Портпаролот на Кремљ, Дмитриј Песков ја обвини администрацијата на американскиот претседател во заминување Џо Бајден дека ги поткопува плановите на новоизбраниот претседател Доналд Трамп за решавање на конфликтот во Украина.

- За време на изборната кампања Трамп изјави дека има намера да обезбеди мир и да ги води сите на патот кон мирот. И сега се обидуваат да ја ескалираат ситуацијата до тој степен што овие мировни напори се осудени на неуспех, изјави Песков.

Тој потенцира дека администрацијата на Бајден покажала дека „ќе направи се за да се осигури дека оваа војна нема да заврши“.

Трамп, кој ќе ја преземе функцијата на 20 јануари, за време на предизборната кампања изјави дека ќе работи на брзо завршување на руската војна со Украина, но сè уште презентирал конкретни планови.

Бајден минатата недела и дозволи на Украина да користи американски ракети АТАКМС со долг дострел против цели во Русија.

The post Песков: Бајден ги саботира мировните планови на Трамп за Украина appeared first on Република.

Русија ги предупреди САД 30 минути пред да лансира хиперсонична балистичка ракета кон Украина, изјави синоќа портпаролот на Кремљ, Дмитриј Песков.

Предупредувањето беше испратено автоматски 30 минути пред лансирањето, рече Песков, пренесоа руските агенции.

Според него, Москва одржува „постојана комуникација“ со САД во врска со нуклеарното оружје.

Русија изврши напад со балистички ракети со среден дострел на украински воен објект како одговор на неодамнешните украински напади со западно оружје со долг дострел, рече рускиот претседател Владимир Путин во вчерашното телевизиско обраќање.

Како одговор на употребата на американско и британско оружје со долг дострел, руските оружени сили денес извршија комбиниран напад на еден од објектите на воено-индустрискиот комплекс на Украина, кажа Путин.

The post Кремљ: Русија ги предупреди САД дека ќе лансира хиперсонична ракета кон Украина appeared first on Република.

Доколку СAД и дозволат на Украина да користи оружје од американско производство за напади на руска територија, тоа ќе доведе до зголемување на тензиите и продлабочување на вмешаноста на САД во конфликтот меѓу Русија и Украина, соопшти денеска Кремљ.

Портпаролот на Кремљ, Дмитриј Песков истакна дека рускиот претседател Владимир Путин претходно јавно го кажал својот став за потенцијалната дозвола на САД за употреба на ракети, односно дека употребата на такво оружје значи директно учество на земјите од НАТО во конфликтот во Украина, пренесува руска новинска агенција.

Песков посочи дека наводите за дозволата од САД се уште не се официјално потврдени. Тој оцени дека администрацијата на американскиот претседател има намера да продолжи да предизвикува тензии во Украина.

Знаете, сè уште има извештаи во западните медиуми, но јасно е дека администрацијата во заминување во Вашингтон има намера да преземе чекори за да продолжи да долева масло на огнот и да предизвика дополнителна ескалација на тензиите во врска со овој конфликт, рече Песков.

Според „Њујорк Тајмс“ и извештаите на агенциите и други медиуми, администрацијата на претседателот во заминување Џозеф Бајден вчера и одобрила на Украина да користи крстосувачки ракети со долг дострел ATAЦMС за напади длабоко во руска територија.

The post Ако САД и дозволат на Украина да користи ракети, тоа ќе ја продлабочи нивната вмешаност, констатира Кремљ appeared first on Република.

Рускиот претседател Владимир Путин е подготвен да разговара за Украина со новоизбраниот американски претседател Доналд Трамп, но тоа не значи дека Путин е подготвен да се откаже од неговите барања, така што целите на Русија во Украина остануваат непроменети, соопшти денеска Кремљ.

Путин вчера му ја честиташе победата на Доналд Трамп на изборите во САД, го пофали за покажаната храброст кога вооружен маж се обиде да го убие и рече дека Москва е подготвена за дијалог со новоизбраниот претседател на Републиканската партија.

Запрашан за можен телефонски разговор меѓу Трамп и Путин, портпаролот на Кремљ, Дмитриј Песков, рече дека сè уште нема ништо конкретно да известува и рече дека би било прерано да се зборува за подобрени руско-американски врски.

Но, Путин јасно стави до знаење дека останува отворен за дијалог, рече Песков

The post Путин е подготвен да разговара за Украина со Трамп, но не ги менува своите барања appeared first on Република.

