Поранешниот шеф на украинската дипломатија Дмитро Кулеба изјави денеска дека не очекува брзо завршување на војната меѓу Украина и Русија кога новоизбраниот американски претседател Доналд Трамп ќе ја преземе власта.

„Би сакал да ги потсетам сите дека клучот за мирот е во Москва, а не во Киев“, изјави Кулеба за Си-Ен-Ен.

Во својата претседателска кампања, Трамп конкретно нагласи дека ќе може да ја заврши војната уште првиот ден по доаѓањето на власт, ако не и порано, но не прецизираше како ќе го направи тоа, наведува Политико.

Кулеба, кој беше министер за надворешни работи на претседателот Володимир Зеленски од март 2020 година до септември оваа година, рече дека брз крај на конфликтот е малку веројатен поради три фактори.

„Пред се, она што со сигурност го знам е дека Зеленски нема да замине под притисок“, изјави Кулеба.

Според него, вториот фактор е тоа што Украина нема да се согласи на никакво брзо решение, а третиот и најважен фактор е дека клучот за мирот е во Москва, а не во Киев.

На прашањето дали постои загриженост во Украина дека Трамп и неговиот тим ќе ја принудат Украина да прифати мировен план кој ќе бара од таа земја да отстапи територија што моментално ја држат руските сили, што е околу една петтина од територијата на Украина, Кулеба одговори дека Киев „ не гледа низ розови очила“ на новата администрација на Трамп.

„Тој рече дека всушност треба да се постави спротивното прашање, што би можел да го прифати рускиот претседател Владимир Путин за да се обезбеди прекин на огнот“

The post Кулеба го демантира Зеленски: Војната нема скоро да заврши appeared first on Република.

Украинскиот министер за надворешни работи Дмитро Кулеба денеска поднесе оставка. Со тоа тој стана четврти владин министер кој поднесе оставка во последните два дена, известија украинските медиуми.

За оставката на Кулеба денеска информираше украинскиот парламентарец Руслан Штефанчук, кој рече дека оставката на Кулеба ќе биде „разгледана на една од следните пленарни седници“, но не прецизираше датум.

The post Oткако побара поддршка од Западот да ја нападне Русија, украинскиот шеф на дипломатијата си поднесе оставка appeared first on Република.

Министерот за надворешни работи на Украина Дмитро Кулеба денеска поднесе оставка, соопшти претседателот на парламентот Руслан Стефанчук.

Стефанчук рече дека денеска го примил писмото за оставка на министерот за надворешни работи.

Претседателот на парламентот на Фејсбук објави и фотографија од писмото за оставка, пренесува Укринформ.

The post Кулеба поднесе оставка appeared first on Република.

Откако руските сили денеска извршија ракетен напад врз Киев, украинскиот министер за надворешни работи Дмитро Кулеба ги повика денеска сојузниците на Украина да ги одобрат украинските напади длабоко во руската територија.

„Во одбрана од оваа варварска воена машина, Украина е принудена да се бори со врзани раце. Зарем тоа не е апсурдно“, праша Кулеба на својот профил на Икс.

Тој додаде дека Русија денеска истрелала севернокорејски ракети кон Киев и ги повика азиските партнери да го разгледаат зголемување на воената помош за Украина

The post Украинскиот министер побара дозвола да навлезат длабоко во руска територија appeared first on Република.

Македонија е добар пријател на Украина и направи многу за да ни помогне, рече украинскиот министер за надворешни работи Дмитро Кулеба, одговарајќи на новинарско прашање на онлајн брифинг со странски медиуми, пренесува Гласот на Америка.

- Направивте многу во последните три години. Во споредба со вашите можности, вие навистина направивте многу за да ни помогнете, исто како што направивме и ние за да ви помогнеме во деведесетите, рече Кулеба.

