Пратеничката од редовите на ВМРО-ДПМНЕ, Ели Панова во вчерашното гостување на емисијата ,,Отворено“ ма телевизија 24 се произнесе во врска со почнувањето на преговорите со ЕУ и Албанија и истакна дека Република Македонија направила многу отстапки и многу чекори меѓу кои од нив и промената на името но сепак Македонија заврши во чекална.

„Нашиот став и цел е дека ние ќе го продолжиме нашиот интегративен пат но не по секоја цена, не можеме да очекуваме утре или задутре да се реши овој проблем, ние ќе работиме на овој план овој период и ќе излеземе со конкретно решение за овој проблем”, рече Панова.

Панова исто така нагласи дека државата е во ваква ситуација поради срамниот договор кој го потпишале ДУИ, СДС и Османи, и нагласи дека нема да се донесуваат одлуки кои ќе бидат во спротивност со желбите и потребите на граѓаните.

„Ние ја добивме довербата од страна на граѓаните и нема да донесеме одлуки кои се бидат во спротивност на граѓаните на Република Македонија, Нема да ги лажеме граѓаните како што тоа го правеше СДС и ДУИ“, рече Панова.

The post Панова: Поради срамно потпишаниот договор со Бугарија од страна на СДС и ДУИ, Македонија заврши во чекалната на ЕУ appeared first on Република.

Европската комисија оценува дека Македонија во однос на регионалната соработка одржува добри односи со другите земји од проширувањето и продолжила да се ангажира во регионалните иницијативи. При тоа се додава дека постојните билатерални договори треба да се спроведуваат со добра волја од сите страни, вклучително и Договорот од Преспа меѓу Македонија и Грција и Договорот за пријателство, добрососедство и соработка со Бугарија.

Во делот на односите со Бугарија во Извештајот на ЕК се констатира дека во извештајниот период, односите со Софија се фокусирале на следните чекори во процесот на преговори за пристапување на Македонија во ЕУ и на билатералните обврски од Договорот за пријателство, добрососедство и соработка и неговиот Протокол. Се набројуваат сите позитивни чекори кои ги презеле двете земји за зајакнување на односите, но и негативноте настани, кои довеле до одредено заострување. При тоа се заклучува дека се потребни дополнителни напори за промоција на атмосфера на дијалог и меѓусебно почитување.

-Македонија формираше меѓуресорска работна група, со која претседава министерот за надворешни работи, за да го координира спроведувањето на мерките предвидени во Протоколот. Беа создадени и тематски подгрупи за говор на омраза, рехабилитација на жртвите на репресијата од комунистичкиот период, спроведување на препораките усвоени од Мултидисциплинарната експертска комисија за историски и образовни прашања и заштита од дискриминација. Мултидисциплинарната експертска комисија за историски и образовни прашања одржа неколку состаноци во текот на извештајниот период, стои меѓу другото во Извештајот на ЕК.

Се наведува и дека во октомври 2022 година, претседателот на Македонија беше во официјална посета на Бугарија, а еден месец подоцна во официјална посета на бугарскиот главен град замина и шефот на дипломатијата. -Во октомври 2022 година, двајцата премиери ги започнаа градежните работи на железнички дел од Коридорот 8 во Македонија на церемонија на која присуствуваа повеќе министри од двете земји. Во декември 2022 година, двајцата министри за надворешни работи го отворија билатералниот бизнис форум во Скопје.

Воедно, во документот се наведува и дека билатералните односи беа негативно погодени од изјавите дадени од поединечни политичари и од неколку инциденти, особено оние поврзани со бугарските културни клубови, со прослави на историски настани и историски личности, фудбалски настани и недозволување на влез на граѓани, вклучително и пратеници во Европскиот парламент.

-Надлежните власти во Македонија презедоа одредени чекори за да се справат со овие ситуации и, каде што е потребно, да воспостават одговорност, вклучително и со започнување истраги и изведување на одговорните за криминални дела пред лицето на правдата. Потребни се дополнителни напори за промовирање на атмосфера на дијалог и меѓусебно почитување, препорачува ЕК во овогодишниот Извештај за напредокот на земјава.

Препораки се дадени и во однос на билатералните релации со Атина.

-Соработката со Грција се интензивираше, особено во клучните области од заеднички интерес. Постигнат е напредок во спроведувањето на Договорот од Преспа и треба да продолжат понатамошните напори на овој план, се наведува во Извештајот на ЕК за напредоток на земјава за 2023 година.

Македонија во однос на надворешните односи е умерено подготвена и достигнала добро ниво на подготовка за заедничката надворешна и безбедносна политика.

-Земјата постигна одреден напредок во текот на периодот на известување за заедничката трговска политика. Таа постигна добар напредок со одржување на целосна усогласеност со заедничката надворешна и безбедносна политика на ЕУ. Со тоа, Македонија се покажа како доверлив партнер, вклучително и на меѓународно ниво, стои во Извештајот на ЕК за напредокот на земјава за 2023 година

The post ЕК во извештајот не ветува дека Бугарија нема да има нови услови, бара атмосфера на дијалог appeared first on Република.

Во 2017-тата и во 2018-тата година, три настани ја одредија иднината на Македонија, потенцира претседателот на МАНУ, академик Љупчо Коцарев, во интервју на ТВ Алфа во емисијата „За или против“ со новинарот Љупчо Цветановски.

Првиот, потпишувањето на Договорот за пријателство, добрососедство и соработка меѓу Република Македонија и Република Бугарија, на 1 август 2017 г., од премиерите Бојко Борисов и Зоран Заев, во Скопје. Вториот, потпишувањето на Договорот со Грција (или Договорот од Преспа), на 17 јуни 2018 година, во селото Нивици, Егејска Македонија, на Преспанското Езеро, од министрите за надворешни работи на Грција и Македонија, Никос Коѕијас и Никола Димитров, и посредникот на ООН за спорот за името на Македонија, Метју Нимиц. Третиот, Референдумот за Договорот со Грција, одржан на 29 и 30 септември 2018 година. Од вкупниот број гласачи, на Референдумот гласале 36,91 процент, додека 33,76 проценти од населението гласала „ЗА“ цени академик Коцарев.

Според него, ако се зборува за спроведување на Договорот со Бугарија и обврските во протоколите, тогаш неопходно е да се има предвид и Рамковната позиција на Бугарија во однос на процесот за стабилизација и асоцијација на Македонија и на Албанија – документ усвоен во Собранието на Република Бугарија, на денешен ден пред 4 години, поточно, на 10 октомври 2019 година, документ во кој се вели: „Треба да биде јасно дека јазичната норма прогласена за уставен јазик во Република Македонија е поврзана со еволуцијата на бугарскиот јазик и неговите дијалекти во поранешната југословенска република, по нивната кодификација во 1944 година. Ниту еден документ/изјава во процесот на пристапување не може да се смета за признавање од страна на бугарската страна на постоењето на т.н. ’македонски јазик‘, одвоен од бугарскиот“.

Ненаучниот став на Владата на Република Бугарија во однос на македонскиот јазик е јасен и непроменет од 1949 година (по раскинувањето на Бледскиот договор) дека: на територијата на денешна Република Македонија, до 1944 година, се зборувало бугарски јазик, којшто потоа се нарекол македонски јазик, тогаш голем дел од жителите на Македонија, според овој став, до 1944 година, биле Бугари, за потоа, по 1944 година, да се преименуваат во Македонци?!“ посочува претседателот на МАНУ.

