ОВР Дебар поднесе кривична пријава против К.С.(48) од Дебар поради постоење основи на сомнение за сторени кривични дела „узурпација на недвижности“ и „бесправна градба“.

Тој, во текот на 2024 година, на дел од катастарска парцела покрај крајбрежјето на Дебарското езеро, во месноста „Бадеми“, сопственост на А.Д. ЕСМ-Скопје, бесправно изградил објект за домување од цврста градба и го оградил, со што се стекнал со противправна имотна корист. На терен се и полициски службеници кои вршат увид.

The post Дебарец градел покрај Дебарско езеро на парцела сопственост на ЕСМ appeared first on Република.

ДКСК да отвори случај за хациендата на Славјанка Петровска во Радишани, како е направена, со кои пари и без документи, побара на денешната прес-конференција пратеникот Тони Јаревски.

Славјанка Петровска да не мисли дека е заборавено дека истата изградила огромна хациенда во Радишани на диво, без документи. Петровска ја криеше хациендата, но сметките за струја и вода кои беа објавени, а се на името на татко и говорат дека истата и те како има поврзаност со спорниот имот. Петровска да не се крие и да каже дали ужива во благодедот хациендата? Дали некој од нејзиното семејство ја користи? Зошто ја крие и од кои пари е направена? ДКСК да не чека Петровска да се изјасни туку да отвори случај за хациендата на Славјанка. Доволно е Антикорупциска да погледне на чие име се сметките на луксузната хациенда, тоа е појдовна основа од каде може да почне да истражува. Помина времето на политичари кои го крадеа народот и остануваа неказнети. Одговорност мора да има, порача тој.

https://youtu.be/D819uXelP24?si=0lvixTyC46qqN0SF

The post ДКСК да отвори случај за хациендата на Славјанка Петровска во Радишани appeared first on Република.

Законот мора да важи за сите, порача градоначалникот на општина Ѓорче Петров Александар Стојкоски кој сподели видео од рушење на дивоградба.

Нема да дозволиме провлекување на поединци кои мислат дека се над законот. Денеска тоа го докажавме со отпочнување постапка за рушење дивоградба на државно земјиште. На странката и беше даден предвидениот рок да постапи, но истата ги игнорираше нашите предупредувања. Законската регулатива важи за сите исто. Нема заштитени или повластени кои си играат детски игри на сметка на сите нас, градејќи бесправно изградени објекти, без дозвола, порача тој.

Вели дека согласно законската регулатива, донеле Решение за отстранување на објектот и нема да отстапат од намерите правдата да биде задоволена и еднаква за сите.

Доаѓаат нови, добри и праведни времиња. Завршија деновите на провлекување и "дупки во законот" за правните и физички лица по разни основи и непочитување на правото. Цврсто стоиме на ставот да се справиме со сите кои ќе намислат слично да постапуваат. Имајте во предвид дека никој нема да биде поштеден!, порача градоначалникот.

The post Утрово се рушеше дивоградба во Ѓорче Петров, градоначалникот порача: Нема заштитени! appeared first on Република.

Градежни активности изведени од камен за оградување на парцели меѓу Охридското Езеро и патот село Радожда–Струга констатирале инспекторите при вчерашниот вонреден надзор.

По добиена пријава од граѓанската иницијатива Охрид СОС дека на охридското крајбрежје на потегот од Струга кон Радожда се изведуваат градежни активности, Државниот инспекторат за животна средина денеска соопшти дека на терен излегле виш инспектор за заштита на природата, државниот инспектор за животна средина од канцеларија Охрид и овластени инспектори од општина Струга за животна средина и градежништво, како и инспектори од ОВР Струга.

На едната локација имаше градежни активности за изградба на ѕид најверојатно од бетон за што имаше поставено шаловани оплати, кои не беа во езерото. На лице место немаше присутни лица, кои ги изведуваат градежните активности, исто така немаше градежна механизација, стои во информацијата на Државниот инспекторат за животна средина.

