Владата континуирано внимава да не ги прекрши законите во однос на смената на директори на институциите за да нема тужби со кои ќе биде оштетен државниот буџет, а со тоа и граѓаните, рече денеска премиерот Христијан Мицкоски одговарајќи на новинарско прашање за тоа кога ќе бидат назначени останатите директори.

Процесот на транзиција, според него, е тековен и ќе трае се додека Владата постои без разлика дали ВМРО - ДПМНЕ и оваа коалиција ја предводи или некој друг.

Внимаваме во законските решенија да нема прекршувања, за да може овој процес да заврши со што е можно помалку лузни. Да имаме процес во кој нема да биде оштетен буџетот, а преку буџетот вие граѓаните. Ако во минатото се правеше чистка при промена на власт, спротивно на закон, беше леле видете ги овие колку се лоши прават чиста, партизација итн. Сега одиме полека вниманавме да не прекршиме закон, затоа што тие ќе тужат па ќе добијат, па вие граѓаните ќе треба да плаќате затоа сме толку бавни, нагласи Мицкоски по пуштањето во употреба на доградба на градинката „Гоце Делчев“ во општина Илинден.

Како пример го посочи разместувањето на вработени во МВР за што сега државата плаќа 25 милиони евра.

Тужеле, добиле и не само што ги враќаат на старите работни места, туку и вие граѓаните од данокот што го плаќате враќате затоа што некој партиски се реванширал и манифестира хирови. Замислете тој нема кривична одогворност, тој слободно си се шета. додека вие граѓаните плаќаме за неговоите хирови, посочи Мисковски.

The post Мицкоски: Внимаваме да не ги прекршиме законите при смената на директори на институциите appeared first on Република.

Министерството за здравство информира дека министерот д-р Арбен Таравари изминатите неколку дена именуваше нови в.д. директори во следните јавни здравствени установи:

The post Таравари именуваше нови в.д. директори во неколку јавни здравствени установи appeared first on Република.

По констатираните неправилности од Управата за извршување на санкции во работењето на КПУ Затвор Скопје – Скопје, разрешен е директорот на затворот, Филип Андов. На негово место назначен е Бобан Утковски за в.д. директор на КПД Затвор - Скопје.

Фадил Асани е именува за в.д. заменик на директорот на Агенција за храна и вeтеринарство.

Зоран Крстаноски е именува за директор на Управата за имотно-правни работи.

Илија Стоилев е именуван за в.д. директор на Агенцијата за финансиска поддршка во земјоделството и руралниот развој.

Фадиљ Асани е именуван за в.д. заменик на директорот на Агенцијата за финансиска поддршка во земјоделството и руралниот развој.

Христина Смилевска е именувана за в.д. заменик на директорот на Агенција за стоковни резерви.

Ибрахим Ељези на предлог на директорот на Управата за извршување на санкции е именуван за в.д. заменик на директорот на КПД Идризово со отворено одделение во Велес.

Дејанчо Здравков на предлог на директорот на Управата за извршување на санкции е именуван за в.д. директор на КПУ Затвор Штип.

Ѓорги Хубрев на предлог на директорот на Управата за извршување на санкции е именуван за в.д. заменик на директорот на КПУ Затвор Штип.

Емил Јанески на предлог на директорот на Управата за извршување на санкции е именуван за в.д. директор на КПД Прилеп.

Диме Наумчески на предлог на директорот на Управата за извршување на санкции е именуван за в.д. заменик на директорот на КПД Прилеп.

Ардит Мустафаи на предлог на директорот на Управата за извршување на санкции е именуван за в.д. директор на КПД од отворен вид Струга.

Александар Мојсов на предлог на директорот на Управата за извршување на санкции е именуван за в.д. заменик на директорот на КПД од отворен вид Струга.

Александар Јовковски на предлог на директорот на Управата за извршување на санкции е именуван за в.д. директор на КПД Затвор Битола.

Слаѓана Стаменковска на предлог на директорот на Управата за извршување на санкции е именувана за в.д. директор на КПД Затвор Гевгелија.

Оливер Цветковски на предлог на директорот на Управата за извршување на санкции е именувана за в.д. директор на КПУ Затвор Куманово со отворено одделение во Крива Паланка.

Хамид Алитовиќ на предлог на директорот на Управата за извршување на санкции е именуван за в.д. заменик на директорот на КПУ Затвор Куманово со отворено одделение во Крива Паланка.

Климент Софковски на предлог на директорот на Управата за извршување на санкции е именуван за в.д. директор на КПД Затвор Охрид.

Мите Костески на предлог на директорот на Управата за извршување на санкции е именуван за в.д. заменик на директорот на КПД Затвор Охрид.

Зоран Ристов на предлог на директорот на Управата за извршување на санкции е именуван за в.д. директор на КПД Затвор Струмица.

Игор Додевски е именуван за в.д. заменик на директорот на Казнено поправна установа Затвор Тетово.

Бране Стојчески на предлог на директорот на Управата за извршување на санкции е именуван за в.д. директор на ВПУ Воспитно - поправен дом Тетово.

The post Владата на седница именуваше повеќе директори: Бобан Утковски назначен за в.д. директор на КПД Затвор – Скопје appeared first on Република.