Во овој контекст, наведува академик Коцарев, треба да се посочи и на Соопштението на Бугарската академија на науките, со кое таа ги поддржува напорите на бугарската влада да ја интегрира Република Македонија во вредностите на Европската Унија и во кое се изразува нејзиниот став за неприфаќање на тековно предложената рамка за преговори за Република Македонија пред Европската комисија, изразувајќи го својот цврст став за одбрана на историската вистина за минатото на историско-географскиот регион на Македонија, вклучително и на бугарската национална и културна припадност на мнозинството од нејзините жители.

Оттука, ако другата страна, во овој случај Бугарија, не ги признава македонскиот јазик, историја и идентитет, независно од постоењето на бугарскиот јазик, историја и идентитет, тогаш прашањата: дали треба воопшто да се водат преговори со таа страна, дали треба да се потпишуваат договори за пријателство, добрососедство и соработка или дали треба да се менува Уставот на Македонија по нивно барање, зар не ви се чини дека се бесмислени, нелогични и неправедни? Зар тоа е пријателство, добрососедство и соработка? Дали, можеби, во таков случај, единствено решение за Македонија е раскинување на Договорот со Бугарија?“ јавно прашува првиот човек на МАНУ во интервјуто за „За или против“.

The post Претседателот на МАНУ: Дали раскинување на Договорот со Бугарија е единствено решение за Македонија? appeared first on Република.

„Избори се секогаш решение кога се гледа дека граѓаните на Република Македонија бараат излез од оваа ситуација. А, тоа го покажуваат сите истражувања, а истражувањата се сепак огледало на политичката сцена во Република Македонија, истакна Марјан Ѓорчев во емисијата „Вести плус“ на Канал 5 телевизија.

Ѓорчев додаде дека тогаш ќе се покаже од сите политички партии во која насока ќе се движи државата.

„После договорот со Бугарија, власта самата на себеси си направи стапица со тоа што прифати исклучиво бугарска стратегија. И при прифаќање на овој договор не се почитуваа искуствата на владите од пред 2017-та година. И сега од таа стапица многу тешко се излегува“, рече Ѓорчев.

Тој посочи дека Бугарија кажува убаво дека преземените обврски од при потпишувањето на договорот треба да се исполнат како што се историските прашања, образовните прашања, недискриминација, сето тоа го содржи договорот. Бугарија кажува се што ја чека Македонија.

„Во последните одредби од договорот стои овој договор дека има право Република Македонија и Република Бугарија да поднесе Анекс, значи ова не е конечен договор, значи имате право по дипломатски пат да поднесете Анекс за тие точки за кои што мислите дека го стагнираат процесот за развојот на добрососедството, пријателство и соработка. Република Македонија треба да го направи тоа што поскоро, за да го ажурира договорот и тој договор да стане применливи во политички, економски и социјален контекст. А, најмногу во граѓански контекст. Така што тој договор може да има позитивна содржина дури тогаш кога негативни елементи ќе бидат отстранети, а тоа можеме да го направиме согласно оодредбите во договорот и во рок од една година од другата страна да одговори дали ги прифаќа тие измени и дополни. Пазете имаме право на измени и дополни и со тоа да го подобриме и политичкиот дијалог и односот помеѓу граѓаните во двете држави“, нагласи Ѓорчев.

Тој појасни дека Бугарија може и вака Македонија да ја блокира и со отворање на првиот кластер. Бугарија може секогаш Македонија да ја блокира.

Тој додаде дека ние како земја кандидат, без почнати преговори со ЕУ, имаме право да сметаме дека овој предлог на Европската Унија е неприличен, штетен за Македонија по нејзините национални и државни интереси.

Тој истакна дека меѓународната соработка е нужна, но нашите ставови се познати дека за култура, за историја, да бидеме доследни кон сите, но дискусија за тоа не може да биде предмет.

- Јасно е дека ова се беспредметни дебати. Што има да дава гаранција некоја држава за тоа дека нема да има повеќе дебата за историја. Историјата не смее да биде предмет во преговарачката рамка, како што не може да биде ни образованието, ни културата, а сите тие одредби се во Договорот со Бугарија и се на некој начин противречни со стандардите за пристапување во ЕУ, рече Ѓорчев.

Тој истакна дека европската интеграција е процес во кој космополитизмот, наднационалната политика е важно, но тоа не треба да биде по цена на нешто што претставува наука, колективна меморија и откажување од образованието на идните поколенија.

Во однос на манифестот на власта, тој рече дека требаше да се појави пред да се прифати било каков предлог, а сега е доцна.

- Манифестот требаше да биде објавен уште во февруари 2022 кога требаше да седнат сите политички партии за тоа каква рамка ни треба. Сега е доцна, сега се изострени политичките ставови на клучните политички субјекти, позиција и опозиција и така да сега манифестот е задоцнет и излишен. Црвените линии беа изгласани во Резолуцијата која беше изгласана во Собранието и таму јасно стои дека не може да се разговара за историја, култура и образование, а токму договорот за соработка и добрососедство кој не е за добрососедство кој беше злоупотребен од бугарска страна со ветата и во него се работи за тие теми, истакна Ѓорчев.

Според него за консензус е потребно да се седне пред било кој предлог од меѓународната заедница или пред било кое важно прашање.

The post Ѓорчев: Македонија по дипломатски пат да поднесете Анекс за точки од договорот со Бугарија кои го стагнираат процесот на добрососедството appeared first on Република.

Министерот за надворешни работи Бујар Османи, изјави дека со видеото во кое ја опишува преговарачката рамка барал начин како да излезе од пропагандниот чадор под којшто се влезени граѓаните. Според него, пропагандата против уставните измени е „пуштена на најсилно“, без аргументи и без никаква суштинска дебата.

Едноставно, граѓаните се злоупотребуваат на емоции со цел политичките партии да профитираат што не е чесно. Јас се обидувам да излезам од таа врева, од таа галама на пропаганда која што е создадена да стигнам до граѓаните да им кажам дека не е точно ова што се зборува. Ние зборуваме за најважната тема во којшто излегувам и ги демантирам, ги рушам сите нивни столбови на нивниот наратив и не излегуваат да ме демантираат. А во однос на содржината ова беше уште еден пример како јас бев навреден, бев нападнат за сите можни причини, но ништо за содржината, ниту еден не излезе да каже не е така. Ниту еден не излезе да цитира една реченица од преговарачката рамка за да ме демантира, изјави Османи, во интервју за „Сител“.

На прашање поврзано со Членот 5, Османи посочува дека во општиот дел нема ниту писмен извештај, ниту ќе има гласање во ЕУ за тој процес.

Значи едноставно констатираа дека Македонија има еден билатерален договор со Бугарија и со Грција, добрососедските односи се важни за прогресот, меѓутоа за тој Член 5 нема да има писмен извештај. ЕК нема во ниту еден момент да каже до тука е степенот или, пак, земјите-членки да гласаат или, пак, Бугарија да каже дајте да видиме до каде е реализацијата и да гласаме по однос на реализацијата, изјави Османи.