Постапката, како што наведуваат, треба да продолжи од Општина Струга, согласно законските овластувања.

Општина Струга е одговорна за одржување, чување, почитување и правилно користење на природното и културното наследство, како и за преземање мерки за правилно користење на светското природно наследство согласно Законот за управување со светското природно и културно наследство на охридскиот регион, појаснува Инспекторатот.

На истата локација на охридското крајбрежје на потегот кон селото Радожда, Државниот инспекторат за животна средина постапувал и претходно во текот на годинава при што била покрената кривична постапка со доставено барање до ОЈО Струга. Кривична пријава до ОЈО Струга била доставена и претходно за идентичната локација.

The post Вонредна инспекциja во Струшко, некој си гради нелегално на државно земјиште appeared first on Република.

ОВР Струга поднесе кривична пријава против А.Д.(41) и А..Д.(48) двајцата од струшкото село Ливада, поради постоење основи на сомнение за сторено кривично дело „бесправно градење“.

Тие, на катастарска парцела во Струга, без одобрение од надлежен државен орган, почнале изградба на станбен објект за домување, а по извршен инспекциски надзор, било донесено решение за прекин на градбата.

The post Почнале да градат зградуле без да имаат дозвола: Кривична пријава за двајца стружани appeared first on Република.

Предлог закон за изменување и дополнување на Законот за постапување со бесправно изградени објекти, по скратена постапка, на предлог на пратеникот Скендер Реџепи е на дневен ред на 135. седница на Собранието закажана за 22 декември годинава.

Со законот што го предлага Реџепи, кој делува како независен пратеник и неодамна ја формираше партијата Народно движење, се менува рокот до кој на бесправните објекти кои се предмет на законот треба да се изведени градежните и инсталатерските работи во целост и да претставуваат градежна и функционална целина, односно се предлага да бидат опфатени дивоградбите изградени до крај на декември 2022 година. Исто така, се предлага и висината на надоместот која барателот треба да ја плати за стекнување со правен статус на бесправниот објект до и над 80 метри квадратни.

Висината на надоместот за уредување на градежно земјиште за делот од површината на бесправниот објект до 80 метри квадратни се зголемува за 50 проценти, а за делот што е над 80 метри квадратни за 100 проценти и се множи со површината на дивоградбата утврдена со геодетскиот елаборат за утврдување на фактичката состојба на бесправен објект.

Од Министерството за транспорт и врски за МИА велат дека до нив не е доставен предлогот за измени на законот и оти не можат да се произнесат. Истакнуваат и дека нема интерес за донесување на Предлог законот што на нивен предлог е доставен веќе две години во Собранието.

До Министерството за транспорт и врски не е доставен предлогот на измените на законот и поради тоа не можеме да се произнесеме за овој предлог бидејќи на увид ги немаме измените. Потсетувaме декa речиси две години во Собранието поднесен е предлог Закон за постапување со бесправно изградени објекти доставен од страна на Министерството за транспорт и врски за кој нема интерес за негово донесување, изјавија од Министерството за транспорт.

Во Предлог законот поднесен од Реџепи се наведува дека во текот на 2022 година, на територијата на државава, според податоците на Државниот завод за статистика, регистрирани се 662 бесправно изградени објекти. Во зависност од видот на објектот, бесправно изградени се 111 објекти за домување, односно станбени згради, станбено - деловни згради и деловно - станбени згради и куќи за одмор (16,8 проценти), 101 доградба, надградба и адаптација (15,3 проценти), 58 деловни објекти (8.8 проценти), 94 гаражи (14.2 проценти), 125 огради (18,9 проценти), пет скалила (0.8 проценти), 19 тераси (2,9 проценти), шет летни тераси (0.8 проценти), 50 натстрешници (7,6 проценти), 15 времени објекти (2.3 проценти) и 79 помошни објекти (11,9 проценти).Најголем број бесправно изградени објекти (96,2 проценти) се во приватна сопственост.

