Одборот за доделување на државната награда „22 Ноември“ на седница донесе одлука за доделување на државната награда „22 Ноември“ за 2024 година за признание на луѓе од политичкиот, културниот и општествениот живот во Република Македонија кои дале свој придонес во унапредување на меѓучовечкиот соживот и меѓусебното разбирање меѓу припадниците на различните заедници, култури и вери.

Наградата „22 Ноември“ им се доделува на педагогот проф. д-р Авзи Мустафа, и универзитетскиот професор Африм Османи.

Претседател на Одборот за доделување на наградата „22 Ноември“ е Решат Амети.

Наградата на добитниците ќе им биде врачена на 22 ноември 2024 година (петок) во 11 часот во Собранието.

The post Педагогот Авзи Мустафа и професорот Африм Османи добитници на државната награда „22 Ноември“ appeared first on Република.

Наградата „Ана Франк“ се доделува за врвни остварувања на планот на литературата за деца и млади, а ја доделуваат Издавачката куќа „Феникс“ и Фондацијата за културна и научна афирмација и презентација „Македонија презент“ од Скопје. Годинашни добитници на наградата се: Владимир Костов од Македонија, Фахрудин Кучук од Босна и Херцеговина и Оливера Јелкиќ од Србија.

Владимир Костов е автор на книгите за деца и млади: „Каде си тргнал, сине“ (роман за млади, 1982), „Тој ми кажа“ (роман за млади, 1992), „Солза за Мите“ (роман за млади, 1997), „Еврејчето Шами“ (проза за деца и млади, 2007), „Скршена чаша“ (раскази, 2007) и други. Добитник е на наградата „Ванчо Николески“.

Фахрудин Кучук е најпознат со своето творештво за деца и млади. Има објавено повеќе романи за деца и млади, поезија, раскази и сликовници. Неговите романи „Џуџето Дадо од Попова шума“ и „Тајната на ѕвездената соба“ имаа достигнато големи тиражи и популарност кај читателската публика.

Оливера Оља Јелкиќ, исто така, е посветена на твоирештвото за деца и млади. Родена е во Нови Сад, а ќивее и работи во Белград. Има објавено повеќе романи, книги со раскази и драмски текстови за деца и млади. Нејзини најпознарти мдела се: „Лудвиг“,„Гамбит“,„Моето име е Алма“,„Геометриска бајка“,„Лавеж“ и други. Основач е на „Декаленд“, а компонира и песни за деца и млади.

The post Објавени имињата на добитниците на наградата „Ана Франк“ appeared first on Република.

Шест писатели ја добија наградата „Македонска книжевна авангарда” за книги објавени во минатата година.

Добитници на наградата се: Славица Гаџова Свидерска за книгата „Политики на стравот”, Бистра Кумбароска за книгата „Скршена, кршлива и други начини да се стане цела”, Огнен Неделковски за книгата „Ловци на лажни вести од зграда 39”, Марија Ралповска за книгата „Сенки во подземјето”, Ана Стојаноска за книгата „Лебед” и Славица Урумова Марковска за книгата „Алфа и Омега”.

Селектор на најдобрите дела беше проф. д-р Христо Петрески, а на Конкурсот за наградата „Македонска книжевна авангарда” пристигнаа вкупно 17 објавени книжевни остварувања.

Наградата ја доделува Фондацијата за културна и научна афирмација и презентација „Македонија презент” од Скопје, а се доделува за иновативна, експериментална и креативна, односно најдобра книга објавена во 2021 година.

Досегашни добитници на наградата се: Елена Пренџова, Марина Мијаковска, Дејан Трајкоски, Стефан Марковски, Ана Бунтеска, Бистра Илин Шеќеровски, Даниела Андоновска – Трајковска, Митко Гогов и Габриела Стојаноска – Станоеска.

The post Шест добитници на наградата „Македонска книжевна авангарда“ appeared first on Република.