Именувани се нови директори на Јавна здравствена установа – Универзитетска клиника за нефрологија, Јавна здравствена установа Универзитетска Клиника за психијатрија – Скопје и ЈЗУ Универзитетска клиника за дигестивна хирургија – Скопје.

На место на досегашните први лица на овие установи, поставени се Д-р Никола Ѓорѓиевски специјалист по Нефрологија, Славица Арсова субспецијалист по психотерапија и д-р Огнен Костовски, општ и дигестивен хирург.

Доцентот Д-р Никола Ѓорѓиевски дипломирал на Медицинскиот Факултет во Скопје при Универзитетот „Св. Кирил и Методиј во 2008 година како прв дипломиран студент на генерација. Од март 2014 година е вработен во ЈЗУ Универзитетска Клиника за Нефрологија, при што во 2016 година е избран за асистент на катедрата по интерна медицина на Медицинскиот факултет при Универзитетот „Св. Кирил и Методиј“ Скопје, а од 2024 гоидна е избран во звање наслов доцент.

Во октомври 2019 го полага специјалистичкиот испит и се стекнува со називот специјалист по Нефрологија.

Од март 2020 година е назначен за национален координатор од Македонија при европскиот регистар на болните со бубрежна заместителна терапија на ERA-EDTA (European Renal Association-European Dialysis and Transplantation Association).

Д-р Никола Ѓорѓиевски е автор и ко-автор на 12 трудови објавени во медицински списанија со IF (фактор на влијание) и 25 трудови објавени во меѓународни и домашни медицински списанија.

Професор Д-р Славица Арсова дипломирала на медицинскиот факултет во Скопје во 1991 година. Во 1998 година се стекнува со звање специјалист по психијатрија на медицинскиот факултет Скопје, а подоцна и субспецијалист по психотерапија.

Веднаш по дипломирање работи во различни здравствени институции, а од 2002 вработена во ЈЗУ УК за Психијатрија Скопје, каде активно ја обавува работа раководител центар за ментално здравје.

Стручното усовршување го надополнува го развива и надвор од државата во повеќе европски земји. Од 2005 година се стекнува со звање магистер по Психијатрија, 2012 докторира, а актуелно е редовен професор и раковител на катедрата по Психијтрија на медицинскиот факултет при УКИМ Скопје.

Проф. д-р Огнен Костовски, дипломирал на Медицинскиот факултет, Универзитет Св. Кирил и Методиј – Скопје, во 2010 го положил специјалистички испит по општа хирургија, а во 2021 и супспецијалистичкиот испит по дигестивна хирургија.

Од 2008 година е вработен во Универзитетска Клиника за дигестивна хирургија, Клинички центар Мајка Тереза- Скопје. Во 2023 година се стекнал со звањето вонреден професор на Катедрата по општа хирургија.

Проф. д-р Огнен Костовски има 15 годишно работно искуство и е дел од рецензентски комисии за избор на лица во наставно-научно звање. Има објавено вкупно 36 научни трудови од областа хирургија, од кои 24 научни труда во научнo списаниe со импакт-фактор (фактор на влијание), 12 труда во научни списанија со меѓународен уредувачки одбор и 10 труда во зборници од научни собири.

The post Нови именувања на директори на клиники: Ѓорѓиевски на Нефрологија, Арсова во Клиника за психијатрија и Костовски на Дигестивна хирургија appeared first on Република.

Уште две здравствени установи добија нови директори.

На местото на досегашниот директор Христијан Костов на Градската општа болница „8-ми Септември“ доаѓа доктор Синиша Стојаноски.

Стојаноски е Доцент на Институтот за Патолошка физиологија и Нуклеарна медицина, а во моментот е пратеник во Собранието.

Со институтот за јавно здравје ќе раководи Марија Андоновска. Андоновска по професија е дипломиран стоматолог.

Работи на Уни­вер­зи­тет­ски­от сто­ма­то­ло­шки кли­нич­ки цен­тар во Скопје и е асистент на Катедрата за болести за забите и ендодонтот.

Андоновска била пратеничка во македонскиот парламент, а во моментот е советник во Советот на Град Скопје.

Се очекува следната недела директорските промени да продолжат и во другите здравствени установи.

The post Уште две здравствени установи добија нови директори appeared first on Република.

Владата денеска на седница донесе повеќе одлуки, меѓу кои одлуката за укинување на економските директори на Клиниките, но и за именување на раководни кадри на пет државни институции. На позицијата вд директор на Дирекцијата за Технолошки индустриски развојни зони е назначен Гоце Димовски, а за нов вд директор на Управата за извршување на санкции е назначен Александар Пандов.

За вд директор на Фондот за здравствено осигурување, Владата го назначи Сашо Клековски, а за вд директор на Агенцијата за храна и ветеринарство е назначен Оливер Миланов. Владата му препорача на Управниот одбор на ЈП за стопанисување со државни шуми „Национални шуми“ да го избере Здравко Трајанов на вд директор на „Национални шуми“.

