Во весела атмосфера и со многу желби за подобра, посреќна и побогата 2024 година, прилепчани ја пречекаа Новата Година. Голем дел во своите домови, со семејствата и најблиските, а други уште викендот заминаа на прослава во и надвор од земјата.

Прилеп годинава немаше организирана пролава на плоштадот, но на полноќ со огномет градските власти ја најавија Новата 2024 година.

Во Новата година, прво се роди женско бебе. Еден час и половина по полноќ, на Одделението за гинекологија во прилепската градска болница среќната мајка Низакете Керимоска од селото Црнилиште на свет го донесе своето второ дете. Од Одделението информираат дека и мајката и бебето се во одлична состојба. Во текот на денот првото новороденче во Прилеп во новата 2024 година ќе добие подароци од градските власти и градоначалникот Борче Јовчески.

Битолчани новата 2024 година ја дочекаа на платото пред Офицерски дом каде без огномет, но со незаборавни специјални светлосни ефекти и 3Д мапинг беше приреден спектакуларен дочек.

Богатата музичка програма „Зимска приказна“ беше заокружена со битолскиот дувачки оркестар и актерот и стенд-ап комичар Марјан Ѓоргиевски, а точно на полноќ бројните посетители ги поздрави градоначалникот Тони Коњановски кој се заблагодари на љубовта со која битолчани и возвраќаат на Битола.

Според востановената традиција, градоначалникот Тони Коњановски претпладнево ќе ги посети ЈЗУ Клиничка болница и ПЗУ „Плодност“ каде ќе додели подароци на семејствата кои имаат новороденче кое се родило на 1 јануари во оваа 2024 година.

Општина Кавадарци организираше новогодишна прослава, дел од кавадарчани синоќа ја дочекаа Новата година на градскиот плоштад, со музика и огномет.

Дегустација на греано вино, трка на дедомразовци, натпревар за најбрзо накитена елка, се само дел од настаните што беа дел од предновогодишната програма на кавадаречката локална самоуправа.

Имавме божиќен пазар, дегустација на топол чај и божиќни колачиња, новогодишна работилница, хуманитарна продажба на новогодишни дела, забава со спектакуларни маскоти, фотографирање со Дедо Мраз, настап на исполнители од музичкото детско фестивалче ,,Гроздоберче" и новогодишна бајка, потсетија  од Општината.

Охриѓани и гостите од земјата и странство кои во голем број пристигнаа уште со почетокот на викендот синоќа во свечен новогодишен амбиент, со голем огномет и добра забава ја испратија веќе старата 2023 и ја дочекаа Новата 2024 година. Неколкуте илјади граѓани на Охрид, како и туристи на Градскиот плоштад на релативно топло време за овој период од годината се забавуваа на настапите на ди-џеите Јана Слеј и Багзи, групата „Де-Ен-Ка“, естрадните уметници Татијана Стефановска и Нино Величкоски и групата „Фортуна“.

Весело беше и во угостителските објекти, кои беа исполнети речиси до последно место, гостите уживаа традиционално во богата трпеза и одлична забава до раните утрински часови. Најбројни и оваа година на охридската ривиера беа гостите од соседните држави, на кои во текот на вчерашниот ден полицијата за добредојде во Охрид наместо казни им делеше лампиони.

Новогодишната ноќ гледано од безбедносен аспект мина релативно спокојно, со мал број интервенции на службите.

Според информациите од СВР – Охрид, на територијата на Охрид се регистрирани две нарушувања на јавниот ред и мир, едно пред и едно во угостителски објект, при што се приведени две лица. Во текот на ноќта немало ниту една сообраќајна незгода.

Дежурната екипа на Територијалната противпожарна единица ноќта ја мина во спокојна атмосфера, без ниту една интервенција.

Што се однесува на Службата за итна мединцинска помош, екипите со полни раце работа, но генерално задоволни од тоа како мина новогодишната ноќ. Според нив, немало посериозни интервенции, но во секој случај регистрирани зголемен број повици за пружање помош на интоксикација со алколол,  особено кај малолетни лица. Од Службата за итна медицинска помош апелираат до граѓаните да бидат што е можно поумерени, и тоа не само при консумирањето алкохолни пијалоци туку и во оброците.