Шефот на дипломатјата на Украина вели дека анкетите низ различни западни земји покажуваат дека луѓето ја поддржуваат украинската влада, но оти дефинитивно ќе се види скок во напорите на руската пропаганда во наредните недели и месеци. особено во светло на претстојните европски избори и претседателските во САД.

Според него, Русија нема да штеди напори да ја обвини Украина за криминал, со цел да ја дискредитира и да ја намали поддршката што ја ужива.

- Затоа, мора да останеме внимателни, мора да се спротивставиме. Најсвеж пример, секако, е обидот на Русија да ја поврзе Украина или да ја обвини Украина дека е вмешана во пукањето во концертна сала во Русија. Овие изјави се лажни и апсурдни. Вака не се бориме за себе. Злосторствата врз цивилите е руска практика, како што видовме во последните неколку години од руската агресија врз Украина, но, да, тие ќе се обидат да се обидат да направат сè да ја дискредитираат Украина, рече Кулеба.

Русија, според него, нема црвени линии кога се во прашање нивните обиди да ја дискредитираат Украина во очите на целиот свет, но оти проблемот се црвените линии на западните држави.

- Проблемот е помалку во руската пропаганда која не познава црвени линии, туку е повеќе во западните влади кои си поставуваат премногу црвени линии кога станува збор за борбата против поддршката на Украина во нејзината борба против руската агресија, вели украинскиот министер за надворешни работи

The post Кулеба: Македонија е добар пријател на Украина, направи многу да ни помогне appeared first on Република.

Украинскиот претседател Володимир Зеленски го разгледува прашањето за смена на министерот за надворешни работи, Дмитриј Кулеба, пишува поратлот „страна.уа“.

Канцеларијата на Зеленски е генерално незадоволна од дипломатската служба. Информациите за незадоволителната состојба во амбасадите доаѓаат од различни страни“, украинскиот медиум цитира извор близок до претседателскиот кабинет.

Во текстот се наведува дека првично, Кулеба требало да биде испратен за амбасадор во Лондон, но потоа на таа позиција бил поставен поранешниот врховен командант Валериј Залужни.

Во исто време со објавувањето на текстот, портпаролот на украинското Министерство за надворешни работи, Олег Николенко, објави дека се повлекува од таа функција, без да прецизира од која причина.

The post Зеленски размислува да го смени министерот за надворешни работи, Дмитро Кулеба appeared first on Република.

Украинскиот министер за надворешни работи Дмитро Кулеба во обраќањето пред Обединетите нации им порача на оние кои не веруваат дека Киев може да победи во војната со Русија ќе се докаже дека грешат.

Кулеба, кој зборуваше во Генералното собрание на ОН доцна синоќа, во пресрет на втората годишнина од почетокот на руската инвазија на неговата земја, ги повика земјите во светот да застанат покрај Украина, нагласувајќи дека победата ќе дојде, како што посочи, „порано, а не подоцна“ доколку го сторат тоа.

Рускиот амбасадор во ОН, Василиј Небензија, возврати со повторување на тврдењето на Москва дека таа не го започнала конфликтот.

Тој го обвини Западот за поттикнување на конфликтот и ја обвини Украина дека е алатка во геополитичките амбиции на Западот и вети дека „специјалната воена операција“ на Русија нема да заврши додека не се постигнат нејзините цели.

Тие цели, објавени на 24 февруари 2022 година, денот кога руските трупи ја преминаа границата со Украина, вклучуваат демилитаризација на Украина и обезбедување на неутрален статус.

На состаноците на СБ и Генералното собрание на ОН, што вчера се одржаа во Њујорк, присуствуваа голем број европски министри за надворешни работи, меѓу кои британскиот Дејвид Камерон, францускиот Стефан Сежурне, германската министерка Аналена Бербок, како и полскиот и швајцарскиот министер Радослав Сикорски и Игнасио Касис.

