Димса Арсовски, портпарол на ВМРО-ДПМНЕ, се огласи преку фејсбук со силна поддршка за Никола Ѓуретановиќ, младиот македонски олимпиец кој пливаше во првата група со само петмина пливачи и заврши последен.

„Дете, ти веќе си шампион. Тоа е јасно.

Овој шунд од нереализирани луѓе што те вреѓа и омаловажува е само резултат на ниту една нивна исполнета, лична, животна цел.

Ти само продолжи со уште посилно темпо, за 4 години сите што те плукале ќе се гордеат со тебе.

А, ти, тогаш, треба да бидеш над сите и секој твој успешен резултат да го книжиш на конто на Македонија, која секако верувам дека ќе ти овозможи следниве години услови за тренинг и напредок кои си ги немал.

Честито на храброста на 16 години да се соочиш со сите на ЛОИ 24, Никола Ѓуретановиќ шампионе!“, напиша Арсовски.

The post Арсовски: Дете, ти веќе си шампион, за 4 години сите ќе се гордеат со тебе! appeared first on Република.

„Сведоци сме дека во изминатите години откако СДС ги има запоседнато сите институции во Република Македонија има голем криминал, корупција, енормно збогатување на функционерите кои што се од власта“, истакна Димче Арсовски, портпарол на ВМРО-ДПМНЕ во рамки на акцијата „Пораки од реалниот живот - Ова е Македонија за сите“ на денешната трибина насловена „Корупцијата и криминалот, приоритет на власта на ДУИ и СДС“.

Арсовски нагласи дека еден премиер си замина кој што беше криминоген, а другиот што дојде продолжи по неговите патеки.

„Пораката на граѓаните е дека највеќе им пречи неказнивоста и она што не одговараат сите овие функционери на власта за сето она кое што го сториле“, рече Арсовски.

„Во моментов најактуелно е дека има пораки од странските дипломати, има еве еден функционер на ДУИ, градоначалникот Рамиз Мерко веќе на црната листа на САД заради криминал и корупција. Видовме дека неколку предмети биле ставени во фиока кои што се работеле во ЈО, не биле спроведени понатака да дојдат до самиот финиш за да има одговорност за она што го направил. Гледаме дека е актуелно и семејството на Артан Груби како сериозно се збогатува, се здобива, се стекнува со сериозен имот, а не приложува воедно потекло на истиот тој имот. И она што е најтазе, сведоци сме на семејството на г. Али Ахмети, кој што е претседател на ДУИ како исто така енормно се збогатило, а нема  никакво потекло на имотот“, појасни портпаролот на ВМРО-ДПМНЕ.

Тој додаде дека и во изминатите години откако СДС и ДУИ се на власт имало стотици криминални афери и скандали за кои што ВМРО-ДПМНЕ излегло јавно да ги обелодени, но ниту еднаш обвинителството не отворило случај по допрен глас.

„Би сакал да напоменам во делот на Антикорупционерите кои што се гласни само кога на нив им одговара или имаат некоја насока да излезат во јавност, имаме поднесено стотици и стотици претставки кои што не се обработени изминативе години, а нормално се однесуваат на сомнеж за криминалот и корупцијата на власта. Тие отвораат само случаеви кога се работи само за некој функционер нормално креиран случај, за некој функционер од ВМРО-ДПМНЕ, за подоцна после неколку месеци да самите излезат и се демантираат дека всушност немало никаков криминал. Што значи едно инструирано тело кое што работи само за интересите на власта односно СДС и ДУИ, да ги прикрие нивните криминали“, укажа Арсовски.

Арсовски при своето излагање потсети на поднесени претставки во делот на 400 случаеви на непотизам, каде што власта изминативе години си ги вработуваше своите роднини во јавната администрација и државни институции и немаше никаков епилог од сето тоа. Тука е Фондот за иновации каде што се направи една проневера на сериозна сума на пари пред околу четири години каде што функционери, луѓе кои што се блиски до функционери секако како и роднински до власта на СДС и одредени функционери од ДУИ, и тогаш се поднесоа претставки и случајот повторно заврши заглавен во фиока и немаше никаков епилог.

The post Арсовски: Институциите за гонење криминал го штитат криминалот на СДС и ДУИ, поднесоците се чуваат во фиока без епилог appeared first on Република.

Молкот и необјавувањето јавно на лиценците за работа на очната болница која што функционира во склоп на медикал центар Промедика е доволен показател дека државниот здравствен и санитарен инспекторат и директорката Бухова нешто кријат или се обидуваат да сокријат и да премолчат, истакна на денешната прес-конференција портпаролот на ВМРО-ДПМНЕ Димче Арсовски.

Покрај признанието дека навистина инспекторатот издал решение за забрана за работа на очната болница, Бухова не ги приложува сите информации во јавноста и повторно ќе кажам нешто крие очигледно. Согласно информациите кои ги изнесовме и прашавме, сакаме уште еднаш да потенцираме дали оваа очна болница има лиценци за вршење оперативни зафати кои веќе ги работи и рекламира?

Ова е прашањето на кое што инспекторатот а веќе и министерството за здравство треба да дадат одговор - нагласи Арсовски.

Второ, доколку работеле без лиценци за вршење оперативни зафати, како наплаќале за истите, односно на кој начин ги приложувале парите и парите влегувале во платен промет, односно на кој начин плаќале данок за истите.

Кратко и јасно ова се двете прашања на кои што не треба да ги избегнуваат ниту ДЗСИ ниту пак министерството за здравство. Со оваа власт, со вакви директори како Ирина Бухова, СДСМ направи хаос и руина од здравството. Навистина е срамота за ваков скандал да се однесуваат ноншалантно и да молчат. Сепак се работи за здравје на граѓани.

Ова не е срам, брука и проблем на граѓаните, ова е срам, брука и проблем на институциите со кои што раководи СДСМ - рече Арсовски.

The post Арсовски: ДЗСИ јавно да ги објави лиценците за очната болница appeared first on Република.

Државниот здравствен и санитарен инспекторат очигледно како институција не постои во рамките на институциите на Република Македонија, ова денеска преку изјава за медиумите го истакна Димче Арсовски од ВМРО-ДПМНЕ.

