнат, да го испечатат и да го пополнат. (Линк до договорот)

Два пополнети примероци од договорот потрошувачот ќе однесе во еден од пунктовите, со приложување на увид документ за лична идентификација и една фактура (или копија) од претходниот снабдувач. На овој начин ќе се намали времето на задржување на потрошувачите во пунктовите, со оглед на тоа што документот ќе биде веќе пополнет од нивна страна дома.
Доколку потрошувачот нема одредени податоци кои се бараат во договорот и не ги внел, како број на имотен лист итн., тие податоци ќе му бидат внесени од службениците на шалтер, кои имаат електронски пристап до катастар и ќе проверат на лице место, значи граѓаните нема потреба да одат да вадат други документи за да пополнат во договорот.

На шалтер ќе го потпишат договорот и со тоа постапката е завршена.Како што реков, договорот треба да го поднесе лично потрошувачот на чие име се води сопственоста на станбениот простор во објектот. Доколку сопственикот на имотот не е присутен во државата и затос не е во можност лично да дојде во наплатниот пункт, засега може да ополномошти друго лице, кое во негово име ќе го потпише потребниот договор.

Тековно ќе се изнаоѓаат решенија и за други корисници, кои од лични, здравствени причини, возраст итн. не можат да ги напуштат своите домови, и на овие наши граѓани ќе им излезеme во пресрет и ќе им овозможиme Договорот да го склучат во нивниот дом.Доколку е настаната статусна промена на сопственост (купопродажба, решение за наследување и сл.) новиот потрошувач потребно е да приложи на увид документ за идентификација, како и документ со кој се докажува сопственоста на станот, или објектот, како што е имотен лист, купопродажен договор или решение за наследување.

(Линк до упатства)

Засега договорот како што реков потрошувачите можат да го најдат на интернет и да го испечатат, но работиме на тоа во следниот период да ги испраќаме договорите i по пошта за потрошувачите кои во меѓувреме не се префрлиле на новиот снабдувач и кои од свои причини не можат да пристапат на страната и да го симнат и испечатат документот. Значи тие ќе добијат два примерока по пошта и постапката натаму ќе биде иста. Ќе ги пополнат и ќе ги предадат на пунктовите.

Повторно напоменуваме, додека тече префрлувањето на граѓаните од еден на друг снабдувач, греењето непрекинато ќе се испорачува и во ниеден момент испораката нема да биде загрозена, и граѓаните треба да бидат спокојни, парно ќе имаат сите.

Да информираме и дека заклучно со 21.10.2022 година, односно со вчера, склучени се 3.000 Договори за снабдување со топлинска енергија со потрошувачите.

Сакаме да дадеме одговор и во однос на прашањата зошто во овој период не се испорачува топлина навечер и да потенцираме дека динамиката и интензитетот на греењето кое се испорачува е регулирано со мрежните правила одобрени од Регулаторната комисија, кои и сега се исти како што биле и кога бил претходниот снабдувач.

Имајќи предвид дека на почетокот на грејната сезона односно после 15 октомври надворешните временски услови се променливи, тие се посебно третирани во регулативата поврзана со условите за испорака на топлинска енергија во овој период на годината. Испораката на топлинска енергија до крајните потрошувачи се одвива под јасно регулирани правила согласно законските и подзаконските акти.Според правилата, снабдувањето со топлинска енергија на потрошувачите во месеците октомври и ноември, односно на почетокот од грејната сезона, зависи од надворешните температури и од атмосферските услови во различни периоди од денот.

Така, за периодот од почеток на грејната сезона до 15 ноември, доколку е времето сончево и мирно, а надворешната температура е повисока од 11˚С, во периодот меѓу 09:00 и 14:00 часот работата на котлите се прекинува.

Ако пак времето е облачно, котлите се гасат кога надворешната температурата ќе порасне над 14 степени.
Следно мерење се прави во 18:00 часот, и греење се вклучува ако температурата во 18часот е 15 или пониска од 15 степени.