Во однос на примената на членот, Османи вели дека ЕК реферира, што значи, нема да известува и тоа во стручната терминологија во ЕУ е многу важно бидејќи нема да има писмен извештај.

Што значи писмен извештај? Ова што го добиваме ние секоја година во која што точно се квантификува и се квалификува до каде е реализацијата на одредено аки. За членот пет нема да има писмен извештај, нема да има гласање во ЕУ. Ова е клучната порака која што се обидувам да им ја кажам на граѓаните, вели Османи.

Тој додаде дека, како што изјави, „се разбира дека добрососедските односи ќе се ценат“.

Ние ако сме во лоши односи со еден сосед, членка на ЕУ, се разбира тоа е пречка за напредокот. Меѓутоа нема да има точка на дневен ред во ЕУ во којшто ќе биде Договорот со Бугарија, Договорот со Грција, прегледите од член 12, нема да има такво нешто. И тоа е многу важно. Затоа велам дека тоа плашење на граѓаните, дека Договорот ќе биде филтер односно скалило како што јас ги нарекувам во видеото, нема да биде дел од скалилата низ кои ние се качуваме за да влеземе во ЕУ, вели Османи.

Тој тврди дека нема да има писмен извештај, нема да има гласање по однос на Договорот со Бугарија, но додава дека Бугарија може да најде алиби да го кочи процесот и да се повика на друго нешто.

Да каже водата во Вардар не ви е чиста, и јас не ве пуштам. Меѓутоа нема да има основ во документите и да каже ајде во ЕУ да го разгледаме до каде е имплементацијата на Договорот со Бугарија, до каде е историската комисија. Нема такво право според преговарачката рамка. И преговарачката рамка во ништо не се разликува од тие преговарачки рамки за коишто ги прифаќавме претходно кога немаше никаква дебата. Едноставно разликата е во тафтологија, спомнување на член од истиот Договор, вели Османи.

The post Османи: Нема да има писмен извештај, ниту гласање за реализација на Договорот со Бугарија appeared first on Република.

Потпретседателот на ВМРО-ДПМНЕ Александар Николоски потсетува дека власта прифатиле договор со Бугарија катастрофален по македонските национални интереси, кој се разбира не можат да го испорачаат.

Ги предупредивме, а СДСМ игнорираше! Една година потоа после сите лаги и подметнувања СИТЕ пратеници на ВМРО ДПМНЕ и коалицијата се ПРОТИВ Бугарскиот диктат и се столбот на одбраната на македонскиот национален идентитет.

https://republika.mk/vesti/makedonija/nikoloski-2-3-vo-sobranieto-nemaat-i-nikogash-nema-da-imaat/

The post Николоски за штетниот договор со Бугарија: Ги предупредивме, а СДСМ игнорираше! appeared first on Република.

Претседателот Стево Пендаровски ги потврди пишувањата на  „ Република“ дека македонско-бугарските односи се влошени.

-Имавме извесно смирување после прифаќањето на европската преговарачка рамка. Минатото лето влеговме во скрининг процесот. За жал, роденденот на Гоце Делчев беше искористен од другата страна за кревање на тензиите по мене сосема непотребно. Меѓутоа, мислам дека е неподелена оценката 4 февруари и од наша страна како држава сосема до крај, стопроцентно го положивме испитот и покажавме како една сериозна европска држава треба да се однесува со почитување на правата на луѓето да одат на почит на големиот македонски револуционер и притоа да се изолирааат сите што доаѓаат со лоша намера, односно доаѓаат со намера да провоцираат и да предизвикуваат немири, истакна Пендаровски, одговорајќи на новинарски прашања по средбата со неговата унагарска колешка Каталин Новак.

Претседателот смета дека ситуацијата на границата на денот на чествувањето беше кристално јасна. Пуштен бил секој што сака да влезе во земјава и да отиде на гробот на Делчев за да оддаде почит.

https://republika.mk/vesti/makedonija/kolku-poveke-dogovori-potpishuvame-so-bugarija-tolku-poloshi-odnosi-imame/

-Сите оние кои сакаа да влезат во Република Македонија го направија тоа. На сите што влегоа од Бугарија во Македонија и сакаа да отидат на гробот на Гоце Делчев тоа им беше овозможено. Оние кои се обидоа да ја нападнат полицијата, се разбира, заработија прекршочни пријави и депортација од нашата земја. Секоја европска држава го прави тоа на идентичен начин. Нека ни се јави еден граѓанин на Република Бугарија на кој му било одбиено да влезе во Република Македонија да одаде почит на гробот на Гоце Делчев, се разбира освен оние кои правеа проблеми за што има и видео снимки, рече шефот на државата.  

The post Пендаровски потврди дека односите со Бугарија се влошени appeared first on Република.

Звучи парадоксално но вистинито. Македонија колку повеќе договори потпишува со Бугарија толку има полоши односи.Почнувајќи од Добрососедството меѓу Заев и Борисов, па прегратките меѓу Петков и Ковачевски,  се до францускиот предлог односите меѓу двете земји никогаш не биле полоши.

Во меѓувреме имавме и неколку договори на договореното или т.н анекси“ кои ако некогаш ги почнеме преговорите ќе се видат колку штета ни нанеле. Не за џабе се вели дека „ѓаволот се крие во деталите“ или во она што е напишано со ситни букви.

Дека двете членки на НАТО имаат најлоши односи од независноста се виде и на одбележувањето на роденденот на македонскиот револуционер Гоце Делчев. Скопје во саботата личеше на воена зона небаре ни се спрема десант од горе или окупација од внатре.

Затоа ја замолуваме власта да не потпишува повеќе договори со источниот сосед, и овие што ги имаме ни нанесоа доволна штета од која нема да се опоравиме долго време.

Османи и Ковачевски ќе си заминат, но последиците ќе останат.

The post Колку повеќе договори потпишуваме со Бугарија, толку полоши односи имаме appeared first on Република.

При денешната посета на општина Штип претседателот на ВМРО-ДПМНЕ проф. д-р. Христијан Мицкоски  одговарајќи на новинарско прашање во однос на отфрлањето на иницијативата за референдум, кои се следни чекори и што ќе се направи откако ќе дојде на власт истакна дека следната влада на ВМРО-ДПМНЕ е подготвена да седне повторно на маса со владата во Софија и да ги репреговара сите околности за кои што сега ценат дека се асимилаторски и се кочница за патот на Македонија кон полноправно членство во ЕУ.

„Па видите сега ние ако влеземе во еден вртлог на иницијативи а тој одбива,  и тоа биде некоја тема тогаш сме ја испуштиле суштината, а суштината е како да го спречиме овој асимилаторски договор да нанесе штета на идентитетот на македонскиот народ, тоа е суштината и вратата на која што се отвора можноста да се направи асимилација на македонскиот народ е токму промената на Уставот.  Пратеничката група на ВМРО-ДПМНЕ нема да подржи било каква промена на Уставот тоа треба да сте сигурни и сега кога ВМРО-ДПМНЕ е во опозиција условно кажано но и наскоро од денеска кога ВМРО-ДПМНЕ ќе ја формира идната влада во Македонија, нема да поддржиме промена на Уставот и на тој начин отворање на вратата за асимилација на македонскиот народ која што директно значи удар врз македонскиот идентитет“,  нагласи Мицкоски.