Државниот здравствен и санитарен инспекторат преку соопштение во текот на вчерашниот ден признаа дека во 2018 година инспекторатот издал решение за забрана за вршење на дејност на очната болница која функционира во склоп на поликлиниката Промедика, а поврзано со случајот кој што го објавивме пред два дена. Директорката Бухова на сериозни обвинувања, за сериозен скандал немаше доблест да излезе лично во јавност и лично да признае дека очигледно до издавање на решението за затварање на болницата работела нелегално, а според нашите информации тоа продолжило и следните години. Замислете, очна болница во центарот на градот, без добиени лиценци за вршење оперативни зафати, продолжила да функционира и да оперира граѓани, благодарение на штитењето од страна на директорката Бухова. Бухова вчера со намера да демантира, всушност призна за целиот овој случај и за нерегуларностите, мислејќи дека ќе се затвори темата и никој повеќе нема да говори, не ги приложи јавно лиценците кои говори дека ги има очната болница - вели Арсовски.

Тој додава дека замислете, некој треба да и верува на кажан збор на инспекторатот и на Бухова, а сите се свесни дека од низата скандали гледаме дека таа е мозокот на нерегуларното работење во здравствените установи.

Инспекторатот и Бухова, веднаш нека ги објават јавно лиценците кои ги поседува очната болница за вршење оперативни зафати, тоа е очната болница во скоп на поликлиниката Промедика за која што говоревме пред два дена дека нема лиценци, за да ги уверат граѓаните дека болницата од своето отварање па до денес константно и непречено ги поседува лиценците. Во спротивно, а свесни дека лажат од инспекторатот, треба кривично да одговараат и да поднесе оставка и одговорност директорката. Главните прашања на кои сеуште не одговори Бухова и инспекторатот се следните: Дали оваа очна болница поседува лиценци и дозволи за вршење оперативни зафати или пак Бухова го штити ова диво оперирање? Кој ќе одговара за тоа колку пари се наплатени за оперативни зафати, ако се има предвид дека болницата немала одредени лиценци за вршење дејност и дали е ова затајување данок, перење пари и сериозно економско кривично дело? - прашува Арсовски.

Тој додава дека за да се смири целата јавност, Бухова веднаш може да ги објави лиценците и да ги направи јавно достапни на веб сајтот на инспекторатот, со што би спречила понатамошни манипулации. Но, тоа не и одговара ниту нејзе ниту инспекторатот, затоа што нема да може да го штитат криминалот и за тоа да има некаква си корист за која само таа знае.

Оттука, ги повикувам сите надлежни институции, министерот Беким Сали, доколку не е запознаен со овој случај да го испита и да ги направи потребните чекори за санирање на овој хаос, а Бухова да ја разреши и да сноси одговорност. Одговорете на прашањата и јавно објавете ги документи за да се смири јавноста, а не да пуштате штури и празни соопштенија мислejќи дека одредена тема ќе заташкате или криминал ќе покриете. Не, потребни се одговори и да приложите документи за кои што тврдите дека ги има - истакна Арсовски.

The post Арсовски: ДСЗИ призна дека поликлиниката работела без лиценца, дали Бухова ја штитела болницата која вршела операции без дозвола за работа appeared first on Република.

Како што најавив и претходно дека ќе објавам еден поголем скандал, денеска во јавноста ќе откриеме голем, сомнителен случај, за незаконито работење на службите и кадрите на власта. Практично целата таа корумпираност на овој систем на власта која што ја води СДСМ се одразува на тоа да излегуваат се поголеми скандали во јавноста. Ќе поставиме денеска прашања, на кои власта мора да одговори, а јавноста заслужува да ги чуе тие одговори. Имено, според информациите до кои што дојдовме, се работи за непречено функционирање на дива болница во центарот на Скопје, благодарение и со премолчување на власта и кадрите поставени од СДСМ, изјави на денешната прес конференција, Димче Арсовски, портпарол на ВМРО-ДПМНЕ.

Тој вели дека според нивните информации, очната болница на Промедика, која е во склоп на медикал центар поликлиника Промедика и се наоѓа во строгиот центар на градот Скопје кој што не може ниту еден инспектор или било кој вработен во министерството да ја промаши, функционира и врши дејност оперативни зафати, без потребни лиценци кои што мора да ги има согласно Законот.

Свесно или не, поликлиниката медикал центар Промедика го прекршува Законот за здравствена заштита, каде што здравствена дејност во Република Македонија може да вршат и приватни установи кои работат врз основа на добиена лиценца (член 13 став 3) и кои што може да вршат услуги од областа на секундарното здравство како специјални болници (член 36), што укажува на следното дека приватни болници се основаат врз основа на утврдени критериуми, по чие што исполнување и констатирана проверка за нивната исполнетост од страна на луѓето односно фирмата која што сака да отвори приватна установа, за потоа да добие дозвола од страна на министерството за здравство за вршење на одредената дејност со точно наведена листа на здравствени услуги. Значи се исполнуваат критериуми, се врши од страна на министерството и инспекторатот проверка дали се исполнети условите и веднаш потоа се издава лиценца. Оттука, контролата врз работата на тие приватни установи болници, треба да ја врши Државниот санитарен и здравствен инспекторат како орган во состав на министерството за здравство. Според нашите информации кои што ги имаме и ги поседуваме, инспекторите од Здравствениот инспекторат уште пред неколку години донеле одлука за затворање на оваа очна болница која што работи во склоп на поликлиниката Промедика, која работи под неколку имиња или правни подсубјекти, кои што може да се видат и по рекламите дали по социјалните мрежи и медиумите. Но, корумпираноста на институциите и кадрите со кои што раководи СДСМ го спречува затворањето на болницата и овозможува нелегално и диво работење и оперирање во оваа иста болница, појасни тој.

