Потпретседателот на ВМРО-ДПМНЕ Александар Николоски во вечерашното гостување „ Само интервју“ на ТВ Канал 5 рече дека за 60 месеци владата на СДС и ДУИ ќе плати над 175 милиони евра само за работниците кои што ќе кампуваат, додавајќи дека за секој друг договор ова ставка не е повеќе од 10 милиони евра.

Страница 130 дел 2, капитални и директни трошоци владата ќе плаќа 2 милиони и 900 илјади евра месечно, или за 60 месеци 175 милиони и 200 илјади евра за грубо кажано за работниците кои ќе кампуваат за секој друг договор, ова не е повеќе од 10 милиони евра. Страна 129 дел 1, првично плаќање од 117 милиони евра за да се постават канцеларии и погони и административно тоа веќе се плати и го потврди и Ковачевски и Бочварски. 117 милион евра веќе е платен, но 117 зрна песок не се ставени до сега, камоли па да се работи, истакна Николоски.

Николоски направи споредба на договорот помеѓу владата на СДС и ДУИ и Бехтел и Енка со другите договори потпишани од нив како влада и нивните градоначалници, посочувајќи дека за ископување на постоен асфалт според овој договор ќе плаќаат 7.43 евра за метар кубен, додека за договорот помеѓу Гранит и ЈП за државни патишта изнесува 2.33 евра за метар кубен, или како што рече тој ова е дури 150 проценти повисока цена.

Понатаму страна 130 дел 4, вели за ископување на постоен асфалт 330 денари. Ќе споредувам со договори кои што оваа влада или градоначалници на оваа влада ги потпишувале, за да не речат со други градоначалници други влади споредуваш. Договорот помеѓу Гранит и ЈП за државни патишта за Блаце истата оваа ставка ја цени за 2,33 евра што значи 2,33 наспроти 7,43 евра по метар кубен, а таму има десетици милиони метри кубни. Понатаму страна 103 дел 5, каде што вели дека било кој материјали кои што ќе се користат, а кои што се по однос на слоевите земја коштаат 552 денари по метар кубен Гранит за Тетово, Џепиште наплатил 240 денари. Од 240 до 552 денари е 150 проценти повисока цена. Тоа докажува дека цените се многу високи. Јас не знам дали дел од тие пари ќе одат за корупција или не. Но знам дека цените се многу високи, смета Николоски.

Во однос на пополнување на автопатите со камен агрегат тампон, Николоски изјави дека според договорот на владата и Бехтел и Енка ќе се плаќа 1475 денари, додека споредбено со пополнување на Момин Поток, Шилегов плати 900 денари за метар кубен.

Пополнување на камен агрегат тампон кој што е секаде ист, овде е 1475 денари, а знаете колку е набавна цена било каде e 350 до 400 денари. На Момин Поток со целосно скандалозен договор кој што го направи Петре Шилегов со еден учесник, 900 денари за метар кубен. Дури и Петре Шилегов се воздржал платил 900 денари, а овие ќе плаќаат 1475 денари, објасни Николоски.

Николоски изјави дека тон асфалт според договорот е 7442 денари, додека во било каде асфалт вграден во Скопје од Шилегов изнесува 4333 денари, како и дека според договорот со Бехтел и Енка владата ќе плаќа врвна класа на асфалт од 10.550 денари по метар кубен, додека Шилегов платил 5458 денари, или како што рече тој дупло поскапо.

И уште две ставки. Првата за асфалт, по тон е 7442 денари, било каде асфалт вграден во Скопје од Петре Шилегов е 4333 денари, и финалното врвната класа на асфалт е 10.550 денари, ова се наоѓа на страна 136 дел 17а, а на пример за истиот Момин Поток каде што имаше еден понудувач е 5458 денари. Значи внимавајте 10.550 наспроти 5458 точно дупло поскапо ќе се плаќа за овој автопат.

Николоски потенцираше дека доколку се погледнат делниците за изградба на автопатите, специфична е само Стража, е исклучително поволен за изградба на автопати.

Еве да ги гледаме делниците, Гостивар – Тетово е рамно, веќе постојно треба да се прошири уште по една лента. Битола-Прилеп пушка рамно треба да се прошири уште по две ленти. Специфична е Стража факт е тоа и исто така од Мешеишта Ќафасан најголем дел е низ поле, последниот дел е само во планина. Така што теренот што го гледаме со исклучок на Стража е исклучително поволен за автопати, и затоа овие суми се страшни кога ги читате, кажа Николоски.

