СВР Битола - ОВР Македонски Брод до Основното јавно обвинителство Кичево поднел кривична пријава против С.Ж.(51) од Македонски Брод поради постоење основи на сомнение за сторено кривично дело „злоупотреба на службената положба и овластување“, казниво по член 353 став 3 во врска со став 1 од Кривичниот законик.

Во периодот од почетокот на 2019 година до 02.10.2024, пријавениот во својство на директор на ЈЗУ Здравствен дом -Македонски Брод, соопштија денеска од МВР, лично потпишувал одлуки за јавни набавки и набавувал опрема и потрошен материјал за детска превентивна стоматологија за заштита на деца до 14 годишна возраст, кои не требало да се набавуваат и да се користат, бидејќи во детската превентивна стоматологија, освен за залевање на заби на деца до 14 години и вршење превентивни систематски прегледи, не се вршат други услуги и интервенции на пациенти како поправка, лекување и вадење на заби како на деца до 14 години, така и на возрасни, согласно насоката од Фондот за здравствено осигурување.

Исто така, во текот на 2022, 2020 и 2019 година, пријавениот постапил спротивно на Законот за сметководство во буџетите и буџетските корисници член 21 и Правилникот за сметководство за буџети и буџетски корисници член 29 и член 30-а и ја оштетил здравствената установа Здравствен дом - Македонски Брод на начин што доделените субвенции за користење мобилни услуги од мобилен оператор како набавени уреди, ги присвоил за своја корист. Во текот на 2022 и 2023 година, пријавениот постапил спротивно на Законот за користење и располагање со предмети во државна сопственост член 22, член 23 и член 24 и го оштетил буџетот на ЈЗУ Здравствен дом Македонски Брод така што од оштетеното санитетско возило „тојота“, претходно добиено како донација од Јапонија, дозволил да се вадат делови и истите да се даваат на трајно користење на Здравствен дом Крушево, иако претходно немало доставено позитивен одговор од Влада на РСМ за отуѓување или продажба на делови, согласно претходно нивно испратено барање од Здравствениот дом, се појаснува во соопштението.

Во периодот од 25.06.2021, заклучно со 15.08.2024, пријавениот дозволил да се изготвуваат фиктивни налози за службени патувања на патничко возило „дачија дастер", со што овозможувал службеното возило да се користи за приватни потреби, а притоа да нема уредна евиденција.

The post Кривична пријава за злоупотреба на службената положба и овластување за поранешен директор на Здравствен дом – Македонски Брод appeared first on Република.

Пресврт во случајот со украдениот ехо-апарат. Всушност, директорот бил тој што го украл апаратот од болницата во Кичево.

Како што соопштија денеска од МВР, ОВР Кичево поднесе кривична пријава против С.Т.(49) од Кичево поради постоење основи на сомнение за сторено кривично дело „проневера во службата“.

Тој, во периодот од 08.07.2021 до 07.08.2024, во својство на директор на ЈЗУ Општа болница Кичево, со намера да се стекне со противправна имотна корист, неовластено присвоил ехо апарат M9 Mindray, кој му бил доверен во службата, како донација од Министерство за труд и социјална политика во вредност од 2.134.482 денари, соопшти полицијата.

The post Каков пресврт: Директорот бил тој што го украл ехо-апаратот во болницата во Кичево appeared first on Република.

Влатко Стојкоски е нов директор на Државен пазарен инспекторат (ДПИ), потврдија од Владата за МИА.

Досегашниот директор на ДПИ, Горан Трајковски е разрешен поради промените на кадрите на новата власт.

Претходно, заменик-министерот за економија Марјан Ристески осврнувајќи се на ефектите од есенската потрошувачка кошничка, соопшти дека вчера е назначен нов директор на ДПИ.

Мерката е одлично дефинирана и имаше одредени трговци кои сакаа да ја изиграат, но Државниот пазарен инспекторат се надевам дека во претходниот период сериозно си ја врши работата и во одредени моменти настапи со казни кои не беа мали. Се надевам дека ДПИ и во иднина ќе има многу поголема контрола и ќе прави контролни мерки и надзори во сите трговски места каде се продаваат прехранбени производи за да можеме да ги регулираме цените со цел заштита на стандардот на граѓаните. Од вчера има нов директор така што се надевам и дека можеби и мерките ќе дадат подобри резултати, ќе видиме, рече Ристески, во гостување на ТВ Сител.