Арсовски посочи дека оттука произлегуваат неколку прашања и тоа поучени по примерот на претходниот случај кој што излезе во јавност со друга приватна болница, сега власта треба да одговори на следните прашања:

– Дали директорката на Здравствениот инспекторат Ирина Бухова и претходно министерството ја штитат оваа болница од затворање и прекинување на нејзиното нелегално работење и практично нелегално вршење на дејност и оперативни зафати?
– Дали оваа очна болница во склоп на Промедика работи нелегално без добиените потребни лиценци односно без потребните лиценци кои што ги нема добиено бидејќи не ги исполнува сите услови?
– Ако работи нелегално, кој би сносил одговорност доколку се случи пропуст или несреќен случај при некој од оперативните зафати?
– Многу важно прашање, дали и како наплаќа оваа очна болница на Промедика односно поликлиниката Промедика за услугите во очната болница, за оперативните зафати, од едноставна причина што доколку нема лиценца за вршење оперативни зафати, не е даночен обврзник и практично дали од тука потекнува и произлегува најтешкото економско кривично дело, затајување данок и перење пари? Бидејќи тие луѓе кои што ги користат услугите можеби не знаејќи дека оваа болница работи нелегално и диво, плаќаат за тие услуги. И како болницата ги пријавува тие пари кои што се платени за услугите за кои што не поседуваат лиценца?

Ова се прашањата кои што треба да ги одговорат институциите. Ова е криминал од огромни размери, каде што здравството уште еднаш за жал потврди дека е руинирано и нефункционално. СДСМ и власта воведоа пракса на криминал и сериозна тешка корупција и повеќе никому не му е гајле за законите. Ова не е прв случај на сериозен криминал, на сериозен скандал и на сериозна корупција во министерството за здравство. Вакви случаеви дали со помал или со било каков интензитет гледаме наназад со години откако СДСМ раководи со институциите. Свесни ли сме кој се работи по болниците, ова е најважното прашање за јавноста, а притоа не знаеме дали тие болници имаат лиценци и дали имаат законски исполнети услови? Практично оваа власт на СДСМ доведе да не знаат граѓаните каде се сѐ лечат. За овој скандал, веднаш треба оставки од луѓето кои што го штитат криминалот и треба одговорност! Никој не смее да биде над законите и никој не смее да прави што сака без разлика дали е стручен или не. Најважно е дека треба било која приватна здравствена установа да исполнува услови, а понатака институциите треба да си ја завршат својата работа. Овој случај нема да го оставиме така и потребна е одговорност, додаде портпаролот.

The post Арсовски: Дали Бухова и министерството за здравство дозволиле очната болница на Промедика да врши дејност оперативни зафати без потребни лиценци? appeared first on Република.

Димитар Ковачевски е срам за македонскиот народ. Продолжувањето по стапките на неговиот ментор Зоран Заев, каде што убедливо ја носи државата кон патот на пропаст и национален срам, го прави уште полош премиер и од самиот Заев. Прашањето кое што го поставува јавноста е следново: Зошто Ковачевски бега од соочување со граѓаните на референдум? Дали со тоа што вели дека е чекор назад референдумот во целиот процес значи дека е свесен дека граѓаните не го поддржуваат?“, прашува Димче Арсовски, портпарол на ВМРО-ДПМНЕ.

Да, граѓаните не ја поддржуваат неговата политика. Тоа што Ковачевски се плаши да оди на референдум е само доказ дека граѓаните не даваат поддршка на преговарачката рамка која што тој ја промовира и турка, што во превод значи асимилација и бугаризација. Граѓаните не се за ова.

Ако говориме за чекори наназад, Република Македонија чекори наназад цело време откако е дојдена СДСМ на власт. Со Ковачевски само се интезивира тоа темпо на чекорење наназад.

Димитар Ковачевски треба да се извини на македонскиот народ, на граѓаните затоа што ја носи државата против волјата на граѓаните кон ново национално предавство.

ВМРО-ДПМНЕ нема да дозволи промена на Устав по ниту една цена. Цената што сака Ковачевски да ја платат граѓаните и државата е преголема.

Манипулациите на Ковачевски и кликата околу него ќе пропаднат ако тој прифати и излезе на референдум и затоа и е исплашен и се плаши од народот, како што всушност видовме дека е исплашен и на онаа приватна партиска прослава која што ја имаше направено во Крушево каде што не им допушти на граѓаните да го чествуваат празникот како што доликува и треба.

Дополнително, додека Ковачевски оди против сопствениот народ, на државата и се случува економски крах. Ценовни шокови, поскапувања, инфлација, најнизок раст на БДП во регионот, најмалку странски директни инвестиции во државата.

Ова е класичен неуспех на Ковачевски и на целиот тим на СДСМ во владата. Ковачевски и сите тие околу него кои што управуваат со владата се срам за Република Македонија.

The post Арсовски: Ковачевски да се извини на македонскиот народ затоа што ја носи државата против волјата на граѓаните кон ново национално предавство appeared first on Република.

Секој нов ден на чело со СДСМ и ДУИ на власт е нов неуспех на власта и на Република Македонија. Власта секојдневно се обидува да го покрие сопствениот неуспех и тоа им стана практика меѓутоа не им поминува. Во обид да го затскрие својот неуспех се обидува да ги обвини ЕУ за нивниот неуспех или пак ВМРО-ДПМНЕ за недоволна борба за она кое што тие го направија како предавство. Граѓаните се свесни и не им успеа ништо од тоа. И на крајот од денот граѓаните повторно се свесни каква катастрофална национална политика води СДСМ и оваа Влада, изјави на денешната прес конференција, Димче Арсовски порптарол на ВМРО-ДПМНЕ.

Тој истакна дека СДСМ и власта имаа две цели за покривање на својот неуспех, но ниту една од двете цели за перење на сопствениот неуспех и распродавање на националните интереси не им помина.