Претседателот на ВМРО-ДПМНЕ, Мицкоски истакна дека следната влада на ВМРО-ДПМНЕ е подготвена да седне повторно на маса со владата во Софија и да ги репреговара сите овие околности кои што сега ценат дека се асимилаторски и се кочница за патот на Македонија кон полноправно членство во ЕУ.

„Следната влада на ВМРО-ДПМНЕ е подготвена да седне повторно на маса со владата во Софија и да ги репреговара овие околности кои што ние цениме дека се асимилаторски и се кочница за патот на Македонија кон полноправно членство во ЕУ а не помагаат, да постигнеме еден вистински добрососедски договор кој што навистина ќе ги подобри односите кои што сега се на катастрофално ниско ниво помеѓу двата народа, македонскиот и бугарскиот и помеѓу двете држави Македонија и Бугарија“, нагласи Мицкоски.

The post Мицкоски: Следната Влада на ВМРО-ДПМНЕ ќе репреговара со Софија за сите околности кои сметаме дека се асимилаторски и се кочница за патот на Македонија кон ЕУ appeared first on Република.

За Договорот со Бугарија ниту може, ниту смее да има референдум. Тој е еден од столбовите на евроатлантска Република  Македонија, заедно со Преспанскиот и Охридскиот договор, а еднонационални референдуми за стратешки прашања на државата се опасен преседан и тие не смеат да се случат, изјави денеска министерот за надворешни работи Бујар Османи.

Дополнително, како што рече министерот Османи, меѓународни договори не можат преку да се поништат преку еднострани одлуки.

Според Османи, сепак, опозицијата со иницијативата за референдум за договорот со Бугарја му направила услуга на процесот за уставни измени затоа што, како што истакна, ја раздвоила дебатата за уставните измени и Договорот со Бугарија, бидејќи едното и другото не се поврзани.

-Уставните измени не се дел од Договорот со Бугарија, кога вие го оспорувате само договорот, тоа значи дека ви се во ред уставните измени. Мислам дека тоа е добро за да се раздвои оваа дебата. Во ред, ќе разговараме за Договорот со Бугарија.Тоа е оврска преземена која што не може да се поништи, но, еве ќе разговараме во еден долг рок дали било добро или не било добро. Но, тоа не е поврзано со уставните измени. Тие не се контроверзни, тие прво се рефлексија на нашиот однос кон заедниците, како и за сите помали други заедници. Нема причина за каква било дискриминација во тој дел, затоа што нашиот систем не познава малцинства по број освен за 20 отсто, рече Османи.

Министерот за надворешни работи, како што потенцира, е сигурен дека со секој поминат ден се повеќе ќе има поддршка за стратешките одлуки и правци за државата во тешки регионални и геополитички контексти.

-Знам дека на ВМРО-ДПМНЕ нема да им донесе никаков бенефит овој став кон стратешките прашања, ниту во нивнот имиџ пред граѓаните, ниту пред меѓународната заедница, ниту пак воопшто ќе даде одредена додадена вредност на нивната политичка иднина. Не знам зошто тоа не можат да го разберат, затоа што игра со стратешките прашања во дневно-политички контекст секогаш било губитничка варијанта за тие што тоа го прават, вели шефот македонската дипломатија.

Но, вели, од комуникација со луѓе на ВМРО ДПМНЕ верува дека и таму се има разбирање оти од овој процес нема штета и дека Македонија не смее да биде заложник на дневно-политички и партиски интереси.

-Никој нема да има штета ако се направат уставните измени. Напротив, државата ќе се покаже пред светот отворена за заедниците, а тоа исто така ќе овозможи продолжување на патот кон преговорите, рече министерот за надворешни работи на редовниот брифинк со новинарите.

Во однос на најавите од Левица дека ќе поднесе нова иницијатива за распишување референдум, Османи вели дека неговиот личен став е дека тие не се македонска партија, туку, како што рече, партија во функција на руската пропаганда за да го свртат македонскиот народ против ЕУ и САД.

-Мислам дека на државата нема да и направат многу штета затоа што има поширок консензус за правците по кои таа се движи, но на народот што го претставуваат може да му направат многу штета обидувајќи се да го свртат против вредностите што ние ги споделуваме. Не треба да паднеме на таа пропаганда која делумно е стимулирана и финансирана и има многу лоши и зли намери, прво кон сопствениот народ, а потоа и кон другите граѓани и кон државата, вели Османи.

Тој додаде дека е легитимно партиите да ги користат овие незадоволства и фрустрации на граѓаните за за политички цели, но, како што потенцира, мора да има одредени граници и тоа не смее да биде на сметка на иднината на државата, ниту на сметка на иднината на граѓаните

The post Османи: За Договорот со Бугарија ниту може, ниту смее да има референдум appeared first on Република.

Политичка гимнастика можат да прават бидејќи се испашени од мобилизацијата на народот и консолидирње на антивладино расположение кое постои. Тие можат да бараат изговори колку сакаат и на тој начин да ја одложуваат работата.Нас ни е битна суштината не формалноста. Иако е тоа пречка ќе ја корегираме таа пречка и ќе ја доставиме онака како што тие сметаат дека треба да се достави само за да имаме успешна процедура и демократски да дозвлиме граѓаните за политиките на владата поврзани со Договорот со Бугарија.

Ова е одговорот на лидерот на ВМРО-ДПМНЕ Христијан Мицкоски за тоа како ќе постапат ако спикерот Џафери им ја врати како неуредна инциијативата за референдум против Договорот за добрососедств со Бугарија.

The post Mицкоски најави дека повторно ќе ја поднесат инцијативата за референдум ако Џафери ја отфрли appeared first on Република.

„Договорот за добрососедство и пријателство со Бугарија е коренот на сите проблеми и затоа е потребен референдум и мобилизација на народот против него. Не може само Македонија да прави нешто, а Бугарија да условува“, изјави потпретседателот на ВМРО-ДПМНЕ, Владо Мисајловски во „Вечерно шоу со Богдан Илиевски“ на Алфа телевизија.

Мисајловски истакна дека власта со овој Договор прифати се што не требаше да се прифати, и ако не се прекине последиците ќе се влечат постојано и тие преговори со ЕУ може никогаш да не завршат, односно тоа ќе биде пат кој никогаш нема да се изоди бидејќи токму овој Договор прави пречки.

Прифатија се што не требаше да прифатат, и од таму потекнуваат сите проблеми, потекнува заедничката историја и затоа овој Договор е трулото нешто во преговарачката рамка,а Бугарија секогаш може да направи вето. Бугарија може да услови да се прифати Гоце Делчев дека е Бугарин, или ќе стави вето. И не само за Гоце Делчев, туку за сите од организацијата и се понатаму во историјата. Затоа мораме со целосна мобилизација на народот против овој договор, рече Мисајловски.

Мисајловски посочи дека народот за вакви важни прашања мора да биде прашан и да го каже својот став, бидејќи СДСМ и ДУИ на избори не излегоа со ваков предлог, туку потоа го донесоа, затоа е добро и со референдум да има избори.

Народот треба да се изјасни за овие работи. Затоа најдобро е кога ќе има референдум да има и избори. Ние ќе се потрудиме да ја мобилизираме цела Македонија, ако успее иницијативата, ако власта не ја одбие, иако има други механизми како да се продолжи. Договорот со Бугарија мора да се укине, и секогаш може да се преговара подобро, потенцираше Мисајловски.

