Имунизацијата во светот тапка во место од 2023 година, а бројот на невакцинирани деца сега е за дополнителни 2,7 милиони помалку на глобално ниво отколку пред пандемијата на коронавирусот, објавија денеска Светската здравствена организација (СЗО) и Детскиот фонд на ОН (УНИЦЕФ).

Според проценките на двете организации врз основа на националните податоци за вакцинација, трендот на имунизација на децата против 14 болести укажува на потребата од забрзување на напорите и зајакнување на здравствените капацитети.

Податоците покажуваат дека бројот на деца кои примиле три дози од вакцината против дифтерија, тетанус и голема кашлица (Дитепер) во 2023 година останал непроменет на 84 проценти. Во исто време, бројот на деца кои не примиле ниту една доза од вакцината се зголеми од 13,9 милиони во 2022 година на 14,5 милиони во 2023 година.

Дополнително, уште 6,5 милиони деца не го завршија целиот циклус на имунизација и не ги примија сите три дози, што е неопходно за успешна превенција на болеста.

Повеќе од половина од невакцинираните деца живеат во 31 земја кои се карактеризираат со кревки и нестабилни средини, оптоварени со вооружени конфликти и каде пристапот до основните потреби, храна и здравствена заштита е тежок.

Знак за тревога е одложувањето на вакцинацијата против потенцијално смртоносните мали сипаници, а во моментов 35 милиони деца во светот воопшто не се или само делумно се вакцинирани против нив.

Лани, 83 проценти ја примиле првата доза од вакцината, а бројот на деца кои ја примиле третата доза незначително се зголемил на 74 отсто, што е многу помалку од 95 отсто неопходни за колективна имунизација и превенција од епидемии.

The post 35 милиони деца во светот воопшто не се или само делумно се вакцинирани против мали сипаници, што е загрижувачко, вели СЗО appeared first on Република.

Децата кои имаат примени три дози вакцина ДиТеПер против пертусис (голема кашлица) од денеска може да одат во градинка со услов за ревакцина во наредните шест месеци. Тоа е овозможено со одлуката што ја донесе во петокот министерот за здравство Илир Демири, по препорака на Комисијата за заразни болести за промена на претходната одлука за забрана за прием на невакцинирани и нецелосно вакцинирани деца поради прогласената епидемија на голема кашлица во Скопје.

Државниот санитарен здравствен инспекторат (ДСЗИ) минатата недела изврши стотина вонредни инспекциски надзори низ градинки во кои, како што информираше директорката Рената Младеновска, утврдено е дека се почитува решението за забрана за прием на нецелосно или делумно вакцинирани деца.

Податоците на ДСЗИ покажуваат дека за разлика од Скопје каде околу 50 отсто не се вакцинирани со ДТП, во внатрешноста е значително повисок процентот на вакцинирани и изнесува над 95 проценти.

Од 15 март во државава се достапни и вакцини против пертусис и за возрасни и како што информираше Министерството за здравство граѓаните можат да се обратат во вакциналните пунктови.

Според последниот извештај на Институтот за јавно здравје (ИЈЗ), од 8 до 14 март се регистрирани нови 43 случаи на голема кашлица, со што бројот на заболени достигна 216.

По однос на место на живеење, најголем број лица живеат во Скопје - 190 или 88 проценти во четиринаесет различни општини, осум лица се од Тетово, петмина живеат во Куманово, во Гостивар три и по еден случај е регистриран од Струга, Струмица, Дебар, Крива Паланка, Битола, Кавадарци и од Кочани, покажуваат податоцоте на ИЈЗ

The post Во градинки ќе се примаат деца со три дози ДиТеПер вакцина и задолжителна ревакцина за шест месеци appeared first on Република.

Децата кои ќе примат ДиТеПер пожелно е да останат дома две недели по вакцинацијата, а не утредента да одат во градинка.

Ова е ставот на професорот Драган Даниловски за последните случувања околу епидемијата со голема кашлица и контролите во установите за згрижување деца, пренесе Сител.

Не можете вие наредниот ден да го пуштите во градинка и да се дружи. Зошто е потребно време околу 2 недели да дојде до формирање на антитела. Под тој период ако детето биде изложувано во колектив, практично исто како да не примило вакцина, изјави проф. д-р Драган Даниловски, епидемиолог.

За последната одлука на министерот по препорака на Комисијата за заразни болести која ќе почне да важи од утре, во градинка да се примаат и деца со 3 дози од прима вакцинацијата во период од 6 месеци со услов за ревавакцина најрано за половина година, епидемиологот Даниловски смета дека е компромис, но според него подобро е некаква мерка отколку ништо.