Портпарлот на Кремљ, Дмитриј Песков, на брифинг за новинарите, коментирајќи го потенцијалниот влез на Србија во БРИКС, изјави дека ЕУ ги условува о ги притиска српските власти.

Затоа, како што кажа Песков, Русијс има разбирање за нејзините српски пријатели.

Европската Унија навистина ги врзува рацете на Србија и постојано го условува процесот на соработка. Секогаш има одредени услови. БРИКС никому не наметнува никакви услови. Тоа е формат на интеракција заснован на взаемно почитување и подготвеност да се одговори на грижите и интересите на другите“, истакна Песков на брифингот.

Кога станува збор за влезот на Србија во БРИКС, Песков порача дека треба да се разбере притисокот со кој се соочуваат српските пријатели, но дека Русија е убедена оти ќе биде донесена одлука која ќе одговара на интересите на народот на Србија.

The post Кремљ за евентуалниот влез на Србија во БРИКС: ЕУ го условува и го притиска Белград, ги разбираме нашите српски пријатели appeared first on Република.

Новиот генерален секретар на НАТО, Марк Руте, и е добро познат на Москва, изјави портпаролот на Кремљ, Дмитриј Песков, истакнувајќи дека Руте, како премиер на Холандија, зазел непомирлив однос кон Русија.

Господинот Руте ни е добро познат, тој и претседателот Путин поминаа повеќе од еден час на преговарачката маса, изјави денеска Песков, коментирајќи го назначувањето на Руте за генерален секретар на НАТО, пренесуваат руските медиуми.

Тој истакна дека „некогаш постоела надеж за градење добри, прагматични односи“.

Потоа, знаеме дека Холандија зазеде прилично непомирлив став, став кој целосно исклучува какви било контакти со нашата земја, затоа не мислиме дека ќе се случи нешто значајно ново во политиката на Алијансата, заклучи Песков.

На денешниот состанок на Северноатлантскиот совет, во седиштето на НАТО во Брисел, Јенс Столтенберг му ги предаде овластувањата на новиот генерален секретар на организација Руте.сд

The post Песков: Новиот генерален секретар на НАТО и е добро познат на Москва appeared first on Република.

Русија веќе реагираше на нападот на Вооружените сили на Украина врз областа Курск, изјави денеска портпаролот на Кремљ, Дмитриј Песков.

-Тоа веќе се случува, рече Песков во интервју за ТВ „Русија-1“ на прашањето кога Русија ќе одговори на нападите на Украина врз пограничните региони.

Портпаролот н Кремљ посочи дека нема сомнеж оти решителните акции на руските вооружени сили ќе продолжат, пренесуваат руските медиуми.

Украинските сили на 6 август почнаа ненадеен напад врз Курскиот регион во Русија, а нивната операција се уште трае. Во изминатите 25 дена, како што најавија украински воени команданти, имаат освоени 100 руски населби во регионот Курск.

The post Песков: Во тек е одговорот на Русија на украинскиот напад врз регионот Курск appeared first on Република.

Ловците Ф-16 кои и беа испорачани на Украина ќе бидат уништени и нема да влијаат на динамиката на ситуацијата на фронтот, изјави официјалниот претставник на Кремљ, Дмитриј Песков.

-Овие авиони ќе се појават, нивниот број постепено ќе се намалува, ќе бидат соборени и уништени. Но, овие залихи нема да можат значително да влијаат на динамиката на развојот на фронтот, рече прес-секретарот на рускиот претседател, нагласувајќи дека во Руската Федерација ќе бидат понудени награди за уништените „ловци“.

Песков, исто така, истакна дека нема официјални изјави дека Киев ги добил овие авиони.

„Тешко е да се дознае, тоа се изворите досега, немаше изјави за тоа“, рече тој.

-Украина нема официјално да потврди дали навистина се испорачани првите борбени авиони, изјави советникот на претседателот, Михаил Подољак, коментирајќи го написот на Блумберг за пристигнувањето на авионите.

„Гледам дека тоа е претставено како информативна шпекулација. Сепак, според мене, секогаш мора да се внимава на официјалните коментари. Повикувајќи се поединечно на кој било официјален извор во тоа време, од каде им е ова, не зборувам ни за украинската страна, бидејќи, се разбира, нема да коментираме за тоа: ниту „да“ ниту „не“, изјави тој на телетон.