The post Влатко Стојкоски е нов директор на Државен пазарен инспекторат appeared first on Република.

Во периодот од 19 – 23.10.2024 година во Бостон, Масачусетс, Соединетите Американски Држави се одржува Годишната конференција на Меѓународната асоцијација на шефови на полиција (IACP), водечка организација која е фокусирана на унапредување на полицијата и безбедноста на глобално ниво.

Македонската делегација е предводена од Директорот на Бирото за јавна безбедност, г. Александар Јанев, во присуство на г. Мајкл Маки, полициско аташе за ICITAP при Амбасадата на САД во Скопје.

На оваа конференција полициски лидери, службеници и експерти од разни држави од светот ќе имаат можност да разменат најдобри практики, иновации и стратегии за справување со предизвиците во секојдневното полициско работење. Ваквиот пристап на соработка е значаен за унапредување на безбедносните практики и размена на искуства, зајакнувањето на капацитетите на полицијата. Преку запознавање со специфичностите и предизвиците со кои се соочува полицијата во САД, но и останатите полициски служби во светот, учесниците ќе имаат можност да добијат клучни информации за методологијата за справување со истите.

Конференцијата нуди одлична можност за градење нови партнерства, воспоставување на идни проекти и иницијативи.

Во текот на конференцијата, македонската делегација ќе присуствува на повеќе настани, а најавени се и средби со менаџментот на ИЦИТАП, федерални обвинители и повеќе директори на полиции и шефови на делегации.

The post Делегација на Бирото за јавна безбедност предводена од директорот Александар Јанев учествува на Меѓународна асоцијација на шефови на полиција (IACP) appeared first on Република.

Владата денеска на седница го разреши директорот на Агенцијата за национална безбедност Зарко Милошевски, а на негово место е именуван Бојан Христовски.

Христовски има искуство долги години во безбедносните институции. Кратко време беше директор на градското претпријатие „Паркинзи Скопје“, а на директорската позиција доаѓа од Министерството за внатрешни работи.

The post Бојан Христовски e нов директор на АНБ appeared first on Република.

Директорот на општинското основно училиште во Ѓорче Петров, во кое се случи обид за силување на ученик, поднесе оставка од лични и морални причини. На негово место, веќе е именуван нов ВД директор.

Формирана е и комисија која ќе поведува дисциплинска постапка против четири наставници, а веднаш е суспендиран еден наставник, одговорен за одделението.

Полицијата вчера извести дека 44 – годишен маж од Скопје пријавил дека во вторникот во периодот од 11 до 15 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици.

Според МВР, децата со тврд предмет се обиделе да извршат полово дејствие врз соученикот.

The post Директорот на скопското училиште во чиј двор две деца сакале да силуваат соученик поднесе оставка appeared first on Република.

На денот на собирот на македонските фудбалери пред натпреварите со Летонија и Ерменија, досегашниот спортски директор Дени Масев објави дека се повлекува од функцијата. Масев се огласи со реакција во која ја образложува својата одлука. Неговото заминување е поради несогласувања со водечките луѓе и како што вели федерацијата во овој момент е приватизирана од страна на претседателот Муамед Сејдини и неговиот заменик Ракиџиев.

Жал ми што на ваков начин и во овој момент, пред почеток на подготовките на репрезентацијата се обраќам до јавноста, но веројатно за сè треба да има почеток и крај. Од денеска веќе нема да бидам во функција на македонската репрезентација. Причините се длабоки, но се сведуваат на мојот однос со претседателот Сејдини и потпретседателот Ракиџиев. Федерацијата се сведува на сè, но најмалку на интересот за некаков развој на македонскиот фудбал.

Јас како човек кој беше директен сведок и на најголемиот успех на репрезентацијата имам право да го кажам својот став. Жал ми е за тимот и фудбалерите, но едноставно понекогаш треба да се зборува отворено, па макар тоа да предизвика и негативна реакција. Тврдам дека веќе подолг период Федерацијата е буквално приватизирана. Интерсот е присутен само за првите двајца луѓе, претседателот Сејдини и неговиот заменик Ракиџиев. Во Управниот одбор има чесни луѓе, но, за жал, не се запознаени со работите кои носат интерес само за Сејдини и Ракиџиев. За Сејдини и оваа Ќуќа на фудбалот, јас лично се заложив на секој можен начин.