Пожарот е избиен сега останува со сите расположливи средства да се гаси. Да се бараат децата кои не се вакцинирани или некомплетно вакцинирани. Строго да им се забрани да бидат во градинка или училиште. Да се контролираат и приватните градинки, бидејќи јавна тајна е дека тие не бараат вакцини за упис на деца и таму треба да важат законите, категоричен е професорот Даниловски.

Професорот Даниоловски потенцира дека е потребна долгорочна стратегија за имунизација од здравствените власти и строго да се почитуваат законите за да не се враќаат речиси искоренети заболувања вклучително и големата кашлица.

Непочитување на законите треба да се санкционира, зошто не се санкционирало јас незнам. И има усште една појава би рекол внатрешна, тивка саботажа внатре во системот посебно од колегите во примарната здравствена заштита. Охрабрувањето кои голем број доктори го прават кај родителите – Почекај да проговори детето па вакцинирај го, од прилика тој  наратив го користат и крајно време е да им се застане на патот на таквите колеги. Да се идентуификуваат и санкционираат. Имаме Лекарска комора, Суд на честа и дриги инстанци, вели професорот Даниловски.

Дека има сериозни пропусти и покажаа и првичните резултати од контролите на ДСЗИ во градинките во Скопје каде скоро 50 проценти од децата се невакцинирани или некомплетно имунизирани.

The post Нововакцинираните деца во градинка да одат по две недели, вели епидемиологот Даниловски appeared first on Република.

Директорката на Државниот санитарен здравствен инспекторат, Рената Младеновска најави дека денеска ќе ѝ биде донесена новата одлука со дообјаснувањето од Комисијата за заразни болести, со што ќе се овозможи од понеделник во градинките да се примаат деца кои ја имаат комплетирано вакцинацијата со три дози против пертусис.

ДСЗИ неделава изврши стотина вонредни инспекциски надзори низ градинки во кои, како што рече, е утврдено дека се почитува решението за забрана за прием на нецелосно или делумно вакцинирани деца.

Одговорните лица во самите градинки си ги контролираат и ажурираат податоците од вакциналниот статус на секое дете. Се почитува мерката, така што сега за сега, задоволни сме и од самата соработка и од начинот како се спроведуваат вонредните надзори, изјави Младеновска.

Таа повтори дека во надлежност на ДСЗИ е, согласно сите списоци што им ги праќаат вакциналните пунктови, да ги повикаат родителите на постапка на порамнување или казнување, ако родителот не се согласи да го вакцинира неговото дете.

Засилени се и тие контроли. Сѐ повеќе и секојдневно ни стасуваат списоци каде се содржани деца кои не примиле досега ниту една доза, нагласи директорката на ДСЗИ.

Директорката на Државниот санитарен здравствен инспекторат Рената Младеновска најави дека денеска ќе и биде донесена новата одлука со дообјаснувањето од Комисијата за заразни болести со што

Во однос на значително повисокиот процент на вакцинирани деца во внатрешноста од над 95 проценти, наспроти во Скопје каде околу 50 отсто не се вакцинирани, Младеновска оцени дека родителите во градови во внатрешноста се поодговорни.

Мојот заклучок е дека на тие деца кои се во внатрешноста, родителите им се одговорни и го почитуваат редовниот Календар за имунизација и се редовно вакцинирани. Очигледно е дека проблемот е во градот Скопје. Мислам дека овие епидемии ќе нѐ освестат дека треба да се вакцинираат сите деца, сѐ со цел да не ни се случуваат и да не ги враќаме заразните болести, рече Младеновска.

Таа најави дека ДСЗИ ќе продолжи со инспекциите и во наредниот период.

Ќе мора да ја решиме оваа состојба зашто не е во ред да враќаме заразни болести, веќе сме 21. век, порача Младеновска.

Комисијата за заразни болести вчера препорача децата кои примиле три дози на ДиТеПер вакцината да може да посетуваат градинка, но, под услов да се ревакцинираат за шест месеци.

Како што соопшти денеска министерот за здравство во техничката Влада, Илир Демири денеска се пристигнати вакцините против пертусис и за возрасни.

Од 15 март се очекуваат и вакцини против пертусис за возрасни, предлагаме тестирање за голема кашлица низ цела држава, изјави попладнево Злате Мехмедовиќ, портпарол на Комисијата за заразни

Предност при вакцинацијата ќе имаат возрасните кои живеат со деца под две години, вработените кои се во директен ангажман и се во контакт со децата на оваа возраст и бремените жени кои се во третиот семестар од нивната бременост.