Иако во соопштенија на Државниот завод за ревизија од областа: Градежништво, за бесправно изградените објекти се даваат податоци за секоја година, сепак бројот на бесправно изградените објекти е многу поголем од објавениот, а некои истражувања даваат податок дека бројот на дивоградбите на територијата на цела држава изнесува околу 50.000 објекти. Оваа состојба сама по себе претставува сериозен проблем за државата и има повеќекратно негативно влијание врз целокупниот економскиот живот, а во истата како целна група се опфатени голем дел од населението, стои во Предлог законот.

Заклучно со март годинава, според податоците од Агенцијата за катастар на недвижности, во државава се легализирани 296 810 нелегално изградени објекти.

Легализацијата на дивоградби во државава првпат се овозможи со Законот за третман на бесправно изградени објекти од 2011 година. Законот и рокот за поднесување барања за легализација во неколку наврати претрпе измени, а со последната во 2021 година се овозможи негова примена уште пет години за да се постапува по предметите за околу 140.000 барања, што од најразлични причини останаа заглавени. Истовремено со тие измени, на предлог на Министерството за транспорт и врски, во Собранието беше доставен нов закон за легализација, со кој би се опфатиле дивоградби изградени до јануари 2021 година, со плаќање казнени пенали, но дебатата воопшто не е почната.

Во тој предлог беше наведено дека ќе можат да се легализираат бесправно изградени објекти до 1 јануари 2021 година и е предвиден скалест начин за пресметување на надоместот за легализација. За објект до 80 метри квадратни, висината на надоместокот се зголемува за 50 проценти од основниот комунален трошок, а за објекти над 80 метри квадратни, тој надомест се зголемува за 100 проценти. Според првичните проценки на ресорното Министерство, со него би се опфатиле над 50 000 барања, но конечниот број ќе се знае ако евентуално биде изгласан и се отвори можност за поднесување барања.

За досега легализираните дивоградби издадени се решенија со документација која опфаќаше барање до општината, изработка на геодетски елаборат и потврда од платени комунални сметки. По разорните земјотреси во Турција и Сирија, експертите од областа апелираа дека евентуалните идни легализации задолжително треба да се прават со архитектонски проект и контрола на статиката.

The post Се менуваат рокови: Нов закон за легализација на дивоградби поднесен во Собранието appeared first on Република.

Ова е плацот каде пред избори Герасимовски и Шилегов ветуваа нема да се гради. Очигледно некој ќе гради пошто и светилки си ставиле по патот и материјал си донеле, вели Ивор Мицковски, споделувајќи фотографија од местото на Средно Водно, каде се продолжува со изградба.

Само 50 метри подоле, тоа што исто се гарантираше нема да се градело и биле само дрвени куќи, се претвори во населба, во село со 20-тина куќи, сите ѕидани, некои и на три спрата.
Значи, дечки, 2 години не пројдоа од ветувањата, локална и централна власт сте, ама понеспособна, понезаинтересирана, понегрижлива багра ни се нема десено.
Грујо може ќе го вратите, ама вие ќе си одите засекогаш, вели Мицковски.

The post Ова е плацот каде пред избори Герасимовски и Шилегов ветуваа нема да се гради appeared first on Република.

ОВР Струга поднесе кривична пријава против А.Р.(43) од Струга, поради постоење основано сомнение за сторено кривично дело „бесправно градење“.

Тој, на катастарска парцела на улицата „8 Ноември“ во Струга, бесправно изградил доградба на куќа без притоа да поседува соодветно одобрение издадено од надлежен државен орган.

The post Без дозвола си ја доградил куќата во Струга: Кривична за 43-годишен стружанец appeared first on Република.

СВР Охрид поднесе кривична пријава против И.Р.(63) од охридското село Трпејца.