Така што оваа грејна сезона не е ништо поразлична од ланската или таа пред неа.Повторно апелираме до потрошувачите, заедниците на сопственици и управителите да ги обезбедат потребните услови за непречена испорака на топлинска енергија во објектите по почетокот на грејната сезона.

Во моментов во 26 објекти сè уште не се обезбедени бараните услови, односно имаат дефекти во внатрешната грејна инсталација, оневозможен е пристап на екипите на компанијата до топлинските станици или немаат електрична енергија во топлинските станици. Подетални информации за моментално затворените објекти може да се добијат и на веб страната на ЕСМ, во одделот Снабдување со топлина . Соработката од страна на потрошувачите е во интерес на сите страни за да се обезбеди навременa и квалитетна испорака на топлинската енергија.
За информации или пријави на дефекти и завршени интервенции, ги повикуваме потрошувачите да се јават во Центарот за грижа за потрошувачи на телефонските броеви 02 3076 200 и 075 400 100″.

The post Потпишани 3.800 договори со ЕСМ снабдување, договорот поставен на интернет страницата appeared first on Република.

ЕСМ има законска обврска да потпише договори со своите потрошувачи бидејќи повеќе не е БЕГ снабдување туку е ЕСМ снабдување, и овој проблем е веќе надминат, посочи вечерва претседателот на Регулаторната комисија за енергетика Марко Бислимовски.

Договорите потрошувачите во наредниот период ќе ги добијат и во сметките кои ќе им бидат испратени на почетокот на ноември за октомври. Таму каде што постои можност ќе се испратат тие договори и по и-меил, така да тој проблем е сега целосно надминат. Да не се прави дополнително гужва на пунктовите. И претходно кога БЕГ снабдување ја превземал дејноста потпишал договори со граѓаните и нема никаква опасност дека некој граѓанин ќе биде исклучен, посочи Бислимоски во гостувањето на ТВ Сител.

The post Бислимоски: EСМ електронски да им ги испраќа новите договорите на потрошувачите appeared first on Република.

ЕСМ Снабдување со топлина ДООЕЛ Скопје во текот на наредните денови ќе проба да најде полесен начин како граѓаните да ги склучат новите договори за топлинска енергија, со оглед на тоа што во моментов на три пункта во Скопје, околу 60 илјади домаќинства треба да склучат нов договор, по преземањето на дејноста од компанијата БЕГ.

На трите пункта во Скопје се прават големи редици, а според сознанијата на МИА на граѓаните им се бараат имотни листови и други документ, иако првично беше соопштено дека е потребен само документ за лична идентификација и фактура (или копија) за топлинска енергија од претходниот снабдувач.

На прашањето на МИА зошто не е пронајден друг начин, посовремен, дигитализиран или евентуално ставање во сандаче на новите договори, кои граѓаните би ги пополниле и испратиле до ЕСМ Снабдување со топлина ДООЕЛ, директорот на АД ЕСМ, Васко Ковачевски изјави дека не сакаат да го отежнат процесот и оти наредните денови ќе пробаат да најдат полесен начин.

Ќе бараме да се најде полесен начин како сите тие потрошувачи, којшто се голем број, околу 60 000 треба да склучат договори. Но во ова прилика да ги известам сите наши граѓани коишто се наши потрошувачи на топлинска енергија, да не се грижат иако се уште не се склучени договорите, ЕСМ ќе испорачува енергија. До крајот на месецов, ќе најдеме начин како и колку брзо да ги склучиме тие договори. Така да, новите сметки во ноември коишто ќе се однесуваат за месецот октомври, ќе ги добијат и притоа нема да има прекин на испорака на топлинска енергија, и тоа нема да ги загрижува граѓаните на Скопје, истакна Ковачевски.

Што се однесува до договорите коишто ги имаат потрошувачите во Градот Скопје, нагласи Ковачевски денеска испратиле соопштение до јавноста, во кое ги информирале сите потрошувачи дека треба да се склучат нови договори.