Охрид рано изутринава го доби и првиот жител роден во Новата година. Првородено оваа година е здраво машко дете, родено час и 45 минути по полноќ.

The post Како помина дочекот на Новата по македонските градови appeared first on Република.

Битолчани новата 2024 година ја дочекаа на платото пред Офицерски дом каде без огномет, но со незаборавни специјални светлосни ефекти и 3Д мапинг беше приреден спектакуларен дочек.

Богатата музичка програма „Зимска приказна“ беше заокружена со битолскиот дувачки оркестар и актерот и стенд-ап комичар Марјан Ѓоргиевски, а точно на полноќ бројните посетители ги поздрави градоначалникот Тони Коњановски кој се заблагодари на љубовта со која битолчани и возвраќаат на Битола.

Според востановената традиција, градоначалникот Тони Коњановски претпладнево ќе ги посети ЈЗУ Клиничка болница и ПЗУ „Плодност“ каде ќе додели подароци на семејствата кои имаат новороденче кое се родило на 1 јануари во оваа 2024 година.

The post Со специјални светлечки 3Д ефекти пречекана Новата година во Битола appeared first on Република.

На новогодишната трпеза обично има многу различни специјалитети, и солени и слатки, но некои јадења е подобро да ги прескокнете баш тој ден за да ве следи среќа во новата година. Овие јадења не треба да бидат на менито ноќта помеѓу 31 декември и 1 јануари.

Пилешко и мисирка

Ако не сакате среќата да ви одлета, тогаш подобро е да избегнувате пилешко и мисиркино месо на новогодишната ноќ. Птиците, кога ги чистат пердувите, гледаат наназад. Тоа може да значи дека тие живеат во минатото. Ако сакате месо, тогаш свинското месо е подобар избор, бидејќи свињите однапред ја копаат земјата.

Краби, јастози и ракчиња

За Нова година не подготвувајте салати и храна со ракови, доколку не сакате да се соочите со многу неуспешна 2023 година. Овие животни се движат наназад или настрана, а не напред. Не треба целосно да се откажете од морската храна, туку да ја замените со риба, како лосос или туна.

Школки

Кога сме кај ракчињата, добро е да се напомене дека не треба да се подготвуваат ниту школки. Тие се сметаат за лоша среќа на трпезата, бидејќи ја земаат храната од дното на океанот.

Воздушен леб

Избегнувајте воздушен леб на новогодишната трпеза. Големиот број отвори за воздух во лебот се сметаат за знаци на смрт. Можете да јадете само кружен леб, најубаво погача, бидејќи круговите претставуваат среќа.

Ориз

На трпезата не смее да има ниту храна во бела боја, бидејќи во кинеската традиција се смета дека носи лоша среќа и ја симболизира смртта. На новогодишната вечера треба да се заборават тофу, јајца, ориз, карфиол и бело сирење. Подобро е да се подготвува храна со посилни бои, како зелена и жолта, кои означуваат среќа и просперитет. Портокалите носат среќа, па може да се послужат и по главниот оброк.

Банани

Бананите се предвесници на лоши настани, пишува порталот „Делиш“. Подобро би било оние кои ги сакаат да се откажат од бананите до следната година.

The post Да нема сирење и пилешко: Кои правила важат за храната на новогодишната ноќ? appeared first on Република.

Голем дел од граѓаните ќе ја дочекаат Новата година во домашна атмосфера. Во анкетата што ја направи МИА во пресрет на новогодишните празници, најголем дел од нив одговорија дека ќе ги поминат празниците со најблиските. Помладите ќе ја дочекаат Нова Година на плоштадот „Македонија“, а има и такви кои за празниците ќе патуваат во странство.

Оваа година Новогодишните и Божиќните празници ќе ги поминам дома со моите најблиски, вели една сограѓанка.

Има и такви кои ќе патуваат надвор од државата.

Новата година ќе ја дочекаме во Будва, веќе имаме договорено, неколку дена таму ќе престојуваме и се надевам дека ќе биде прекрасна атмосфера, изјави еден господин.