При вонреден инспекциски надзор, извршен на 05.06.2023, било констатирано дека тој извршил доградба на куќа од тврда градба во селото без да поседува одобрение за доградба, издадена од надлежен државен орган.

The post Во Трпејца на диво си доградил на куќата appeared first on Република.

Градоначалникот на Општина Центар Горан Герасимовски, во придружба на градежен инспектор, припадници на МВР и градежна механизација утринава интервенираа на градилиштето на улицата „9 Мај“ и почнаа со затрупување на градежната јама и враќање на локацијата во првобитна состојба, каде инвеститорот „Бинјапи инжинеринг“, како што се наведува, гради надвор од издаденото одобрение за градење.

Како што соопшти Општина Центар, градежната инспекција неколку пати го затвораше градилиштето. Во март годинава одговорните се санкционирани од страна на општината со казни со вкупна вредност од 12.500 евра и тоа со 4.000 евра во денарска противвредност за непреземање на мерки за обезбедување на градилиштето, 500 евра во денарска противвредност за прекршок на одговорното лице во правното лице „Бинјапи Инжинеринг“, 7.000 евра за правното лице – изведувач „ Арадико Коп ДООЕЛ увоз извоз“, 500 евра за одговорното лице во правното лице – изведувач и 500 евра за градежниот инжинер за изведба, сите во денарска противвредност.

Во оваа држава постојат закони и тие мора да ги почитуваат сите. Секој оној кој што ќе го прекрши законот ќе биде санкциониран. Тоа се случува и денеска на улицата „9 Мај“. Пред неколку месеци настана проблем од страна на инвеститорот „Бинјапи Инжинеринг“, фирмата која што го има одобрението за градба. Јамата не беше целосно обезбедена според даденото решение, односно зградите не беа целосно заштитени од страна на инвеститорот. Не беа поставени оние т.н. „шипови“ кои се за заштита на целото околно земјиште, вклучувајќи ја улицата и зградите. Наместо -1, направени се -2 спрата, изјави Герасимовски.

Нашите инспектори, како што нагласи, и тогаш постапија, ставија жолта лента, беше стопирана градбата, но самиот инвеститор продолжи со градба.

Ние како Општина по извесен период постапуваме на терен, односно по пишаното решение од градежниот инспектор за враќање на првобитноста на самото земјиште. Истото денеска го спроведуваме, односно го враќаме земјиштето во првобитна состојба, рече градоначалникот Герасимовски.

Инспекцијата, како што се наведува, утврди дека инвеститорот постапувал спротивно од издаденото одобрение за градење. Инвеститорот „Бинјапи Инжинеринг“ е обврзан да постави армирано бетонски колови, т.н. шипови, за обезебедување на јамата, кои тој не ги извел и со тоа постапил спротивно на одобрението за градење.

По ова, согласно Законот за градење, инспекцијата изготви решение за враќање на локацијата во првобитна состојба, со што трошокот за извршувањето на решението ќе се фактурира на инвеститорот, а со потпишана писмена изјава истиот е обврзан да ја врати и улицата во првобитна состојба, се вели во соопштението од Општина Центар.

The post Градоначалникот со полиција на затворање јама откако „Бинјапи инженеринг“ продолжи со незаконско градење appeared first on Република.

Непознат сторител со помош на тешка механизација го разорал просторот зад поликлиниката Бит Пазар, објави „Канал 5“, додавајќи дека директорот на Здравствен дом Скопје, Виктор Исјановски не знаел ни кој гради и прекопува, ниту со чија дозвола.

Некој сакал да гради против правно без дозвола од општина и од поликлиниката при што оштетил дел од оградата, излезени на лице место полициски службеници од ЕВР Центар и Бит Пазар и известен е дежурен ЈО“, стои во пријавата на МВР, без да се наведе за кого станува збор и како е можно никој да не забележал дека се вршат градежни работи во двор на фреквентна здравствена установа.