Мисајловски нагласи дека ако излезе македонскиот масовно во што поголема бројка референдумот ќе биде успешен.

Ќе остане трага за секоја влада да знае што треба да се направи. Ќе биде порака дека народот сака тој договор да се поништи, рече Мисајловски.

Потпретседателот на ВМРО-ДПМНЕ нагласи дека пратеничката група на ВМРО-ДПМНЕ нема по ниедна цена да прифати уставни измени со цел внес на Бугарите во Уставот.

Сите граѓани нека знаат дека ВМРО-ДПМНЕ нема да прифати уставни измени, не ги прифаќа со цел внес на Бугарите во Уставот, рече потпретседателот.

„Значи 44 пратеници се потпишани на иницијативата за Референдум и тоа треба секој да го знае. И оние сите тези кои што ги кажуваат политичарите од СДСМ нема да им се остварат. Ова е важен чекор за да видат граѓаните дека ние пратениците сме сплотени како пратеничка група“, рече Мисајловски.

The post Мисајловски: Договорот со Бугарија е коренот на сите проблеми, народот мора на референдум да се изјасни и да испрати порака за поништување appeared first on Република.

The post За Ахмети, Договорот со Бугарија е црвената линија на ДУИ appeared first on Република.

Македонија и Бугарија ќе бидат единствени две соседни држави во Европа, а можеби и во светот, кои во рок од две децении ќе имаат потпишано три меѓусебни договори, а ќе бидат подалеку од пријателство и добрососедство, отколку да немаа ниту еден!

И ова е резултат на кратковидоста и отсуството на суштински предвидувања и анализи на македонската страна, но пред се на историските фрустрации, желби и територијални претензии на шовинистичката бугарска политика,анализира „Пресинг ТВ“.

Во 1999 година тогашните премиери на Македонија и на Бугарија ја потпишаа заедничката декларација за добрососедство во која немаше ниту збор за историјата. Во 2017 година премиерите Заев и Борисов го потпишаа Договорот за Дбрососедство, пријателство и соработка во кој, како што покажа праксата, основен камен на сопнување беше терминот „заедничка историја“ и неговото толкување од двете страни на границата.

И еве сега, како резултат токму на бугарските сфаќања дека „заедничката историја“, всушност е само бугарска историја, Македонија се најде сардисана од Европската Унија и од САД да го прифати францускиот предлог со кој, практично, Македонија и Македонците ќе бидат принудени или на бескрајни преговори за членство во ЕУ или на отворена асимилација и бугаризација.

И мора да се признае дека за ваквата ситуација вината не може да се бара ни во ЕУ, ни во Бугарија, туку исклучиво кај власта на СДСМ и ДУИ, или подобро речено кај Зоран Заев, Стево Пендаровски, Димитар Ковачевски и Бујар Османи. Зашто, од оваа временска дистанца станува повеќе од јасно дека сите до еден и на бугарската страна, и на меѓународниот фактор од ЕУ и САД им ветувале работи, што едноставно не можеле да ги исполнат! А, да биде иронијата на судбината уште поголема нивните признанија доаѓаат едно по друго и уште не еден, туку уште единаесет договори да потпишат нема да се постигне целта ни за добрососедство и пријателство со Бугарија, ни за почеток на преговори и членство во ЕУ ако за тоа не се согласат, пред се, Македонците без оглед на нивната идеолошка, партиска или било каква друга припадност.

Зашто, клучот е во терминот „заедничка историја“. И наместо со меѓународниот фактор нашата власт на СДСМ и ДУИ да работи на суштинска разврска на нејзино толкување и читање, таа продолжува да паѓа од глупост во глупост! Па, има ли поголема глупост од тоа да прифати Македонците да бидат единствен народ во светот, кој ќе се најде во ситуација самиот да се самоукине!? И сега да се прави дека не е од тука и да ги крие клучните документи од францускиот предлог вториот меѓувладин протокол и протоколите од историската комисија за постигнатата согласност за менување на учебниците и заедничко чествување на светите Кирил и Методиј, на светите Климент и Наум и за Цар Самоил!-анализира „Пресинг ТВ“.

Што се прифатил Заев може само да се претпоставува, главно во економскиот дел од соработката. Но, што ветувал во поглед на историјата стана јасно од неговото фамозно интервју за агенцијата БГНЕС во кое крајно ги наруши македонските позиции прифаќајќи дека сме ист народ и дека царска Бугарија не била фашистички окупатор, туку администратор во Вардарска Македонија!

Нешто слично се случи и со претседателот Пендаровски, кој прво изјави дека Гоце Делчев бил Бугарин, а потоа ретерираше од тој став, па Делчев стана наша црвена линија. Впрочем, самиот во интервју за Еуроњуз призна дека биле изненадени и неподготвени од инсистирањето на Бугарија околу историјата.

Ковачевски, пак, сака да ни се продаде како голем државник, а во суштина е неспособен премиер и политичар кому човек не може да му довери да води обичен куќен совет, а не, пак, Влада! Својата „љубов“ со бугарскиот премиер во оставка Кирил Петков ја почна со испраќање нота до ООН, со која се објаснува значењето на новото име на државата. А, стигна до таму да не ги чествуваат заеднички светите Кирил и Методиј во Рим.

Ковачевски и Османи практично прифатиле менување на Уставот за вметнување на македонските Бугари во него, иако за тоа како Влада ниту имаат, ниту можат да имаат ингеренции. И сега топката ја префрлаат во Собранието и со просто мнозинство насилно да го протуркаат францускиот предлог, што ќе доведе до катастрофални последици.

Претседателот Пендаровски залудно се обидува да не претстави како мала и немоќна држава и народ, а вината за ситуацијата во која не доведе власта да ја префрли на ЕУ.

-Како да го задржиме ентузијазмот на граѓаните, ако од другата страна тие не испорачуваат? Да ти е срам и страв да кажеш дека си за ЕУ, ќе рече меѓу другото шефот на државата во неговото интервју за ТВ21.

А, не така. Не е ни срамно, а ни страшно да кажеш дека си за ЕУ. Напротив. Срамно и страшно е да кажеш дека си за СДСМ. Зашто, парафразирано, како што би рекол Павел Шатев, СДСМ не доведе во ситуација „поимот Македонец-„европеец“ стана синоним за мракобесник, убиец и џелат“!

И тука не помага никаква игра на зборови. А, најнова е таа околу менувањето на учебниците и реципроцитетот, што ни ја сервираат вицепремиерот Бојан Маричиќ и првиот човек на македонскиот дел од историската комисија Драги Ѓоргиев. Обајцата сакаат на невидено да ја проголтаме јадицата за тоа, какви формулации прифатиле нашите историчари за светите Кирил и Методиј, светите Климент и Наум и Царот Самоил. Ним човек не може да им верува ни добар ден кога велат, а не пак за нешто многу поголемо и позначајно. Историјата и идентитетот на Македонија и Македонците не може да се сведе на јадење бифтеци, телешко, школки, риби

The post Македонија и Бугарија со три договори за пријателство и никогаш полоши односи appeared first on Република.