Како што соопштија од Владата, Димовски е доктор на науки, докторирал на тема „Улогата на странските директни инвестиции на перформансите на малите и средни претпријатија во Република Македонија”. Тој има долгогодишно работно искуство во институции и компании како што се ОБСЕ-ОДИХР, Министерство за транспорт и врски, Национален Парк „Маврово”, Совет за јавните набавки на Македонија, Јавно сообраќајно претпријатие – Скопје, Пелагонија АД Гостивар, Министерство за финансии – Проект за подобрување на општинските услуги (МСИП и МСИП2) финансиран од Светска Банка,  ЦРППР - Проект за стратешко планирање, истражување, развој на студии и креирање на пакет проекти за регионален развој на Полошкиот регион (iCARE) и Совет на Општина Гостивар.

Димовски исто така има искуство во имплементација на инвестициски проекти финансирани од различни меѓународни финансиски институции како што се Светска Банка, Европската инвестициона банка, Банката за развој при Советот на Европа, Европската банка за реконструкција и развој и Германската развојна банка КфВ.

Пандов е дипломиран историчар на Институтот по историја на Универзитетот Св. Кирил и Методиј. Бил пратеник во македонското собрание од 1998 до 2002 година. Пандов има работно искуство во приватниот сектор.

Клековски завршил Медицински факултет на Универзитетот Св. Кирил и Методиј во Скопје и МБА академска програма на УАЦС. Тој има триесет годишно искуство како менаџер, аналитичар, консултант во јавниот, граѓанскиот и приватниот сектор. Основач е и член на органи на повеќе граѓански организации, а соработувал со голем број на граѓански организации, мрежи и платформи од различни подрачја. Прв ко-претседател на Заедничкиот консултативен комитет на граѓанското општество меѓу Европската Унија и Република Македонија од 2007 година до 2010 година. Предавач на Факултетот за деловна економија и менаџмент на УАЦС на МБА студии по предметот Претприемнички финансии од 2013 до 2016 година. Во јавниот сектор работел на подготовка на повеќе национални стратегии, како на пример првата Стратегија за соработка на Владата со граѓанскиот сектор 2007-2011 година и првата Државна програма за превенција и репресија на корупцијата 2007-2011 година, како и на јакнење на капацитетот на институции, како што се Народен правобранител и Комисијата за спречување и заштита од дискриминација. Во приватниот сектор работел на стратешки анализи, како на пример Индексот за бирократија во 2020 и 2021 година и како консултант на реструктуирање на бизниси.

Оливер Миланов, како што се наведува во владиното соопштение, завршил Стоматолошки факултет на Универзитетот Св. Кирил и Методиј во Скопје. Миланов има работно искуство во делот на безбедност на храна, а доаѓа од позицијата ВД раководител на Секторот за храна од неживотинско потекло во Агенција за храна и ветеринарство.

Учествувал во комисии и работилници од областа на безбедност на храна, а се стекнал со меѓународни сертификати преку учество на обуки во организација на Европската Унија.

Здравко Трајанов е редовен професор на Шумарски факултет во Скопје, на областа Искористување на шумите, Механизација во шумарството и Други, по предметите Шумски транспорт, Отворање на шумите, Вовед во градежништво, Парковски инфраструктурни објекти, Влијание на активностите врз животната средина, Феријална пракса. Трајанов во 2001 година бил член на бордот на директори на ШИК Плачковица – Радовиш (претставник на државниот капитал). Во 2006 година бил надворешен советник во ЈП Македонски шуми, а бил и учесник во работната група за трансформација на ЈП Македонски шуми во 2013 година. Трајанов бил советник во Советот на Општина Радовиш, како и пратеник во Парламентот од 2020 до 2024 година. Тој има посетувано бројни обуки и има објавено голем број на научни и истражувачки трудови во областа на шумарството.

The post Владата именува нови директори на неколку државни институции appeared first on Република.

Во Основниот суд во Струга денеска почна главната расправа против струшкиот градоначалник Рамиз Мерко за незаконско назначување директори во основните училишта, во селата Подгорци, Лабуништа, Велешта и „Браќа Миладиновци“ во Струга.

Трите предмети за незаконско поставување директори, каде е инволвиран само Мерко, судијата Јордан Јованов ги спои во еден, додека за училиштето во Велешта ќе се води одвоен предмет, каде покрај злоупотреба на службена должност направено е и кривично дело фалсификување, и обвинети се четири лица. Рочиштето за предметот во Велешта беше одложено.

Моментално за училиштето во Велешта се води одвоен предмет затоа што таму се четворица обвинети, а за другите три училишта се води споен предмет. Три постапки во еден предмет. Покрај кривично дело несовесно работење во службата во Велешта, дел од обвинетите се гонат и за кривично дело фалсификување исправа. Значи во тој предмет се две кривични дела, изјави Јованов.

Мерко пак, рече дека не чуствува вина за делата, кои го товари Јавното обвинителство. За незаконското поставување директори, тој истакна дека разбира за што е обвинет, но не се чуствувал виновен за кривичните дела, бидејќи, како што рече, направил континуитет во работата на основните училишта.

Ние имаме докази и ќе докажеме дека тој сторил кривични дела за кои се терети. Судот ќе одлучи колку ќе го осуди, ќе видиме во текот на постапката. Ако не се согласиме со пресудата што ќе ја донесе судот ќе поднесеме жалба до Апелациониот суд во Битола, рече јавниот обвинител Џемал Лога.