Оградата била урната вчера попладне кога сите вработени си заминале дома.

Повеќе фото на Канал 5

The post Некој си гради во дворот на Поликлиника Бит Пазар, директорот Исјановски нема појма како се случило appeared first on Република.

Артан Груби и неговата резерва Димитар Ковачевски потпишаа штетен договор врз основа на непостоечки закони и го кријат затоа што се обврзале дека ќе плаќаат пенали доколку не направат законски измени со коишто беззаконието ќе се изедначи со законското

.Согласно законските измени заради договорот на Груби и резервата Ковачевски, нелегалните објекти на трасата за определени автопати за државата ќе вредат еднакво колку и оние градени согласно закон и дозвола, обвинува Наум Стоилковски од ВМРО-ДПМНЕ.

https://www.youtube.com/watch?v=CWr0k6Pam_4&embeds_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Дивоградбите на трасата на автопатите согласно договорот на Груби државата би требало да ги обештети со иста пазарна вредност како и легалните градби. Тоа значи дека оние што ваделе документи, плаќале определени лиценцирани фирми за проекти, за надзор, за изведување, плаќале тарифи на лиценцирани геодетски фирми, оние што плаќале документи, изводи, барања, оние што почитувале закон за градење, плаќале комуналии и ваделе дозволи за градба- сега се изедначуваат со оние коишто градат на диво! Со евентуално донесување на закон за изедначување на беззаконието со законското  ќе предизвика правен преседан со последици како брутално непочитување и на законот за легализација и на законот за градба. Најпросто кажано, зошто ваков закон за изедначување на дивоградбите со легалните градби би важел во еден случај, а не постојано? И зошто понатаму би се почитувале ГУП, ДУП, урбанистичка планска документација, би се почитувале археолошки локалитети, национални шуми, би се почитувале трансформација на земјиште од земјоделско во градежно, би се почитувале се она што државата со закон го пропишала!Наместо да ги казнат, ДУИ и СДС ќе ги наградат дивоградбите!

Груби посочи дека речиси половина од трасата 45% е приватно земјиште, а 55 државно, и се што ќе се најде на патната траса ќе биде обештетено по иста пазарна вредност.

Тоа значи дека дури и оние коишто сега би почнале бесправно да градат, за три месеци може да имаат објект којшто ќе им биде вреднуван по пазарна цена како најлегален објект!Наспроти предвидените финансиски казни за градење на диво, Груби и резервата Ковачевски ќе ги наградат од буџетот градителите на диво, по пазарна цена!Донесување на ваков закон значи преседан со којшто се изедначува правото и неправото и со којшто брутално ќе продолжи да се гази врз законите, правото и правдата!

The post Само СДСМ и ДУИ ги наградуваат дивоградбите наместо да ги казнуваат appeared first on Република.

ОВР Струга поднесе кривична пријава против Л.И.(54) од струшкото село Велешта, поради постоење основано сомнение за сторено кривично дело „бесправно градење“.

Тој, во текот на февруари 2023 година, на катастарска парцела во Струга, неовластено, без соодветна документација, спротивно на закон и на основниот проект, почнал со изведување на надградба на деловен објект, информираат од МВР.

Од извршениот инспекциски надзор донесено е Решение со кое на инвеститорот му се наложува да ја отстрани надградбата на деловниот објект.

The post Градел деловен објект во Струга без дозвола: Кривична за жител на Велешта appeared first on Република.

Спроведената инспекциска контрола на локација посочена од граѓани во Извидничкиот центар во охридската населба Далјан покажала дека се работи за дивоградба односно дека се спроведуваат градежни активности без дозвола за градење.

Според записникот од извршениот надзор утврдено е дека на локацијата на десетина метри од езерото се поставени пет шаловани и армирани бетонски плочи од по 47,5 метри квадратни, за кои не се издадени решенија за градба.