На прашањето дали тој смета дека лошо преговарала владата со Бехтел и Енка, Николоски рече:

Апсолутно. Јас мислам дека дошле од Бехтел и Енка им го дале договорот, повелете и овие од влада го потпишале без да го прочитаат.

Во однос на ФИДИК, Николоски рече дека овој договор не е потпишан според ФИДИК, односно само во одредени делови се користи ФИДИК, а во другите не се користи.

Николоски го повика Артан Груби да го објави договорот јавно и веднаш потоа да седнат на дуел.

Гледам дека најмногу Артан Груби стои позади овој договор. Да му понудам, нека го објави договорот јавно и поручек да седнеме на дуел јас и тој за договорот и јавноста да ги виде нашите аргументи, му порача Николоски на Груби.

The post Николоски до Груби: Објави го договорот и да излеземе на дуел, Македонија ќе плаќа најскап автопат по километар appeared first on Република.

Таканаречениот европски фронт на власта започнува процес, со кој на македонските работници ќе им овозможи работа од утро до мрак, обвини денеска, Дафина Стојаноска, заменик-координатор на пратеничката група на ВМРО-ДПМНЕ.

Целата македонска јавност вчера беше сведок, како власта, по експресно брза постапка, вчера ја свика и ја започна Комисијата заевропски прашања, со 8 точки на дневен ред, кои се во врска со договорот Бехтел и Енка. Денес треба да продолжи и веќе започна оваа 54-та седница, на која прва точка на дневен ред е ПЗ за ИД на Законот за работни односи. Се работи за дискриминирачки и неевропски Предлог на Закон, кој што, како што веќе напоменав, ќе овозможи работниците да работат од утро до мрак. Присилната работа, наместо да се санкционира, со овој закон се става во законска рамка - истакна Стојаноска.

Овој закон е противуставен, против сите конвенции за работно време и против сите европски декларации за труд.

Таа додаде дека истиов овој Закон беше поднесен од колеги од мнозинството за минатата седница, истите го изгласаа, па истиот го повлекоа, за да сега дојде со злоупотреба на европско знаме и со предлагач - криминалната влада на СДСМ и ДУИ.

Во ова Собрание дефинитивно се’ е можно и, кога ќе не повикуваат да учествуваме во процесот Жан Моне кој е за доуредување на Деловникот за работа на Собранието, јавно прашуваме дали и колку ова повеќе има смисла?Имено, со предложен член во законот, се предвидува подолго работно време од плус 8 часа неделно и плус 190 часа годишно, без притоа да се ограничи прекувремената работа и, ако се земат предвид одредбите од член 134 – за „неделен одмор“ од 24 часа и од член 133 - за „дневен одмор“ од 12 часа, ќе се увиди дека со ваквото законско решение се овозможува 72-часовна работна недела.
Сите синдикати на работниците станати се на нозе и се против ова законско решение кое ќе значи апсолутна злоупотреба на македонскиот работник.
Ова не се европски вредности! - обвини Стојаноска.

Ова го кажа и Европската комисија, но власта игнорира и постапува по свое убедување, односно дадено ветување, без согласност на македонските граѓани.

Порачуваме дека, ако денес во Македонија немаме институции кои на ова треба да реагираат и да постапат, доаѓа време кога тоа ќе се случи и сите овие злоупотреби и противуставни постапки ќе бидат санкционирани и соодветно казнети. Одговорноста конечно и еднаш засекогаш мора да почне - рече таа на крајот.

The post Стојаноска: Предлог-измените на Законот за работни односи се противуставни и против сите европски декларации за труд appeared first on Република.

Ова што ќе го слушнете од Социјалдемократите, особено од Артан Груби е целосен политички нонсенс, овој политички фолклор кој што го споменуваат унапредување на законодавството. Сакам да потсетам еве зошто постои Комисијата за европски прашања? Зошто постои институтот европско знаменце како скратена постапка, убрзана постапка? Зошто формално правно? Постои поради Договорот за стабилизација и асоцијација односно Спогодбата за стабилизација и асоцијација која што е потпишана помеѓу Македонија и ЕУ. Согласно таа Спогодба Владата на Ковачевски и Груби добија ладен туш и им пропадна практично блефот затоа што се изјаснија дека законот за „Бехтел и Енка“ е спротивно на Спогодбата за стабилизација и асоцијација“, истакна пратеникот Миле Лефков, во гостувањето во емисијата „Само Вистина“ на Канал 5 телевизија.