Адем Ајдароски, кој три мандати како в.д. директор раководел со основното училиште „Гоце Делчев“ во селото Подгорци даде исказ во својство на сведок. Тој кажа дека си поднел оставка поради лични причини, но и на барање на Антикорупциска комисија. Ајдароски не исполнувал услови за директор во училиштето, бидејќи немал пет годишно работно искуство и како дипломиран економист не бил од редот на вработените.

Државниот просветен инспекторат извршил надзор во училиштето во Подгорци и му кажал на директорот дека незаконски е именуван, но не повел постапка.

Судскиот процес против Мерко за четирите предмети ќе продолжи на 5 јули.

The post Почна судењето против Мерко за незаконско назначување директори во училиштата, тој не се чувствува виновен appeared first on Република.

Во Министерството за надворешни работи, вчера, петти пат по ред, Политичките директори на учесниците на Процесот за соработка во Југоисточна Европа (ПСЈИЕ),одржаа состанок, во присуство на претставници на Регионалниот совет за соработка (RCC) и на Европската Унија.

Во фокусот на средбата беа подготовките за состанокот на Министрите за надворешни работи, што ќе се одржи во Скопје на 13 јуни, и во овој контекст, се работеше на предлог-текстот на Заедничката декларација, како финален акт на едногодишното Претседавање.

Исто така, се разгледаа и кандидатурите за избор на генерален секретар на Советот за регионална соработка (RCC), според Повикот кое го отвори нашето Претседавање, со цел да се избере нов Генерален секретар, на оваа автохтона и најстара регионална иницијатива.

The post Петти состанок на Политички директори на учесниците на ПСЈИЕ во Скопје appeared first on Република.

Откако вчера министерот за труд и социјална политика, Ѓоко Велковски, обзнани дека 2.252 незаконски исплаќања биле направени на сметките на корисници на средства за гарантирана минимална помош, со што е направен милионски криминал во МТСП преку злоупотреба на системот за социјална заштита и незаконско и противправно исплаќање на овие средства, пристигнаа низа на реакции, прво од поранешната министерка Јованка Тренчевска, а денеска и од директорите на Центрите за социјална работа.

https://republika.mk/vesti/makedonija/ministerot-velkovski-otkri-milionski-kriminal-vo-mtsp-so-sotsijalnata-pomosh/

Навредите на еден министер кон сите вработени и повредата на достоинството на директорите е неприфатливо однесување за предводник кој треба да влева доверба и сигурност кај граѓаните!

Како директори јавно го искажуваме своето незадоволство од непромислените изјави на техничкиот министер, Велковски на вчерашната прес-конференција. За еден професионалец да работи во социјална заштита потребна е посветеност, толеранција и емпатија, чиста професионалност и информираност, а пред се знаење. Министер што не ги проверува информациите пред да ги каже во јавност а притоа ги навредува сите вработени во институцијата каде моментално тој е на чело е целосно неприфатливо.

Бараме извинување за нарушување на интегритетот на нашите вработени, како директори го цениме трудот на вработените и никакви политички игри не смеат да ја навредат нивната професионалност!

Човек што не ги почитува вработените, не може да води едно од најголемите министерства во државата!, се вели во нивната реакција.

Од МТСП, пак, порачаа дека овој „оркестриран напад на вчерашните објави за сторен криминал од страна на раководни лица во ЦСР“ нема да ги поколеба јавноста да ја дознае вистината за тоа како се исплаќала социјална помош и социјални пензии.

Овој атак има име и презиме а јавноста многу добро знае кое е тоа. После вчерашната прес-конференција на повидок излезе грубата партизација на Министерството од изминатите министри. Од вчера сме сведоци и на притисоци кон вработени и инспектори да не се доставуваат податоци за откриените злоупотреби.

Директорите на центрите за социјална работа, кои се поставени од претходните министри на СДСМ, откривањето на противправни исплати на социјална помош го престават како навреда кон вработените.

Во прес-конференцијата во ниеден момент не се потенцира кои се одговорни лица вмешани во овие злоупотреби, туку се посочуваат дека во ова се вклучени повеќе лица кои понатамошните постапки ќе ја утврдат одговорноста.

Почитувани директори на центрите за социјална работа, Доколку се докаже дека по откривањето на овој скандал направите макар еден прекин на социјална помош по основот кој го наведовме дали ќе ја преземете комплетната одговорност за злоупотреба на исплата на средства на лица кои не исполнувале законски услови со месеци или години назад?, велат од МТСП.

The post МТСП: Јавноста мора знае криминалите од директорите на СДСМ со исплаќањето на социјална помош appeared first on Република.

Во Министерството за надворешни работи на Република Македонија се одржа вториот Состанок на политички директори на учесниците на Процесот за соработка на Југоисточна Европа (ПСЈИЕ), на кој беа присутни и претставници на Советот за регионална соработка (СРС) и на Европската Унија.

Македонија претседава со Процесот за соработка во Југоисточна Европа во периодот јули 2023 - јуни 2024 година, под мотото „Премостување поделби, градење доверба“.