Од работи поврзани со А репрезентацијата, моја базична обврска, па сè до приходи за ФФМ остварени преку контакти со деловни луѓе и компании. Дури и влегов во отворен конфликт со блиски пријатели. Сметам дека сега е време да ги менуваме работите. Со оглед на тоа дека пред нашите фудбалери и пред репрезентацијата се многу важни натпревари со Летонија и Ерменија, јас како Дени Масев нема во овој момент гласно да ги посочам големите проблеми и манипулации во Федерацијата, за која сум подготвен да ги обелоденам по двата споменати дуела од Лигата на нациите. Во периодот кој следува еднаш засекогаш треба да се расчисти со милионските суми кои се трошат на сè само не за доброто на фудбалот. Од фамозните трансакции до хотелот ‘Куќа на уметноста’, па сè до т.н. инфраструктурни „проекти“ во Велес и Македонија и до вработувањата во Федерацијата, стои во неговата реакција.

The post Поради несогласување со челниците на ФФМ, се повлекува спортскиот директор appeared first on Република.

СВР Струмица до Основното јавно обвинителство Струмица поднесе кривична приjава против 40-годишниот Борче Цветков од Струмица, актуелен пратеник во собранието на РМ, поради постоење основи на сомнение за сторено кривично дело „злоупотреба на службена положба и овластување“ по член 353 од Кривичниот законик, соопшти денеска МВР.

Како што објаснуваат, пријавениот, во својство на поранешен вршител на должноста директор на Казнено – поправната установа Затвор Струмица", во текот на 2021, 2022 и 2023 година на затворските полицајци им наредувал и им се заканувал, надвор од законските прописи, да ги ослободуваат од затвор осудените лица Л.К., Ѓ.В. и Г.Т..

Имено, тројцата осуденици користеле погодности кои не ги следувале и не биле присутни во Затвор Струмица и по еден месец, а во евидентната книга, по наредба од пријавениот, било заведувано дека осудените лица биле присутни во затворот. Во книгата за влез и излез од затворот, осудените лица не биле секогаш заведувани и по наредба на пријавениот се вршело бришење со коректор во книгата на други заведени осудени лица, а на нивно место се пишувал Л.К.. Исто така, Л.К. се водел во затворот иако во моментот бил надвор од државата, открива МВР.

The post Директорот Борче Цветков, со мобинг наредувал да се пуштаат затвореници на слобода кога и да им текне appeared first on Република.

Во сите болници и јавно-здравствени установи со поголеми буџети каде што испративме контроли има злоупотреби. Колку контроли ќе успееме да направиме, толку злоупотреби ќе има, изјави денеска на прес-конференција Сашо Клековски, директор на Фондот за здравствено осигурување (ФЗОМ), одговарајќи на новинарско прашање колку менаџери во здравството направиле злоупотреби.

Контролите се во тек. Дадовме приоритет на болниците и јавно - здравствените установи со поголеми буџети и поголеми долгови. За жал, мора да кажам дека во сите контроли што ги правиме, има злоупотреби. Не е само несовесното и недомаќинско, туку и незаконско работење во скоро сите контроли досега ги имаме направено. Како ќе завршуваат контролите, така ќе ги доставиме до МВР и до финансиска полиција за тие да ги разгледаат од кривично-правен аспект. Ние сме тука да ги обезбедиме сите потребни докази, изјави Клековски.

Денеска во ФЗОМ се одржа работна средба со претставниците на Владата на чело со премиерот Христијан Мицкоски. На средбата се презентираше работата на Фондот во првите 100 дена на Владата.

На прес-конференцијата Клековски ја презентираше мерка за справување со еден од најголемите проблеми во здравството, а тоа е растечкиот долг на 109-те јавни здравствени установи (ЈЗУ). Долгот само во првото полугодие од 2024 година е зголемен за 1 милијарда денари, односно, долгот е зголемен од 4 на 5 милијарди денари или околу 81 милион евра. Ваквото ниво на долг го загрозува работењето на повеќе ЈЗУ или може да доведе до нивно блокирање.

