Непознат сторител го испрскал со црвена боја рускиот добитник на Нобеловата награда за мир, Дмитриј Муратов, додека патувал со воз од Москва за Самара.

Либералниот руски весник „Новаја Газета“ објави фотографии на својот главен уредник на која се гледа неговото лице, горниот дел од телото и рацете полиени со мрсна црвена боја.

Инцидентот се случил кога непознато лице влегло во купето за спиење каде се наоѓал Муратов, му рекло „Муратов, земи го ова за нашите момчиња“, по што го испрскал со бојата.

Полицијата почнала потрага по осомничените, јави руската агенција „Интерфакс“, цитирајќи го Министерството за внатрешни работи. Сообраќајната полиција организирала мерки за легитимирање и приведување на две лица.

The post Руски нобеловец испрскан со црвена боја од непознат напаѓач appeared first on Република.