Од 1 до 7 март, пријавени се 50 нови случаи на голема кашлица. Во однос на географската дистрибуција, најголем дел од случаите се пријавени во Скопје. Од новите 50 случаи, пет се хоспитализирани. Станува збор за четири деца на возраст под една година и едно од возрасната група од една до четири години. Заклучно со 7 март, во Република Македонија се регистрирани вкупно 173 случаи на голема кашлица, со инциденца од 9,4/100 000 жители. По однос на место на живеење, најголем број лица живеат во Скопје - 151 или 87,3 отсто во дванаесет различни општини, според податоците на последниот извештај од Институтот за јавно здравје (ИЈЗ).

The post ДСЗИ: Од 18 март во градинка деца со три дози вакцини против пертусис appeared first on Република.

Д-р Нико Беќаровски од Клиниката за токсикологија детално ја објасни целата ситуација со вакцинацијата против ДиТеПер.

Според него, наједноставен пример е првата доза ако е примена во септември 2023 година, втора доза во ноември 2023 и трета доза во јануари 2024.

Од утре ќе може да го однесете детето во градинка, бидејќи ќе има привремен солиден имунитет, но ќе мора во јули да прими ревакцина.

Сите кои ги примиле првите три дози пред октомври 2023 ќе мора да примат ревакцина, за да обезбедат солиден имунитет и не може без ревакцината да одат во градинките.

Сите кои ги немаат примено трите дози, ќе мора да ги примат трите дози во растојание од 2 месеци, за да може да тргнат во градинка, објаснува докторот.

Деца кои се вакцинирани со трета доза ДиТеПер во последните шест месеци може да одат во градинка, реши Комисијата за заразни болести. Задолжително е во следните шест месеци да се изврши и ревакцината, соопшти вчера претседателот на Комисијата проф. д-р Александар Петличковски.

Заклучно со 7 март во Македонија се регистрирани вкупно 173 случаи на голема кашлица, најмногу од Скопје – 151.

Заболените лица се на возраст 1 месец до 70 години. Најголем број заболени се деца на возраст до 4 години, односно 27 случаи припаѓаат на возрасната група под 1 година, а 22 се деца на возраст од 1 до 4 години, а во возрасната група 10-14 години се пријавени 43 случаи, според извештајот на Институтот за јавно здравје кој се објавува секој петок.

The post Д-р Беќаровски со детално објаснување што значи примени три дози ДиТеПер вакцини во последните шест месеци appeared first on Република.

Деца кои се вакцинирани со трета доза ДиТеПер во последните шест месеци може да одат во градинка, реши Комисијата за заразни болести. Задолжително е во следните шест месеци да се изврши и ревакцината, соопшти денеска претседателот на Комисијата проф. д-р Александар Петличковски.

Д-р Петличковски рече дека не може да каже кога Министерството ќе достави известување до градинките, но може да се очекува тоа да биде денеска или во следните денови.

На седницата на Комисијата за заразни болести ја имавме како гостин проф. д-р Александра Грозданова од Комитетот за имунизација, со цел да ги дообјасниме препораките кои беа дадени. Дообјаснувањето се однесува на деца кои примиле серија вакцинална од три дози, ја завршиле примоимунизацијата во последните шест месеци и сега им следи ревакцина која во стандардниот календар беше препорачано да се прима на една година, сега го кратиме тој период на шест месеци, но овие деца кои ја завршиле примовакциналната серија во последните шест месеци треба да им биде дозволено да влезат во градинка, со напомена дека оваа ревакцина редовно треба да ја примат во следниот период односно после шест месеци најрано од примањето на третата доза“, рече д-р Петличковски.

Петличковски истакна дека состојбата не е добра, не е стабилна, а во оваа состојба сме се довеле заради многу години наназад неодговорно однесување на многу граѓани.

Оној податок од 50 проценти вакцинирани деца по градинките е поразителен податок за државата. И тука мора многу да работиме. Имаме разбирање, имаме и научна поткрепа дека овој малку олабавен начин на проценка на имунитетот со трите дози помага, но не знам до кога ќе остане затоа што ако состојбата со оглед дека сега сме веќе со бројки над 170 случаи во Скопје и над 200 во државата и веројатно тој број и понатаму ќе расте, можно е во следниве недели да излеземе со построги епидемиолошки мерки. Се зависи од развојот на ситуацијата. Тоа е главниот заклучок на денешниот состанок“, посочи д-р Петличковски.