Истите немаат правно наследство, значи претходните договори, затоа што ние формиравме нова компанија за топлинска енергија и не е класично преземање на БЕГ од страна на АД ЕСМ. До колку така беше како преземање ќе можеше да ги преземеме и договорите. Со формирањето на новата компанија сега сите потрошувачи треба да склучат нови договори, затоа што треба да имаме должничко доверителски односи помеѓу АД ЕСМ и потрошувачот на топлинската енергија, нагласи Ковачевски.

ЕСМ Снабдување со топлина ДООЕЛ Скопје денеска соопшти дека новите договори за парно греење може да се потпишат на три пункта во Скопје со работно време од понеделник до петок од 08 до 18 часот и сабота од 9 до 13:30 часот: пункт Центар, на ул.„Кочо Рацин“ бр.33 кај Олимписки базен, пункт Исток, на ул. „Јане Сандански“ бр.49 во населба Аеродром и пункт Запад на улица „Лондонска“ бр.8 во населба Тафталиџе.

Новиот носител на лиценца издадена од Регулаторната комисија за енергетика, кој има обврска да ги снабдува потрошувачите со топлинска енергија во согласност со лиценцата, Законот за енергетика и актите кои ги носи РКЕ воедно порачува дека испораката на топлина нема да биде прекината.

За таа цел потрошувачите на чии име се води парното греење во домот/објектот, потребно е да се обратат во пунктовите на ЕСМ Снабдување со топлина ДООЕЛ Скопје, каде во куса постапка ќе им биде приложен на потпис Договор со новиот снабдувач, кон кого ќе ја имаат обврската за плаќање на услугата. Договорот е ист како и досега, и е одобрен од Регулаторната комисија за енергетика. За склучување на договорот потребно е да се понесе документ за лична идентификација и фактура (или копија) за топлинска енергија од претходниот снабдувач, информираат од ЕСМ.

Оттаму исткнуваат дека корисниците можат веднаш да пристапат кон пунктовите со цел склучување на договорите. Напоменуваат дека ЕСМ Снабдување со топлина ДООЕЛ Скопје ќе им овозможи на граѓаните соодветен временски период за регулирање на обврската и доколку од различни причини корисниците не успеат да склучат нов договор до крајот на месецот, греењето непрекинато ќе се испорачува и во ниеден момент испораката нема да биде загрозена.

Корисниците кои нема да ги склучат договорите по овој повик, ќе бидат контактирани од снабдувачот ЕСМ Снабдување со топлина ДООЕЛ Скопје, со цел да се изнајде термин соодветен за потрошувачите за склучување на договорот, со оглед на тоа што одредени корисници може да бидат отсутни во следниот период, или од различни лични, здравствени и други причини да не можат да се јават на пунктовите.

ЕСМ Снабдување ќе воспостави директни контакти, додека за корисниците кои не можат да ги напуштат своите домови ќе им излезе во пресрет и ќе им овозможи Договорот да го склучат во нивниот дом. Поради повеќе прашања пристигнати до Службата за грижа на корисници ги информираат корисниците дека не е правно возможно преземање на постоечките договори со претходниот снабдувач, односно е единствено можно да се склучат нови договори, информира ЕСМ и најавува дека новиот снабдувач во следниот период ќе воспостави и сопствен систем за он лајн наплата.

The post ЕСМ Снабдување со топлина ДООЕЛ Скопје деновиве ќе најде полесен начин за склучување на договорите со граѓаните appeared first on Република.

За Синдикатот на Клинички центар не се јасни причините поради кои Министерот за здравство и некои директори на јавни здравствени установи не го почитуваат Законот и не го продолжуваат договорот за вработување на некои здравствени работници, односно здравствени соработници кои наполниле 64 години возраст и имаат 15 години пензиски стаж се до нивна 67 годишна возраст, а кои претходно дале согласност работниот однос да им се продолжи.