Ниту првата цел да ја обвинат ЕУ за позицијата во која што во моментов се наоѓа Република Македонија на дипломатски план односно на европскиот пат, ниту пак втората цел преку својот полусвет кој што го контролира СДСМ да го обвини ВМРО-ДПМНЕ дека недоволно се борело. Ниту една од овие две цели не им успеа. Граѓаните се свесни. Патем за првата цел, најдобар пример беше нападот и канонадата ако сите добро се потсетиме и се сеќаваме, врз господинот Тимоние, поранешен амбасадор на Франција во Македонија кога се менуваше методологијата на ЕУ, каде што сите координирани од СДСМ го нападнаа поранешниот амбасадор. А, вториот пример за втората цел е најголемата небулоза е дека истовремено СДСМ ги обвинува ВМРО-ДПМНЕ ем дека недоволно се бореле, а од друга страна ги обвинува дека се однесуваат радикално. Очигледно е дека СДСМ и власта се однесуваат дезориентирано и хаотично, затоа што граѓаните го препознаа ова предавство на СДСМ. Народот препозна предавство. Народот одлучно препозна дека за сите овие предавства кои што ги направи СДСМ дали е тоа на дипломатски план, дали е на економски или на било кој друг план, не е виновен никој друг, единствено е виновен СДСМ и власта на чело со Димитар Ковачевски, Зоран Заев и Стево Пендаровски. Затоа и ќе ги стигне ова предавство на наредните избори каде што ќе загубат толку силно што ќе дојдат до расформирање на нивната партија- појасни Арсовски.

Портпаролот посочи дека СДСМ наспроти националниот неуспех, нарушувајќи ги позициите и државните интереси, руши негативни рекорди во регионот и на економски план.

Убедливо Република Македонија има најнизок раст на БДП буквално во целиот регион, убедливо најнизок. Убедливо има најмалку странски инвестиции, а едно време бевме како држава и лидер во регионот по донесени странски директни инвестиции. Што уште еднаш покажува дека никој, ама баш никој ниту во државава, ниту од надвор, немаат доверба во оваа Влада, во овие луѓе кои што ја водат Владата и немаат доверба во целиот систем со кој што го има поставено оваа криминална власт. СДСМ преку националното предавство се обидуваат да купат уште некој ден повеќе да бидат на власт, за да може да донаместат уште некој тендер или да доискрадат уште тоа што им останало. Најкорумпираната влада на СДСМ не може да биде поевропска од било која друга во Република Македонија во ниту еден случај. За крај да потенцирам уште еднаш јасно и гласно, уставни измени со ВМРО-ДПМНЕ нема да се случат, во ниту еден случај нема да се случат. Граѓаните шамарот на власта за предавството најпрвин треба да им го удрат на референдум, а потоа и на избори кога ќе ги однесат буквално до расформирање со поразот со кој што им го нанесат. Нема промена на Уставот на Република Македонија под овие околности, по ниту една цена. Јавно повикуваме и како партија и како политичари од оваа партија да поддржиме референдум, сите заедно да повикаме и шансата да одлучува да ја има народот да донесе одлука, а не да ја носат одлуката политичарите кои што се корумпирани од власта за нивното лично коруптивни интереси. Одлуките на власта, одлуките на политичарите од СДСМ не се во интерес на граѓаните - дециден е Арсовски.

Тој порача дека не смее да има повеќе разочарувања, не смее повеќе неуспеси и народот не смее повеќе да губи надеж.

 Доволно генерации пропаднаа заради владите на СДСМ - додаде Арсовски.

The post Арсовски: Уставни измени со ВМРО-ДПМНЕ нема да се случат – власта не успеа предавството и неуспехот да го припишат на друг, единствено тие се виновни appeared first on Република.

Уште траат консултациите во ВМРО-ДПМНЕ, за тоа како да гласи референдумското прашање што е нивна иницијатива по францускиот предлог. Оттаму посочија дека се работи за крупно прашање и дека не се обврзани со рокови. Опозицијата обвинува дека власта се плаши и не говори многу на оваа тема, како и дека претседателот Стево Пендаровски ретерира.

Внатрепартиските консултации сѐ уште траат, веднаш штом се однесе одлука ќе излеземе и јавно ќе ја презентираме. Она што повеќе нѐ загрижува како политичка партија е недоветото однесување на Стево Пендаровски, кој сам изјави дека е потребен референдум за ова прашање, а дури потоа, откако најверoјатно му извршило притисок или му ги истегнале ушите овие од СДСМ, ретерираше по тоа прашање дека не треба да има референдум“, кажа на денешната прес-конференција портпаролот на ВМРО-ДПМНЕ, Димче Арсовски.

The post Aрсовски: Внатрепартиските консултации за референдумското прашање сѐ уште траат, штом се однесе одлука ќе излеземе и јавно ќе ја презентираме appeared first on Република.

Денеска во 19 часот сите пред Влада, затоа што после ќе биде доцна. Еднаш го прелажаа народот и сите вас, втор пат ако ве прелажат, вината нема да биде нивна, порачува портпаролот на ВМРО-ДПМНЕ, Димче Арсовски.

* Ако некој се чувствува виновен што гласал за СДСМ, во 19ч пред Влада може да се покае...

* Ако некој не следел политика до сега, во 19ч треба да излезе за себе, најблиските и државата...

* Ако некој е против сите партии, денес во 19ч ги повикуваме сите надвор од партија... Сите сме вечер МАКЕДОНЦИ од Република Македонија...

* Ако некој мисли дека Македонија нема иднина, вечер во 19ч има шанса да продолжи да се бори и да ја создава... - повикува Арсовски.

The post Арсовски: Ако некој е против сите партии, ги повикуваме сите надвор од партија, денеска во 19 часот сите сме МАКЕДОНЦИ appeared first on Република.

Република Македонија е жртва на дипломатската непособност и незнаење на оваа влада предводена од СДСМ и ДУИ. Тотален дебакл и перманентно нарушување на сите преговарачки позиции со Бугарија е резултат на оваа влада, предводена од СДСМ и ДУИ. Смешни се кога ги слушаме од владата дека велат дека државата била цел на хибриден напад, кој пак ниту се обиделе да го спречат доколку го имало, ниту пак поднесуваат одговорност затоа што не можеле да го спречат доколку имало такво напад. Смешни оправдувања за неспособноста на оваа влада, обвинува Димче Арсовски, портпарол на ВМРО-ДПМНЕ.

Во продолжение следува интегрален текст од неговата прес-конференција:

Она што е многу важно денес да го одговори јавно владата, на јавноста, на граѓаните, медиумите, е следново:
-Дали денеска има тим од МНР кој е пратен во Република Бугарија да преговара за францускиот предлог?
-Дали е точно дека овој тим денеска преговара за предлогот да биде ставен во протокол за Европската унија?
-Дали со ова молчење, тимот од МНР ја крои тажната судбина на државата, далеку од очите на јавноста каде што ги води овие преговори во Софија?