Помладите граѓани Новата година ќе ја прослават на плоштадот „Македонија“, а има и такви кои за празниците ќе патуваат во странство.

https://youtu.be/C75jam5iLTQ?si=M6FXQJ2exl_WyGwO

Од туристичките агенции велат дека меѓу младите најактуелен е Белград, а од понудите со вклучен авионски билет најбарани се оние за Париз и Рим, додека од аранжманите со автобуски превоз најпродавани се оние за Истанбул и Италија.

Агенциите што ги контактираше МИА велат дека и покрај поскапувањето на цените на понудите за патување во однос на лани, од околу 10 отсто, сепак има голема заинтересираност.

Скопје претпразнично е преполно и со туристи. Дел од нив велат дека попатно се во земјава и дека Новата година ќе ја дочекаат во соседните држави.

The post Поголем дел од граѓаните Новата година ќе ја дочекаат во домашна атмосфера appeared first on Република.

Белград е најактуелен кај младите за дочек на Нова година, а од понудите со вклучен авионски билет најбарани се оние за Париз и Рим, додека од аранжманите со автобуски превоз најпродавани се оние за Истанбул и Италија.

Агенциите што ги контактираше МИА велат дека и покрај поскапувањето на цените на понудите за патување во однос на лани, од околу 10 отсто, сепак има голема заинтересираност.

Од пакет – ангажманите со автобуски превоз најголема заинтересираност има за Истанбул, како и за понудите за Италија, а продавани се и аранжманите за градовите каде што се актуелни Божиќните маркети, како што се Букурешт, Виена и Будимпешта.

Новогодишните ангажмани, како што посочуваат туристичките агенции во изјава за МИА, не го вклучуваат дочекот на Новата година во цената, односно тој се доплаќа и е различен во однос на дестинацијата.

Агенциите најчесто нудат дочек на Нова година на плоштадите во големите градови, додека пак за Белград и за Истанбул имаат понуди за забави, а за Истанбул има и понуда за дочек на брод со вклучени храна и пијалоци.

Оние што планираат да останат во земјава, имаат можност за дневни забави кои се поактуелни, додека за дочекот на Нова година во рестораните и кафулиња, во зависност од понудата, цените по лице се движат од 2.000 денари нагоре, а има и такви чии понуди се повисоки и од 6.000 денари.

The post Македонците најмногу заинтересирани за прослава на Нова година во Белград appeared first on Република.

Општина Битола ја објави новогодишната програма „Зимска приказна“ која ќе почне викендов и ќе заврши на полноќ пред Офицерски дом во овој град.

Пречекот на новата 2024 година, точно на полноќ, битолчани ќе го минат со битолскиот дувачки оркестар и стенд ап комедија со актерот Марјан Ѓорѓиевски, информираа локалната самоуправа.

Од 23 декември до 1 јануари на платото од Офицерски дом ќе настапат македонски диџеи, групи и оркестри од градот, а ќе има и богата програма за деца што ќе ја приредат деца и ученици од детските градинки, основните и средните училишта во Битола.

Во рамки на „Зимска приказна“ ќе настапат и фолклорните ансамбли „Плетенка“ и „Гоце Делчев“ од Битола, женскиот камерен хор „Керамија“ од Прилеп, македонските поп ѕвезди Ламбе Алабаковски, Виктор Апостоловски, како и „Влатко и оркестар Златко Миладиноски“.

На 31 декември новогодишната програма ќе почне претпладнето со театарските претстави „Новогодишни желби“, „Новогодишна збрка“ и „Санката на Дедо Мраз“, а во вечерниот термин познати бендови, битолскиот дувачки оркестар и стандап комичарот Марјан Ѓорѓевски.

Општина Битола на новогодишната ноќ нема да приреди огномет.

https://republika.mk/zivot/kaleidoskop/namesto-so-ognomet-bitola-ke-ja-precheka-novata-godina-so-svetlosni-efekti-i-3d-maping/

The post Позната програмата за дочекот на Нова година во Битола appeared first on Република.