На состанокот се разменија мислења за актуелните прашања од интерес за Регионот и нивното влијание врз регионалната соработка, Планот за раст за Западен Балкан на Европската Унија и влијанието на моменталната геополитичка ситуација на евроинтегративниот процес, за поддршката на европската интеграција и одржливиот развој преку соработка помеѓу учесниците во Процесот, како и за тековните активности на претседавањето на Македонија со оваа иницијатива.

Република Македонија е учесник во Процесот од самото негово формирање, а претседава по трет пат, по тие во 2000 – 2001 година и во  2012 – 2013 година.

The post Втор состанок на политички директори во рамките на претседавањето со ПСЈИЕ appeared first on Република.

Министерството за здравство информира дека поради истекување на мандат во време на предизборниот период спореведни се конкурси во три јавно здравствени установи за избор на четири директорски места.

На Клиниката за инфективни болести и фебрилни состојби по спроведениот конкурс за нов медицински директор избран е д-р Фадил Цана согласно доставените документации. Досега таа функција ја извршуваше д-р Милена Стевановиќ.

На Клиниката за гинекологија и акушерство по спроведените конкурси мандат добија д-р Викторија Јовановска како медицински директор и Јетон Шаќири како организациски директор.

На Клиниката за психијатрија за медицински директор е назначен проф. д-р Стојан Бајрактаров.

Сите именувани директори на јавно-здравствените установи се стручни во својата област и имаат долгогодишно искуство, велат од МЗ.

The post Д-р Фадил Цана е нов директор на Инфективна, на ГАК и на Психијатрија остануваат д-р Јовановска, Шаќири и д-р Бајрактаров appeared first on Република.

Докторите Дејан Филиповиќ и Беким Поцеста се назначени за нови директори на Клиниката за дерматовенерологија и на Клиниката за кардиологија, соопшти Министерството за здравство. Д-р Филиповиќ доаѓа на местото на проф. д-р Сузана Николовска, а Поцеста на местото на д-р Жан Зимбаков.

За д-р Филиповиќ, од Министерството велат дека од 2018 е вработен на Кожната клиника како специјалист-дерматовенеролог и асистент по дерматовенерологија при Медицинскиот факултет во Скопје. Тој во моментот е докторанд на клиничка медицина, во областа дерматовенерологија на Универзитет „Кирил и Методиј”, член e на Здружението на дерматовенеролози на Македонија, како и член на Европската академија за дерматологија и венерологија.

Д-р Поцеста e долгогодишен специјалист по кардиологија, кој од 2005 е вработен на Клиниката за кардиологија на Oдделот за интензивно лекување, како и во Службата за електрофизиологија и имплантација наелектростимулациски уреди. Во 2019 се стекнал со звање примариус. Тој и претходно бил директор на Кардиологија, од јули 2017 до февруари 2018.

The post Дејан Филиповиќ и Беким Поцеста нови директори на Клиниката за дерматовенерологија и на Клиниката за кардиологија appeared first on Република.

Министерот за образование, Јетон Шаќири нема намера да му ги одземе ингеренциите на струшкиот градоначлалник Рамиз Мерко, поради незаконското поставување на директори во неколку основни училишта во Струга и струшко иако индиректно признава дека имало прекршувања на законот, пренесува „Алсат“ додавајќи дека Мерко добива уште една „шанса“ со распишувањето на нови пет огласи за директори.

Според нашите информации кои ги имаме во повеќе од пет училишта има нови постапки за избор на нови директори. Ако и во овие постапки за избор на нови директори, Просветен инспекторат утврди после сите насоки кои ги има добиено општината тогаш..Но и постапка за одземање на ингеренцитие подразбира взаемна соработка меѓу училиштето, раководството, општината, да може некој од внатре министерството да го назначи за директор, вели Шаќири.

Антикорупциска дури поднесе и кривична пријава против Мерко, за незаконското поставување на директор во училиштето во селото Велешта. Тоа значи дека за вас одлуките на Антикорупциска на Обивнителство немаат тежина?, го прашаа новинарите.

Немате конечни одлуки, имате препораки. Знаете дека ДКСК ги дава препораките во Обвинителство. Немате затворени предмети, вели Шаќири.

Од Основното јавно обвинителство велат дека предметите се во предистражна постапка и оти ОЈО Струга презема дејствија и обезбедува докази неопходни за проверка на наводите. Од Алијанса за Албанците бараа на Мерко да му се одземат ингеренциите за именување на директори, откако Антикорупциска, но и поранешен инспектор за образование утврдија дека во училиштата во Велешта, Подгорци, Лабуништа, Радолишта и во основното училиште Браќа Миладиновци во Струга биле поставени директори кои не ги исполнувале условите за да бидат избрани. За самоволието да биде уште поголемо, Мерко истите овие директори ги избрал и по втор пат.

Во истовреме, заменик министерот за образование, Агим Нухиу во интервју на „Алсат“ се закани со кривични пријави за директорите на гимназиите, како и кон градоначалниците на Гази Баба и во Велес.

Размислуваме да ги користиме инструментите од кривична и правна природа. Токму членот 137 од Кривичниот законик што го санкционира прашањето на еднаквост и недискриминација. Секој градоначалник, вклучително и оној на Гази Баба, кога ќе биде обвинет за кривично дело, кога ќе му бидат ставени лисици за ова кривично дело, дали знаете дека е казниво кривично дело, од 6 месеци до 5 години затвор, рече тој зборувајќи за проблемот кој министерството го наметна во велешката гимназија, каде за да отвори уште една албанска паралелка испрати допис со барање да се намалат поените потребни за упис.