Основот за продолжување на работниот однос на здравствените работници и соработници, првично произлегува од измените и дополнувањата на чл.104 од ЗРО (Сл. весник број 151 од 6 јули, 2021 година), кои даваат можност за исклучоци од правилото дека работниот однос на работниците им престанува со навршување 64 години возраст и 15 години пензиски стаж заклучно со 30 јуни, 2022 година, доколку таквата можност е предвидена со посебен закон.

Со цел имплементација на исклучоците предвидени во ЗРО и уредување на можноста за продолжување на работниот однос на здравствените работници и соработници, но најмногу до 67 години возраст, усвоени се и соодветни измени и дополнувања во Законот за здравствената заштита со воведувањето на новиот член 204-а (Сл. весник број 178 од 4 август 2021 година).

Општествената оправданост на овие измени и дополнувања е повеќе од очигледна, имајќи ги во предвид постоечките состојби во здравството поврзани со обемот на работата и оптеретеноста на здравствените работници и соработници и хроничниот проблем на недостиг од квалификуван здравствен персонал, а сето тоа, во врска со потребата за обезбедување непрекината, континуирана и квалитетна здравствена заштита.

Се работи за високостручен и дефицитарен кадар кој е исклучително значаен дел во функционирањето на здравствениот систем. Со овие вработени се обезбедува континуитет во стручната дообразба на младите здравствени работници и соработници и се обезбедува повисоко ниво на здравствена услуга. Истовремено, како наставен кадар придонесуваат во научната едукација на здравствените работници и соработници.

Според ставот 1 на членот 204а од Законот за здравствената заштита кој ја уредува оваа проблематика за здравствените работници и соработници е утврдено дека „заради непречено вршење на здравствената дејност во мрежата на здравствените установи, директорот на здравствената установа по претходна согласност на здравствениот работник односно здравствениот соработник, еднаш годишно донесува одлука за продолжување на договорот за вработување на здравствениот работник, односно здравствениот соработник кој ги исполнил условите за стекнување на старосна пензија најмногу до 67 години возраст”, а ставот 2 од членот 204-а од Законот за здравствената заштита (ЗЗЗ) утврдува дека „одлуката на директорот за продолжување на работниот однос на здравствениот работник и здравствениот соработник, ја потврдува министерот за здравство.”.

Од ова произлегува дека право на продолжување на работниот однос до најмногу 67 години возраст имаат сите здравствени работници и соработници, од сите јавни и приватни здравствени установи кои ги исполниле условите за престанок на работниот однос согласно прописите од работните односи. Единствен предуслов за остварување на ова право е давањето претходна согласност за продолжување на работниот однос упатено до работодавачот, односно директорот на здравствената установа во која е вработен работникот. Давањето претходна согласност на работникот има правна природа на еднострана изјава на волја за продолжување на работниот однос, која согласно наведениот член го обврзува работодавачот да донесе полноважна одлука за продолжување на работниот однос на здравствениот работник или соработник најмногу до 67 години, а начинот на кој е формулирана одредбата го обврзува министерот за здравство да ја потврди позитивната одлука донесена од страна на работодавачот.

Ниту членот 204-а од ЗЗЗ, ниту пак било која друга законска одредба не им дава право на директорите на здравствените установи и на Министерот за здравство со било каква постапка да го прекинат работниот однос на здравствениот работник или соработник, кој претходно дал согласност за продолжување на работниот однос најмногу до 67 години возраст.

Секое поинакво толкување на членот 204-а од ЗЗЗ, се смета за постапување спротивно на законот и ќе предизвика основ за поведување постапка за заштита на правото на работникот во согласност со закон.

Министерот за здравство и директорите на здравствените установи треба да ја претпостават можната финансиска импликација врз Фондот за здравствено осигурување во случај на поведување поединечни и колективни тужби од страна на засегнатите здравствени работници и соработници, како и за последиците во пружањето на квалитетна и континуирана здравствена услуга на граѓаните.

