Диво приклучување и намерно предизвикан дефект на трафостаница повеќе денови оставија неколку улици во горниот дел на Струмица без улично осветлување, информираа од ЈП „Паркиралишта“ кое е задолжено за одржување на уличното осветлување во Општината.

Според известувањето оттаму, заради приклучување на диви потрошувачи на трафостаницата „Олимписко село“ без осветлување е улицата „Бетовенова“ во Турското маало во градот, а заради насилно велегување и намерно предизвикан дефект на трафостаницата „Маларична“, каде е изгорено и уништено елекричното броило, без улично осветлување се 6 улици.

Од Јавното претпријатие апелираат до граѓаните, кои на диво се приклучуваат на столбовите за улично осветлување и насилно и намерно предизвикуваат штети, да престанат да го прават тоа и да ги оставаат без улично осветлување граѓаните, а во спротивно ќе презеле посериозни чекори, односно ќе ги анагажирале надлежните институции за нивно откривање и изрекување соодветни казни.

Се најавува дека проблемот со немањето улично осветлување денеска ќе биде решен со поставување на ново електрично броило од страна на ЕВН.

The post Диви приклучоци оставија неколку улици во Струмица без улично осветлување appeared first on Република.