Учениците од класата на Колос Цури и Јована Трајчева денеска во концертната сала на ДМБУЦ „Илија Николовски Луј“ ќе одржат осмомартовски концерт.

.

The post Осмомартовски концерт во ДМБУЦ „Илија Николовски Луј“ appeared first on Република.

Факултетот за музичка уметност, ДМБУЦ „Илија Николовски Луј“ и Филхармонијата најостро реагираaт на скандалозните активности за узурпирање на јавниот простор помеѓу објектот на ФМУ, ДМБУЦ „Илија Николовски Луј“ и Филхармонијата.

Имено просторот околу двата објекта се оградува за вештачки да се создаде пат/улица за тешката механизација која треба да го исфрли шутот од изгорениот обект на поранешната Комерцијална банка. За таа цел ќе бидат исечени дрвата, ќе биде уништен плочникот и ќе се доведе во прашање безбедноста на двата објекти. Ова не само што може да нанесе трајни последици во однос на безбедноста на објектите, туку и целосно ќе го попречи функционирањето на овие институции. Во подрумските простории кои се веднаш под овој отпеден „коридор“ се држи настава. Последиците од можна хаварија односно попуштање на слојот кој е предвиден за пешаци, а не за камиони се повеќе од реални. Веќе се чувствува наршената статика во балетските сали кои се дел од ДМБУЦ „Илија Николовски Луј“. Работите се во пол ек ( предпразнично) што дополнително ја доведува во прашање оправданоста и почитувањето на прописите кои се применуваат во оваа сфера. Поради тоа најостро реагираме и бараме итно и неодложно стопирање на градежните работи и почитување на основните норми на градење замајќи во предвид дека се работи за образовани институции т.е. за ученици и студенти, за нивното здравје и нивната безбедност, се вели во нивната реакција.

The post Скандалозни активности за узурпирање на јавниот простор меѓу ФМУ, ДМБУЦ „Илија Николовски Луј“ и Филхармонијата appeared first on Република.

Тројца ученици од ДМБУЦ „Илија Николовски - Луј“ - Скопје се натпреваруваа и освоија први награди на 16 биенално издание на реномираниот Меѓународен натпревар на млади пијанисти во Ниш, што се одржа од 31 март до 4 април 2023 година.

Како што информира ДМБУЦ „Илија Николовски - Луј“ - Скопје, тројцата претставници Милан Дучевски (од класата на проф. Катерина Ќетковиќ Фидановска), Милица Станковиќ (од класата на проф. Верица Шотаровска) и Тамара Трпезановска (од класата на проф. Маријана Влаисављевиќ) се натпреваруваа во средношколските категории и се здобија со први награди.

Милан Дучевски, ученик од трета година, како лауреат во својата категорија, настапи и на свечениот концерт на победниците, кој се одржа вчеравечер во Ниш.

Меѓународниот натпревар на млади пијанисти е во организација на Музичката школа Ниш под раководство на директорката Споменка Шпириќ. На натпреварот, кој прослави 30-годишен јубилеј, учествуваа над 150 учесници пијанисти од регионот и пошироко кои се натпреваруваа во повеќе возрасни категории пијано и пијано дуо.

Во меѓународното оценувачкото жири составено од еминентни пијанисти и педагози членуваше и проф. Даница Стојанова, реномирана и докажана пијанистка и професор, а сега актуелен директор на ДМБУЦ „Илија Николовски – Луј“ - Скопје.

-Наставниците заедно со своите ученици од ДМБУЦ „Илија Николовски – Луј“ - Скопје се постојано ангажирани да се претстават на меѓународна сцена надвор од рамките на училиштето, а се со цел да го одржат високото ниво на професионализам и изведувачка пракса, се вели во соопштението.

The post Тројца ученици од ДМБУЦ „Илија Николовски – Луј“ – Скопје освоија први награди на Меѓународен натпревар во Ниш appeared first on Република.