Утврдување на предлог - одлуката за избор на членови на Државната изборна комисија и на предлозите за избор на членови на Советот на јавните обвинители на Република Македонија, се на дневниот ред на денешната седница на собраниската Комисија за прашања на изборите и именувањата.

Пред пратениците - членови на оваа Комисија на оваа седница е и проверката на кандидатурите доставени по Одлуката за објавување на Јавен конкурс за именување на членови на Советот на Агенцијата за аудио и аудиовизуелни медиумски услуги („Службен весник на Република Македонија“ број 207/2024).

На дневниот ред на седницата се и утврдување Предлог - одлука за именување на претседател и членови на Комисијата за заштита на конкуренцијата, Предлог - одлука за именување членови на Агенцијата за електронски комуникации, како и утврдување Предлог – одлука за именување на претседател, потпретседател, членови и заменици членови на Националниот совет за евроинтеграции.

The post Предлог одлуката за избор на членови на ДИК пред Комисијата за прашања на изборите и именувањата appeared first on Република.

Државната изборна комисија денеска на седница изгласа извештајот со кој констатира дека пратеник во Собранието за остатокот од мандатот согласно Изборниот законик станува Катерина Димитровска, на местото на Марија Митева од ВМРО-ДПМНЕ и Коалицијата „За твоја Македонија“.

Претседателот на ДИК, Борис Кондарко, информираше дека 114-тата седница е свикана по добивање на известување од претседателот на Собранието, со кое ги информира дека Собранието денеска на седница констатирало престанок на мандат на пратеничката Митева, која е избрана од листата на кандидати за пратеници за Изборната единица 1 поднесена од Коалицијата „За твоја Македонија“, предводена од ВМРО-ДПМНЕ.

Согласно Изборниот законик, ДИК со свој допис го извести наредниот кандидат Катерина Димитровска, од листата на кандидати поднесена за пратеници во Собранието за ИЕ 1 од истиот овластен подносител - Коалицијата „За твоја Македонија“. ДИК доби писмено известување дека наредниот кандидат Катерина Димитровска го прифаќа мандатот за пратеник во Собранието за останатиот дел од мандатот согласно Изборниот законик, информираше Кондарко.

Извештајот, ДИК го изгласа едногласно и донесе заклучок да се достави до Собранието, за да продолжи процедурата за верификација на мандатот на Катерина Димитровска.

Марија Митева на седница на Влада на 8 октомври беше именувана за портпарол на Владата.

The post Катерина Димитровска, пратеник во Собранието на местото на Марија Митева appeared first on Република.

Собранието на денешната 16. седница донесе одлука за усогласување на составот на Државната изборна комисија (ДИК) по смената на власта во земјата а во согласност со изборното законодавство со кое, меѓу другото, се предвидува претседателот на ова тело да биде од редот на опозицијата.

Со усогласувањето претседател на ДИК е досегашниот член Борис Кондарко, кој доаѓа на предлог на СДСМ, а потпретседател Абдуш Демири, на предлог на Беса. Членови се досегашните претседател Александар Даштевски (ВМРО-ДПМНЕ) и потпретседателката Дитмире Шеху (ДУИ) и Оливер Ристевски (СДСМ), кој исто така беше член на ова највисоко изборно тело.

Собранието донесе одлука за распишување оглас за избор на двајца нови членови на ДИК на местото на Бобан Стојановски (ВМРО-ДПМНЕ), кој беше член на ДИК а стана заменик - генерален секретар на Собранието, додека Радица Ристеска (СДСМ) заминува во пензија. Огласот трае осум дена од објавување во Службен весник.

На оваа седница се донесени одлуки за објавување јавен оглас за избор на заменик - директор на Агенцијата за заштита на личните податоци, за објавување јавен оглас за именување на членовите на Комисијата на Агенцијата за електронски комуникации, за објавување јавен конкурс за именување на членови на Советот на Агенцијата за аудио и аудиовизуелни медиумски услуги, за измена на Одлуката за именување на претседател и членови на Одборот за доделување на државната награда „23 Октомври", предлог на одлука за разрешување и именување на претседател и членови на Одборот за доделување на државната награда „Гоце Делчев" и одлуката за избор на претседател и за објавување јавен оглас за членови на Советот за граѓански надзор.

Пратеницицикте ги избраа членовите и нивни заменици на Комисијата на Собранието на Република Македонија за следење на соодветната и правична застапеност на граѓаните кои припаѓаат на сите заедници.