Ковачевски, Османи, Маричиќ и сите останати да одговорат што работат и што преговараат тајно, далеку од очите јавноста во однос по ова прашање поврзано со францускиот предлог.

Благодарение на ВМРО-ДПМНЕ и притисокот кој што беше најважен, планот на Ковачевски, Османи и Маричиќ, предлогот веднаш да помине во двете собранија не се случи, во Република Македонија заради притисокот за кој што споменав претходно, а во Бугарија заради оставката на тамошниот премиер.

Ваков дебакл, каков што ѝ се случи на Република Македонија и на граѓаните, не се случил никогаш и никаде во ниту една дипломатија.
Ова е срам, ова е брука, ова е тотално непознавање на елементарните дипломатски работи, класично непознавање на дипломатската професија на луѓето кои што во моментов ја работат во владата и класично неспособно работење и незнаење на една влада, во случајов владата предводена од СДСМ и ДУИ.

Уште истиот момент, кога ќе ги погледнете луѓето кои ги водат преговорите ќе сфатите дека се работи за класични неработници и непознавачи на дипломатијата.
СДСМ и ДУИ не смеат да преговараат против националните интереси и за францускиот предлог да биде ставен во протокол за ЕУ.

Ковачевски, Османи и Маричиќ мораат јавно да одговорат што прават тимовите денеска во Софија и најважно, мора да се сноси одговорност за овие дипломатски дебакли и неславни моменти што ги доживува државата и тие единствено паѓаат на товар и штета на граѓаните и државата.

Оставка е најмалку што може да направи оваа влада, бидејќи срамот ќе остане, но тие мора да си заминат веднаш, за да не доживуваме нови дебакли како држава.

https://youtu.be/_vycR3hhwfA

The post Арсовски: Дали тим од МНР денеска е на тајни преговори во Софија за прифаќање на предлогот и протоколот? appeared first on Република.

ВМРО-ДПМНЕ заедно со граѓаните, со јавноста, со населението оди до крајната цел, а тоа е предвремени парламентарни избори на кои што ќе падне оваа криминална и катастрофална Влада која што ја уништува Република Македонија - истакна на денешната прес конференција, портпаролот на ВМРО ДПМНЕ, Димче Арсовски.

Следниот период како што знаете, како што најавивме ќе биде прилично исполнет со активности, каде што ВМРО-ДПМНЕ како политичка партија ќе преземе разно разни протестни активности низ целата држава, се до нашата конечна цел, се до конечната цел која што ја посакуваат и граѓаните и јавноста, тоа е опаметување на оваа криминална власт предводена од СДСМ и ДУИ, и распишување предвремени парламентарни избори. Тимови составени од извршниот комитет на партијата, пратениците, раководството ќе бидат присутни буквално во секое населено место помеѓу населението и граѓаните и ќе се врши општа мобилизација на народот против власта, кој и онака веќе е јасно дека е на страната на ВМРО-ДПМНЕ, тоа е народот, тоа се граѓаните, тоа го покажаа и на последниот протест и тоа го докажуваат и со секојдневната поддршка што ни ја даваат. И како што реков се до конечна цел паѓање на оваа криминална власт - рече Арсовски.

Предвремените парламентарни избори се нужни и мора да се случат што побрзо. Секој ден, ама буквално секој еден ден поминат со оваа Влада предводена од СДСМ и ДУИ е нова катастрофа и нов пораз и за државата и за граѓаните. Тоа мора да прекине и не смее да ни се случува повеќе како држава.

Ковачевски и Ахмети треба јасно да знаат дека граѓаните бараат промена на оваа криминална власт и дека единствено, ама единствено решение се само предвремени парламентарни избори. И нема друго решение. Тоа е единственото решение. Доколку и понатаму продолжат да ја игнорираат потребата од избори кои што ги бараат ВМРО-ДПМНЕ, опозицијата и граѓаните, ние ќе бидеме принудени да пристапиме како што најавивме и како што рековме кон целосна блокада на институциите, на патиштата, на целата држава, за конечно да се оствари целта која што ја посакуваат сите во оваа држава освен власта, а тоа е предвремени парламентарни избори. Доволно се кријат, доволно бегаат, нека излезат на мегдан да се соочат со ВМРО-ДПМНЕ, со опозицијата и со граѓаните - додаде Арсовски.

Доколку се рационални и доколку барем малку размислуваат и и мислат добро на државата и на граѓаните, само треба многу малку да размислат и да им биде јасно дека активната блокада како прв чекор е и повеќе од успешна и многу успешна, и дека ако прејдеме на блокада на целата држава која исто така ќе биде успешна, секако ќе има избори, само треба да си ги скратат маките и нервозите.

Затоа, потребни се предвремени парламентарни избори што побрзо, потребни се веднаш, за да се поштеди целата држава од блокади, а воедно и оваа криминална власт ќе ги поштеди и граѓаните од секојдневното крадење кое што во моментов го прават. Јавноста, граѓаните бараат промени, и ВМРО-ДПМНЕ ќе ги испорача тие промени! Премногу е од расипништво на оваа криминална Влада! Избори мора да има, и ќе има - рече на крајот Арсовски.

The post Арсовски: Ако нема договор за избори, ВМРО-ДПМНЕ ќе преземе протестни активности низ целата држава – нужни се избори! appeared first on Република.

The post Граѓаните ќе плаќаат поскапа струја за да има пари за криминалот на СДСМ appeared first on Република.

Жестока дебата меѓу портпаролите на СДСМ, Дарко Каевски и на ВМРО-ДПМНЕ, Димче Арсовски вечерва во дебатниот магазин „Click Plus“ на ТВ21. По меѓусебните партиски обвинувања, Арсовски го праша Каевски дали знаат каде е поранешната специјална обвинителка Катица Јанева.