Проф. д-р Грозданова изјави дека од медицински и имунолошки здравствен аспект процениле дека детето вакцинирано со три дози во последните шест месеци, завршена примоимунизација ќе биде оптимално заштитено со цел да може да продолжи да посетува градинка, да се социјализира со напомена дека ревакцината мора да биде примена во следните шест месеци.

Имунолошкиот аспект од аспект на заштита на детето ќе биде целосен доколку се задоволени и двата услови. Во шесте месеци да бидат примени тие три дози од примо имунизацијата, но задолжително да се прими ревакцината, којашто временскиот период го скративме, наместо од последната доза на вакцина една година, го скратуваме на шест месеци. Тоа се препораките до родителите. Да го сфатат овој апел со цел нормално да соработуваме, но, приоритет е здравствената заштита на децата. Се' уште епидемиолошката состојба е далеку од добра и се зголемува. Имаме во градинките, имаме во училиштата, во ризик ќе бидат и возрасните. Апелираме до родителите најитно да се упатат во вакциналните тимови и овој редослед на вакцини го остварат“, потенцираше д-р Грозданова.

Од Комисијата за заразни болести ќе апелираат до градинките да вршат поинтензивна проверката на вакциналните картони и притоа да биде вклучена и проверката за МРП вакцината за да не ни се случат две епидемии истовремено. Според д-р Грозданова, децата можат во ист ден да примат и ДиТеПер и МРП вакцина.

Комитетот за имунизација до вакциналните тимови и официјално испрати препорака детето кои прима вакцина ДиТеПер на 18 месеци, заедно да се прими и МРП вакцина. И веќе тоа се прави во вакциналните пунктови. Треба да им се објасни на родителите дека не постои проблем двете вакцини да се примат во ист ден, рече Грозданова.

Петличковски нагласи дека вакцинацијата може да се одложи поради болест, кај многу деца календарот е изместен поради коронавирусот, но потврди за привремена спреченост не постојат ниту, пак, некој ги издава. Постојат само потврди за трајна спреченост за вакцинација во одредени случаи и ги повика родителите да ги вакцинираат децата оти во ризик може да бидат доведени и возрасните.

Во град Скопје е прогласена епидемиија на голема кашлица.

Според календарот за имунизација, вакцината против голема кашлица се прима во три дози – на двомесечна, тримесечна и на шестмесечна возраст. Ревакцината треба да се прими на 18-месечна возраст односно една година по последната од трите дози на вакцината. На четири години се прима втората ревакцина за ДиТеПер.

Заклучно со 7 март во Македонија се регистрирани вкупно 173 случаи на голема кашлица, најмногу од Скопје – 151.

Заболените лица се на возраст 1 месец до 70 години. Најголем број заболени се деца на возраст до 4 години, односно 27 случаи припаѓаат на возрасната група под 1 година, а 22 се деца на возраст од 1 до 4 години, а во возрасната група 10-14 години се пријавени 43 случаи, според извештајот на Институтот за јавно здравје кој се објавува секој петок.

The post Деца кои се вакцинирани со трета доза ДиТеПер во последните шест месеци може да одат во градинка, реши Комисијата за заразни болести appeared first on Република.

Комисијата за заразни болести утре ќе ги решава дилемите кое дете се смета за вакцинирано, а кое некомплетно имунизирано. Ова следи откако голем број родители реагираа бидејќи нивните деца со наполнети 18 месеци и со 3 примени дози ДиТеПер биле вратени од градинка зошто поради болест ја пролонгирале ревакцинацијата, а истата во книшката им била закажана во мај.

Според министерот за здравство за вакцинирано дете се смета она кое има примено 3 дози од примо вакцинацијата. Но, Демири најави дека утре по состанокот на Комисијата ќе излезат со унифициран и официјален став.

Вакцина подразбира ако детето има примено три дози и се смета за вакцинирано, а некомплетно вакцинирано е ако примило втора и не примило трета доза. Дали е ревакцинирано тоа е друго прашање, изјави Демири.

Но, од друга страна членовите на Комисијата водејќи се според насоките од програмата за задолжителна иминизација од 2023 година се категорични дека децата кое посетуваат градинка, а се постари од 18 месеци треба да имаат примено и прва ревакцина ДиТеПер за да бидат целосно вакцинирани согласно возраста. Ова го бараат и надлежните во градинките и инспекторите од ДСЗИ.

The post Демири: За вакцинирано се смета дете со примени 3 дози Ди-Те-Пер appeared first on Република.