Бендот „ДНК“, естрадните уметници Нино Величкоски, Татијана Стефановска, како и ди-џеите Јана Слеј и Багзи се некои од имињата задолжени да ги забавуваат охриѓани и гостите кои ќе решат Новата 2024 година да ја дочекаат на Градскиот плоштад во Охрид.

Како што соопшти градоначалникот Кирил Пецаков, организираната забава за Новогодишните празници почнува на 28 декември со „Светот на Биби“. Наредниот ден на Градскиот плоштад ќе се игра театарската претстава „Ракавиците на Дедо Мраз“, а ден подоцна претставата „Далматино и Дедо Мраз“.

На 31 декември на плоштадот ќе се одржува музичко-театарскиот спектакл за деца и млади „Новогодишна детска бајка“.

Сите шредвидени содржони што се дел од новогодишната програма, а се посветени за најмладите, ќе започнуваат во 12:30 часот.

За главниот дел од забавата односно самиот дочек на Новата година се задолжени ди-џеите Јана Слеј и Багзи, Татијана Стефановска, групата „Де-Ен-Ка“, Нино Величкоски и групата „Фортуна“. Почетокот е закажан за од 21:00 часот.

Забава во центарот на Охрид ќе има и на 1 јануари, со настапот на групата „Балкан џем“ и Драган Мијалкоски, предвидена да почне од 12 часот.

Најголемиот туристички центар во земјата веќе е подготвен за гостите кои ќе решат тука да ја дочекаат Новата 2024 година. Централното градско подрачје и поважните сообраќајници се веќе украсени со реквизити, низ градот се чувствува претпразничната атмосфера.

Досега потврдените резервации и успешната летна туристичка сезона укажуваат дека градот ќе биде добро посетен за „најлудата“ ноќ.

Хотелските капацитети за престојните новогодишни празници се веќе исполнети, особено оние со помал број легла. Помалите сместувачки објекти се речиси стопроцентно исполнети, се чува само по некоја соба колку за сместување свои коминтенти, додека однапред резервираните аранжмани се речиси распродадени.

Поголемите хотели на брегот на Охридското Езеро оваа година слично и на изминатите, ќе работаат за празниците како преку аранжмани,така и врз база на индивидуални посети, но без да организирааат дочек на Новата година. Понудата е различна, зависно категоријата на објектот, но цените се слични на минатогодишните, односно приближно 50 евра за ноќевање со појадок, до некаде 200 евра за тридневен полн пансион со свечена вечера за дочекот на Новата година.

Помалите хотели се целосно закупени и тоа најмногу со гости од соседните држави, од кои најбројни традиционално се оние од Србија, но и од Бугарија, Грција, Албанија, Црна Гора. Гости ќе има и од подалечни дестинации, од европските земји, но во помал број.

The post Познато кој ќе пее на дочекот на Нова година на плоштадот во Охрид appeared first on Република.

Општина Битола нема да организира огномет на новогодишната ноќ, соопштија од тамошната локална самоуправа.

Годинава на полноќ и за време на реализацијата на забавната програма, дочекот на 2024 година ќе се збогати со светлосни ефекти и 3 Д мапинг, информираа од Општина Битола.

Дочекот на новата година ќе се реализира со почитување на еколошките стандарди, заштитата на животната средина и еднаква грижа за сите граѓани и затоа нема да организираме огномет на новогодишната ноќ. Програмата, „Зимската приказна“ ќе биде збогатена со соодветни содржини, нагласија од секторот за односи со јавност на Општина Битола.

The post Наместо со огномет, Битола ќе ја пречека Новата година со светлосни ефекти и 3Д мапинг appeared first on Република.

Српскиот метеоролог Иван Ристиќ предупредува дека претстојната зима ќе биде екстремно студена и со обилни врнежи од снег.

Според неговата прогноза, се очекува интензивен продор на студен арктички воздух што ќе резултира со значителен пад на температурата во целиот регион.

 Се зголемуваат шансите Новата година да ја дочекаме во вистински зимски амбиент“.
Најверојатно околу католичкиот Божиќ, на 25 декември ќе има продор на студен арктички воздух кој покрај падот на температурата ќе донесе и снег, посочува метеорологот.