Сакате да ви кажам? Еве ако не сте виделе на социјалните мрежи да ви кажам, Катица Јанева, госпоѓа една која што испадна дека е врхунски криминалец, да се изразам со жаргон кој што луѓето надвор на улица го коментираат, госпоѓава наместо да ја одлежи својата казна во затвор, таа си пазари по маркети и си шета најнормално. Сакате да ми кажете дека тоа е доверба во судството?, истакна Арсовски.

The post Арсовски до Каевски: Каде ви е Катица Јанева? appeared first on Република.

Владата на СДСМ предводена од Ковачевски се претвори во туристичка агенција. Вработените патуваат на сметка и на конто на државата, ги пуштаат во Бугарија на пат како новинари, а згора на се, од СОЗР и од Владата лажат и демантираат дека тоа не е така, а никаде ама баш никаде не објавија официјални документи за она кое што го тврдат, односно го демантираат, истакна на денешната пресконференција портпаролот на ВМРО-ДПМНЕ Димче Арсовски.

Во продолжение интегрален текст и видео од прес-конференцијата на Арсовски:

Имено, на заедничката седница која што требало да се одржи во јануари во Софија помеѓу двете влади, на четвртата седница на нашата Влада во Република Македонија се изгласало одлука да се обезбеди бесплатно сместување, патни трошоци и ПЦР тестови единствено за новинарите, никаде не е донесено одлука за вработените. Додека пак од СОЗР, Служба за општи и заеднички работи која што е под Владата, 6 луѓе заедно со директорот на СОЗР биле на државен трошок три дена во Софија додека траела седницата.

Тотално е нејасно зошто мора да одат 6 луѓе од СОЗР на заедничка седница помеѓу двете Влади, а згора на се да се обидат истите тие да бидат така наречено протнати на списокот како новинари. Очигледно се работи за екскурзија и за тура на која што требало да ја разгледаат Софија како изгледа. Трето нема.

Еве и нив јавно да ги прашаме: Дали е точно дека на четвртата седница на Влада на Република Македонија, било донесено одлука во точка 5, каде што пишува дека само за новинарите се обезбедуваат сместување, превоз и ПЦР тестови и никаде не е наведено дека за вработените во Влада или СОЗР?

Луксузот на грбот на граѓаните е една од примарните работи кои што ги работи оваа Влада предводена од Ковачевски и СДСМ, и нејзините поданици. Трошењето на парите на граѓаните за луксуз е навика која што никако не им престанува на СДСМ, дури ниту во сред економска криза, каде што самите велат дека ќе крателе од непродуктивните трошоци.

Додека граѓаните не можат да преживеат и да се прехранат, владините претставници се луксузираат и си прават екскурзии на грб на граѓаните и на државна сметка.

Секој смешен демант што го пуштаат од страна на СОЗР или од Владата да го демантираат овој скандал за вакви случаеви, не само за ова туку и за други, само покажува колку тие се очајни и смешни. Затоа, наместо штури и празни соопштенија и деманти без докази, за ова некој треба да си понесе одговорност или најмалку што треба да направи е да ги врати тие неколку илјади евра во буџетската каса кои што ги потрошиле за оваа екскурзија и никако поинаку!, рече Арсовски.

https://youtu.be/ZX6bnthEfmo

The post Арсовски: Вработени во Влада на државен трошок како новинари си правеле екскурзии во Софија appeared first on Република.

The post Арсовски: Стандардот на граѓаните е уништен, основните трошоци за живот двојно зголемени appeared first on Република.

Навистина е трагично со каков курс и знаење се управуваат финансиите на Република Македонија. Пред само шест месеци од истата оваа говорница, апелиравме, најавувавме, предупредувавме дека Буџетот за 2022 година кој го предложи и донесе Владата е тотално неразвоен и за жал, луксузирачки за власта, а воопшто не е од корист за граѓаните стопанството и државата, изјави портпаролот на ВМРО-ДПМНЕ, Димче Арсовски.

интегрален текст во продолжение од неговата пре-конференција

Она што е уште потрагично е што истиот економски тим што го носеше Буџетот и тогаш пред само 6 месеци, го крои и ребалансот на истиот Буџет сега. Со нивната ароганција и самоувереност тогаш не убедуваа дека тогашниот предложен Буџет е најразвојниот и ќе ги санира сите проблеми, а гледајќи го сегашниот ребаланс, кој што треба да се дебатира во Собрание и да се гласа, сите ќе се согласиме дека Владата на чело со Ковачевски и Бесими ги лажела граѓаните и стопанството и ги потврдија нашите тврдења дека целиот проектиран Буџет за 2022 година им е промашен.

Да потенцираме и да предупредиме неколку важни работи за новиот ребаланс на Буџет.

Навистина е нејасно и навистина е срамно, како во ек на економска криза која ја зафати светот и кога знаеле целата Влада дека ќе има криза, тие испланирале стотици уште минатата година кога се носеше Буџетот за целата 2022 година, испланирале милиони евра непродуктивни трошоци, кои сега наводно ќе ги кратат. Верувам дека и во иднина нив поважен ќе им е луксузот, како што им беше поважен во планирањето на годишниот буџет, така ќе биде и сега. Наместо на самиот почеток кога се планирал годишниот Буџет тие средства да бидат искористени, практично непродуктивните трошоци кои гледаме дека се огромна бројка стотици милиони евра, наместо да бидат искористени за стабилизација на економијата и стопанството во пресрет на кризата која гледаме дека нема да заврши набрзо и истите да влијаат во заштита на стандардот на граѓаните, тие испланирале стотици милиони евра за непродуктивни трошоци. Практично уште повеќе да ја заглават економијата и да ја потонат.

Самото ова кратење сега е задоцнето и носи ненадоместливи штети. Вистинските непродуктивни трошоци лежат во одржувањето веб страни на министерство за политички систем, во ставката за перење на коли на одредени министерства кои се и тоа како големи, за пиењето и плаќање над 1200 кафиња дневно во Влада, изградба на милионски згради на институции токму сега на институции кои можат да почекаат подобри времиња итн итн. Ова се вистинските непродуктивни трошоци.