Синдикатот на Клинички центар ќе застане во заштита на правата на своите членови доколку истите им бидат нарушени поради несоодветна примена на законските одредби поврзани со продолжување на нивниот работен однос согласно Законот.

The post Синдикат на Клинички центар: Не се јасни причините поради кои не се продолжуваат договорите на здравствени соработници кои наполниле 64 години appeared first on Република.

Градоначалничката на Град Скопје, Данела Арсовска во вечерашното гостување на Канал 5 телевизија истакна дека градот го решава проблемот со куќарките на кејот на Вардар бидејќи лицата кои до сега стопанисувале со овие куќарки од 2018 до сега се оставени без договор.

Тие преку нов јавен повик ќе имаат можност да добијат договор и бидат правно заштитени, додавајќи дека истите цели четири години работеле без регулиран статус.

– Лицата кои стопанисуваат со овие куќарки, сега во овој момент за жал тоа го прават без регулиран статус, бидејќи некој уште во 2018 година не им овозможил тие правно да си го регулираат. Она што Град Скопје во овој момент го прави е регулирање на нивниот статус, односно примопредавање на куќарките и преку соодветен јавен повик тие ќе може да аплицираат и да добијат соодветен договор. Вака ќе бидат заштитени. Имавме конструктивен состанок со нив, знаат која е намерата на градот и не станува збор само за тие неколку куќарки на кејот на Вардар, туку станува збор за 22 лица со таков нерегулиран статус на повеќе потези низ централното градско подрачје, истакна Арсовска.

Таа додаде дека на средбата во градот, биле истакнати многу проблеми од страна на овие лица, потенцирајќи дека тоа се проблеми наталожени од изминатите неколку години, пред се затоа што некој не сакал да им го реши нивниот статус.

– Се случило и кршење на нивните куќарки, некој се обидел да ги оштети и украде нешто од таму. Едноставно, тие немаат како да се легитимираат за да се заштитат, затоа што некој не им овозможил да имаат договор. Ние се обидуваме правно да ги заштитиме со договор да немаат само обврски, туку да имаат и права, рече Арсовска.

The post Арсовска: Лицата кои стопанисуваат со куќарките на Кеј се обидуваме правно да ги заштитиме со договор да немаат само обврски, туку да имаат и права appeared first on Република.

Синдикатот на вработените во „Влеча на возови“ при Железници Транспорт информира дека на 80 нивни колеги не им е продолжен договорот за работа и најавува дека доколку во најкус можен рок не се најде решение за нив, ќе го блокираат железничкиот сообраќај.

Во писмото испратено до јавноста, Синдикатот наведува дека овие работници им се потребни за нормално функционирање на компанијата.

Како синдикат од за нас нејасни причини, Министерството за финансии кое е надлежно за давање на согласност за вработување, а со самото тоа и можност за продолжување на работниот ангажман на нашите 80 колеги од кои голем дел се извршен персонал, истото не го достави, така што заклучно со 31.12.2021 ги остави без работа, а нашата фирма без извршен персонал. Ние како фирма во последниов период сме дојдени до многу ниско ниво на егзистенција како финансиски, така и со вработени, и доколку во најкраток можен рок не се преземе нешто со нашите колеги кои останаа на улица, а се потребни на фирмата, како репрезентативен синдикат ќе бидеме приморани после божиќните празници да го блокираме железничкиот транспорт во знак на солидарност со нашите колеги кои ни се неопходни за секојдневно непречено и безбедно одвивање на железничкиот сообраќај, се вели во писмото.

Од Синдикатот информираат дека овие вработени се обучени и ги поминале и интерните обуки кои траат од шест до 12 месеци.

The post На 80 вработени во „Влеча на возови“ не им е продолжен договорот за работа, синдикатот најавува блокада на сообраќајот appeared first on Република.