Планот на Фондот за долгот на ЈЗУ е обезбедување дополнителни средства, со истовремено идентификување на причините за долгот, кои ги има и на приходна и на расходна страна. Причините се движат од несоодветно планирање и финансирање до недомаќинско работење. За илустрација, на Клиниката за радиотерапија и онкологија и покрај јавно декларираните поддршки не се буџетирани потребните финансии, а примери за недомаќинско работење има повеќе.

Воедно, една од најбитните работи е сузбивање на корупцијата и криминалот, одговорност мора и ќе има, бидејќи без тоа нема да има напредок. Истовремено, Фондот со ребаланс на државниот буџет и со заштеди обезбеди средства за намалување на долгот за 2 милијарди денари, односно го намалува од 5 на 3 милијарди. Средствата се распоредени според големината на буџетот и долгот на ЈЗУ, во сите градови и сите подрачја. Околу една третина од ЈЗУ ќе бидат целосно раздолжени, главно здравствени домови, а кај повеќето ќе се избегнат блокадите. Ќе се деблокира и ЈУ заеднички служби, која во моментот е блокирана.

Намалувањето на долгот на одржливо ниво е прв чекор кон целосно решение кое ќе се одвива во текот на 2025 година. Намалувањето на долгот ќе овозможи простор за нови мерки, а Фондот дефинираше неколку пакети мерки и тоа: за онкологија; за жени, мајки и БПО (инвитро); за деца; кардиоваскуларни болести; регионализација; офталмологија; радиологија и друго. Овие пакети ќе бидат објавувани во наредниот период, а ќе се реализираат во следните шест месеци, кажа Клековски.

Според него, најголем пакет ќе биде за онкологија и само за Клиниката за онкологија ќе бидат обезбедени 315 милиони денари или над 5 милиони евра. Овој пакет ќе има над десетина мерки и во дијагностика и во терапија.

Клековски на новинарско прашање околу иселувањето на жителите од Македонија и како тоа влијае на придонесите изјави:

Демографијата е важен фактор при стратешкото планирање на ФЗОМ. Ние, во нашите долгорочни проекции планираме дека ќе имаме помалку популација, со повозрасна популација и популација со повеќе хронични болести, а помал број осигуреници што ќе плаќаат осигурување. Значи од една страна зголемени расходи, а од друга ризик на намалени приходи. Во моментов, надвор од придонесите за здравствено осигурување, најавивме дека ќе воведме финансирање од непридонеси, на пример од акцизата на цигари и алкохол, бидејќи истовремено тоа се работи што го зголемуваат здравствениот ризик а со тоа и здравствениот трошок.

The post Клековски: Во сите болници и јавно-здравствени установи со поголеми буџети каде што испративме контроли има злоупотреби appeared first on Република.

На денешната седница на Одборот на директори на Акционерското друштво за изградба и стопанисување со станбен и деловен простор, Марјан Стефановски беше избран за нов директор на ова претпријатие. Во соопштението се истакнува дека Стефановски е искусен кадар со долгогодишно искуство во претпријатието, вклучувајќи и раководни позиции.

Стефановски доаѓа на оваа позиција со јасен план за реформи и развој на претпријатието, со цел да се постигнат високи резултати и успеси. Како прв чекор, тој одлучи да се откаже од службеното возило за дневни потреби во Скопје и од службената платежна картичка. Исто така, планира да ги сведе сите непродуктивни трошоци на нула.

Ова претпријатие има огромен потенцијал да креира вредности и да диктира текови, да создава за доброто на државата и граѓаните. Планирам сериозни проекти, но и кратења. Ќе работиме ефикасно, одговорно, посветено и транспарентно, имаме високи амбиции. Сакам да бидеме пример за успешно работење,“изјави Стефановски.

АДИССДП, или популарно ПУИГ, е претпријатие кое располага со недвижности, станбен и деловен простор во државна сопственост на територијата на Македонија и во странство.

The post Марјан Стефановски избран за нов директор на АД за изградба и стопанисување со станбен и деловен простор appeared first on Република.

Владината прес-служба соопшти дека Зоран Пејковски, на предлог на министерот за култура е именуван за директор на Културно – информативниот центар на Република Македонија во Софија, Република Бугарија.