„Денеска се собравме да ја потврдиме нашата солидарност со украинскиот народ, да им оддадеме почит на оние кои ги жртвуваа своите животи во одбрана на слободата и независноста на Украина“, се вели во заедничката изјава на околу 50 земји сојузнички, што ја прочита Кулеба опкружен со десетина министри и дипломати пред состанокот на Генералното собрание.

Во своето обраќање пред Генералното собрание на ОН, со 193 членки, Кулеба потсети дека повеќе од 140 земји ги поддржаа резолуциите за поддршка на Украина кои бараат повлекување на руските сили. Но, рече тој, „целта на Москва е да ја уништи Украина и тие тоа го кажуваат многу отворено“.

Кулеба рече дека земјите кои сега велат дека Украина треба да преговара со Русија и да стави крај на војната се или „лошо информирани“ или не ги следат настаните по 2014 година, кога Русија го зазеде Крим и го поддржа вооружениот бунт во источна Украина. Тој потсети дека Украина и Русија одржаа околу 200 рунди преговори и склучија 20 договори за прекин на огнот.

„Сите тие мировни напори завршија пред две години, кога Русија го уништи Минскиот процес и ја започна својата целосна инвазија. Зошто некој би предложил денес дека следењето на истата логика ќе не доведе до поинаков резултат“, рече Кулеба

.

Тој додаде дека планот од десет точки на претседателот на Украина Володимир Зеленски е единствениот сериозен мировен предлог на маса и ги повика другите земји да го поддржат. Планот предвидува протерување на руските сили, формирање специјален трибунал за судење на наводните руски воени злосторства и организирање евроатлански безбедносен систем со гаранции за Украина.

За разлика од минатата година, вчерашниот ден не беше одбележан со гласање, што се поврзува со контекстот во кој војната меѓу Израел и Хамас е во центарот на дипломатските борби во ОН. Во февруари 2023 година, Генералното собрание на ОН повторно повика на итно повлекување на руските трупи од Украина, кога огромно мнозинство од 141 земја гласаа за резолуција која исто така повика на „праведен и траен мир“.

Рускиот амбасадор Небензија го критикуваше планот на Зеленски.

„Тоа не е ништо друго туку ултиматум до Русија и обид да се привлечат што повеќе земји на бесконечни состаноци за тој утописки проект“, рече Небезнија.

Генералниот секретар на ОН Антонио Гутереш на состанокот на Советот за безбедност изјави дека руската инвазија на Украина ја прекршува Повелбата на ОН и меѓународното право и дека две години по нејзиниот почеток, војната во Украина останува „отворена рана во срцето на Европа“.

The post Кулеба: Ќе се докаже дека грешат сите оние кои не веруваат дека Украина може да победи во војната со Русија appeared first on Република.

Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.

Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.

Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Македонија.

“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Македонија”, рече Османи.

Додека, Министерот Кулеба, истакнувајќи го фактот дека Македонија цврсто застана зад Украина во текот на двете години агресија, упати благодарност до граѓаните на Македонија, како и благодарност до Министерот Османи за неговото лидерство и поддршка.

“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.

Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.

The post Средба Османи – Кулеба во ОН Њујорк: Европската Унија е наша заедничка иднина appeared first on Република.

Украина не предвидува никаква алтернатива за компензација за суспендираната американска воена помош за нејзината војна против Русија и е уверена дека американскиот Конгрес ќе го одобри ослободувањето на помошта, изјави синоќа министерот за надворешни работи, Дмитро Кулеба.

Немаме план Б. Уверени сме во планот А. Украина секогаш ќе се бори со ресурсите што ѝ се дадени, рече Кулеба во интервју за Си-Ен-Ен, додавајќи дека она што ѝ се дава на Украина е инвестиција во одбраната на НАТО и во одбраната на просперитетот на американскиот народ.

Кулеба рече дека ако Русија победи во конфликтот долг повеќе од 22 месеци, „другите лидери ќе бидат во искушение да ги следат стапките на Русија.