Уште при формирањето на новата Влада, премиерот намесник Димитар Ковачевски, меѓу првите работи, што ги кажа околу спорот со Бугарија, беше тоа дека во неговиот кабинет ќе нема место за пропагандистите, кои наводно биле пречка за излез од ќорсокакот. И не само во кабинетот, туку и во медиумскиот простор преку говорот на омраза, па и во општеството во целина.

Како и обично, кога станува збор за владеачкиот СДСМ, без наведување конкретни имиња работата излезе ќорфишек. Не затоа што меѓу пропагандистите, покрај други, многумина го препознаа бившиот министер за надворешни работи и вицепремиер за евроинтеграции, Никола Димитров, туку пред се поради тоа што пропагандистите и пропагандизмот станаа основна алатка во дневно-политичката пресметка со опозицијата и релативизирање на неуспесите на секое поле од општествениот живот, анализира „Пресинг ТВ“.

Играјќи на картата на слабо паметење, патем само ќе го споменеме она познато јавување од државни институции од страна на поединци, кои наводно лобирале да нема решение за спорот со Бугарија, и тоа на самиот почеток на руската агресија на Украина. Оттогаш еве минаа 100 дена, а до ден денес власта на СДСМ, пардон на владејачката ДУИ, се уште нема споменато ниту едно име зад кое стојат таквите активности-анализира „Пресинг ТВ“

И овој пропагандистички идиотизам на СДСМ во последно време има некоја нова насока. Прво се јавува од страна на „независни“ медиумски корисни идоти, а по некој ден станува составен дел од партиските соопштенија.

Па така сега, како најнов повод за напад врз лидерот Христијан Мицкоски и на најголемата опозициска партија служи последната средба на Европската народна партија (ЕПП) каде членува и ВМРО-ДПМНЕ.

-Десетици важни закони се блокирани со месеци во Собранието заради личните интереси и хирови на Мицкоски. И додека дома блокира и глуми патриот, Мицкоски надвор ги поткопува државните интереси и врши предавство. Европската народна партија каде што членува и ВМРО-ДПМНЕ усвои резолуција со која го поддржува отворањето на преговорите со ЕУ, но истовремено ги поддржува ставовите на Бугарија. Мицкоски кој беше дел од Конгресот каде се усвои Резолуцијата молчи и не одговора дали ја поддржал резолуцијата и кој бил неговиот став по однос на тоа прашање. Со немањето став по резолуцијата, Мицкоски ја поткопа државната позиција во процесот со Бугарија, нанесувајќи штета на националните интереси. Освен да блокира важни процеси, да носи штета врз државата и да брани криминал, Мицкоски нема никаква друга агенда, уште еднаш самиот се потврдува како најнеодговорен политичар, стои меѓу другото в о денешното соопштение на владеачкиот СДСМ.

Краток текст за универзитетски час по пропагандистички идиотизам! СДСМ се најде загрижен за резолуцијата на ЕПП, која е речиси идентична со таа, што неодамна ја донесе Парламентарното собрание на Советот на Европа.

Каде беше тогаш СДСМ да реагира, да прашува и да обвинува за предавство и за поткопување на државните интереси? Таа резолуција, на пример, ја гласаа и бугарските социјалисти, партијата на Корнелија Нинова, која е дел од владејачката бугарска коалиција, а башка е и сестринска партија на СДСМ. Настрана ова, па и бугарскиот претседател Румен Радев е од редовите на социјалистите, кој нели од полето на историјата, проблемот го префрли на човековите права и слободи, па постави ново барање за вметнување на македонските Бугари во македонскиот Устав. Со овие факти, според антилогиката на пропагандистичкиот идиотизам на СДСМ, и тие како партија и лидерот, намесникот премиер Димитар Ковачевски, вршат предавство и ги поткопуваат државните интереси? прашува „Пресинг ТВ“.

Но, суштината е во друго. СДСМ и намесникот премиер Димитар Ковачевски можат на глава да стојат, но не можат да го избришат фактот дека тие како партија, а Зоран Заев како премиер го потпишаа Договорот за добрососедство, пријателство и соработка со терминот „заедничка историја“. И тоа во време кога Заев беше во голема љубов со тогашниот бугарски премиер Бојко Борисов од редовите на ГЕРБ, која исто така е членка на ЕПП. А, Заев, да не заборавиме јавно и се извинуваше на Нинова, што не може да присуствува на конгресот на бугарските социјалисти, но и ветуваше брзо видување и евентуално „заедничко возење на неговиот мотор“.

Значи, Договорот и „заедничката историја“ не се производ ниту на Мицкоски, ниту на ВМРО-ДПМНЕ.

Токму поранешниот лидер на СДСМ, премиер и претседател на државата, Бранко Црвенковски, само пред неколку дена јавно обзнани дека истиот тој Договор со терминот „заедничка историја“ биле грешка. И таа грешка сега СДСМ и Ковачевски колку и да сакаат не можат да ја префрлат на друг ни со пропагандистички идотизам!

The post За СДСМ, ВМРО-ДПМНЕ е виновно што Заев со Борисов потпишаa договор за заедничка историја appeared first on Република.

Вградување на бугарските услови во преговарачката рамка за РСМ, откажување од сегашната позиција и замена со временски и просторно одложени очекувања или задржување на актуелната бугарска позиција?

Иако сите членови на владејачката коалиција тврдат дека нема услови за промена на сегашната бугарска позиција и дека таа ќе остане иста, информациите за претстојното укинување на ветото за РСМ се повеќе од случајни и спорадични, објавува денеска БГНЕС во нова анализа под наслов „Ќе го укине ли Бугарија ветото за почеток на преговорите за членство во РСМ во ЕУ?“

„Ваквите индиции, но и конкретните обвинувања кон премиерот Кирил Петков, не доаѓаат од други места, туку од официјални претставници на партиите во коалицијата. Самата министерка за надворешни работи, г-ѓа Генчовска, постојано споменуваше постоење на две надворешни политики, а се жалеше и на некоректна интервенција на луѓе од тимот на премиерот на нејзината област на оваа тема. Какви и да се потезите на претставниците на двете надворешни политики и на европските лидери и институции, тие ќе се случат во следните неколку дена“,

се вели во текстот.

Што е следно?

Ако некој си поставил цел во рамките на француското претседателство да има „пробив“ со кој РСМ може да ги започне преговорите за членство во ЕУ, според БГНЕС, формално тоа може да се случи само на 23 и 24 јуни, кога ќе се одржи последниот Европски совет под ова претседателство.

„Дел од програмата на овој совет е планирана и за таканаречениот „Лидерски состанок ЕУ-Балкан“, на кој заедно со европските лидери ќе присуствуваат и премиерите од Западен Балкан. За да биде донесена конечна одлука од највисокото европско тело, таа мора претходно да биде подготвена, договорена и одобрена со целосно едногласност на неколку пониски тела во европската хиерархија. Пред сè, ова е Советот за општи работи каде земјите се претставени од нивните министри за надворешни работи, односно Бугарија е претставена од министерката за надворешни работи, г-ѓа Генчовска, а состанокот е закажан за 21 јуни. Самиот Совет за општи работи, пак, го подготвува Корепер, составен од постојаните претставници на земјите-членки во Брисел, а за Бугарија тоа е амбасадорот Румен Александров чија седница е закажана за 15 јуни, а предлогот за РСМ мора да се достави до него“,

пишува БГНЕС.