Пејковски доаѓа на местото на писателот Сашко Насев кој беше назначен за директор на Културно-информативниот центар на Република Македонија во Софија во 2018 година. Тој претходно ја извршуваше функцијата в.д. директор на Културно-информативниот центар.

Зоран Пејковски (Битола) е македонски драмски писател, драматург, поет, сценарист, прозаист, публицист, театролог и единствен натуралист во македонската литература. Тој е и доцент од областа Драматургија на Факултетот за театарски уметности при Интернационалниот универзитет „Европа Прима“ од Скопје.

Член е на Друштвото на писатели на Македонија од 1995 година, во 2016 година од институцијата Светски амбасадори на мирот (Universelle des Ambassadeurs de la Paix, Suisse/France) се стекнува со титулата Почесен амбасадор на мирот, во 2017 г, се стекнува со титулата редовен академик на Чувашката народна академија од Руската Федерација, а во 2018 година се стекнува со титулата Европски писател на поезијата и уметноста, која ја доделува Номинациската комора за награди од Брисел при Европската Унија.

The post Пејковски нов директор на КИЦ на Македонија во Софија appeared first on Република.

Вчера во 18.10 часот ОВР Гостивар, Ф.С.(62) од Гостивар пријавил дека околу 08.30 часот, поради недоразбирање, на работното место во Здравствен дом Гостивар бил физички нападнат од директорот на институцијата.

Од гостиварската полиција велат дека се преземаат мерки за расчистување на случајот.

The post Директорот на Здравствен дом Гостивар нападнал вработен appeared first on Република.

Градоначалничката на Скопје, Данела Арсовска, која во нејзиниот мандат постојано разрешува и именува директори на јавните претпријатија, овој пат избра кадар на ДУИ за директор на ЈП „Паркови и зеленило“.

Јетон Бучи ја добил функцијата пред неколку дена, а тоа беше објавено на Фејсбук од неговата партија.

-За директор на јавното претпријатие „Паркови и зеленило“ е именуван Јетон Бучи, пишува во Фејсбук страната на ДУИ.

Последниот директор на ова јавно претпријатие, Мартин Ангеловски, беше назначен на 26 јуни годинава, на 13 август е разрешен поради, како што посочија тогаш од Град Скопје, неправилности при работењето и непочитувањето на договорот за вработување.

Справувањето со корупцијата и самоволието во градот Скопје беше и едно од главните предизборни ветување на градоначалничката Данела Арсовска. Никој не смее да си поигрува со народните пари, а уште помалку со довербата на граѓаните на градот Скопје. Во ЈП „Паркови и зеленило“ е најавена и вонредна ревизија од град Скопје која треба да започне до крајот на оваа недела, се додава во соопштението.

The post Арсовска се здружи со ДУИ: Јетон Бучи е новиот директор на ЈП „Паркови и зеленило“ appeared first on Република.

Директорот на депонијата „Дрисла“, Александар Кузинаков, поднел оставка на функцијата, објави „Скопје1“. Како што пишува порталот, истовремено, скопската градоначалничка Данела Арсовска „на големо“ дели откази низ Град Скопје. Тоа го прави по разни основи, известувања се закачуваат и на огласната табла. Кузинаков е вториот директор кој не сака да продолжи да ја извршува директорската позиција, откако вчера тоа го направи директорот на ЈП „Паркови и зеленило“.

Неофицијално, десетина лица останале „на улица“, откако Арсовска решила дека не сака повеќе да соработува со нив. Меѓу нив, блиски соработници, но и лица кои имале договори со Град Скопје.

The post И директорот на „Дрисла“ поднел оставка, градоначалничката Данела Арсовска поделила откази на блиски соработници во Град Скопје appeared first on Република.

Виктор Панчевски, досегашниот в. д. директор на ЈП „Водовод и канализација-Скопје“ е разрешен по половина година на оваа функција.

Градоначалничката на Скопје, Данела Арсовска, за нов директор го именува Тони Миновски кој досега беше вработен во претпријатието.

Панчевски е разрешен по само 6 месеци откако беше поставен на раководната позиција на ова јавно претпријатие. Претходно беше вработен во ЈП „Паркови и зеленило“.

Миновски е петти директор на „Водовод“ за три години мандат на Арсовска.

The post По шест месеци разрешен директорот на „Водовод“ appeared first on Република.