Претседател на Комисијата за правична застапеност е Талат Џафери, пратеник на ДУИ, а членови Ѓорѓија Сајкоски, Дафина Стојановска, Антонијо Милошоски, Александар Велјановски, Драган Ковачки, Драган Неделковиќ, Салим Сулејмани, Илир Демири, Сали Мурати, Миле Цеков, Фатмир Битиќи и Соња Мирковска.

Пратеничката Славјанка Петровска од СДСМ денеска кажа дека нејзината пратеничка група ќе го поддржи формирањето на оваа комисија, која, според неа, е резултат на соработката на ВМРО-ДПМНЕ со ДУИ.

На седницата на натамошно читање беа дадени измени и дополнувања на Законот за експропријација, на Законот за спречување перење пари и финансирање на тероризам, на Законот за вработените во јавниот сектор, на Законот за административни службеници, на Законот за управната инспекција, на Законот за воведување на систем за управување со квалитетот и заедничката рамка за процена на работењето и давањето на услуги во државната служба, за изменување на Законот за јавните претпријатија, за измени и дополнувања на Законот за заштита на конкуренцијата и на Законот за безбедност на сообраќајот на патиштата, сите по скратена постапка.

Основна цел на предложените измени на Законот за експропријација е допрецизирање на постапката за експропријација во делот на постапување по предлогот за експропријација,
поставување на привремени застапници на сопственици на недвижности кои се предмет на експропријација и поништување на решенија за експропријација и раскинување на спогодби постигнати во постапката како и овозможување на продолжување на рокот за привремено заземање на соседно земјиште во услови кога се во тек изградба на објекти од стратешки интерес и други капитални објекти од јавен интерес.

Со измените и дополнувањата на Законот за спречување перење пари и финансирање на тероризам, по скратена постапка, се имплементираат препораките од Извештајот од 5-от круг на евалуација на системот за спречување перење пари и финансирање тероризам на Комитетот MONEYVAL при Советот на Европа, усвоен во мај 2023 година, усогласување со законодавството на ЕУ, заклучок на Владата на Република Македонија и др.

На дневен ред на оваа седница беа донесени и измените и дополнувањата на Законот за медиуми, во прво читање.

Дневниот ред беше дополнет и со измени на Законот за вино и Конечен извештај за извршена ревизија на успешност на тема „Ефективност на мерките за спречување на одливот на високообразовни и стручни кадри“, за коишто ќе се расправа кога ќе се создадат деловнички услови, информираше потпретседателката на Собранието Весна Бендевска.

Седницата ќе продолжи во 19:00 часот.

The post Борис Кондарко и официјално претседател на ДИК, објавен оглас за избор на двајца нови членови appeared first on Република.

Државната изборна комисија (ДИК) денеска донесе заклучок за завршување на парламентарните избори. На седницата беа прогласени за конечни резултатите од изборите во Шестата Изборна единица откако Управниот суд ноќеска ја отфрли тужбата на Европскиот фронт за прегласување на едно избирачко место во село Ларце, Желино.

Претседателот на ДИК Александар Даштевски соопшти дека во оваа изборна единица Коалицијата Европски фронт има осум мандати, Влен исто така 8, Коалицијата Твоја Македонија предводена од ВМРО-ДПМНЕ три, и Коалицијата за Европска иднина еден.

На седницата беше соопштено дека Аднан Азизи од Вреди ќе биде пратеник на местото на тетовскиот градоначалник Билал Касами, чиј мандат не беше верификуван на Конститутивната седница откако тој го побара тоа.

The post Завршија парламентарните избори, Азизи нов пратеник на местото на Касами appeared first on Република.

Управниот суд вечерва одржува јавна расправа по предметот оформен по поднесената тужба од Коалицијата Европски фронт на Парламентарните избори 2024, против решението Државната изборна комисија (ДИК) за прегласувањето на избирачкото место 2101 во село Ларце во општина Желино.

Управниот суд одлуката за овој предмет се очекува да ја донесе два часа по завршувањето на јавната расправа.

Управниот суд денеска ја информираше јавноста дека на ден 28 мај 2024 година по поднесенa тужба од Коалиција Европски фронт на Парламентарните избори 2024 против Решение УП1 бр. 10-33 од 27.05.2024 година на Државната изборна комисија, оформен е предмет УРП.бр. 95/24.

„Со оглед на роковите за постапување и одлучување, Управниот суд итно ги презема сите процесни дејствија согласно Изборниот законик“, наведува Управниот суд во објава на веб страницата.

ДИК завчера на седница не го прифати приговорот од Европскиот фронт за прегласувањето во Ларце каде по прегласувањето, Европскиот фронт загуби еден пратеник во однос на резултатите од 8 мај, а коалицијата Вреди доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на парламентарните избори 2024, коалицијата Твоја Македонија предводена од ВМРО-ДПМНЕ останува со 58 пратенички мандати, коалицијата Европски фронт предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата Вреди по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати.