Она што е многу важно е што капиталните расходи во периодот јануари – април во 2022 година се само 100 милиони евра или 16,3% или ако гледаме од годишното проектирање од идеалните проектирани 33% за една третина од година, имајќи предвид дека е помината третина од годината, ова е половина реализација од идеално проектираните за една третина од годината. 16,3% е навистина ниска стапка за капитални инвестиции. Тоа покажува дека не работат ништо, дека на полето на инвестиции се деструктивни, дека немаат план и дека за џабе ги трошат народните пари за да земаат плати во владата.

Капитални инвестиции нема тоа го гледаме сите, не само оваа година тоа се сите претходни години наназад додека владее СДСМ, парите се потрошени, задолжувањето секојдневно расте, долгот се зголемува, што значи, со еден збор, парите на граѓаните се крадат. Оваа влада ги краде парите на граѓаните.

Инфлацијата веќе е двоцифрена, стапката на сиромаштија кај граѓаните е над 35%, тоа е повеќе од 1/3 од граѓаните да живеат во сиромаштија во Македонија и тоа власта го знае и тоа воопшто не и е гајле, нејзе единствено и е важен нејзиниот луксуз и да ги полнат нивните џебови.

Јавниот долг се ближи кон 8 милијарди евра, секојдневно гледаме преголеми задолжувања што не може да ги издржи нашата економија. Генерации наши деца ќе отплаќаат долгови на СДСМ заради нивното недомаќинско и раскалашено работење.

Проектираат намалување на планираниот раст на БДП за 25%, а голема е веројатноста да не го остварат и тој, што уште еднаш покажуваат дека се безидејни и дека не знаат всушност што работат и како да работат.

Жалосно е што се уште вештачки предвидуваат и пумпаат очекувања за реализација на патот Гостивар – Кичево, а не можат да изградат ниту 1 метар од автопатот Кичево – Охрид, навистина е смешно, навистина е трагични. Не можат да го доизградат ниту патот до Блаце, а веќе планираат за изградба за патот Гостивар – Кичево.

Се во оваа Влада е вештачко. Дури ниту тие самите не се сигурни во себе и не знаат што прават и што ќе прават. Сето ова е купи ден, продади политика, која ја наследија од Зоран Заев и успешно продолжуваат да ја спроведуваат и да ја надградуваат. Ништо ново, ништо корисно. Сето ова е трасирање на патот кон банкротот, каде што не мислат за идните генерации дека ќе ги заглават и дека некој ова ќе треба да го санира и да го отплаќа.

Сега повторно предупредуваме, кризата во Република Македонија со ваквата безидејност, со ваквата неспособност, само повеќе ќе се продлабочи со овие необмислени потези и безидејноста на економскиот тим на Владата, само повеќе ќе трпат штети граѓаните и стопанството. Затоа се потребни избори и нова подготвена Влада да ги врати работите во нормала.

The post Арсовски: Капиталните расходи двојно помали, инфлацијата двоцифрена, по ребалансот кризата ќе биде продлабочена appeared first on Република.

МВР и ЈО со денови молчат за оштетувањето на буџетот на државата преку фиктивни фактури за поврат на ДДВ во висина и до 30 милиони евра, во кои што главни актери се луѓе блиски до врвот на СДСМ и ДУИ. Молчат и не преземаат буквално ништо, истакна Димче Арсовски, портпарол на ВМРО-ДПМНЕ.

-Според нашите сознанија, за кои што постојат и докази преку фиктивни фактури за поврат на ДДВ од УЈП фирми блиски до СДСМ и ДУИ шемата одела со две фирми во кои едната фирма се јавувала како фиктивен побарувач на ДДВ од УЈП, а другата фирма се јавувала како должник на ДДВ во УЈП. Фирмата која што е фиктивен побарувач и приоѓа на фирмата која што е вистински должник и со правење на договор за цесија со цел пребивање на долгот кој што реално го должи фирмата должник кон УЈП за определен надомест се оштетува буџетот и целата таа операција на оштетен буџет од тие фирми кои што се вмешани достигнува во висина и до 30 милиони евра.

За да успее овој организиран грабеж потребно е целосна кооперативност на врвот на УЈП кој што нормално е раководен од партиите на власт, како и на централната дирекција, така и на скопската дирекција.

И иако за овој криминал има докази и се е многу јасно, министерството за внатрешни работи, економскиот криминал, организиран криминал и ЈО молчат и ја кријат оваа злосторничка организација која била направена за испумпување на пари на граѓаните, вели Арсовски и додава:

„Овие 30 милиони евра се пари кои што се на штета на буџетот на македонските граѓани на македонската држава требало да завршат во буџетот, и со нив да бидат реализирани капитални инвестиции, но наместо тоа најголем дел од тие пари завршиле во џебови на луѓе кои што се во врвот на власта.

Оттука уште еднаш сакаме да ги повикаме МВР и ЈО да ја откријат оваа злосторничка шема која што има проневерено 30-тина милиони евра од буџетот на Република Македонија и буџетот на граѓаните, и доколку не ги обелоденуваат и продолжат да ги кријат, тоа ќе го стори ВМРО-ДПМНЕ, а по промена на власта одговорност за овој и за сите други криминални случаеви ќе има буквално за сите, и никој нема да биде спасен. Никој нема да биде заборавен кој што се огрешил пред законот, како за вистинските реализатори на овој криминал, директните сторители, така и за прикривачите и за оние кои што помагале“.

https://youtu.be/DlwtyTRkDDw

The post Арсовски: Луѓе блиски до врвот на СДСМ и ДУИ го оштетиле буџетот преку поврат на ДДВ до 30 милиони евра appeared first on Република.

Оливер Спасовски со денови се повеќе се плетка во скандалот со заташкувањето на убиството на ракометарот Денис Тот, рече на денешната прес конференција портпаролот на ВМРО-ДПМНЕ, Димче Арсовски.

Еве една хронологија која што го потврдува тоа, многу прецизна, според динамиката која што тоа го правеа институциите на системот.

Според информациите кои што ги има јавноста, претепувањето на ракометарот се случил во 3 часот на 7-ми април.

Според КАРИЛ и Ургентниот центар истиот ден на 7-ми април, во раните утрински часови до МВР била пријавено „сомнително нешто“ кај пациент кој е примен кај нив.