The post Oва сите ги интересира: Еве какво ќе биде времето за Нова година appeared first on Република.

Иако ни се чини дека дочекот на Новата година е сè уште далекунајголемите имиња на музичката сцена веќе имаат закажано настапи, а бројките ќе ви ја свртат главата!.

Верувале или не, најплатен меѓу нив ќе биде Здравко Чолиќ, кој за својот настап во најлудата ноќ во Дубровник ќе заработи дури 130.000 евра.

Аца Лукас одлучил да пее во Белград бидејќи сака да ја дочека Новата 2024 година со пријателите, додека неговата колешка Цеца ќе пее на Копаоник. Ќе пеат за по 100.000 евра.

Брена го замолила својот менаџер да пее некаде топло, па ќе настапи во Бар за 80.000 евра.

The post Цеца и Аца Лукас за Нова година ќе земат по 100.000 евра, Чолиќ 130.000 appeared first on Република.

Задоволни сме од тоа како помина дочекот на Новата 2023 година на плоштад во Скопје, снимките од веселата атмосфера доволно кажуваат за расположението на присутните. Ваква убава енергија одамна не сме почувствувале, велат за „Фокус” дел од музичарите кои на 31-ви декември настапија на плоштадот, во склоп на забавната празнична програма. Настапуваа Ферус, Благица Павловска, Елена Ристеска, „Дупер“, „Мерак меана“, Ристо Самарџиев...

Иако градоначалничката најавуваше, таа не излезе ни на прес-конференција, ниту пак Градот преку соопштение не информираше за имињата на настапувачите, ниту пак детали околу тоа колку изнесува организацијата, во која спаѓаат хонорари на настапувачите, бина, осветлување и озвучување.

Горјан Стојановски, претседател на Здружение на естрадни уметници на Македонија, но и учесник во програмата, како дел од музичарите од „Мерак меана“, вели дека нивните настапи сепак биле платени.

Како што се информирав, во изминатите години никогаш градот не ја плаќа програмата за прославата, туку се финансира преку приватни компании, така е и оваа година, рече тој.

The post Пејачите, сепак, биле платени, но не од Град Скопје appeared first on Република.

2023 година за скопјани доаѓа невообичаено по многу нешта.

Првпат откако се прославува органзирано на плоштадот, Градот реши да не учествува во прославата. Првпат за новогодишната ноќ градот е проголтан од густа магла, првпат е толку пусто, тивко...

Стотината жители на главниот град кои одлучија новогодишната ноќ да ја поминат на плоштадот Македонија ги забавуваа естради уметници организирани од Здружението на естрадни уметници „Естрада”, кое се нафати да биде организатор на новогодишната забава.

Мерак Меана, Наум Петрески, Благица Павловска, Ферус Мустафов, Зуица Лазова, Ленче и Горан Кукиќ, за на крајот скопјани да одбројуваат со Елена Ристеска. 3, 2, 1... Среќна Нова година им посака главната ѕвезда на вечерта, а потоа следуваше неколкуминутен огномет, кој, за жал, остана невиден од маглата.

Да се надеваме дека годината која започна како сцена од „Подземје“ на Кустурица, ќе го разбие малерот и конечно силно ќе ни светне ден.

The post Скопјани не го видоа огнометот од маглата appeared first on Република.

Австралија го одбележа доаѓањето на новата 2023 година со голем огномет над пристаништето во Сиднеј. Повеќе од милион луѓе ја дочекаа Новата година на улиците на Сиднеј.

Повеќе од 7.000 огномети беа лансирани од врвот на Сиднејскиот мост и уште 2.000 од Операта.

Официјалната прослава започна неколку часа пред полноќ.

Десетици илјади луѓе на брегот на познатото пристаниште во Сиднеј го проследија новогодишниот огномет.

Портите на операта во Сиднеј се отворија во 9 часот по наше веме, или во 22 часот по австралиско време, за околу 14.000 луѓе да си го заземат најдоброто место за гледање.

Некои од нив чекаат повеќе од четири часа. Австралијците навистина уживаат во сиднејскиот огномет.