Шаќири, пак, се закани дека ќе ги одземе ингеренциите за поставување на директори од градоначалниците.

The post За другите градоначалници кривични, за Мерко „втора шанса“ од Шаќири appeared first on Република.

Од Град Скопје реагираат на веста дека градоначалничката Данела Арсовска заработи кривична пријава за злоупотреба на службената положба   поради незаконско поставување на в.д директори на МКЦ и Зоолошка градина.

https://republika.mk/vesti/skopje/arsovska-dobi-krivichna-prijava-za-zloupotreba-na-sluzhbena-dolzhnost-za-imenuvaneto-na-direktori-na-mkts-i-zoloshka/

Жалиме што Државната комисија за спречување на корупција наместо да се занимава со она што е нивна надлежност и да констатира корупција, тие се занимаваат со тривијалности и исполнување на политички агенди. Секако, за барање на корупција онаму каде што навистина постои сомнеж треба и храброст. Одлика, која за жал не ги краси членовите на Антикорупциската комисија. Добро е сепак што ДКСК поднеле кривична пријава за која воопшто Град Скопје не е известен, а дознаваме од медиумите, за еднаш да се расчисти маглата која ја сеат разни политиканти. Секако, членовите на ДКСК ќе мора да ја докажат и сопствената надлежност во постапувањето по овој „предмет“ пред соодветна судска инстанца, се вели во реакцијата од Град Скопје.

На вчерашната 89 седницаДржавната комисија за спречување на корупција утврди дека градоначалничката на Град Скопје постапила спротивно на законот при именување на Драган Илиевски за нов в.д директорот во скопската Зоолошка градина. Илиевски бил именуван за директор, иако тој не го исполнувал условот претходно да биде вработен во самиот објект.

Како што информираа од ДКСК, извршен бил вонреден инсекциски надзор и според записникот од надзорот бил утврдена неправилност по што инспекторот упатил укажување напомена за отстранување на констатираната неправилност согласно предвидениот законски рок, со напомена дека за сторената повреда на член 34 од Закоот за култура не е определена ниту пропишана прекршочна санкција.

Инспекторатот утврдил дека претходниот директор Кристијан Стаменов бил разрешен од функцијата, додека две недели подоцна е именуван Драган Илиевски. ДКСК констатира дека пријавата и документите ги содржат потребните акти со кои се утврдува наведената постапка, ваквото постапување на градоначалникот на Град Скопје упатува на преземени активности за именување на лице за вршител на должност на јавна установа спротивно на членот 34 став 1 од Законот за култура што претставува основ за сомневање за сторено кривично дело а тоа е злоупотреба на службената положба и овластување, појасни претседателката на Комисијата Билјана Ивановска.

Од Комисијата соопштија дека од нивна страна ќе биде поведена иницијатива до ОЈО за поведување постапка кривично гонење, поради сомневање за сторено кривично дело „злоупотреба на службена положба и овластување“, против Данела Арсовска. Воедно Комисијата ќе достави иницијатива за поведување кривично гонење и за в.д директорот Драган Илиевски, како и препорака до Инспекцискиот совет во врска со непостапувањето на Инспекторот кој извршил надзор.

The post Антикорупциска не била надлежна за Данела Арсовска и нејзините директори, барем така тврди Град Скопје appeared first on Република.

Речиси половина од директорските фотелји во јавните институции се пополнети од в.д директори, покажува извештајот на Центарот за управување со промени. Директорката на ЦУП Неда Малеска Сачмароска вели дека оваа состојба најмногу се должи на политичките пазарења.

Според неа, виршителите на должност се поставуваат најмногу поради тоа што дел од нив немаат потребни компетенции за да можат да конкурираат на јавен оглас, главно поради непознавање на странски јазици.

Највисок процент на в.д директори е во јавните претпријатија и јавните институции за социјална заштита.

423 институции во државата имаат Управни и Надзорни одбори. Годишно, членовите на овие Одбори нè чинат безмалку 2 милиони евра. За нивните паушали во периодот од 2015 до 2017 година државата плаќала 2,5 милиони евра.

Но ова не значи дека трошоците де намалени поради намалени паушали, туку поради пандемијата од Ковид-19 Одборите не се состанувале толку често.

Извештајот на ЦУП покажува и дека онаму каде што членовите на управните и надзорните одбори земаат паушал по одржана седница, наместо фиксен паушал. Одборите се состануваат многу почесто, а одлучуваат по само една точка.

The post Членовите на управните и надзорните одбори годишно нè чинат 2 милиони евра appeared first on Република.

Сообраќајниот хаос на Клинички центар, ажурирањето на позитивната листа на лекови и зголемување на платите на здравствените работници, се меѓу главните приоритети на министерот за здравство Фатмир Меџити што ги најави на денешниот прв брифинг со новинарите.

На брифингот, министерот најави и нов Ургентен тријажен центар на интерни клиники.

Тој потсети дека и самиот доаѓа од Клиничкиот центар и оти како лекар, пред се му се пациентите. Министерот појасни дека и тој самиот може да биде пациент, како и некој од неговото семејство, па мора сите да придонесуваат за подобро здравство.