Според Подољак, „за нас тоа е фактор на суштинско преживување“. Затоа, „не треба точно да се каже дали ги имаме овие борци или не“.

„Но, тие немаат ни врска со ниту еден извор на Запад. Апстрактно да кажеме дека Ф-16 веќе се на бојното поле. Системот не работи на тој начин. За жал, го искривува информативниот простор. За жал, за жал, тоа ја искривува идејата за тоа со какви потешкотии се соочува Украина денес во однос на обезбедувањето на потребните видови оружје во оваа фаза од војната, затоа едноставно ве советувам секогаш да чекате за официјална потврда“, рече советникот на претседателот Володомир Зеленски. .

Подољак истакна дека западните партнери не го најавиле пристигнувањето на авионите во Украина, како што беше случајот со другите видови оружје.

Исто така, Украина денеска не дава официјални изјави, потенцираше Подољак.

Голем број западни медиуми објавија дека Украина веќе добила шест борбени авиони Ф-16 од Холандија.

-Соединетите Американски Држави ниту го потврдија ниту негираа трансферот на првите борбени авиони Ф-16, изјави на брифингот Џон Кирби, координатор за стратешки комуникации на Советот за национална безбедност на Белата куќа.

На прашањето дали се точни гласините за префрлање на првата група ловци Ф-16 во Украина, официјалниот претставник одговори:

„Морате да разговарате со Украинците. Јас сигурно нема да зборувам за можностите за вооружување.

Извор: МИА

The post Москва: Подготвени сме да соборуваме Ф-16 appeared first on Република.

Кремљ ги осудува актите на насилство во политичката борба, изјави портпаролот на Кремљ, Дмитриј Песков по обидот за атентат на поранешниот американски претседател Доналд Трамп на предизборен митинг во Батлер, Пенсилванија.

– Русија секогаш осудувала, а сега исто категорично ги осудуваме сите акти на насилство во текот на политичката борба. Воопшто не веруваме дека обидот за елиминирање на Трамп беше организиран од сегашната администрација, но атмосферата што ја создаде оваа администрација во текот на политичката борба, атмосферата околу кандидатот Трамп, токму тоа го предизвика она со што денес се соочува Америка, посочи Песков.

Тој им изрази сочувство на жртвите од нападот, но додаде дека рускиот претседател Владимир Путин не планира да разговара со Трамп.

Претходно, портпаролката на руското Министерство за надворешни работи Марија Захарова по повод обидот за атентат врз Трамп, истакна дека САД треба да направат „инвентар на своите политики за поттикнување на омраза против политичките противници, земји и народи“.

Таа говорејќи за атентатот врз Трамп ја осуди поддршката на САД за Украина.

– Можеби е подобро сите тие пари да се употребат за финансирање на американската полиција и другите служби кои можат да обезбедат ред и закон во САД, напиша Захарова на Телеграм.

Телевизијата РТ (Раша тудеј) објави дека „кога ќе се исцрпат сите други средства за ослободување од претседател кој пречи, во игра влегува стариот добар Ли Харви Освалд“, алудирајќи на убиецот на поранешниот американски претседател Џон Кенеди во 1963 година.

The post Кремљ го осуди обидот за атентат врз Трамп appeared first on Република.

Портпаролот на Кремљ, Дмитриј Песков изјави дека рускиот претседател Владимир Путин не ја исклучува можноста за преговори со Украина, имајќи предвид дека во Украина постојат легитимни органи на власт.

Путин не отфрла ништо. Тој не ја отфрла можноста за преговори. Тој вели дека таму има легитимни тела, во согласност со Уставот на земјата, изјави Песков, пренесуваат руските медиуми.

Тој додава дека украинскиот претседател Володимир Зеленски, кому му истече претседателскиот мандат, не е личност со која може да се склучи писмен договор бидејќи, како што наведе, „де јуре тоа би било нелегитимно“.

Зборувајќи за условите за почеток на мировните преговори кои Путин ги претстави во петокот - повлекување на украинските војници од новите региони на Русија и трајно откажување од членството во НАТО, Песков рече дека тоа не е ултиматум, туку мировен предлог.

Тоа не беше ултиматум, тоа беше мировен предлог, кој беше претставен земајќи ја предвид реалноста на теренот, рече Песков.

Тој додаде дека договорите на хартија се резултат на многу сложени експертски преговори, рамнотежа на интереси и земајќи ја предвид реалноста на теренот, додавајќи дека така ќе биде и овојпат.