The post Управниот суд расправа за тужбата на ДУИ за прегласувањето во Леарце appeared first on Република.

Скопје, 27 мај 2024 (МИА) – Државната изборна комисија (ДИК) попладнево не го прифати приговорот од Европскиот фронт за прегласувањето на Изборното место 2101 во село Ларце во Општина Желино. На одлуката од ДИК кандидатите имаат право на тужба до Управниот суд кој, пак треба да одлучи во рок од 48 часа по приемот на тужбата.

Овластениот претставник на „Европски фронт“, адвокат Ана Жаревска од канцеларијата на адвокат Мефаил Арслани истакна дека приговорот се однесува на повреди на постапката за гласање, како и за постапката за утврдување и сумирање на резултатите.

-Приговорот за заштита на избирачко право на подносители на листи од страна на коалицијата Европски фронт се однесува за избирачкото место 2101 за општина Желино. Се однесува на повреди на постапката за гласање, како и за постапката за утврдување и сумирање на резултатите, поточно не се почитувани одредбите од член 151 став 1 алинеја 1, 2, 6 и 7 од Изборниот законик. Образложенијата во поглед на повредите се дадени во самиот писмен приговор. Поради сите наведени причини предлагам ДИК да го отвори во целост и да го прегледа изборниот материјал и да го уважи приговорот и да го поништи гласањето, рече Жаревска.

По ова излагање на Жаревска, во процедурална забелешка членот на ДИК, Борис Кондарко побара застапникот на приговорот да ги образложи основите и причините за приговорот.

Жаревска потенцира дека во самиот процес на гласање се направени повеќе повреди, односно Избирачкиот одбор не постапувал согласно правилата утврдени во Изборниот законик.

- Прво и основно, постапувал спротивно на член 40 став 2 точка 2, бидејќи на двајца гласачи без да бараат помош за да гласаат им дозволил на други лица да им кажуваат кој број ќе го заокружуваат и воедно не го почитувал задолжението на ДИК од упатството дека во текот на гласањето во целиот процес треба да присуствуваат седум членови на избирачкиот одбор. Тоа претставува повреда по став 1 алинеја 1 алинеја 2 и алинеја 7 од Изборниот законик. Во околу 18:50 часот на денот на гласањето, односно на 22 мај , во просториите на гласачкото место дошле двајца возрасни гласачи со друго лице и без да бараат помош лицето ги земал нивните гласачки ливчиња и гласал наместо нив, со што е повредена правилото за непосредност на остварување на избирачкото право. При тоа, покрај повредите во процесот на гласањето имало повреди во процесот на утврдување и сумирање на гласовите. Во записникот на образец број 16 се пополнети податоци дека се искористени 550 гласачки ливчиња , односно 550 граѓани го оствариле правото на глас. Додека, во сумираниот збир во точките 3, 10, 11, 12, 13 фигурираат 565 гласачи кои го оствариле правото на глас по различни основи. Во тоа се состојат и повредите на начин што е спротивно на член 151 став 1 алинеја 6 каде што бројот на гласачки ливчиња е различен од бројот на гласачи кои го оствариле правото на глас, рече Жаревска.

За тие основи на приговорот, претседателот на ДИК, Александар Даштевски рече дека до нив во текот на целиот изборен ден не биле пријавени неправилности.

-Кога се собираат бројките 5, 10, 11, 12, 13 е вкупно 565 и од тој момент кога општинската изборна комисија видела дека таа бројка не се совпаѓа со бројката 550, во општинската изборна комисија е сменет овој записник и наместо бројката од 16 гласачи ставиле еден глас, рече потпретседателката на ДИК, Дитмире Шеху.

По разгледувањето на целиот избирачки материјал, Даштевски рече дека се утврдило потполна иста состојба како што е во записникот и предложи да се одбие приговорот како неоснован.

И членот Абдуш Демири потенцира дека се утврдило дека избирачкиот одбор ја завршиле нивната работа согласно Изборниот законик. Предложи приговорот на „Европски фронт“ да се одбие како неоснован.

-Согласно член 150 предлагам да се прифати приговорот на „Европскиот фронт“. И согласно член 151 став 1 алинеја 1 каде избирачкиот одбор не го спроведува гласањето на начин утврден со овој законик а неправилностите влијаеле во постапката за гласање или постапката за сумирање на резултати. Исто така и алинеја 2 – е нарушена тајноста на гласањето. Го видовме тоа во забелешките ставени во самиот записник . И алинеја 6, бидејќи не знаеме што се отпечатоци, а што потписи. Тука е измешан делот каде се ставиле потписи, а каде отпечаток од прст. Исто така, и некои лица гласале за други лица. Предлагам во оваа избирачко место да се поништи и да се повтори гласањето, рече Шеху.