Барањето на американската влада за дополнителни 61 милијарда долари за поддршка на Украина е заглавено во американскиот Конгрес, каде републиканците велат дека тоа мора да биде придружено со построга контрола на имиграцијата долж границата меѓу САД и Мексико.

The post Кулеба: Украина нема алтернатива за американското финансирање appeared first on Република.

Американскиот државен секретар, Антони Блинкен, пристигна во ненајавена посета на Киев на разговори со украинските лидери за состојбата на контраофанзивата на украинската војска, како и за напорите за обновување и реконструкција.

По остварените средби, украинскиот министер за надворешни работи, Дмитро Кулеба, го однесе американскиот гостин на ручек во Мекдоналдс.

Како што објавија свтеските агенции коишто ја следеа оваа средба, Кулеба го почестил Блинкен со скромен оброк, составен од компирчиња и пита со јаболка.

The post Го почестија со компирчиња и пита со јаболка: Американскиот државен секретар во Киев го однесоа во Мекдоналдс appeared first on Република.

Украинскиот министер за надворешни работи Дмитро Кулеба е задоволен од резултатите на неодамнешниот самит на НАТО во Вилнус.

Тој додаде дека психолошки неговата земја е веќе членка на западната воена алијанса.

Ја надминавме психолошката бариера и гледам дека на Украина веќе се гледа како на вистинска членка на НАТО, изјави Кулеба во интервју за украинска телевизија.

Тој жали што овој „квантен скок“ не се случил во Вилнус, но е убеден дека ќе се случи, т.е. членството во НАТО „неизбежно доаѓа“.

А тоа ќе се случи „многу порано отколку што ни изгледа сега“, изјави Кулеба.

The post Украинците веруваат: Ние сме веќе во НАТО appeared first on Република.

Украинскиот министер за надворешни работи, Дмитро Кулеба, изрази задоволство од резултатите од неодамнешниот самит на НАТО во Вилнус и рече дека неговата земја „психолошки веќе е членка на одбранбената алијанса“.

Ја надминавме психолошката бариера и гледам дека Украина реално се смета за членка на НАТО, изјави тој во интервју за украинската телевизија.

Кулеба, сепак, истакна дека е жално што не е направен „квантен скок“.

Но, овој квантен скок (за членството во НАТО) неизбежно ќе дојде и ќе биде многу побрзо отколку што ни изгледа сега“, додаде тој.

Кулеба рече дека сите го уверувале Киев зад затворени врати дека доаѓа членството во Алијансата, но остануваат само прашањата „кога и колку брзо“.

Тој додаде дека имало разговори со партнерите за формулацијата за „безбедносниот пакт“ што го прогласија западните држави додека не се постигне членство во НАТО.

Ние го толкуваме како безбедносни гаранции, тие го толкуваат како политички заложби во областа на безбедноста, рече Кулеба и изрази надеж општата декларација ќе биде проследена со билатерални документи со законски обврски.

Украинскиот претседател, Володимир Зеленски, не успеа да ја обезбеди очекуваната покана за Украина официјално да се приклучи на Алијансата на самитот на НАТО во Вилнус. Наместо тоа, Киев доби гаранција дека земјата може да стане членка на Алијансата по завршувањето на војната со Русија, која почна во февруари 2022 година.

The post Кулеба: Украина психолошки е членка на НАТО appeared first on Република.

Негативниот став на поранешната германска канцеларка Ангела Меркел за приемот на Украина во НАТО, за која таа се залагаше пред 15 години, е една од причините што доведоа до денешниот конфликт, изјави шефот на украинската дипломатија, Дмитриј Кулеба.

Според украинскиот министер за надворешни работи, сега не треба да се повтори „грешката што ја направи Меркел во Букурешт во 2008 година“.