Од состанокот на Комисијата за заразни болести утре треба да биде појасно за родителите и за вработените во градинките во Скопје дали забраната за прием на невакцинирани деца со ДиТеПер важи за тие што не се вакцинирани или и за тие што не ја примиле ревакцината.

Поради забуната во јавноста и различното толкување на „целосно неимунизирани“ не е јасно дали се работи за вакцина, која се прима во три дози – на двомесечна, тримесечна и на шестмесечна возраст, или ја опфаќа и ревакцината, која според календарот за имунизација треба да се прими на 18-месечна возраст односно една година по последната од трите дози на вакцината.

Од понеделникот, кога поради прогласената епидемија на голема кашлица (пертусис) во Скопје стапи во сила забраната за прием на целосно невакцинирани деца, родители се соочуваат со проблем да ги остават своите деца во градинка иако ја примиле вакцината, но не и ревакцината. Некои ги носат децата на предвремена ревакцинација, во некои пунктови одбиваат да ги ревакцинираат пред возраста утврдена со календарот. Има случаи и кога од здравствени или од други причини детето не може да ја прими ревакцината на една и пол година и таа е одложена за подоцна.

Министерот за здравство Илир Демири денеска на прес-конференција рече дека за вакцинирано се смета детето што ги примило трите дози од вакцината и очекува дека Комисијата по утрешниот состанок ќе го прецизира толкувањето на одлуката. Нагласи дека најважно е јавноста да биде сензибилизирана за важноста од вакцинацијата бидејќи, рече, во Скопје е подигнато портокалово знаме на опасност.

-Вакцина подразбира ако детето има примено три дози и се смета за вакцинирано, а некомплетно вакцинирано е ако примило втора и не примило трета доза. Дали е ревакцинирано тоа е друго прашање... Се спроведува во вториот, четвртиот и шестиот месец и ако е завршена вакцинацијата значи тука се работи за пациент кој е вакциниран... тогаш не гледам зошто да биде попречен да присуствува. Потоа следува ревакцинација на 18 месеци и на седумгодишна возраст. Значи, забраната треба да важи за пациенти кои не се вакцинирани. Но, фокусот треба да биде кон сензибилизација зашто сега сме пред епидемија што може да порасне, рече Демири.

Додаде дека на утрешниот состанок надлежната Комисија ќе даде коментар на донесената одлука кој, рече, ќе го почитуваат сите граѓани и тој како министер.

Овие формалности на толкување на забраната ќе се решат утре по состанокот на Комисијата. Ова првпат се случува и затоа сакам да бидам концизен и да не излегуваме со различни ставови. Ќе има унифициран официјален став како треба да се постапува, рече министерот Демири кој не смета дека е направен хаос во градинките, туку поголем хаос е, рече, ако децата не се вакцинираат.

The post Комисијата за заразни болести утре треба да ја појасни одлуката за забрана за прием на деца во градинките appeared first on Република.

Во детската градинка „Брешија“ во Дебар нема невакцинирани дечиња со ДиТеПер, потврди за медиумите директорката Ајрие Дачи.

Според неа, во оваа установа, во која се згрижени 330 деца, до сега нема заразено дете со голема кашлица, но состојбата внимателно се следи и редовно се вршат контроли.

Во службата за вакцинација при Општата болница со проширена дејност имунизацијата се реализира тековно, што, како што потврдуваат одговорните, е резултат на фактот дека родителите редовно ги носат децата, според картонот за вакцинација.

Во текот на минатата година, процентот на опфатеност со имунизација на децата во општините Дебар и Центар Жупа, кои со својата активност ги покрива дебарската болница, изнесува 95 отсто, што е намалување за 2 отсто споредено со претходната година. Тоа како последица на преселбата на семејството во друг град во државава или во странство.

The post Во дебарската градинка нема невакцинирани деца со ДиТеПер, а нема ни заразени appeared first on Република.

Во Скопје скоро 50 отсто од децата кои посетуваат градинки се невакцинирани или се нецелосно вакцинирани против голема кашлица, односно не ја примиле вакцината ДиТеПер. Според првичните информации во другите градови во државата има покриеност со имунизација на ДиТеПер во предучилишна возраст во скоро над 95 отсто, кажа денеска директорката на Државниот санитарен и здравствен инспекторат (ДСЗИ) Рената Младеновска.

Во другите градови, во внатрешноста на државата родителите се одговорни и ја почитуваат обврската да го вакцинираат детето согласно календарот за имунизација. Очигледно е дека проблемот е тука, во градот Скопје, изјави Младеновска.

