На 12 октомври се одбележуваат 30 години од воспоставување на дипломатските односи помеѓу Република Македонија и Народна Република Кина.

Од македонското Министерство за надворешни работи за МИА наведуваат дека дипломатските односи помеѓу двете земји се воспоставени на 12 октомври 1993 година. Односите меѓу двете земји достигнаа високо политичко ниво, додека билатералната соработка се развива во сите сфери.

На 12 октомври се навршуваат 30 години од воспоставувањето на дипломатските односи меѓу Република Македонија и Народна Република Кина. Односите меѓу двете земји во изминатиот период достигнаа високо политичко ниво, додека билатералната соработка бележи развој во сите сфери од заемен интерес, посочуваат од МНР.

Во фокусот е економската соработка, со посебен акцент на интензивирањето на трговската размена, што е од бенефит за граѓаните на двете земји.

Целосно го почитуваме територијалниот интегритет на НР Кина и ја поддржуваме политиката „една Кина“, поддржувајќи изнаоѓање соодветно решение. Во периодот што следи, ќе продолжиме заеднички да ја унапредуваме соработката, како на билатерален, така и на мултилатерален план, наведуваат од МНР за МИА.

Кина е петта земја, по Германија, Велика Британија, Грција и Србија со која Македонија најмногу тргувала во периодот јануари - јули 2023 година. Вкупниот обем на надворешно-трговската размена, како што објави неодамна Државниот завод за статистика, во овој период е 654, 7 милиони долари и во однос на истиот период лани бележи раст од 12 отсто. Извозот на македонски производи и услуги на кинескиот пазар изнесува 58, 4 милиони и бележи зголемување од 77, 2 отсто во однос на лани. Увозот на производи од Кина, пак, е повеќе пати повисок и изнесува 596, 3 милиони долари што е зголемување за осум отсто.

Неодамна во Скопје се одржа панел дискусија организирана од кинеската амбасада и Центарот за стратегиски истражувања и анализи на која кинеските претставници ја нагласија подготвеноста за продолжување на соработката во сите области, особено во економијата, како и дека Кина останува широко и искрено отворена за соработка со сите земји од Западен Балкан.

Годинава Кина одбележува и десет години од почетокот на иницијативата „Појас и Пат“ (Belt and Road Initiative - BRI)

Кина одбележува и десет години од воспоставување на иницијативата „Појас и пат“ (Belt and Road Initiative – BRI), која се нарекува и Нов пат на свилата. Целта на Кина беше да се помогне во изградба на инфраструктура во земјите од Источна Азија и Европа. Потоа кинеската Влада проектот го прошири на Африка, Океанија и Латинска Америка, обидувајќи се да го зголеми кинеското влијание и во овие региони од светот.

Во Македонија има два инфраструктурни проекти и тоа делницата Миладиновци –Штип, која е завршена и патот Кичево – Охрид, на кој се уште се работи од страна на кинеските компании. Во изминатите години исто така соработката се одвиваше и во други сектори како енергетика, култура, образование, ИТ и друго.

Според податоците од официјалната веб страна на „Пат и појас“ (Belt and Road Initiative – BRI), во изминатата декада 151 земја и 32 меѓународни организации се приклучиле кон оваа иницијатива. Генерирани се близу трилион американски долари во инвестиции, во преку 3.000 договорени проекти, креирани се околу 420.000 работни места во земјите долж оваа рута и им се помогнало на близу 40 милиони луѓе на работ на сиромаштија.

The post Триесет години од дипломатските односи помеѓу Република Македонија и Кина appeared first on Република.

Русија денеска воспостави дипломатски односи со т.н. Доњецка Народна Република (ДНР) и т.н. Луганска Народна Република (ЛНР), соопшти руското Министерство за надворешни работи.

Рускиот претседател Владимир Путин вчера ги призна проруските сепаратистички региони Доњецк и Луганск како независни држави, чекор кој Западот веднаш го осуди.

The post Москва воспостави дипломатски односи со т.н. ДНР и т.н. ЛНР appeared first on Република.

Кремљ соопшти дека останува отворен за сите дипломатски контакти околу Украина.

Оттаму порачаа дека прекинот на односите на Киев со Москва ќе ја влоши и онака напнатата ситуација.

Руската страна останува отворена на сите нивоа за дипломатски контакти… Се зависи од нашите противници - изјави портпаролот на Кремљ, Дмитриј Песков.

Тој додаде дека потегот на Киев да ги прекине официјалните врски со Москва ќе биде „исклучително непожелно сценарио коешто уште повеќе би ги отежнало работите“.

The post Кремљ: Русија останува отворена за сите дипломатски контакти околу Украина appeared first on Република.