Шефот на руската дипломатија Сергеј Лавров денеска изјави дека Русија ќе се врати на Договорот за извоз на украинските житарки преку Црното Море „истиот ден“ кога ќе бидат исполнети условите на Москва за извоз на сопствено жито и ѓубриво на светскиот пазар.

Кога ќе се преземат сите неопходни активности за отстранување на пречките за нашиот извоз на жито и вештачко ѓубриво, истиот ден ќе се вратиме на колективното спроведување на украинскиот дел од иницијативата за Црното Море, посочи Лавров по Самитот на Г20 во Индија.

Во вчера усвоената декларацијата од Самитот на Г-20 се апелира на „целосна, навремена и ефикасна имплементација за да се обезбеди моментална испорака на жито, храна и ѓубриво од Русија и Украина за да се задоволи побарувачката во земјите во развој“.

Договорот за извоз на украински житарки беше потпишан под покровителство на Анкара и ОН минатото летото, а неговата цел беше да се обезбеди извоз на украинските житарки преку украинските пристаништа на Црното Море. Во јули Русија се повлече од Договорот, кој е важен за снабдувањето со храна во светот, тврдејќи дека западните санкции го блокираат пристапот на нејзините земјоделски производи и ѓубрива до меѓународните пазари.

The post Лавров: Русија ќе го почитува Договорот за житарките кога ќе бидат исполнети условите на Москва appeared first on Република.

Албанскиот премиер, Еди Рама, го поздрави обновувањето со уште два месеца на Црноморската иницијатива за транспорт на украинскo жито.

Тој во објава на социјалните мрежи ја оценува како одлучувачка улогата на претседателот на Турција, Реџеп Тајип Ердоган за обновувањето на овој договор.

Ги повторувам моите честитки до претседателот на Република Турција, Ердоган, за неговата одлучувачка улога. Обезбедувањето непречено снабдување за светските пазари е од витално значење за обезбедување на храна ширум светот, пишува Рама, кој е голем пријател на Ердоган.

Русија и Украина се договорија да го продолжат договорот за транспорт на украинско жито преку Црното Море за уште два месеца.

Договорот е важен бидејќи Украина е еден од водечките светски извозници на пченица.

The post Рама го пофали Ердоган за „одлучувачка улога“ во обновувањето на транспортот на украинско жито appeared first on Република.

Русија ќе го продолжи нејзиното учество во црноморскиот договор за житото, соопшти Министерството за одбрана во Москва.

Руската Федерација смета дека добиените гаранции во моментов изгледаат доволни и продолжува со спроведувањето на договорот – Иницијативата за безбеден транспорт на жито и храна од пристаништата на Украина („Црноморската иницијатива”), суспендиран по терористичкиот напад во Севастопол”, се вели во соопштението на Министерството.

Договорот за испорака на жито беше потпишан на 19 јули во Истанбул под покровителство на Турција и ОН и овозможи извоз на милиони тони жито, заробени во украинските пристаништа за време на руската офанзива врз Украина.

Русија во саботата објави дека го „суспендира” учеството во договорот, откако го обвини Киев дека е одговорен за нападите со беспилотни летала врз нејзината флота на Крим. Според Москва, нападите биле извршени користејќи го „хуманитарниот коридор” во Црното Море за извоз на украинско жито.

Од друга страна, Украина тврдеше дека Русија користи лажен изговор за да не го спроведе договорот.

The post Русија се враќа во договорот за извоз на жито appeared first on Република.