Младеновска информираше дека од вчера инспекторите на ДСЗИ се на теран за да извршат вонреден инспекциски надзор согласно одлуката што ја добиле од страна на министерот за здравство.

На приватните градинки уште вчера им се доставени решенијата и тие се контролираат исто како и државните.

Издадовме решенија во сите градинки на територија на град Скопје со забрана за прием на невакцинирани или нецелосно вакцинирани деца со ДиТеПер согласно одлуката од министерот. Првичните информации од терен се дека скоро 50 проценти од децата кои посетуваат градинки на територија на град Скопје се невакцинирани со ДиТеПер или се нецелосно вакцинирани и лично сметам дека е поразителн факт за ова општество. Вчера исто така одговорните лица на градинките ни ги доставија списоците со невакцинирани деца и од таму се и бројките. Сметам дека оваа акција треба да продолжи, продолжува и денеска и во следните денови. Директорите на детските градинки ни дадоа уверување дека ќе ја почитуваат мерката, а дали ќе биде така ќе провериме денеска и во следните денови, изјави Младеновска.

Од вчера, 11 март градинките во Скопје не смееја да примаат деца на згрижување кои не се имунизирани со вакцината ДиТеПер или се нецелосно имунизирани со оваа вакцина против голема кашлица.

Вакцинацијата против голема кашлица во земјава се спроведува со комбинирани вакцини: Hexaxim (DTaP-IPV-Hib-HepB), Pentaxim (DTaP-IPV-Hib) и Tetraxim (DTaP-IPV).

Според Календарот за имунизација, првата доза на вакцина се дава на деца на возраст со навршени два месеца, втората доза на возраст од четири месеци и третата доза на возраст од шест месеци. Првата ревакцинација се врши една година по комплетирањето на примарна вакцинација, на 18-месечна возраст. Втората ревакцина се дава во второ одделение, односно на 7-годишна возраст.

Првиот случај на голема кашлица беше пријавен на 5 јануари, а Центарот за јавно здравје Скопје на 8 февруари прогласи епидемија на ниво на Град Скопје, по препорака на Комисијата за заразни болести.

На 8 март ДСЗИ ја доби Одлуката од Министерот за здравство врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи кои не се имунизирани со ДиТеПер или се нецелосно имунизирани со ДиТеПер.

На новинарско прашање дали вакцинирано дете треба да седи дома 21 ден или веднаш по имунизацијата да се врати во градинка, директорката на ДСЗИ рече дека од нивна страна таква мерка не е пропишана.

Ниту ДСЗИ, ниту Комисијата за заразни болести, ниту министерот за здраввство издала таква мерка. Апсолутно е неточно дека треба да се седи дома 21 ден по примена вакцина, рече Младеновска.

Според Младеновска, ДСЗИ постапува исклучиво по донесената препорака на Комисијата за заразни болести, односно одлуката на Министерот за здравство. Родители реагираат дека иако детето ја примило првата доза од вакцината, втората им била закажана за во мај, утринава им било кажано дека нема да биде примено во градинка.

Нема да правиме исклучок бидејќи ние сме само извршители во оваа ситуација. Ако Комисијата донесе друга препорака и министерот така ни наложи, така ќе постапиме. Се до овој момент ќе постапуваме како и досега, кажа Младеновска.

Од денеска се проверуваат и вакциналните картони. На прашањето кога се очекуваат првични резултати дали се примале и невакцинирани деца во градинките овие деновии Младеновска кажа:

Јас утринава ги добив првичните податоци. Се надевам дека во текот на оваа недела ќе имам информации за подетално да кажам дали се примаат невакцинирани деца и доколку се примаат ДСЗИ има можност да постапи по непочитување на решение и да изрече глоба и за правното и за одговорното лице во правното лице.

Како што беше и со епидемијата на морбили, подеднакво исто постапувме, рече Младеновска, одговарајќи на прашањето што ќе биде со оние деца кои поради оправдани здравствени состојби  не се имунизирраат. За нив е валиден картонот кој е потпишан од специјалистичко-конзилијарно мислење од Детска клиника.

https://republika.mk/zivot/zdravje/od-11-mart-gradinkite-nema-da-primaat-detsa-koi-ne-se-tselosno-vaktsinirani-so-diteper/

The post Во другите градови над 95 отсто од децата кои одат во градинки се вакцинирани против голема кашлица, а во Скопје половина од децата не се имунизирани што е поразително, рече директорката на ДСЗИ Младеновска appeared first on Република.