Од агенцијата исто така потсетуваат дека иако евентуалната одлука за укинување на бугарското вето е целосно во надлежност на бугарската влада, премиерот Кирил Петков во неколку наврати изјави дека таквиот чекор нужно ќе помине преку Народното собрание. А за да се случи тоа, се вели натаму, пред седницата на Корепер на 15 јуни, бугарскиот парламент на редовните седници на 7, 8 или 9 јуни мора да расправа и одобри документ врз основа на кој Министерството за надворешни работи ќе го подготви официјалниот став на Бугарија пред различните нивоа на Европскиот совет.

Каква е моменталната бугарска позиција?

БГНЕС во денешниот текст потсетува на што се заснова позицијата на Бугарија за почеток на преговорите за членство во ЕУ: Тоа се четири фундаментални документи – Договорот за пријателство, добрососедство и соработка од август 2017 година, владиниот рамковен став од октомври 2019 година, по што следи декларацијата на Националното собрание и одлуките на Консултативен совет за национална безбедност под раководство н претседателот на државата од јануари 2022 година.

„Рамковната позиција, на која се однесуваат другите два документи, јасно и детално ги опишува условите и фазите што PCM мора да ги исполни за да започне преговарачкиот процес. Рамковниот став е експлицитно наведен и во коалицискиот договор на четирите политички субјекти кои го сочинуваат актуелното владејачко мнозинство. Скопје досега исполни само еден од условите, а тоа е да испрати дипломатска нота во која ќе се прецизира дека употребата на краткото име РСМ ‘Македонија’ не изразува територијални претензии кон соседните земји. Кај други услови, напредокот е нула“,

пишува БГНЕС.

Како може Софија да го укине ветото на PCM?

Понатаму во текстот, БГНЕС анализира три претпоставени ситуации за решение.

„Ако претпоставиме дека владејачката коалиција и бугарскиот премиер се искрени во нивните тврдења дека бугарскиот став и услови остануваат непроменети, тогаш единствената практична можност Бугарија да се согласи да даде согласност за РСМ за почеток на преговорите за членство во ЕУ е ако бугарските условите се целосно вградени во самата преговарачка рамка, која Европскиот совет ќе ја одобри за PCM. Само така бугарската страна би имала какви било гаранции дека условите што ги има за Скопје во иднина ќе бидат запазени и исполнети. Во случај на непочитување, Софија би имала легитимно право да го санкционира – преку Европскиот совет и неговите формати, неусогласеноста за која станува збор“,

се вели во текстот за првата теоретска можност.

Но, за да се случи тоа, бугарската страна мора во преостанатите денови да ги убеди своите европски партнери дека бугарските услови можат и мора да се појават како „европски“ услови во преговарачката рамка за РСМ.

„Постои втора, теоретска можност во која Софија би можела да го укине ветото – ако и покрај многуте ветувања, бугарската влада сепак се откаже од сегашната позиција и ја замени со нови, посакувани, заеднички, временски и просторно одложени очекувања и се обиде тоа да и го претстави на јавноста како мала уредувачка промена“,

се вели за втората можност.

Но, во тој случај, според БГНЕС, слична промена ќе треба да се даде и на мнозинството во бугарскиот парламент, вклучително и по цена на евентуална поддршка од опозицијата и, како што се вели, игри со кворумот.

„Поддржана со помпа од европските и прекуокеанските лидери, „креативната“ одлука ќе се рекламира, се разбира, како огромен успех за бугарската влада и дипломатија“,

коментира БГНЕС.

И конечно, третата опција – бугарската позиција да остане непроменета и ветото да не се укине.

„Во оваа верзија, со право, ќе има многу разочарани, особено меѓу оние од другата страна на Осогово, на запад или преку океанот, на кои случајни луѓе им даваат неодговорни и наивни ветувања“,

завршува анализата на БГНЕС.

Пред неколку дена истата агенција завчера објави текст со сценарио за кревање на ветото на Бугарија, кое вклучува посета на Петков и Радев на Париз на средба со францукиот претседател Макрон.

The post БГНЕС се повлекува од својата „ексклузива“ за бугарските услови во преговарачката рамка на ЕУ? appeared first on Република.

Најавите кои дооѓаат од Софија и Париз може да отвори нов преседан во преговорите меѓу Европската унија и земјите кандидати.

Доколку билатералните спорови станат услов за почеток на преговори тоа ќе значи дека и други членки на ЕУ ќе го следат примерот на Бугарија. Прва би можела да биде Хрватска која сигурно нема да ја пропушти приликата да ја блокира Србија, а понатаму и Босна и Херцеговина.

Копенхашките критериуми се и треба да останат услов некоја земја да почне преговори и да стане членка.

Ваков став немаше дури ни Грција со која исто така имавме билатерален спор за името. Но, јужниот сосед никогаш не побара спорот да влезе во преговорите со ЕУ туку имаше став спорот да се реши пред тие да почнат.

Поранешниот дипломат Ристо Никовски за „Република“ нагласува дека се уште не е јасно што Франција точно предложи на Бугарите, но оти најавите се поразителни и Македонија во во никој слчај не смее да ги прифати.

Според него. се потврди деа ЕУ е доведена во ќорсокак со своите политики и случајот со Македонија им претставува голем товар.

Неспорно е дека Макрон е лидер на Унијата и дека е длабоко ангажирана со рефорите но дококу тој навистина бара бугарските небулози и национал шофинизам да влезат во преговарачката рамка , тоа не е само што ќе биде преседан туку и ке го затвори патот за сите идни членки-анализира Никовски за „Република“.

Според поранешниот амбасадор, можеби тоа е и намерата на Макрон ако се знае дека 62 проценти се против проширувањето а само 23 проценти би сакале да ја видат Македонија во нивнот друштво.

Ако барањата на Бугарија влезат во преоговорите, тоа во суштина значи дека во преговарчката рамка ќе влезе и декларацијата на бугарсиот пармамет која ја е поддржана од сите партии.
Во неа јасно се бара Македонија да прифати дека имаме заедничка (бугарска) историја, дека македонскиот јазик е дијалект на бугарскиот и оти Македонците до 1944 година биле Бугари.

За што всушност треба да преговараме

Минатата година токму на барање на Франција беше променета преговарачката методологија и наместо 32 поглавја се воведоа шест кластери и реверзибилен процес.Тоа значи дека иако земјата кандидат затворила некој кластер тоа може да се врати назад и пак да го преговара доколку некоја земја членка тоа го побара.

The post Дури ни Грција не бараше спорот за името да влезе во преговарачката рамка со ЕУ appeared first on Република.

Бугарската агенција БГНЕС, која важи за една од најдобро информираните објави шокантна информација за спорот со Македонија. Конкретно, претседателот на Франција Емануел Макрон им ветил на Радев и Петков дека сите бугарски барања ќе влезат во преговарачката рамка, односно ќе станат составен дел од преговорите со ЕУ.