The post Песков: Путин не ја исклучува можноста за преговори со Украина appeared first on Република.

Портпаролот на Кремљ, Дмитриј Песков, изјави дека официјална Москва ги следи изборите за Европскиот парламент. Тој изјави дека мнозинството во парламентот ќе биде проукраинско и дека Русија внимателно ќе го анализира идниот состав на парламентот.

На прашањето како го коментира францускиот претседател Емануел Макрон кој повика на предвремени парламентарни избори поради неговиот вчерашен пораз, Песков изјави дека Русија не се меша во внатрешните работи на други земји и дека тоа е работа на Париз.

Тоа е внатрешно прашање на Француската Република, ние не би сакале да се мешаме во внатрешните работи на земјата, спротивно на клеветите што понекогаш се шират во Европа и Америка, истакна Песков на прес-конференција.

Тој посочи дека Русија „внимателно“ ќе ги следи изборите во Франција, особено имајќи го предвид крајно „непријателскиот однос на француското раководство кон Русија“.

Макрон синоќа и се обрати на нацијата и најави распуштање на францускиот Парламент, како и предвремени избори кои ќе се одржат на 30 јуни и 7 јули.

The post Песков: Мнозинството во Европскиот Парламент ќе биде проукраинско, Русија внимателно ќе анализира appeared first on Република.

Русија е многу загрижена за ситуацијата на Блискиот Исток и се залага за политичко и дипломатско решение, изјави денеска за новинарите портпаролот на рускиот претседател Дмитриј Песков.

Крајно сме загрижени поради ескалацијата на тензиите во регионот. Ги повикуваме сите земји во регионот на воздржаност. Понатамошната ескалација не е во ничиј интерес. Затоа, се разбира, се залагаме сите несогласувања да се решаваат само политички и дипломатски, рече портпаролот на Кремљ запрашан да ја коментира ситуацијата во регионот по иранските напади на израелска територија.

Ноќта меѓу саботата и неделата, Иран изврши напад врз Израел со беспилотни летала и балистички ракети како одмазда за нападот на иранскиот конзулат во Дамаск на 1 април, за кој го обвини Израел.

The post Песков: Крајно сме загрижени, Русија ги повикува земјите од Блискиот Исток на воздржаност appeared first on Република.

Портпаролот на Кремљ, Дмитриј Песков изјави дека Русија е „во војна“ со Украина. Тој досега инсистираше дека Русија води „специјална операција“ во Украина.

Се најдовме во воена состојба. Да, тоа почна како специјална воена операција, но штом се формираше целата оваа банда, кога колективниот Запад учествуваше во сето ова со Украина, тоа стана војна за нас, изјави Песков. во интервју за медиумската куќа „Аргументи и факти“.

Тој потсети на целта на Русија целосно да ги освои четирите украински региони (Херсон, Доњецк, Луганск и Запорожје) за кои Москва тврди дека ги анектираше од септември 2022 година.

Де јуре тоа е специјална воена операција, но де факто се претвори во војна, изјави Песков.

Во Русија све години се изрекуваа парични и затворски казни за употреба на зборот „војна“, наметнувајќи го официјалниот еуфемизам „специјална воена операција“.

Во текот на двегодишниот конфликт, неколку високи функционери веќе го користеа зборот „војна“ во јавни изјави, но секогаш во контекст на што Западот ја води против Русија преку Украина.

The post Не е веќе специјална операција: Песков потврди дека Русија е во војна со Украина appeared first on Република.

Франција се повеќе се вклучува во конфликтот во Украина, таа веќе учествува во конфликтот, оцени денеска портпаролот на Кремљ Дмитриј Песков и додаде дека во таа ситуација Париз станува непријател на Москва.

Ги читаме изјавите на претседателот на Франција, Емануел Макрон. Фактот дека Русија е непријател на Франција, како што рече Макрон, е навистина очигледен за Франција, бидејќи Париз веќе интервенираше во војната во Украина, тврди Песков.

Тој додаде дека Франција „всушност веќе индиректно учествува во војната и судејќи според зборовите на Макрон, таа не прави ништо за да го намали своето учество“.

The post Песков: Франција веќе индиректно учествува во конфликтот во Украина appeared first on Република.

Кремљ нема информации за тоа кога телото на рускиот опозициски лидер Алексеј Навални, кој почина во притвор, би можело да му биде предадено на неговото семејство по завршувањето на потребните процедури, изјави денеска портпаролот на Кремљ, Дмитриј Песков.