Не ја повторувајте грешката што ја направи канцеларката Меркел во Букурешт во 2008 година, кога таа решително излезе против каков било напредок на Украина кон членство во НАТО, нагласи Кулеба

The post На Кулеба му е виновна поранешната германска канцеларка: Ставот на Меркел за приемот на Украина во НАТО, една од причините што доведоа до денешниот конфликт appeared first on Република.

Украинскиот министер за надворешни работи Дмитро Кулеба изјави дека на денешната средба со претставници на НАТО и на Европската Унија разговарале за набавка и производство на оружје за неговата земја.

Разговаравме како да набавиме оружје и муниција на ефикасен начин и како да ги доставиме на бојното поле, рече Кулеба на заедничката прес-конференција со генералниот секретар на НАТО Јенс Столтенберг и високиот претставник на ЕУ за надворешни работи Жозеп Борел, во седиштето на НАТО во Брисел.

Според него, Украина и нејзините партнери од февруари 2022 година „ја водат, веројатно, најголемата логистичка операција од Втората светска војна“.

The post Кулеба: Снабдувањето на Украина со оружје е најголема логистичка операција од Втората светска војна appeared first on Република.

Министерот за надворешни работи на Украина, Дмитро Кулеба изјави дека ќе биде испратен „многу јасен сигнал“ до рускиот претседател Владимир Путин на 24 февруари, на годишнината од рускиот напад врз Украина.

Кулеба, одговарајќи на прашањето за акциите за поддршка на Украина до 24 февруари, рече дека ќе има различни настани во ОН, во Киев и во многу светски метрополи и оти тоа ќе испрати многу јасен сигнал до Путин дека сериозно греши ако игра на исцрпеност и смета дека времето е на негова страна, бидејќи единството со Украина расте секој ден.

Кулеба оцени дека е многу важно што американскиот претседател Џозеф Бајден ќе ја посети Полска од 20 до 22 февруари, но додаде дека не се работи само за таа посета, туку за неколку настани во различни градови, чиј ефект ќе биде кумулативен.

The post На 24 февруари на Путин ќе му биде испратен многу јасен сигнал, тврди Украина appeared first on Република.

Украинскиот министер за надворешни работи Дмитро Кулеба ја обвини Германија дека ги игнорира повиците на Киев да испрати тенкови „Леопард“ и пешадиски борбени возила „Мардер“, нагласувајќи дека Берлин користи само „апстрактни стравови и изговори“ како изговор.

Неговите забелешки доаѓаат откако претходно украинскиот претседател Володимир Зеленски уште еднаш го повика Западот да ја забрза испораката на оружје за неговата земја, која во последните денови бележи воени успеси на североистокот на земјата.

„Од Германија доаѓаат разочарувачки сигнали, а на Украина и требаат Леопарди и Мардери веднаш – да ги ослободи луѓето и да ги спаси од геноцид“, напиша шефот на украинската дипломатија на Твитер.

„Ниту еден рационален аргумент зошто ова оружје не може да се испрати, само апстрактни стравови и изговори. Зошто Берлин се плаши од она од што Киев не се плаши?“, додава Кулеба во невообичаено отворен стил.

Германија на Украина и испорача самоодни хаубици, но Зеленски и Кулеба сметаат дека тоа не е доволно.

На веб-страницата на германската влада редовно се ажурира списокот оружје и муниција испратени за Украина, меѓу кои се 24 противвоздушни тенкови „Гепард“, 54 оклопни транспортери „М113“, три илјади противтенковски ракетни фрлачи „Панцерфауст 3“, 500 рачни противвоздушни системи „Стингер“, 2,7 илјади противавионски фрлачи „Стрела“, 21,8 милиони парчиња муниција за огнено оружје, десет илјади проектили од 155 милиметри.

The post Шефот на украинската дипломатија остро ја нападна Германија appeared first on Република.

Украинскиот министер за надворешни работи, Дмитро Кулеба, изјави дека успехот на Украина во борбата против Русија покажува дека земјата може да ги победи Русите, но дека на Киев му треба повеќе оружје од неговите партнери.

