Министерството за одбрана (МО) на Украина објави дека месечно се регрутираат просечно 6.500 доброволци низ целата земја.

Во моментов за Украинците се отворени 10.000 слободни работни места во вооружените сили, соопшти МО на Украина.

Како што се додава во соопштението, доброволци може да се регрутираат во сите структури на вооружените сили - Националната гарда, Службата за безбедност на Украина, Државната гранична служба итн.

Показателите за регрутирање во вооружените сили од месец во месец се зголемуваат. Во земјава во просек месечно се регрутираат по 6,5 илјади доброволци. Над 10.000 слободни работни места се достапни за граѓаните: готвачи, мајстори, адвокати, оператори со дронови, лекари итн“, изјави овластениот претставник на Министерството за одбрана за регрутирање, Алексиј Безевец.

На 11 јуни, Министерството за одбрана отвори веб-страница за огласување слободни работни места во Армијата на Украина, нудејќи голем број позиции.

The post Украина се пофали дека месечно во земјата се регрутираат околу 6.500 доброволци appeared first on Република.

Неколку Англичани се борат во рамки на руските воени сили во Уктраина, дознава „Дејли Мирор“. Британскиот весник идентификува двајца од нив како Бен Стимпсон и Ејден Минис.

Како што пишува весникот, Стимпсон бил дел од милиците во Донбас и учествувал во борбите за Дебалцево во 2015 година. За тоа, тој во 2017 година бил затворен во Британија за „тероризам“. Кога бил ослободен, отпатувал за да се приклучи на руските сили на фронтот.

„Дејли Мирор“ овие луѓе ги опишува како „криминалци“, „терористи“ и „предавници“, но исатовремено публикацијата не ги спомнува британските платеници кои се борат на страната на Украина.

The post Англиски доброволци се борат за руските сили во Украина, пишува „Дејли Мирор“ appeared first on Република.

Цели семејства се под урнатините. Жално е што не можеме да извадиме барем еден преживеан. Надежда дека некој е жив веќе е многу мала. Слушаме дека се пронајдени живи и по три дена затрупани, но онаму каде што сме ние, нема таков глас. Ние ќе вадиме мртви, раскажува за порталот „Досие“ спасувачот доброволец Артан Демири.

Демири е еден од четворица членови од доброволното противпожарно друштво од Чаир „Бајрами Мифтари“, кои пристигнаа во турскиот град Адијаман на хуманитарна мисија по катастрофалниот земјотрес во Турција и Сирија, во кој, според последните податоци, загинаа над 22 илјади лица.

Глетката е ужасна. Секаде срушени згради, куп бетон и арматури. Се слушаат багери и луѓе кои бараат помош. Ние работиме на расчистување на урната зграда. Нема преживеани, а она што го видовме е страшно. Телата на загинатите се едно врз друго на куп. Зградата се срушила вертикално. Никој не успеал да се спаси. Според локалното население само во оваа зграда има 60 загинати, вели за „Досие“ Демири.

Извор и фото Досие

The post Цели семејства се под урнатините во Турција, жално е што не може да извадиме ниту еден преживеан, раскажуваат доброволци спасувачи од Скопје appeared first on Република.

Рускиот претседател Владимир Путин денеска потпиша нов закон, со кој руските доброволци ангажирани во Украина добиваат статус на воени ветерани.

Според новиот закон, статус воени ветерани и воени инвалиди ќе добијат и Русите мобилизирани „да им помагаат на мисиите на Вооружените сили на Русија за време на специјалната воена операција во Украина“, соопшти Кремљ.

Новата легислатива предвидува широки бенефиции и мерки за социјална помош за борците и нивните семејства.

Законот на 16 овој месец беше одобрен од Горниот дом на рускиот Парламент, а со потпишувањето од страна на рускиот претседател тој и формално стапи во сила.

За време на мобилизацијата од 21 септември до 28 октомври, Русија мобилизираше околу триста илјади војници. Путин претходно овој месец изјави дека околу 80 илјади нови регрути биле испратени во Украина, од кои 50 илјади се вклучени во борбени операции. Според Кремљ, Москва не планира дополнителна мобилизација

The post Руските доброволци ангажирани во Украина добиваат статус на воени ветерани appeared first on Република.