Меџити беше дециден дека тој и неговиот тим сакаат да воспостават ред, да одговорат на предизвиците во здравството. Но, како што подвлече тој, досега ја согледувале ситуацијата во каква состојба го преземаат Министерството. Сепак, додаде тој, нивен фокус се подобри услови за сите пациенти, не само во Скопје, туку во целата држава.

Министерот кажа дека ја имаат поддршката и од премиерот Димитар Ковачевски, како и од Владата. На претставниците на медиумите им рече дека за него, новинарите се многу важен елемент.

Тој нагласи дека со неговиот тим сакаат работите да одат на подобро, ќе се потрудат да решат се и нема да префрлуваат вина на никого.

Тој најави и смени на некои од директорите на Клиника, на Неврологија, Очна клиника, Ендокринологија, Дерматовенерологија, како и организациските директори на Клиниката на Гинекологија и акушерство и на Онкологија.

На средбата со претставници на медиумите се обрати и заменичката на министерот за здравство, Маја Манолева, која рече дека се надева на искрена соработка со медиумите.

Честитајќи им го 8 Март на жените, таа спомна дека според нејзините информации, досега немало жена на нејзината сегашна функција.

The post Меџити најави смена на неколку директори на Клинички appeared first on Република.

Пратеникот Сурија Рашиди ќе биде предлог за директор на МЕПСО, а поранешната заменичка на градоначалничката на Скопје Данела Арсовска, Бујаре Абази ќе биде новата директорка на „Македонски пошти“, потврдуваат од Алијанса за Албанците.

Рашиди за директор на МЕПСО ќе дојде на местото на Орхан Муртезани од редовите на Алтернатива, откако таа партија излезе од Владата. Нов пратеник од Алијанса за Албанците, на местото на Рашиди ќе биде Ремзи Мехмеди од Кичево.

Додека, пак, Абази на директорската позиција ќе го смени Васко Стефанов, откако Алијанса за Албанците стана владин партнер. Абази е актуелна советничка во Советот на Град Скопје и потпретседателка на Алијанса за Албанците.

Со реконструкцијата на Владата, Алијансата за Албананците ги доби и министерствата за правда, за здравство и за информатичко општество и администрација со кои раководат Кренар Лога, Фатмир Меџити и Азир Алиу. Кадри на Алијансата за Албанците се поставени и на заменичките места во Министерството за одбрана Тирон Јајага и заменик министер во Министерството за земјоделство шумарство и водостопанство – Вјолца Бериша.

The post Сурија Рашиди ќе биде предлог за директор на МЕПСО, а Бујаре Абази ќе биде новата директорка на „Македонски пошти“ appeared first on Република.

Кадровските решенија во Градот Скопје се огледало на подвоениот и импулсивен карактер на Арсовска која со ова ја зацврснува и ја задоволува коалицијата која е збир на криминалните апетити на СДС, уценетата ГРОМ, фолирантите од Левица и менторите за лажење и криминал ДУИ. Сите овие партии ја сочинуваат власта и ги пополнуваат директорските места во градот Скопје, ова денеска преку соопштение до јавноста го истакнаа од ВМРО-ДПМНЕ.

А на Арсовска не и се погодува ниту еден директор кои самата си ги поставува па разрешува затоа што таа ги ускладува апетитите на коалицијата СДС, Левица, ГРОМ, ДУИ. Таа со овие најнови кадровски одлуки го обликуваше злосторничкото здружување по мерка на Арсовска и коалицијата и по налог на нејзе блискиот Драган Митковски Книга за кого се вели дека е градоначалникот од сенка во Градот. Кога да и се верува на Арсовска, кога велеше дека Марјанчо Митовски е најдоброто решение за Водовод и канализација или сега кога го разрешува и вели дека Драган Илиевски кого претходно незаконски го назначи на Зоолошка градина сега е најдоброто решение за ЈП Водовод и канализација? Или во прашање е одржување на нејзиниот криминален интерес за раскрчмување на Водовод и канализација и бизнис интерес за пречистителната станица?, прашуваат од партијата.

Од таму додаваат дека секретарот на градот е пријавуван за семејно насилство, вработени го обвинуваат за мобинг. Градот нема квалитетен јавен превоз, зошто Арсовска им должи на приватните превозници и има пропаднат јавен повик за нови превозници за кој велеше дека ќе биде успешен. Стотици луѓе беа отпуштени од работа во ЈП Водовод и канализација, додека истата Арсовска влезе во војна со синдикатите, во исто време додека ова се случува, таа единствено ги негува криминалните апетити на коалицијата која и ги гласа одлуките СДС-ДУИ, Левица и ГРОМ. Одговорноста за пропаста на градот ја имаат истите тие чии криминални интереси Градот ги поддржува.

The post Директорите се огледало на подвоениот карактер на Арсовска која ги задоволува апетитите на коалицијата на криминалната СДС, фолирантите Левица, уценетата ГРОМ и менторот за беззаконие ДУИ appeared first on Република.