Децата кои не делумно или воопшто не се вакцинирани против пертусис, односно голема кашлица нема да се примаат во сите градинки во државата, а ќе има и засилени инспекции, најави денеска министерот за здравство Илир Демири, кој присустуваше на одбележување на Светскиот ден на глауком кој го организираше Клиниката за очни болести.

Мислам дека веќе пред две недели го организиравме ова. Оваа е трета недела како сум министер за здравство. Имајте го тоа предвид. Откако дојдов, веднаш пристапив кон тоа. Не само на територија на Скопје, каде што е прогласена епидемија, туку на државно ниво ќе има засилени инспекциски прегледи и ќе барам по секој начин да се вакцинираат оние, кои се невакцинирани. Да и во останатите градови ќе се враќаат од градинка, децата кои не се вакцинирани. Има потпишано таква наредба, одговори тој на новинарско прашање дали се задоцнети мерките, вонредните инспекциски надзори на ДСЗИ во градинките, да не се примаат деца делмно или целосно невакцинирани, изјави Демири.

Демири апелираше да се зголеми свесноста и значењето на тоа што значи вакцинација.

Со оглед на тоа што од денеска ДСЗИ ќе издава решение за забрана на деца во градинка, тој беше прашан дали има податоци колку решенија се издадени досега, на што, Демири одговори оти нема податок.

Во Македонија до 7 март се регистрирани 173 болни од голема кашлица, од кои 151 во Скопје.

Центарот за јавно здравје Скопје на 8 февруари прогласи епидемија на ниво на Град Скопје, по препорака на Комисијата за заразни болести.

Државниот санитарен и здравствен инспекторат во петокот, на 8 март соопшти дека од денеска (11 март) ќе биде забранет прием во градинките на деца кои не се вакцинирани или се нецелосно вакцинирани со ДиТеПер вакцината.

The post Демири: Децата кои не се вакцинирани нема да се примаат во градинки во целата држава, ќе има засилени инспекции appeared first on Република.

Од денеска Државниот санитарен и здравствен инспекторат (ДСЗИ) ќе почне со вонредни инспекциски надзори и издавање решенија за забрана на прием на деца во градинките кои не се целосно имунизирани со вакцината ДТП против голема кашлица.

Ова во петокот го најавија од ДСЗИ откако ја добиле одлуката од министерот за здравство Илир Демири, врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи, кои не се имунизирани, или се нецелосно имунизирани со ДТП.

Вонредните инспекциски надзори ќе започнат во понеделник, 11 март, со издавање решение за забрана на прием на деца, кои не се имунизирани или се нецелосно имунизирани со ДТП, како и други наложени епидемиски мерки, појаснуваат од ДСЗИ.

Исто така, додаваат оттаму, ќе се задолжат одговорните лица во предучилишните установи да изготват список на сите невакцинирани деца со ДТП.

Да не се примаат деца со други инфективни заболувања, како и за секое зголемено отсуство да биде известен Центарот за јавно здравје - Скопје, истакнуваат од Инспекторатот.

The post Невакцинирани деца со ДиТеПер од денеска нема да се примаат во градинките во Скопје appeared first on Република.

Од понеделник, 11 март градинките во Скопје нема да примаат деца на згрижување кои не се имунизирани со вакцината ДиТеПер или се нецелосно имунизирани со оваа вакцина против голема кашлица, соопшти денеска Државниот санитарен и здравствен инспекторат (ДСЗИ).

Вакцинацијата против голема кашлица во земјава се спроведува со комбинирани вакцини: Hexaxim (DTaP-IPV-Hib-HepB), Pentaxim (DTaP-IPV-Hib) и Tetraxim (DTaP-IPV).

Според Календарот за имунизација, првата доза на вакцина се дава на деца на возраст со навршени два месеца, втората доза на возраст од четири месеци и третата доза на возраст од шест месеци. Првата ревакцинација се врши една година по комплетирањето на примарна вакцинација, на 18-месечна возраст. Втората ревакцина се дава во второ одделение, односно на 7-годишна возраст.

Првиот случај на голема кашлица беше пријавен на 5 јануари, а Центарот за јавно здравје Скопје на 8 февруари прогласи епидемија на ниво на Град Скопје, по препорака на Комисијата за заразни болести.

На 8 март ДСЗИ ја доби Одлуката од Министерот за здравство врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи кои не се имунизирани со ДТП или се нецелосно имунизирани со ДТП.

Вонредните инспекциски надзори ќе започнат во понеделник на 11 март со издавање на Решение за забрана на прием на деца кои не се имунизирани со ДТП или се нецелосно имунизирани со ДТП, и други наложени епидемиски мерки, се вели во соопштението на ДСЗИ.