Во областа Запорожје почнале да се формираат списоци со доброволци за заштита на регионот од украинската армија, изјави шефот на воено-цивилната администрација на регионот, Евгениј Балички.

Ние имаме своја милиција. Веќе имаме баталјони луѓе, сè уште не ги формираме, но имаме голем број луѓе кои ќе сакаат да ја бранат својата татковина од вооружените сили на Украина. Луѓето доаѓаат, се запишуваат. На списокот веќе има повеќе од 200 луѓе кои се подготвени да одат - изјави Балички во емисијата „Соловјов во живо“.

The post Во регионот на Запорожје се формираат списоци на доброволци за одбрана од украинската армија appeared first on Република.

Голем број млади Етиопјани се собираат пред руската амбасада во главниот град Адис Абеба, а се шират информации дека Русите регрутираат војници за војната во Украина.

Ваквите шпекулации се проширија откако многу Етиопјани се собираат пред амбасадата носејќи лични документи.

https://twitter.com/RoncliffeOdit/status/1516331647968370689?ref_src=twsrc%5Etfw%7Ctwcamp%5Etweetembed%7Ctwterm%5E1516331647968370689%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3917035%2Fmladi-etiopljani-u-redovima-stoje-pred-ambasadom-rusije

Еден млад човек кој чекал на влезот за „Би-Би-Си“ изјавил дека бара добра плата како војник или да добие друга работа.

Сепак, Русија ги демантира таквите информации, а челните луѓе на амбасадата тврдат дека во Етиопија не е во тек регрутирање и дека многумина се солидаризираат со Русија.

Многумина изразуваат поддршка за Русија, а некои од нив се подготвени да помогнат на секаков начин. Меѓутоа, ние не регрутираме - изјави портпаролката на тамошната руска амбасада, Марија Чернукнина, .

Амбасадата ја објави ситуацијата и на Твитер.

https://twitter.com/RusEmbEthiopia/status/1516447658977726472?ref_src=twsrc%5Etfw%7Ctwcamp%5Etweetembed%7Ctwterm%5E1516447658977726472%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3917035%2Fmladi-etiopljani-u-redovima-stoje-pred-ambasadom-rusije

Ве информираме дека амбасадата не прифаќа никакви барања за регрутирање во вооружените сили на Руската Федерација - се наведува во соопштението, во кое тие се заблагодаруваат на Етиопија за поддршката што и ја пружила на Русија за време на гласањето во ОН.

Етиопија беше меѓу земјите кои не гласаа во врска со резолуцијата за руската воена акција во Украина, кога 17 африкански земји беа воздржани од гласање, а меѓу нив и Јужноафриканската Република.

The post Млади Етиопејци во редици стојат пред руската амбасада за да се пријават како доброволци за во Украина appeared first on Република.

Владимир Путин изјави дека странски доброволци се добредојдени да помогнат во борбата против украинските сили.

Ја поддржувам таа идеја. Секој кој сака да волонтира во редовите на руските вооружени сили треба да добие дозвола - кажа Путин на состанокот на рускиот безбедносен совет.

Според рускиот министер за одбрана Сергеј Шојгу, 16.000 доброволци од Блиски Исток биле подготвени да се вклучат во руските вооружени сили.

Путин исто така го одобри предавањето на заробените американски проектили „стингер“ и „џавелин“ на проруските борци во отцепените региони Доњецк и Луганск.

The post Путин рече да: 16.000 доброволци од Блискиот Исток ќе ѝ помогнат на Русија appeared first on Република.

Украинската амбасада во Тирана ги повика Албанците кои сакаат како доброволци да се приклучат на одбраната на Украина да ја контактираат амбасадата преку мејл.

Доброволците коишто сакаат да се приклучат на меѓународната легија на територијалната одбрана на Украина, ги повикуваме да прата мејл за пристапница - објавија на социјалните мрежи од украинската амбасада во Албанија.

The post Се бараат доброволци од Албанија да се борат за Украина, пријавување преку мејл appeared first on Република.

Летонскиот парламент едногласно изгласа да им дозволи на летонските граѓани да се борат во Украина доколку сакаат, се наведува во денешното соопштение на Парламентот.