Руските сили вчера го напуштија своето главно упориште во североисточна Украина, откако украинските сили го забрзаа напредувањето.

https://republika.mk/vesti/svet/rusite-izgubija-3-kluchni-gradovi-za-nekolku-dena-ova-e-najgolemiot-uspeh-na-ukraina-od-mart/

Кулеба, зборувајќи на прес-конференција со германската министерка за надворешни работи Аналена Баербок која беше во посета на земјата, порача дека некои сојузници првично не сакале да испратат оружје, наведувајќи го ризикот од антагонизам од рускиот претседател Владимир Путин.

Сега, фала му на Бога, повеќе не го слушаме овој аргумент. Покажавме дека сме способни да ја победиме руската армија. Тоа го правиме со оружјето што ни е дадено. И затоа повторувам – колку повеќе оружје добиеме, толку побрзо ќе победиме и толку побрзо ќе заврши оваа војна - изјави Кулеба.

Иако Германија испрати самоодни топови во Украина, Киев бара и борбени тенкови Леопард, борбени возила Мардер и противвоздушни тенкови Гепард.

Секој ден, додека некој во Берлин размислува, се консултира или разгледува дали да даде тенкови или не, некој умира во Украина, поради фактот што тој тенк не пристигнал - изјави Кулеба.

Баербок вети натамошна воена помош и не ја исклучи можноста за испорака на борбени тенкови.

Знам дека времето е клучно. Следните неколку недели и месеци ќе бидат од суштинско значење - изјави Баербок.

The post Кулеба: Успешната контраофанзива е доказ дека можеме да ги победиме Русите appeared first on Република.

Некои западни земји чекаат Украина да се предаде за сите проблеми да се решат самите од себе, изјави украинскиот министер за надворешни работи Дмитро Кулеба.

-Министрите за надворешни работи честопати ме прашуваат во интервјуа и разговори: колку долго можете да издржите? Наместо да прашаат: што друго треба да се стори за да се победи во најкусиот можен рок – рече шефот на украинската дипломатија во интервјуто со украинскиот новинар Дмитро Гродон.

Според Кулеба, се добива чувството дека сите чекаат Украина да падне и оти проблемите самите од себе ќе исчезнат.

-Кога станав министер, имав мечта да отворам нови хоризонти за Украина. Претседателот (Владимир Зеленски) постојано разговара со африканските челници, со латиноамериканските, австралискиот премиер допатува во земјата (…) Тоа е освојување на светот, да, едноставно сакам да се издигнам до тоа – признава Кулеба во интервјуто емитувано на YouTube.

The post Кулеба: Некои западни земји чекаат Украина да капитулира appeared first on Република.

Украина побара од земјите од Г-7 повеќе оружје и построги санкции против Москва по рускиот напад врз недалеку од центарот на Киев.

Самитот на Г-7 мора да одговори со повеќе санкции против Русија и повеќе тешко оружје за Украина - напиша украинскиот министер за надворешни работи Дмитриј Кулеба на Твитер.

Во Елмау, Германија, се одржува самитот на Г-7, групата на седумте индустриски најразвиени земји во светот.

The post Кулеба бара повеќе санкции против Русија и повеќе оружје за Украина appeared first on Република.

Украинскиот министер за надворешни работи, Дмитро Кулеба денеска по телефонскиот разговор со американскиот државен секретар Ентони Блинкен соопшти дека во Украина пристигнува уште тешко оружје.

Тешкото оружје е на врвот на агендата на Киев и ни доаѓаат повеќе испораки“, напиша Кулеба на Твитер.

Досега Вашингтон одбиваше да испорача напредни повеќекратни ракетни системи со долг дострел на Украина поради страв дека тие би можеле да бидат искористени за напад на руска територија, што би го ескалирало конфликтот, пренесе „Танјуг“.

The post Кулеба: Пристигнува уште тешко оружје од САД appeared first on Република.