Со други зборови, колку и да траат преговорите со ЕУ, Македонија нема да стане членка доколку не ги исполни барањата кои се содржани во Декларацијата на бугарскиот парламент, а зад која застанаа сите партии.

https://republika.mk/vesti/makedonija/makron-kje-im-ponudi-na-radev-i-petkov-site-bugarski-baranja-da-bidat-vklucheni-vo-pregovarachkata-ramka-za-makedonija/

Во неа јасно се нагласува дека македонскиот јазик е дијалект на бугарскиот, дека до 1944 година сме имале заедничка, што во бугарски превод значи бугарска историја и дека Македонци не постојат.

Eве ја содржината на Декларацијата која треба да влезе во преговорите со ЕУ.

Реален напредок во исполнувањето на духот и словото на Договорот за добрососедство. Реален напредок“, Софија подразбира откажување од поддршката или барање за признавање на македонско малцинство во Бугарија; почеток на процес на рехабилитација на жртвите на „југословенскиот комунистички режим кои трпеле репресија поради бугарската самосвест“; нов процес на лустрација кој треба да ги расветли соработниците на поранешните служби за безбедност на Југославија во денешна Македонија; и системско отстранување на квалификативот „бугарски фашистички окупатор“ од сите текстови на споменици и спомен-плочи.

·Треба да се усогласи за личности и настани од „заедничката историја до 1944 година”, а меѓу нив се набројуваат „Гоце Делчев, ВМРО и Илинденското востание“.ќе треба да се пресликаат на информативни табли и други ознаки на историски и културни споменици. Ќе треба да се договорат и конкретни датуми за одбележување на заеднички настани и личности, но притоа, „политичките претставници, претставниците на државните институции во Македонија, како и медиумите финансирани од државниот буџет“ ќе мораат „да ги засноваат своите изјави и коментари на текстовите кои ќе ги договори Комисијата.”

·Никаде во документите на ЕУ да не фигурира „македонскиот јазик“, односно ако веќе мора, да се користи терминот „официјален јазик на Република Македонија“. Доколку, како што се наведува, „постои апсолутна неопходност да се користи терминот ’македонски јазик’ во документи и ставови на ЕУ, со ѕвездичка во фусноста да се појаснува дека е тоа „согласно Уставот на Република Македонија“.,треба да биде јасно дека јазичната норма која е прогласена за уставен јазик во Република Македонија, е поврзана со еволуцијата на бугарскиот јазик и неговите наречја со неговата кодификација во 1944 година.”

·До втората меѓувладина конференција, историчарите ќе треба да постигнат согласност за уште една група личности и настани од историјата до 1944 година (не се наведува кои).

·Да се хармонизираат училишните програми по историја и литература во двете земји“, и дополнително: „историските и литературните извори од 19 и 20 век, паралелно со адаптираните текстови, да се претставуваат и изучуваат и во оригиналната форма на која биле напишани.

·Бугарија ќе инсистира Македонија да ја приложи „учебната програма по историја, географија и литература“ од основните училишта до универзитетите во кои веќе ќе бидат имплементирани сите договорени одлуки на историската Комисија. Истото се однесува и на спомениците во земјата.

·Надминување на говорот на омраза во јавниот простор“, особено кон лица кои се идентификуваат како Бугари, но и поголема транспарентност за сопственоста и финансирањето на медиумите

The post Нема јазик, народ, историја: Aко бугарските барања влезат во преговарачката рамка со ЕУ, ќе излезат македонските appeared first on Република.

Вицепремиерот за европски прашања Бојан Маричиќ смета дека напредок во евроинтеграциите е нужен за земјите од Западен Балкан и оти сега е време за брза евроинтеграција на регионот, додека според претседателот на државата Стево Пендаровски шансите за тргање на бугарското вето се сè помали.

Според поранешниот претседател на Бугарија Петар Стојанов, во Бугарија премногу се робува на јавното мислење и тој смета дека вистинските државни лидери мора да го креираат јавното мислење, особено кога станува збор за историски одлуки.

Факт е дека „конструкцијата на бугарската политичка сцена“ во моментов е таква што отежнува да се постигне договор, изјави вчера претседателот на државата Стево Пендаровски, оценувајќи дека шансите за тргање на бугарското вето се сè помали.

–  Перспективата за ЕУ во догледно време за жал е завршена. Шансите се сè помали и помали. Не можам да кажам дека се завршени. Не можам да кажам, граѓани од утре одиме на сосема друга стратешка перспектива, бидејќи друга подобра не гледам, но мора да ги менаџираме тие очекувања кои беа нереално високи изминативе година-две, изјави Пендаровски во „Утрински брифинг“.

Вицепремиерот Маричиќ, верува дека и покрај воената криза во Украина, Западен Балкан мора да остане во фокусот на ЕУ, бидејќи тоа е од геостратешки интерес и на Унијата.

– Време е за брзи интервенции во евроинтеграциите и поправање на грешките од минатото. Војната во Украина е последно предупредување за Унијата за ризикот кој го презема оставајќи го овој регион неинтегриран, порача вчера Маричиќ, на годишниот Самит на демократија во Југоисточна Европа, што се одржува во Будва, Црна Гора.

Маричиќ на средба со црногорскиот премиер Дритан Абазовиќ оцени дека напредокот на една земја од Западен Балкан е напредок на сите и за целиот регион.

– Тоа е важна лекција која мора да ја знаме и дека сè што правиме на регионално ниво, на темелите на европските вредности, ќе носи мир, стабилност и напредок, а тоа ќе значи благосостојбата на нашите граѓани, рече Маричиќ.

The post Власта се помири со ново вето од Бугарија appeared first on Република.

Очекувам коалицискиот совет  да го следи консензусот и мислењето што го постигна Консултативниот совет за национална бебедност во јануари, да го брани бугарскиот интерес и копенхашките критериуми за членство, кои се базираат многу прецизно на човековите права и недискриминација. Ако сето ова се случи, ќе и помогнеме на Македонија постојано да го следи овој пат, изјави бугарскиот претседател

Претседателот Румен Радев очекува Коалициски совет вечерва да ги следи одлуките што ги донесе Консултативниот совет за национална безбедност во јануари во однос на  Македонија.

„Средбите не се толку важни, важни се резултатите. Очекувам коалицискиот совет вечерва да го следи консензусот и мислењето што го постигна Консултативниот совет за национална бебедност во јануари, да го брани бугарскиот интерес и копенхашките критериуми за членство, кои се базираат многу прецизно на човековите права и недискриминација. Ако сето ова се случи, ќе и помогнеме на Македонија постојано да го следи овој пат“,

изјави Радев на новинарите.

На прашањето, какви се ставовите на Владата заМакедонија пред средбата, Радев рече дека фокусот на владата на надворешната политика не може да ги реши внатрешните проблеми на земјата.

„Очекувам овој стремеж и енергија, која се инвестира во решавање на проблемите со РСМ на нејзиниот пат кон Европа, да се примени не помалку и на проблемите на бугарските граѓани. Како што гледаме, тие растат – сиромаштија, алармантна инфлација, ова, што се случува во енергетскиот сектор, парното греење. Очекувам таму да се насочи вниманието“,

Ставот на Радев пак останува непроменет – почетокот на преговорите да не се врзува со рокови, туку со резултати, особено во однос на правата на Бугарите во РСМ.

„Гледате дека досега слушнавме многу, многу гаранции“,

The post Радев не сакал да се врзува со рокови туку со резултати, тргање на ветото не спомена appeared first on Република.