По повод 150 години од раѓањето на Крсте Петков Мисирков, авторот на „За македонцките работи“, книгоиздателството „Матица македонска“ ја објави книгата „Окружението на Мисирков“ од универзитетскиот професор Димитар Пандев, автор на редица значајни книги од областа на македонистиката, особено од областа на општата лингвистика и историја на македонскиот јазик, како што се во најново време „Историски портрет на македонскиот литературен јазик“ и „Писателот во функција на јазикот“ (во издание на „Панили“ и „Матица македонска“) во кои меѓу другото им посветува соодветно место и на дејноста на Крсте Мисирков.

Јубилејната книга „Окружението на Мисирков“, според авторот, не е напишана специјално за него, „зашто каква е таа прослава ако нема повикани да го одбележат настанот, независно ќе ја удостојат ли над време пространствено со своето присуство церемонијата или ќе ја пренебрегнат, прво неговите воспитувачи, ментори, професори, а потоа и неговите сомисленици во македонистичките идеи“, од најпознатите слависти и лингвисти во негово време, како Бодуен Куртене, Ватрослав Јагиќ, Петар Лавров и други, до најистакнатите македонски револуционери, како Даме Груев.

The post „Окружeнието на Мисирков“ – нова книга од Димитар Пандев appeared first on Република.

Во издание на Општина Охрид излезе од печат книгата „Охридскиот XIX век“ од професорите Димитар Пандев и Славе Ѓорѓо Димоски.

Во книгата на 219 страници во 5 поглавја, опфатени се најзначајните културолошки и социјолошки појави во 19 век во Охрид, кои имале свои рефлексии во македонската современа литература, информираат од Општина Охрид.

Книгата ќе биде промовирана денеска во 11 часот во салата на Општина Охрид, а промотор на истата ќе биде проф.д-р Лилјана Гушевска.

Настанот ќе биде збогатен со уметнички перфоманс на актерката Валентина Божиноска и ансамблот „Билјана“.

The post Промоција на книгата „Охридскиот XIX век“ од Димитар Пандев и Славе Ѓорѓо Димоски appeared first on Република.

Пред точно 162 години, на 25 март 1860 година  во Атина нашиот патрон – поетот и преродбеник Григор Прличев  за поемата „Сердарот“ бил овенчан со ловоров венец. Неговата поема била прогласена за најдобра а  жирито и критиката го нарекле Втор Хомер, соопштија од охридската библиотека.

Утре, точно напладне во НУ Библиотека „Григор Прличев“по тој повод  ќе се одржи книжевен портрет посветен на  проф.д-р  Димитар Пандев. Тој е минатогодишен добитник на  Наградата „Димитар Митрев“ за најдобра критичко-есеистичка книга во 2021 за делото „Времето на Конески“ („Панили“, Скопје).

Пандев, ќе биде прогласен за почесен член на Библиотеката.

За неговиот  животот и творештвото се очекува да говорат поетот Славе Ѓорѓо Димоски, професор Татјана Дурнева и Милчо Јованоски. Извадоци од неговите дела ќе чита средношколката Ана Бачиќ.

 

The post Книжевен портрет на  Димитар Пандев во библиотеката „Григор Прличев“ во Охрид appeared first on Република.