Горан Стојаноски, познат по своите улоги како инспектор Томе, Џемо Биљбиљ и други, со решение на министерот за културa е назначен за нов директор на НУ Центар за култура „Григор Прличев“, Охрид.

Стојаноски е роден на 2.9.1969 година во Охрид. Тој е дипломиран актер, завршил високо образование на Факултетот за драмски уметности во Скопје и зад себе има  15 години активна работа во полето на културата во Македонија и надвор. Бил уметнички директор и директор на НУЦК „Григор Прличев” – Охрид.

Постојано активен на театарската сцена, глуми во многу претстави и е главен и претпознатлив актер во многу емисии.
Негов приоритет е организациски културен менаџмент, промоција на театарот, Охрид и Македонија.

The post Актерот Горан Стојаноски, нов директор на Центарот за култура „Григор Прличев“ Охрид appeared first on Република.

Нова опрема, прераспределување на простор за поголема достапност на пациентите, вложувања во здравствен кадар, се приоритети на кои ќе се посвети доктор Стефан Трајановски кој од неодамна е назначен за директор на кумановската општа болница.

Тој на денешната прес-конференција најави дека ќе се вложи целосно во разрешување на проблемите на установата која нуди здравствена услуга на шест општини од североистокот и се наоѓа на крстосница помеѓу двата коридори.

– Мојата цел ќе биде подобрување во однос на организациската поставеност и нарушувањето во однос на кадровскиот потенцијал и просторниот потенцијал на пример разрешување а простор за амбулантска дејност, да се стават во функција на пружање на поквалитетна здравствена услуга. На пример не може да се искористи простор на старо АТД. За за доградување проширување е потребна помош од централната власт, изјави Трајановски.

Горлив проблем за болницата е службата за анестезија, најмладиот од нив е 60 години. Во моментов има лекари на специјализација, но Трајановски стравува дека може да се јави период да има недостиг на анестезиолози. Службата како што појасни е клучна не само за функционирање на хируршкото одделение, туку и за реанимација. Алармантен е бројот на рендгенолози, има само тројца.

– Се има решение, ќе решаваме и ќе се бориме. Се надевам дека министерот и ресорното министерството се свесни дека кумановската болница не е само регионална туку се наоѓа на крстопат помеѓу двата коридори од европско значење, 10 и 8. Што значи дека кумановската болница мора секогаш да биде подготвена за масовен примен на повредени, трауматолошкиот дел мора да биде на високо ниво. Општа болница е од посебно значење за државата. Македонија мора да е свесна за потребите и значењето на болницата, кажа Трајановски.

Тој потсети и на мигрантската криза која беше предизвик за болницата која поради поставеноста на влезот во државата, помеѓу двата коридори 8 и 10 што дополнително бара вложувања, инвестиции не само во опрема, туку пред сè во човечки потенцијал, здравствен кадар кој може да одговори на потребите на пациентите кои минуваат тука, од кои едниот 10, во моментов е во полн ек и интензивно оптоварен.

Трајановски додаде дека до крајот на годинава со сегашниот буџет ќе обезбеди поквалитетна здравствена услуга на сограѓаните, организација на како што рече „одредени просторни промашувања“ да ја уреди со поголема достапност за пациентите.

– Во иднина имам за цел да донесам магнетна резонанца и друга опрема. Но, потребно е да се вложува во здравствен кадар, додава новиот директор кој ја презеде функцијата од досегашната директорка Биљана Ивановска.

Трајановски ќе продолжи да работи како ортопед, бидејќи само двајца се во болницата и поднел барање до Министерството да продолжи со дејноста, бидејќи работат на хируршките дејности.

Општа болница покрива територија на шест општини од североистокот и обезбедува секундарна здравствена заштита за Липково, Старо Нагоричане, Крива Паланка, Кратово и Ранковце со приближно 200.000 граѓани.

The post Стефан Трајановски, нов директор на кумановската општа болница appeared first on Република.

Владата на денешната седница донесе одлука за разрешување и именувања на директори на неколку државни институции. За директор на Управата за имотно правни работи се именува Зоран Крстаноски коj во минатото раководел со оваа институција.

The post Зоран Крстаноски е нов директор на УИПР appeared first on Република.

