Во врска со вчерашниот руски напад со суперсонична балистичка ракета врз Украина, поранешниот руски претседател Дмитриј Медведев, сега заменик-претседател на Советот за безбедност, на платформата „Х“ напиша „добивте тоа што баравте."

„Значи, тоа е тоа што го баравте? Па, проклето тоа и добивте! Напад со хиперсоничен балистички проектил“, напиша Медведев, заедно со објавеното видео од нападот.

Рускиот претседател Владимир Путин синоќа изјави дека Русија, како одговор на нападите на американските и битанските ракети со долг дострел, истрелала нова балистичка ракета со среден дострел „Оревокршачка“(Оrešnik) на украинска територија, за која, како што рече, современите системи немаат начин да се спротивстават.

„Како одговор на употребата на американско и британско оружје, руските вооружени сили извршија комбиниран напад врз еден од објектите на воено-индустрискиот комплекс на Украина“, рече Путин. Тој објасни дека со ова е тестиран најновиот руски ракетен систем со среден дострел, во овој случај хиперсонична балистичка ракета без нуклеарно оружје, која руските ракетни научници ја нарекоа „Оревокршачка“

So, that's what you wanted?
Well, you've damn well got it!

A hypersonic ballistic missile attack pic.twitter.com/lsKQHhMnif

— Dmitry Medvedev (@MedvedevRussiaE) November 21, 2024

The post Ова се хиперсоничните ракети „Орешник“ appeared first on Република.

Поранешниот руски претседател Дмитриј Медведев денеска ги обвини европските лидери дека бараат опасна ескалација на конфликтот во Украина по реизборот на поранешниот американски претседател Доналд Трамп.

Медведев, во моментов како висок безбедносен функционер, напиша на Телеграм дека европските политичари имаат намера „да го турнат конфликтот со Русија во неповратна фаза“ и предупреди дека на Киев не треба да му се дозволи да користи западни ракети со долг дострел за да погоди цели во Русија.

Медведев ги отфрли, како што ги нарече, „ултиматумите“ на германскиот опозициски лидер и можен следен канцелар Фридрих Мерц за употребата на оружје од Украина како реторика во кампањата.

Францускиот претседател Емануел Макрон и британскиот премиер Кир Стармер вчера ја потврдија својата поддршка за Киев за време на разговорите во Париз, додека францускиот министер за надворешни работи ги повика украинските сојузници да не прејудицираат како Трамп ќе го реши конфликтот.

„Генерално кажано, изненадувачки е до кој степен сегашната генерација европски политичари сакаат да ја донесат војната на своја територија“, рече Медведев

The post Медведев: Европските политичари сакаат ескалација на украинскиот конфликт по победата на Трамп appeared first on Република.

Заменик-претседателот на Советот за безбедност на Русија, Дмитриј Медведев, денеска предупреди дека успешен бунт на паравоената група Вагнер ќе значи дека тие ќе дојдат во посед на рускиот нуклеарен арсенал и ќе станат егзистенцијална закана за целиот свет.

„Историјата на човештвото сè уште не го видела најголемиот арсенал на нуклеарно оружје под контрола на бандити, таквата криза нема да биде ограничена на границите на една земја, светот ќе биде доведен на работ на уништување“, посочи тој во соопштението пренесено од руските државни агенции.

Тој додаде дека руските власти нема да дозволат таков развој на настаните.

Медведев го опиша бунтот како „добро испланирана операција насочена кон преземање на власта во земјата“.

Тој тврди дека некои ветерани на елитните руски воени единици, како и странски актери можно е да се вклучени во тоа.

Претседателот на Русија Владимир Путин денеска во вонредното обраќање до нацијата по повикот на шефот на Вагнер, Евгениј Пригожин, за вооружен бунт и влез на платенички сили во Ростов на Дон, изјави дека тоа е „предавство“ и вети дека ќе го „одбрани народот“ и Русија.

The post Медведев предупредува дека Вагнер може да дојде до руското нуклеарно оружје appeared first on Република.

Високи руски функционери денеска продолжија да ги обвинуваат САД и Западот за одлуката на рускиот претседател Владимир Путин да го суспендира договорот за контрола на нуклеарното оружје Нов СТАРТ.

Поранешниот руски претседател и близок соработник на Путин, Дмитриј Медведев, кој во моментов е заменик-претседател на Советот за безбедност на Русија, вели дека потегот бил задоцнет бидејќи, како што тврди, САД и НАТО практично ѝ објавиле војна на Русија.

Ние бевме принудени да ја донесеме оваа одлука поради војната што Америка и другите членки на НАТО ѝ ја објавија на нашата земја. Оваа одлука ќе има огромно влијание во светот, особено во САД, објави Медведев на својот канал на Телеграм.

И шефот на руската Дума, долниот дом на парламентот, исто така ги обвини САД за суспензијата на договорот од страна на Русија. „Америка одбива да дејствува во согласност со своите обврски, а исто така ги отфрли предлозите на нашата земја за глобалните безбедносни прашања. Така, ја уништи архитектурата на меѓународната стабилност“, рече шефот на Думата, Вјачеслав Володин.

The post Медведев: Америка и НАТО ѝ објавија војна на Русија appeared first on Република.