Голем дел од дел од дефицитот на лекарски кадар во здравството ќе се надомести со приватните специјализанти од кои на последниот повик се пристигнати околу 480 апликации, а ќе се постапува според интересот на болниците. Се надевам дека во првите 300 доктори, дел од нив, можеби повеќе од 10, ќе ги ангажираме во Штип, изјави министерот за здравство Арбен Таравари.

Тој денеска ја посети Клиничката болница во Штип и најави дека таму првите специјализанти може да се очекуваат до крајот на годината. Интерес изразиле околу 30 доктори.

Разговаравме и со директорот, и кај него дошле специјализанти кои изразиле интерес, но и кај нас се дојдени, апликаците се веќе собрани, околу 480 доктори од вкупно 600, нормално, ќе постапиме по интересот на болниците. За во Штип информацијата е дека некаде околу 30 доктори изразуваат интерес, не само од Штип туку и од околните места, ќе постапиме според тоа што ќе го каже директоорт дека е приоритет, изјави Таравари.

Според Таравари, со планираните вработувања на над 1000 лица во здравството кои сега се ангажирани со договор на дело ќе се отвори можност за нови договори поради огромниот дефицит на здравствениот кадар.

Во здравството моментно, за жал, се ангажирани 2500 луѓе претежно средно медицински кадар со договор на дело. Земавме обврска до крајот на годината на дел од нив, на над 1000 ќе се обидеме да им дадеме решение и со тоа за да отвориме можност за нови договори бидејќи навистина има огромен дефицит на доктори, но посебно од болничари, хигиеничари и медицинси персонал, .. рече Таравари.

Во штипската Клиничка болница, како што рече директорот Владко Захариев, има дефицит на кадри во сите одделенија.

Најалармантно е на Анестезија, Гинекологија, исто така ни фалат и доста општи хирурзи, исто и на интернисти, односно во сите одделенија, рече Захариев.

The post Таравари: Во здравството се ангажирани 2.500 медицинска лица со договор на дело, на над 1.000 ќе се обидеме да им дадеме решение appeared first on Република.

Стотина ангажирани со договор на дело во Прилепската болница денеска излегоа на едночасовен штрајк барајќи Министерството за финансии итно да ги потпише согласностите за нивно вработување. Тие велат дека во моментов нивниот статус никако не е решен зашто не се потпишани ниту новите договори на дело кои вообичаено ги добивале на почетокот на јануари. Проблемот, според нив, е што не потпишува дополнителната заменик-министерка за финансии.

-Жалосно е што нашето прекинување на работните задачи, за кои моментално немаме ниту договор кој вообичаено се потпишува во почетокот на февруари, трпат пациените. Од медиумите дознавме дека согласност за договорите на дело и согласност за нашето вработување во редовен работен однос се во фиока кај дополнителната заменик-министерка за финансии Елена Петрова. Од владата се обезбедени сите согласности, но пречката е во министерството за финансии. Ставете го вашиот потпис денес, драга министерке, на таа согласност зашто сите рокови изминуваат. Станува збор за персонал од преку 100 луѓе, изјави Благоја Јагуриноски, ангажиран во болницата со договор на дело.

Снежана Илиеска, медицинска сестра во гинеколошко-акушерското одделение вели дека имаат одговорности, но без решен статус е речиси правно неиздржано.

Од Независниот синдикат на болницата изјавија дека Парламентот тоа може да го реши, ако денеска или утре итно донесе законски измени.

Менаџментот на болницата ја дава целосната поддршка на персоналот.

Ангажираните со договор на дело кои во моментот немаат никаков статус најавија дека доколку не им се излезе во пресрет, ќе протестираат пред Министерството за финансии во Скопје.

The post Стотина ангажирани со договор на дело во Прилепската болница почнаа штрајк appeared first on Република.

Ненад Јовановиќ, гласниот поддржувач на политиките на владејачката партија СДСМ и на поранешниот лидер Зоран Заев е на списикот на сите договори на дело склучени со општина Тетово за 2021 година. Се работи за вкупно 811 договори на дело.

Општината Тетово денеска го објави списикот. Според него, Јовановиќ месечно добивал 12 илјади денари.

https://republika.mk/vesti/makedonija/opshtina-tetovo-go-objavi-spisokot-na-site-811-dogovori-na-delo-od-2021-godina/

На лицата кои донеле извештај за сработеното, согласно нивниот договор, ќе им бидат исплатени сите преостанати плати кои не беа исплатени како резултат на увидот за овој законски прекршок на претходната власт. На оние пак, кои не испратиле извештај за сработеното, ќе им биде испратено известувањето за враќање на добиените средства од нивните договори во буџетот на општина Тетово. Во спротивно, ќе се соочат со кривични пријави, стои во објавата на страницата на Општината.

https://republika.mk/vesti/makedonija/miloshoski-mozno-e-nekoj-da-ziveel-vo-viena-a-zemal-mesechna-bonus-plata-od-opshtina-tetovo-vo-vreme-na-teuta/

The post И Ненад Јовановиќ земал пари од Општина Тетово appeared first on Република.

Општина Тетово, со цел транспарентност кон јавноста, го објавува Списокот на сите договори на дело склучени со општина Тетово за 2021 година. Се работи за вкупно 811 договори на дело.

Овие договори се склучени меѓу физички лица и општина Тетово, под раководство на структурите од претходната локална власт.

На лицата кои донеле извештај за сработеното, согласно нивниот договор, ќе им бидат исплатени сите преостанати плати кои не беа исплатени како резултат на увидот за овој законски прекршок на претходната власт. На оние пак, кои не испратиле извештај за сработеното, ќе им биде испратено известувањето за враќање на добиените средства од нивните договори во буџетот на општина Тетово. Во спротивно, ќе се соочат со кривични пријави, стои во објавата на страницата на Општината.

Од општината велат дека ќе продолжат тековно да ги објавуваат сите договори на дело, секој месец на веб-страницата на општината и на официјалната страница на општина Тетово на Фејсбук.

Листа со имињата вработените со договори на дело 2021

The post Општина Тетово гo објави списокот на сите 811 договори на дело од 2021 година appeared first on Република.

Антонио Милошоски од ВМРО ДПМНЕ јавно на фејсбук ја поставува дилемата дали некој жител на Тетово, кој бил вработен со договор на дело во општината во време кога градоначалничка беше Теута Арифи, живеел во Виена, а земал месечна бонус плата од општината.

Градоначалникот Касами го објави списокот на луѓе кои од општина Тетово примале пари со договор на дело. Вкупно 811 договор на дело, а многу од договорците не оделе на работа. Некој земал 9.000, некој 15.000, а некои по 25.000 денари месечно. Богата Виена сигурно има помалку договори на дело за 2021 година, но можно е некој од овие и да живеел во Виена, а да си земал месечна бонус плата од општина Тетово во времето на Теута, вели Милошоски.

The post Милошоски: Можно е некој да живеел во Виена, а земал месечна бонус плата од општина Тетово во време на Теута appeared first on Република.