Ова прашање не треба да ни се упатува нам. Ние не се занимаваме со тоа, тоа не е во описот на работата на претседателската администрација, наведе Песков, пренесува ТАСС.

Тој оцени дека изјавите на западните политичари, кои го обвинија рускиот претседател Владимир Путин за смртта на Навални, се „дрски“ и додаде дека истрагата е во тек и дека се преземаат сите неопходни мерки, но дека резултатите од истрагата се уште не се јавно објавени.

Во услови кога нема достапни информации, сметаме дека е апсолутно недозволиво да се даваат вакви, искрено, груби изјави. Непримерно е за државниците од чии усти слушнавме вакви изјави. Се разбира, тие не можат да му наштетат на нашиот претседател, но не им користат ниту на оние кои даваат такви изјави - порача Песков.

Рускиот опозициски лидер Алексеј Навални почина во петокот на 16 февруари, соопшти Федералната поправна служба на Русија за областа Јамало-Ненец, додавајќи дека Навални се чувствувал лошо по утринската прошетка и изгубил свест, по што неуспешно бил реанимиран.

Навални отслужуваше 30-годишна затворска казна за „основање и финансирање на екстремистичка организација и нејзините активности“, а беше познат и како остар критичар на Кремљ.

Многу западни политичари ги обвинија руските власти и рускиот претседател Владимир Путин за смртта на Навални.

The post Песков без одговор кога телото на Навални ќе биде предадено на семејството: „Кремљ не се занимава со тоа“ appeared first on Република.

НАТО претставува закана за Русија, соопшти денеска Кремљ по почетокот на најголемата воена вежба на Алијансата од времето на Студената војна, наречена „Посветен бранител 2024“( Steadfast Defender 2024).

Секако дека НАТО претставува закана за нас, изјави портпаролот на Кремљ, Димитриј Песков, додавајќи дека „постојано се преземаат соодветни мерки“ како одговор на заканата.

Според Песков, „НАТО е средство за конфронтација“, кое со децении постојано ја движи инфраструктурата кон границите на Русија.

Воените вежби „Посветен бранител 2024“, најголемите вежби организирани од НАТО од крајот на Студената војна, почнаа минатата недела во североисточниот дел на САД и треба да траат неколку месеци.

Во вежбите ќе учествуваат околу 90.000 војници од двете страни на Атлантикот и, меѓу другото, треба да го проверат капацитетот на Алијансата за мобилизирање и брз транспорт на американски војници за зајакнување на одбраната на Европа, наведе НАТО.

Маневрите треба да се одвиваат според сценариото за конфликт против „непријател со соодветна сила“, што според терминологијата на Алијансата се однесува на Русија, иако таа не е именувана.

Во вежбите ќе учествуваат околу 50 воени бродови, 80 авиони и 1.100 борбени возила.

The post Песков: Воените вежби на НАТО се закана за Русија appeared first on Република.

Нема смисла да се разговара за мир во Украина без Русија, изјави портпаролот на Кремљ, Дмитриј Песков, коментирајќи ја средбата во рамки на 54-от годишен состанок на Светскиот економски форум во Давос каде, меѓу другото, ќе се разговара и за „формулата за мир“ предложена од украинскиот претседател Володимир Зеленски.

Разговори само колку да се разговара, не се насочени кон изнаоѓање вистинско решение за проблемот. А бидејќи Русија не учествуваше, тогаш не може да има конкретен резултат, објасни портпаролот на Кремљ.

Ситуацијата е крајно апсурдна, нагласи Песков и потсети дека самиот Киев ги забрани преговорите со Москва на законодавно ниво.

Владимир Путин секогаш велеше дека гаранциите за мир треба да се постигнат по мирен пат. Сепак, Западот не сакаше ништо од тоа. Затоа Русија води специјална воена операција и ќе ги постигне своите цели, истакна тој.

Според Песков, постои можност рускиот претседател Владимир Путин наскоро да ја посети Северна Кореја.

Путин доби покана да го посети Пјонгјанг, потсети портпаролот на Кремљ, наведувајќи дека датумот ќе биде договорен по дипломатски канали. „Повеќе детали за посетата на Путин ќе бидат достапни по утрешната средба меѓу рускиот министер за надворешни работи Сергеј Лавров и неговата севернокорејска колешка Цој Сон Хи, нагласи тој.