Според локалните медиуми, половина милијарда луѓе во светот го следеле преносот на огнометот во Сиднеј.

The post Република ве води во Сиднеј на спектакуларен пречек на Новата 2023 година appeared first on Република.

По неколкуте успешни предновогодишни концерти Каролина Гочева ќе ги почести оние кои не дојдоа до карта за Филхармонија со 90-минутно шоу на МРТ1.

Вечерва преку Фејсбук Каролина ја сподели информацијата дека за дочекот нема да настапува никаде освен на МРТ.

Многу се радувам што можам да ви кажам дека оваа година сакав да прославам заедно со сите вас и поради тоа, на Нова Година ќе пеам само на МРТ1!

На 31ви декември, со почеток од 21 часот ќе имам свое 90 минутно шоу на кое како специјални гости ќе се појават и моите драги колеги и пријатели Елена Ристеска, Лара Иванова, Лозано, Пијан Славеј и Teen Camp Official
Се гледаме на 31 декември на МРТ1!

The post Каролина на МРТ1 со 90-минутно шоу за дочекот на Новата година appeared first on Република.

Цените за изнајмување на сместување во Врање се двојно зголемени за новогодишната ноќ. Добар број куќички во планинските области се веќе резервирани за новогодишната ноќ, а цените се во согласност со побарувачката - и двојно повисоки од редовните, пренесуваат врањските медиуми.

Оние кои претходно резервирале дочек во поскромни и помали објекти можеле да го најдат по цена од околу 60 евра, додека дочекот во луксузните викендички чини и до 1.000 евра од ноќ. Најчестата цена за новогодишните празници во Србија е меѓу 100 и 300 евра за ноќ, но не се издава сместување за едно ноќевање за време на празниците, но има услов закупот да трае најмалку две, а поретко три ноќевања.

Новогодишната ноќ во ресторан во Врање чини од 4.000 до 7.200 динари по лице, а за таа цена гостите во рестораните во овој град ќе добијат неограничена храна и пијалоци и музика во живо.

Според информации од еден популарен ресторан, капацитетите се претежно полни.

Собите се веќе целосно резервирани, главно резервирани од гости од Македонија. Од Врање има многу мал интерес, нагласува еден ресторан.

The post Македонците во Врање за Нова година: Сместување речиси нема, кафеаните полни за цени од 4000 до 7200 динари appeared first on Република.

Центар на новогодишната забава во регионот годинава беше Белград. Илјадници туристи од регионот решија продолжениот викенд да го поминат во главниот град на Србија и да бидат сведоци на најспектакуларниот огномет. Некои велат, поспектакуларен и од огнометите во Дубаи.

Дочекот на Новата 2022 година во Белград беше организиран пред Народното собрание и на шеталиштето Сава. Главни гости на новогодишната прослава беа Горан Бреговиќ и Бјело дугмe, кои одржаа концерт во Белград на вода. Но, сепак, регионот пишува за огнометот.

За пречекот во Србија извести и Вечерњи со текст со наслов „Огномет подобар од Дубаи, најдобар досега“.

Големиот огномет беше организиран со ласерска проекција, а беше проследен и со музика специјално составена за овој настан.

Спектаклот на небото на Белград траеше цели осум минути. Одбројувањето до Новата година се одржа кај Белградската кула.

На социјалните мрежи се појави досега невидено и дефинитивно најдобро видео од огнометот во Белград.

Огнометот се пукал од дури 250 позиции. Целиот настап беше проследен со музика специјално составена за оваа пригода.

Сето ова чинело 42 илјади евра
Секретаријатот за одбрана и вонредни состојби во Белград купил над 13.000 чаури за огномет, кои ги платил 5 милиони динари (околу 42.500 евра), според Решението за доделување на договорот. Како што соопшти Нова економија, одлуката е донесена два дена пред новогодишната прослава, на 29 декември.

Набавени се над 11.000 кутиски батерии (поединечни патрони), како и неколку стотици други видови огномети и пиротехнички средства.

The post Спектакл поголем од Дубаи: Огнометот во Белград го остави регионот без здив appeared first on Република.