Лефков додаде дека Спогодбата за стабилизација и асоцијација има десет дела. Еден од деловите е усогласување на законодавството и спроведување на законите. Кога се говори за усогласување на законодавството се мисли на законодавство и законодавството на ЕУ и токму поради тоа е европското знаменце, А, не поради политичкиот нонсенс унапредување на законодавството.

И премиерот и заменик премиерот даваат заклетва дека ќе ги почитуваат Уставот и законите на Република Македонија. Значи во момент кога го потпишувале договорот, вие имате дадено заклетва што – да ги почитувате законите кои што важат сега во моментов, а не да потпишувате договори под претпоставка кои закони би важеле во иднина. Затоа што со заклетва тие се обврзани тие да ја претставуваат Република Македонија и да ги претставуваат законите и Уставот“, истакна Лефков.

Тој посочи дека сега има нонсенс каде што власта убедува дека ако се изменат законите договорот со „Бехтел и Енка“ ќе чини помалку. Тој додава дека поради тоа власта се дрзнува да стави европско знаменце.

Се откри целата криминална и коруптивна шема затоа што ако имаа тие искрен однос немаше првиот пакет од 9 закони па подоцна осум да стигнат од колеги пратеници. Се сеќавате на тој блеф на јавна сцена кога премиерот на избраниот Ковачевски, резервниот премиер ќе кажеше ние немаме ништо со тоа, пратениците сами предвиделе кои закони да се менуваат. За да дојдеме до тоа сега Артан Груби да ни кажува дека ќе стигнале до европско знаменце“, појасни пратеникот.

Лефков нагласи дека не опозицијата туку Канцеларијата на Европската Унија им даде ладен туш кога им кажа дека станува збор за злоупотреба на европското знаменце.

The post Лефков: Не е опозицијата туку Канцеларијата на ЕУ која кажува дека се злоупотребува европското знаменце за договорот со „Бехтел и Енка“ appeared first on Република.

Пратеникот од ВМРО-ДПМНЕ, Миле Лефков во емисијата „Само вистина“ на Канал 5 истакна дека милиони ќе се исплатат за коридорите 8 и 10д, за ништо, односно без да има нешто преземено на терен.

Лефков додаде дека, воедно, власта не демантира дека ќе се исплаќаат пенали, туку само кажува дека тоа ќе се дополнителни трошоци.

Имаме огромни суми на народни пари кои треба да бидат исплатени за пенали. Во ниеден момент не го демантираат, велат дека не се пенали, само ќе чини повеќе. Договорот е потпишан на 8 март 2023 година, од тој датум во рок од 45 дена прва уплата 50 милиони евра, авансно плаќање. 117 милиони, 80 милиони евра во рок од 14 дена, а другите во рок од 45 дена. Значи 167 милиони евра без ништо да биде преземено, потенцира Лефков.

Тој постави прашање до пратениците од власта како тоа демантираат за плаќањето на авансите и пеналите ако не го виделе договорот - како што велат, односно од каде знаат, и додаде дека власта се уште не го дава договорот, туку сака да го раскажува.

Понудата за во Собрание беше договорот да им биде презентиран на пратениците, не да им да им се даде на увид. Како е класифициран, на кој основ е класифициран? Зар треба синдикатите да чекаат да го видат договорот во службен весник кога ќе биде објавен, праша Лефков.

Тој додаде дека за работните часови од власта користат една опасна флоскула „секогаш во согласност со работникот“.

Целта на императивните норми како што е Законот за работни односи е да го штити работникот од штетните договори кои може да го склучи. Сите одредби кои се косат со законот за работни односи и одат под работничкиот минимум се неважечки и ова е нон сенс. Цивилизациска придобивка е 40 часовна работна недела а тие сакаат да ја претворат во 60 часовна, изјави Лефков.

The post Лефков: 167 милиони евра се даваат без ништо да биде преземено на коридорите, власта ниту еднаш не демантира appeared first on Република.