Согласно констатираната фактичка состојба односно градење без дозвола, ќе биде донесено решение за отстранување на петте плочи во тек на градба според член 134, став 1, алинеја 4 од Законот за градење.

За градежните активности на односната локација посочија и активистите на Граѓанската инцијатива „Охрид СОС“ од каде изразуваат уверување дека ќе биде постапено согласно заклучоците изнесени во записникот и она што е изградено ќе биде отстрането, а локацијата вратена во претходна состојба.

Бесправното градење и неконтролираната урбанизација на крајбрежјето на Охридското Езеро е еден од најгорливите проблеми со кои се соочува регионот и е меѓу главните забелешки посочени во двата извештаи на Реактивната мониторинг-мисија на УНЕСКО.

The post Бесправно се гради на атрактивна локација во охридската населба Далјан appeared first on Република.

Еколошката граѓанска иницијатива „Охрид SOS“ соопшти за наводни градежни активности на оспоруваниот хотел во туристичката населба Лагадин.

Според објавата на нивниот официјален фејсбук-профил, се гледаат лица на објектот, за кои од иницијативата посочуваат дека работат на хотелот што од УНЕСКО е посочен како дивоградба предвидена за уривање.

Од „Охрид SOS“ појаснуваат дека во извештајот за состојбата на природното и културно наследство на Охридскиот Регион доставен пред еден месец до УНЕСКО од Министерството за култура како одговор на препораката на Реактивната мониторинг мисија на ОН од 2020 година е спомнато дека Националниот парк „Галичица“ изготвил инвентар на нелегално изградени објекти со листа приоритетни градби за отстранување иако, според „Охрид SOS“, такво нешто во јавноста не било споделено.

Меѓу другото во препораките на Реактивната мониторинг мисија, како петта точка се бара забрзување на административните постапки за да се постигне уривање на посочениот недовршен хотел во Лагадин.

Токму поради тоа тие преку објавата ја информираат министерката за култура Бисера Костадиновска Стојчевска, која е и претседател на Националната комисија за УНЕСКО, дека она што e напишано во извештајот не соодветствува со реалната состојба на терен.

Дополнително од „Охрид SOS“ се посочува дека нема ажурирана карта со урнати дивоградби, а онаму каде е забележана извесна активност, истите објекти после извесно време се доградени и повторно функционираат.

-Нема листа на приоритети за уривање и за општините Струга и Дебрца, јавноста не ни знае колку вкупно објекти во тие општини се нелегални градби. До кога ќе се лаже и прикрива дека постои некаква кооперативност од македонска страна? Зошто не започна исполнување на листата барања која ви ја доставивме кон крајот на минатата година, а која од нас ја побаравте?..., се посочува меѓу другото во денешниот статус објавен од „Охрид SOS“.

The post Хотелот-дивоградба во Лагадин се гради и за викенд: До кога ќе се лаже и прикрива дека постои некаква кооперативност од македонска страна? appeared first on Република.

The post Советничката група на ВМРО-ДПМНЕ од Струга против Одлуката за поставување на спомен обележје – плоча од Косово appeared first on Република.

Сопственикот на бутикот „Шејн“ почна со отстранување на доградбата на улица „Македонија“.

„По реакциите во јавноста, градежен инспектор од Секторот за инспекциски работи на Општина Центар изврши надзор на бутикот и му издаде решение за отстранување на доградбата, бидејќи за истата не поседува важечко одобррение за истата“, изјави градоначалникот на Општина Центар, Горан Герасимовски.

По издаденото решение, сопственикот на бутикот од општината побара дополнителен рок за да ги организира градежните активности, кој и го доби и денес, самиот ги отстранува нелегалните елементи.

Општина Центар повторно апелира до сите инвеститори и сопственици на нелегални објекти и доградби, да постапуваат по издадените решенија за самостојно отстранување на објектите. Во спротивно, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопствениците на нелегално поставените објекти.

The post Сопственикот на бутикот „Шејн“ на улица „Македонија“ самиот ја отстранува дивоградбата appeared first on Република.