Коментирајќи ја утрешната официјална посета на севернокорејската министерка за надворешни работи на Русија, Песков изјави дека Северна Кореја е партнер со кој Русија развива односи во сите области.

The post Песков: Разговор во Давос за мир во Украина без Русија нема смисла appeared first on Република.

Кремљ денеска предупреди дека има список на американски и европски имоти што ќе бидат запленети доколку лидерите на Г7 ги конфискуваат замрзнатите 300 милијарди американски долари на руската централна банка.

Лидерите на седумте најиндустриски развиени земји ќе разговараат за нова правна теорија на состанокот во февруари што ќе овозможи заплена на руски имот, изјавија во четвртокот два извора, а потврди неименуван британски функционер.

Портпаролот на Кремљ, Дмитриј Песков, рече дека таквиот потег на Западот ќе претставува „кражба“, кршење на меѓународното право и загрозување на резервните валути, глобалниот финансиски систем и светската економија.

Тоа би било голем удар за главните параметри на меѓународната економија, тоа ќе ја поткопа меѓународната економија. Исто така, ќе ја поткопа довербата на земјите во САД и ЕУ како економски гаранти. Затоа, ваквите постапки носат со себе многу, многу сериозни последици - рече Песков.

Тој потврди и дека постои список на западни имоти кои Русија би ги запленила во знак на одмазда, но не прецизираше за кои имоти и средства станува збор.

Откако претседателот Владимир Путин испрати војници во Украина во февруари 2022 година, САД и нивните сојузници ги забранија трансакциите со руската централна банка и Министерството за финансии, замрзнувајќи околу 300 милијарди долари руски средства на Запад. Некои западни политичари бараат замрзнатите руски средства во вредност од околу 300 милијарди долари да и бидат предадени на Украина за да ја обнови нејзината економија опустошена од војната.

The post Кремљ: Имаме список на американски и европски имоти, ќе ги заплениме во знак на одмазда appeared first on Република.

Преговори меѓу Руската Федерација и Украина под услови на Киев се апсолутно нереално сценарио, изјави денеска портпаролот на Кремљ, Дмитриј Песков.

Тој, на новинарско прашање да ја коментира изјавата на Џонатан Фајнер, главниот заменик советник на американскиот претседател за национална безбедност, дека САД сакаат Москва да преговара со Киев под украински услови во 2024 година, рече дека тоа е „апсолутно нереално“.

Има многу такви изјави. Тие прибегнуваат кон разни трикови само за да ги убедат своите парламентарци да гласаат за натамошна распределба на парите. Значи, веќе имало многу такви изјави и тие ќе продолжат, рече Песков.

The post Песков: Преговори меѓу Русија и Украина под услови на Киев се апсолутно нереално сценарио appeared first on Република.

Одлуката на бугарските власти да не дозволат прелет на авион со официјалната претставничка на руското МНР Марија Захарова кон Македонија „не се вклопува во ниедна рамка“ и тоа е „апсурден и глупав став“. Тоа денеска го изјави Дмитриј Песков, портпарол на рускиот претседател.

Таквиот став на бугарските власти тешко може да се објасни со нешто - ова е првата работа. Второ, тоа, се разбира, не се вклопува во ниедна рамка. Трето, тоа е апсолутно апсурдно и, дури може да се каже, глупаво, рече претставникот на Кремљ.

Апелирам до бугарското раководство и да ги повикам да се обидат со сите сили да задржат присебност во одлуките што ги носат, заклучи тој.

Рускиот министер за надворешни работи Сергеј Лавров доцна синоќа пристигна во Скопје за да учествува на Советот на министри за надворешни работи на Организацијата за безбедност и соработка во Европа (ОБСЕ). Авионот летал над Турција и Грција, иако претходно се очекуваше рутата да минува низ Бугарија.

https://republika.mk/vesti/makedonija/avionot-na-lavrov-doshol-vo-skopje-preku-turtsija-i-grtsija-bugarija-ne-dozvolila-prelet-poradi-zaharova/

Бугарската страна одбила да дозволи авионот на рускиот министер да прелета доколку во него е портпаролката на руското МНР.

Захарова на Телеграм објави дека одлуката „...Не е само за глупост, туку опасна глупост на некој интригант во структурите на моќ во Бугарија“.

Засега нема коментар од бугарските власти за нивниот потег.

The post Песков: Одлуката на бугарските власти да не дозволат прелет на авион во кој е Захарова е „апсурден и глупав став“ appeared first on Република.