Министерството за информатичко општество и администрација, Министерството за земјоделство, шумарство и водостопанство и Министерството за економија се првите министерства што учествуваат во пилот постапката за реорганизација во рамки на ИПА-проектот, финансиран и поддржан од Европската Унија, во кој учествува целата Влада.

Како што информираше на денешната конференција, Слаѓана Тасева, претседателката на Транспаренси Интернешнл Македонија и тим лидер на проектот, со постапката се направени анализи на сите 17 министерства за тоа како би можело да се реорганизираат, со цел да се обезбеди водење на политики, отчетност, надзор и контрола, што ќе биде целосно под една капа, или под контрола од страна на министрите, со што, според нив, ќе се овозможи јасна линија на отчет, исполнување на обврските и јасна линија на буџетирање. Со ова, како што вели, ќе се избегне праксата на создавање на независни институции надвор од закон.

Како што ние имавме пракса да создаваме независни институции, агенции со посебни закони, така што сето тоа ќе се подведе под еден закон и ќе се воспостави целосно нова архитектура и структура на работењето на државната управа што ќе обезбеди таа да биде поекономична, поефикасна, поодговорна и отчетна кон граѓаните, рече таа.

Во пракса, како што информираше министерот за информатичко општество и администрација, Адмирим Алити, ова ќе значи дека неколку институции и агенции ќе бидат споено во едно.

Бидејќи засега има констатации од експертите дека ја вршат истата работа и треба да бидат едно, а не две или три во некои случаи. Исто така, ќе имаа агенции кои ќе бидат затворени, односно трансферирани како сектор во некое друго министерство, бидејќи експертите, исто така, во тој случај констатираат дека не мора да има некоја агенција со седум члена на Управен одбор и директор, односно само администрацијата е важна во таа агенција, рече тој.

На новинарско прашање дали тоа ќе значи намалување на вработените, министерот одговори дека ќе има намалување на бројот на директори и на членови на управни одбори, а не на вработените.

Вработените ќе бидат трансферирани. Значи, со реорганизација нема ниеден вработен да биде отпуштен од работа бидејќи посебно во централна власт ние имаме дефицит на вработени, така што можно е да има прераспределување, меѓутоа вработените ќе останат. А, да ќе има директори кои денеска се директори, а во 2024 штом таа институција нема да има веќе директор нема да бидат директори, рече тој.

Како пример го посочи постоечкиот Инспекциски совет, кој, со реорганизацијата нема да постои, односно, како што рече, администрацијата што е во Инспекциски совет ќе биде трансферирана во министерството, исто што и МАРНЕТ, кој ќе биде префрлен во Министерството за образование и наука.

Амбасадорот Дејвид Гир, Шеф на Делегацијата не Европската Унија, истакна дека ефикасни државни институции се од клучна важност за развојот на секоја земја и особено за испораката на услуги на граѓаните. Како што рече, тие, исто така, ќе бидат од суштинска важност за напредокот на оваа земја на својот пат кон ЕУ.

Oва е особено важно бидејќи нема воспоставен закон на ЕУ во врска со уставната структура, ниту пак постои единствен модел меѓу земјите членки на ЕУ, што значи дека постои богата разновидност на избори коишто се базираат на основните критериуми за обезбедување на отчетност, ефикасност на јавната администрација. ЕУ игра важна улога во овој процес преку финансирање на експертите како дел од овој функционален преглед, рече тој.

Евроамбасадорот посочи дека треба да се очекуваат дополнувања за преостанатите министерства, а според него, реформата на јавната администрација е во сржта на овој процес.

Без развивање на делотворна и ефикасна администрација процесот на пристапување нема да биде успешен не само заради тоа што се потребни реформи, не само заради инфраструктурата која што треба да се воспостави и ја вклучува администрацијата, туку и заради тоа што идната земја членка треба да има администрација со капацитет што ќе обезбеди спроведување на европското право и да обезбеди земјата да може да биде еднаков партнер којшто може да ги искористи можностите коишто постојат преку пристапувањето, порача евроамбасадорот.

Вицепремиерот, Артан Груби, истакна дека доброто функционирање на институциите е предуслов за креирање и успешно спроведување на политики кои го промовираат социјално-економскиот развој во нашата земја.

Последните извештаи на Европската Комисија континуирано се однесуваат на приоритетите за зголемување на професионалноста и унапредување на ефикасноста на државната администрација, што е можно само преку воспоставување на јасни линии на одговорност и зголемување на нивото на транспарентност, како и намалување на нивниот број, рече тој.

Груби, исто така, информираше дека по завршувањето на пилот проектот, Владата се обврза да го започне процесот на реорганизација од јануари 2024 година.

The post Реорганизацијата, спојувањето и укинувањето на агенциите почнува од три министерства appeared first on Република.

Како што јавува „Фокус“, за нова директорка на Детската клиника е назначена д-р Стојка Нацева Фуштиќ, а на чело на Клиниката за онкологија застанува д-р Виолета Клисарова.

Оставките пак вчера ги доставија директорката на Универзитетска клиника за детски болести, проф. д-р Аспазија Софијанова, и директорот на Универзитетска клиника за радиотерапија и онкологија, д-р Никола Васев.

The post Д-р Стојка Нацева Фуштиќ и д-р Виолета Клисарова нови директорки на Детска клиника и Онкологија appeared first on Република.