Оттаму додаваат дека ќе се задолжат одговорните лица во предучилишните установи да изготват список на сите невакцинирани деца со ДТП.

Да не се примаат деца со други инфективни заболувања, како и за секое зголемено отсуство да биде известен Центарот за јавно здравје Скопје, се вели во соопшетние на ДСЗИ.

Според податоците од Институтот за јавно здравје, до 29 февруари беа регистрирани 123 случаи на голема кашлица во цела Македонија, од кои 109 се во Скопје.

Од 18 јануари до 29 февруари аплицирани се 22. 395 дози вакцини.

https://republika.mk/zivot/zdravje/ministerstvoto-za-zdravstvo-gi-prifati-preporakite-od-komisijata-za-zarazni-bolesti-za-golema-kashlitsa-no-ne-kazha-deka-nema-da-se-primaat-nevaktsiniranii-detsa-vo-gradinkite/

The post Од 11 март градинките нема да примаат деца кои не се целосно вакцинирани со ДиТеПер appeared first on Република.

Министерот за здравство Илир Демири информира дека по прогласувањето на епидемија на голема кашлица во градот Скопје досега се вакцинирани повеќе од 22 илјади лица.

Како што информираат од Министерството за здравство, во гостувањето во емисијата „10 минути“ на ТВ21 Демири посочил дека вакциналните пунктови работат во две смени со цел да им биде полесно на родителите да ги имуницираат своите деца, гарантирајќи дека вакцините немаат никаква врска со аутизмот.

Во однос на функционирањето на здравствениот систем, министерот Демири рече дека има потреба од регионализација.

Тој изјави дека доколку му е дадена можноста да продолжи да ја извршува позицијата министер за здравство по изборите ќе се труди да се формираат регионални центри во Битола, Штип, Куманово и Тетово.

Со ова, вели, пациентите ќе добиваат здравствена услуга најблиску до местото на живеење. Како пример за регионален центар ја посочи Клиничката болница Тетово каде што работел на оваа идеја пред да стане министер.

The post Од прогласувањето на епидемија на голема кашлица во Скопје досега се вакцинирале повеќе од 22 илјади лица appeared first on Република.

Порастот на заболените деца од голема кашлица и апелите на лекарите поттикнаа многу родители кои беа сомничави кон вакцинацијата да навалат во вакциналните пунктови за да ги имунизираат нивните деца. Препораката на Комисијата за заразни болести во градинките да не се примаат невакцинирани деца исто така одигра улога.

Според податоците, тројно е зголемен интересот за вакцинација со ДТПР на вакциналните пунктови. Дел од родителите беа на редовна вакцинација на своите деца, но најголемиот број се деца од 2 до 6 години за пропуштена ревакцинација, која според вакциналниот календар задолжително се прима на 18 месеци.

Поради турбуленциите во техничката влада сѐ уште нема одлука за прогласување на епидемија во Скопје и забрана за невакцинираните да одат во градинките. Досега се потврдени 26 случаи на заразени со пертусис од кои најголем број се во Скопје, Куманово и Гостивар.

The post Тројно зголемена вакцинацијата на деца против голема кашлица appeared first on Република.

Зголемен е интересот за вакцинирање по зголемениот број случаи со голема кашлица, а најавено е и двосменско работење и работа в сабота, информираа денеска во Вакциналниот пункт „Букурешт“ во Скопје.

Оттаму наведуваат дека по зголемениот број случаи со голема кашлица, од утрово зголемен е бројот на пациенти. Пред сѐ, пациенти - дечиња поголеми од три години, кои ги пропуштиле дозите од редовна вакцина, според календарот за вакцинација.

Од утрово до 11 часот имавме околу 60 дечиња вакцинирано. Ако вообичаено бројките на дневно ниво ни се меѓу 20 и 30, денеска и тоа засега, бројката ни е двојно поголема. Тука е нели стравот на родителите, но и мерката за забрана во градинките за невакцинираните, изјави Сања Цилевска Младеновска, доктор педијатар.

Доктор Бети Гелејчевска Илковска појасни дека пред да ги вакцинираат децата, родителите најчесто прашуваат зошто да се примаат вакцините во толку рана возраст, кој е производителот на вакцините, кои се несаканите реакции од примената вакцина.

Силвана Миркоска, главна сестра, информираше дека штотуку ги добиле насоките од Министерството за здравство, започнување со работа во две смени и работа во сабота.

The post Интересирањето за вакцинирање се зголеми откако се најави дека нема да се примаат деца во градинки кои не се имунизирани appeared first on Република.