Дополнително и медиумите вечерта на 7-ми април известуваат за претепувањето на млад ракометар.

НО И ПОКРАЈ СИТЕ ОВИЕ НАВОДИ МВР на 8-ми април преку официјален став до медиумите испратен околу 10 часот говори дека НЕМА физичко насилство.

Внимавајте, МВР на Оливер Спасовски после 30 ЧАСОВИ од настанот, после сите пријави од Клиника на сомнителни работи, после сите пишувања на медиумите, се дрзна да каже дека немало физички повреди кај загинатиот ракометар.

По опис и попис МВР требало да испита и да утврди што се случило, до толку повеќе што за тоа постоеле снимки кои што ги виде сепак јавноста. 30 часови траел молкот на МВР. Дури после смртта на ракометарот, МВР излезе со поинаков став.

Недопустлив е дефокусот на Спасовски кој што сега сака го направи, практично да ги изманипулира граѓаните, па приказните дека дискотеката била затворена, па извештајот на лекарите, па објаснувањата немало ништо на местото на настанот. Сето тоа е дефокус кој што се обидуваат да го направат. Факт е дека имало пријава, факт е дека имало индиции, факт е дека имало медиумски написи и за жал факт е дека МВР ја замајуваше јавноста, и наместо уште истиот ден на 7-ми да го расветли настанот, тие се обидоа да го прикријат.

Ваквото однесување на МВР, на Оливер Спасовски фрли дамка врз институцијата и на меѓународен план дека убиството било заташкувано, затоа говорат и медиумите од странство.

Затоа одговорност мора да има, и затоа Оливер Спасовски мора да си поднесе оставка веднаш!

https://www.youtube.com/watch?v=yfPV9DHKolg

The post 30 часа по настанот, МВР на Спасовски тврдеше дека немало физички напад врз ракометарот – Оставка веднаш! appeared first on Република.

На оваа Влада предводена од СДСМ воопшто не им доаѓа ум во глава. Замислете, пред само неполн месец беа главна тема за непродуктивни трошења и луксузирање, а сега повторно гледаме дека во ек на сериозна економска криза која што граѓаните сепак највеќе ќе ја чувствуваат на своја кожа, трошат повторно милиони денари на непродуктивни работи, обвини портпаролот на ВМРО-ДПМНЕ, Димче Арсовски.

Службата за општи и заеднички работи на пример на 23-ти март склучила договор за набавка на води, овошни сокови и чаеви, во вредност од дури 7 милиони денари, потоа на 29 март склучиле договор за набавка на колонијално-прехранбени производи и пијалаци во вредност од 3.8 милиони денари. За пијалаци и колонијални производи даваат 11 милиони денари во време на криза, а велат дека штеделе. Не, штедат ништо, напротив, продолжуваат со своето луксузирање. Граѓаните живеат во сериозна инфлација, поскапи секој можен продукт и производ во маркетите и тоа го чувствуваат на сопствена кожа, горивата се превисоки, а платите и пензиите и понатаму не можат да ги издржат сите овие потреби на граѓаните. Она што е најлошо, најжалосно и најразочарувачки е што оваа Влада буквално ништо не презема за да им помогне на граѓаните да ја пребродат оваа криза. Очигледно е, оваа Влада може да се откаже од сѐ, буквално од сѐ. Може да се откаже од било кој национален интерес или било што друго, но не може да се откаже од сопствениот луксуз во владата и не може да се откаже од непродуктивните трошоци, рече Арсовски.

Пред само некое време, неполн месец, додаде тој, обелоденивме дека дури 2 милиони евра непродуктивни трошоци биле потрошени за луксузирање на владава и еве ги сега не прекинуваат и продолжуваат со истите тие непродуктивни трошоци.

Над 150.000 евра на пијалаци и колонијални производи. Претходно видовме дека иако знаеле дека ќе има криза, трошеле на мебел, перење автомобили, луксузни храни, цвеќиња, кафиња, и тоа преголем број на кафиња, хотелски услуги и се останато. Сега гледаме дека немаат намера да прекинат со било какви набавки за непродуктивните трошења. Наместо капитални проекти, луксуз и непродуктивни трошоци. Толку треба да се знае за владата предводена од СДСМ,  истакна Арсовски.

https://youtu.be/EVslOMEGNsI

The post Вода, сок и чај вредни над 150.000 евра за владините функционери appeared first on Република.

Владата троши милиони евра за непродуктивни трошоци во време на економска криза. Антикризните мерки на оваа влада се само на хартија. Портпаролот на ВМРО-ДПМНЕ на прес-конференција денеска открива дека во моментов Владата изделува 8.3 милиони евра за изградба на нова административна зграда.

Пред неколку дена велеа дека воведуваат антикризни мерки, Ковачевски се фалеше дека забранил да се купува мебел откако сите министерства купија луксузни софи и фотелји, а денес гледаме дека непродуктивните трошоци се бројат во милиони евра. Агенцијата за храна и ветеринарство објавува тендер за изградба на нова зграда од 8.3 милиони евра и отпочнува со изградба уште веднаш и плаќањето ќе оди тековно согласно сработеното односно согласно времените ситуации, објави Арсовски.

Арсовски потенцира дека ВМРО-ДПМНЕ не е против на вработените да им се подобрат условите за работа, но, како што вели, во ваква економска криза „не е неопходно сега веднаш да се отпочне да се прави и да се трошат пари на тоа“.

Дополнително дали цената е реална од 8.3 милиони евра за околу 2.600 квадрати површина или не е реална, и дали соодвествува со она кое што ќе биде изградено тоа е друга приказна и друга тема која што треба дополнително да се разговара. Овие 8.3 милиони евра можеле да во овој момент да се искористат за многу други потребни работи за граѓаните, се со цел да им се помогне да ја пребродат оваа криза.

Арсовски потсети дека Владата потрошила 2 милиони евра изминативе неколку месеци на луксуз и на непродуктивни трошоци на перење коли по министерствата, се трошело на луксузен мебел, софи, фотелји, се трошело 50.000 евра за кафиња и за се останато друго.

The post Од „антикризните мерки“ на Владата, АХВ ќе гради нова зграда, изградбата почнува веднаш appeared first on Република.