Усогласување на работното време на инспекциските служби на граничните премини,  автоматизација на терминалите на граничните премини со грант од ЕУ и негово поврзување со новиот систем за видео надзор и препознавање на регистарските таблички што се имплементира во моментов, како и унапредување на дигитализацијата и поврзување на институциите во рамки на државата но и на ниво на држави, се трите главни реформски мерки на коишто ќе работи Царинската управа во следниот период. Ова го истакна директорот на Царинска управа, Бобан Николовски, на средба со генералниот секретар на Асоцијацијата, Макам-транс, Билјана Муратовска. Средбата беше остварена на еден од најфреквентните гранични премини, Табановце, а со цел увид на состојбите, но и дијалог со Асоцијацијата каде се членки 1.500 превозни компании.

„Дијалогот е клучен за унапредување на мерките и политиките што ги преземаме, а коишто мора да дадат конкретни резултати. Пред претставниците на транспортерите ветивме конкретни политики и мерки кои треба да резултираат со скратување на времето на чекање, заштеда на средства и зголемување на конкурентноста на македонското стопанство“, истакна Николовски.

Тој потенцира дека проектот за автоматизација на терминалите на граничните премини и негово поврзување со новиот систем за видео надзор и препознавање на регистарските таблички ќе придонесе за значително намалување на времето на чекање, како еден од најгорливите проблеми со кои се соочуваат транспортерите. Истовремено, како што рече, ќе се намали потребата од човечки фактор, што ќе придонесе за намалување на криминалот и корупцијата и прибирање повеќе приходи во Буџетот.

Второ, нагласи тој, преку повисок степен на дигитализација ќе се модернизираат институциите и ќе се подобрат услугите кон компаниите и граѓаните. Како една од клучните мерки за скратување на времето на чекање, а за што е разговарано и со директорот на Агенцијата за храна и ветеринарство, ќе се усогласи работното време на инспекциските служби на граничните премини со работното време на граничните царински испостави. Ова особено ќе се примени на најфрекветните гранични премини, Табановце, Деве Баир, Богородица, Ќафасан и Блаце.

Директорот воедно потенцира дека лично ќе се осигура секој потпишан протокол што е во насока на олеснување на трговијата, како последниот за признавање на кантарските белешки, строго да се почитува, но истиот повика да се применува и од страна на превозниците.

Директорот уште еднаш пред јавноста апелира дека „работиме на менување на свеста на царинските службеници како приоритет во службата“.

„Ќе се бара ред, работа, дисциплина и максимален професионален ангажман од секој царински службеник при извршување на работните задачи. Директно апелираме и до транспортерите и до сите учесници во царинските постапки од нивна страна да се почитува царинската униформа, бидејќи само тоа е начинот на којшто ќе ја издигнеме ефективноста во работењето и очекуваните резултати ќе ги искачиме на максимално ниво“, порача Николовски.

Генералниот секретар на Макам-транс Муратовска изрази задоволство од дискусијата со директорот Николовски нагласувајќи дека секое скратување во времето на чекање е во полза на транспортерите.

The post Директорот на Царинската управа на средба со Асоцијацијата Макам Транс на ГП Табановце appeared first on Република.

Доктор Оливер Зафировски од Универзитетската клиника за респираторни заболувања кај децата „Козле“ е назначен за нов медицински директор на Универзитетската клника за пулмологија и алергологија Скопје, објавено е на неговата официјална страница на Фејсбук. Тој доаѓа на местото на проф. д-р Дејан Докиќ, пулмолог и алерголог кој беше назначен за директор на Пулмологија во 2017 година.

Д-р Зафировски во последните 30 години работеше во детската болница „Козле“ каде што во еден период беше и директор на Болницата.

Најпрво би сакал да им се заблагодарам на моите колеги од Универзитетска клиника за респираторни заболувања кај децата „Козле“ - Скопје каде што работев повеќе од 30 години и заедно ја изградивме во врвна медицинска институција. Како директор на новото работно место, ќе се залагам за поквалитетни здравствени услуги и третмант на пациентите на високо стручно ниво. Верувам дека конечно ќе ја вратиме довербата во нашиот здравствен систем каде што граѓаните ќе се се лекуваат по светски стандарди, објави д-р Зафировски.

The post Д-р Оливер Зафировски од болницата „Козле“ е нов медицински директор на Клиниката за пулмологија и алергологија appeared first on Република.