Во премин меѓу две згради на улицата „Илинден“ во Тетово некој отворил дуќан. Но, тој е полудивоградба, ако постои такво нешто.

Општина Тетово одобрението го издала на 31 октомври, но по жалбите од жителите дека им е зафатена патеката по која минуваат, општината на 12 декември го поништила решението. Но, дуќанџијата не го „демонтирал“ дуќанот.

Адвокатот Виктор Стојановски кој ги претставува жителите вели дека општината ја согледала направената грешка и го поништила решението кое издала пред неколку месеци.

За ТВ21, еден од сопствениците вели дека преминот е во негова сопственост од 2019 и дека не е премин туку приватен имот - деловен објект.

Вели дека исто така сега за сега му е отфрлено барањето за соединување на двата локали, меѓутоа вели дека поседува имотен лист.

Целиот текст на ТВ21.

The post Каде ако не во Тетово: Во преминот меѓу две згради направил дуќан, ама и општината издала одобрение appeared first on Република.

Повеќе од три години откако е утврдено дека во Гостивар на локација близу противпожарната станица се гради објект надвор од ДУП-от, поради непостапување, Антикорупциската комисија покрена иницијатива за кривично гонење на градоначалникот Арбен Таравари и надлежниот градежен инспектор во општината.

Случајот го реферираше членот на ДКСК, Шемши Салаи кој покрај иницијативата за кривично гонење на општинските надлежни лица, до Советот на јавни обвинители упати барање за одговорност на јавниот обвинител Арсим Адеми затоа што „предметот го чувал во фиока“ три години наместо да ја заврши истрагата.

Отстапување од планот било утврдено од надлежниот инспектор во општината и била поднесена кривична пријава до обвинителството. Општината не извршила уривање на нелегалниот дел од објектот правдајќи се дека на тендер не успеале да изберат фирма за уривање на дивоградби. Поради недоставување на информација, надлежните во општината добија и прекршочни казни од ДКСК.

Oбвинителството не ја завршило истрагата, поради што ДКСК од Советот на јавни обвинители бара одговорност за обвинителот . Инаку надлежниот, за овој случај, обвинител Арсим Адеми е познат по спогодбата со Зоран Милески-Кичеец по несреќата со претекнување на полна линија на патот Кичево-Гостивар кај Стража. Загина едно лице, а 7 беа тешко повредени, но обвинителот Адеми се спогоди со Кичеец кој призна вина за 6 месеци затвор. Осомничениот Милески требаше да биде во затворот во Струга, но бил привремено ослободен со лекарско уверение за срцева тахикардија и ја предизвика несреќата.

Гостиварскиот обвинител Адеми конкурираше и на последниот оглас за избор на обвинители за гонење на организиран криминал и корупција, но Советот на јавни обвинители не го избра. Адеми како обвинител не се жалеше на едногодишната затворска казна за возачот кој на автопатот Тетово-Гостивар прегази двајца полицајци во 2019-та година. Тогаш на службена должност за време на увид загина 23-годишниот полицаец Петар Ѓурчиноски, а судот пресуди едногодишна казна за возачот.

The post ДКСК бара Таравари кривично да одговара, антикорупционерите велат дека три години толерирал дивоградба appeared first on Република.

Во Градскиот трговски центар вчера започна уривањето на дивиот објект во што се наоѓа од страната на влезот што гледа кон Плоштадот Македонија. Станува збор за објектот што се користеше како „брза храна“.

Според информации на ТВ21, уривањето на објектот без дозвола траело речиси три години, од засега непознати причини.

За предметниот угостителски објект, надлежните органи донеле решение со кое тој е прогласен за дивоградба, додека градежниците истиот морале да го отстранат, но тоа се случува по три години од одлуката.

The post Дивоградбата во ГТЦ се руши три години откако е утврдено дека нема дозвола appeared first on Република.