Нашите граѓани кои сакаат да ја поддржат Украина и доброволно да служат таму во одбрана на украинската независност и нашата заедничка безбедност можат да го сторат тоа - изјави претседателот на парламентарната комисија за одбрана, внатрешни работи и спречување на корупција, Јурис Ранчанис.

Како што се наведува во соопштението, парламентарната комисија на Летонија веќе го подготвила законот.

The post Летонија со закон им дозволи на своите граѓани да се борат во Украина appeared first on Република.

Првите доброволци од Хрватска веќе заминуваат на боиштата во Украина, за да се борат на страна на украинската војска, објави репортерот на „Дневник“, Иван Чоркало.

Една поголема група доброволци за неколку дена треба да и се придружи на украинската војска. Тие имаат воено искуство од порано и полни се со морал и желба да и помогнат на украинската војска - објави Чоркало.

https://twitter.com/CorkaloNovaTV/status/1497649889538453511?ref_src=twsrc%5Etfw%7Ctwcamp%5Etweetembed%7Ctwterm%5E1497649889538453511%7Ctwgr%5E%7Ctwcon%5Es1_&ref_url=https%3A%2F%2Fdnevnik.hr%2Fvijesti%2Fhrvatska%2Fdnevnik-nove-tv-doznaje-prvi-hrvatski-dobrovoljci-odlaze-braniti-ukrajinu---697718.html

https://republika.mk/vesti/svet/ukraina-formira-megjunarodna-legija-za-volonteri-od-stranstvo/

The post Првите хрватски доброволци заминуваат да се борат за Украина appeared first on Република.

Првото медицинско истражување на светот во коешто е дозволено намерно изложување на испитаниците на новиот коронавирус SARS-CoV-2 бара доброволци поради развој на подобри вакцини против коронавирусната болест Covid-19.

Истражувањето на Универзитетот Оксфорд е започнато ланскиот април, три месеца откако Велика Британија стана првата земја на светот којашто одобри испитувања во врска со Covid-19 кај луѓе.

Неговата прва фаза, којашто сѐ уште е во тек, насочена е на откривање на количеството вирус коешто е потребно за предизвикување на инфекцијата, додека втората фаза ќе има цел да го одреди имунолошкиот одговор потребен за да се спречи заразата, објави универзитетот во соопштение за медиумите.

Научниците зе близу утврдувањето на најслабата можна инфекција со вирусот која осигурува околу половината од луѓето кои се изложени на него да добијат асимптоматски или благ Covid-19. Потоа планирааат да ги изложат волонтерите, сите претходно природно заразени или вакцинирани, на таа доза од изворната варијанта на вирусот за да утврдат кои нивоа на антитела или имуносните Т-клетки се потребни за спречување на инфекцијата.

Тоа е имунолошкиот одговор кој треба да го поттикнеме со новите вакцини“, изјави Хелен Мекшејн, професорка на Универзитетот Оксфорд и водечки научник во студијата.

Наодите од истражувањето ќе помогнат идниот развој на вакцините да биде побрз и поефикасен, се додава во соопштението.

Имунолозите во светот се обидуваат точно да го одредат нивото на имунолошката реакција која вакцината мора да ја предизвика за да го заштити организмот од болеста. Кога ќе биде откриено тоа ниво, значително ќе бида намалена потребата од масовни испитувања на вакцините.

Научниците со децени користат опити врз луѓе за да развијат третмани против многу заразни болести, но ова е првото познато такво истражување за Covid-19.

Негативната страна на истажувањето е ризикот по здравјето на доброволците кои ќе заболат од коронавирусната болест, но научниците ги преземаат сите мерки на претпазливост.

Испитаницата мора да бидат здрави и на возраст меѓу 18 и 30 години.

Тие ќе бидат во карантин најмалку 17 денови, а сите кои ќе развијат симптом ќе го добијат скапиот лек на база на моноклонски антитела „Ronapreve“, заеднички развиен од фармацевтските компании „Regeneron Pharmaceuticals “ и „Roche“.

The post Се бараат доброволци кои ќе се заразат со коронавирусот во име на науката appeared first on Република.