На обраќањето на Шеху, реагираше членот Бобан Стојаноски, кој истакна дека наводите посочени во приговорот се целосно неосновани - ниту влијаеле на гласањето, ниту на сумирањето на резултати.

По прегласувањето во избирачко место 2101 во Ларце, Желино, Коалицијата „Европски фронт“ загуби еден пратеник во однос на резултатите од 8 мај, додека Коалицијата „Вреди“ доби еден пратенички мандат. За прегласувањето на 22 мај во седум изборни места во петтата и шестата изборна единица, до ДИК немаше други приговори.

The post ДИК го одби приговорот од „Европски фронт“ за изборното место во Ларце appeared first on Република.

Коалицијата „Европски фронт“ доставила приговор до Државната изборна комисија (ДИК) за прегласувањето на Изборното место 2101 во село Ларце во Општина Желино, потврдуваат за МИА од ДИК.

Други приговори за прегласувањето на 22 мај во седум изборни места во петата и шестата изборна единица до ДИК нема пристигнато.

ДИК е должна да донесе одлука во рок од 72 часа по приемот на приговорот. На решението од ДИК кандидатите имаат право на тужба до Управниот суд кој, пак треба да одлучи во рок од 48 часа по приемот на тужбата.

По прегласувањето во избирачко место 2101 во Ларце, Желино, Коалицијата „Европски фронт“ загуби еден пратеник во однос на резултатите од 8 мај, додека Коалицијата „Вреди“ доби еден пратенички мандат.

Според првичните резултати по прегласувањето во седум избирачки места во изборните единици 5 и 6 на Парламентарните избори 2024 Коалицијата „Твоја Македонија“ предводена од ВМРО-ДПМНЕ останува со 58 пратенички мандати, додека Коалицијата „Европски фронт“ предводена од ДУИ загуби еден пратеник и има 18 пратенички мандати, исто колку и Коалицијата за европска иднина предводена од СДСМ. Коалицијата „Вреди“ по прегласувањето доби еден пратеник повеќе и сега има 14, додека Движење ЗНАМ за наша Македонија и Левица остануваат со по шест пратенички мандати

The post Доставија жалба до ДИК: ДУИ не се помирува дека загуби еден пратеник во Желино appeared first on Република.

Излезноста на седумте избирачки места каде денеска се прегласува за парламентарните избори до 9 часот е 7,22 проценти, соопшти Државната изборна комисија.

Оттаму информираат дека од вкупно запишаните 4.514 гласачи гласале 326 гласачи. Во споредба со гласањето на 8 мај, на ова прегласување се забележува зголемена излезеност за 4,07 проценти на овие избирачки места.

Најголема излезност има на избирачкото место во Крушево каде гласале 57 гласачи односно 12,15 проценти, а најмала е излезноста во Долнени на избирачкото место 1470/1 каде до 9 часот гласале 14 гласачи односно 2,22 проценти.

На избирачкото место 2101 во Желино гласале 101 гласач односно излезноста е 10,17 проценти, во избирачкото место 1202 во Крушево гласале 22 гласачи односно 7,38 проценти, на избирачкото место 1272 во Охрид гласале 54 гласачи односно 7,59 проценти, а на второто избирачко место во Долнени со број 1470 гласале 22 гласачи или 3,34 проценти. Во Струга на избирачкото место 1844 излезноста е 7,44 проценти односно гласале 56 гласачи.

Избирачките места, како што информираше ДИК, се отворени во 7 часот наутро.

The post ДИК: Излезноста до 9 часот е 7,22 проценти, поголема во однос на 8 мај appeared first on Република.

Денес, во 7 часот наутро, започна прегласувањето за парламентарните избори во седумте избирачки места во Желино, Крушево, Охрид, Струга и Долнени.

До 9 ч., од вкупно запишани 4.514 гласачи на избирачките места, гласале 326 односно 7.22%.

Во ИМ 2101 во Желино гласале 101 гласач односно 10.17%. Во ИМ1194 во Крушево, гласале 57 гласачи односно 12.15%.

Во ИМ 1202 во Крушево, гласале 22 гласачи односно 7.38%.

Во ИМ 1272 во Охрид, гласале 54 гласачи односно 7.59%.

Во ИМ 1470 во Долнени, гласале 22 гласачи односно 3.34%.

Во ИМ 1470/1 во Долнени, гласале 14 гласачи односно 2.22%.

Во ИМ 1844 во Струга, гласале 56 гласачи односно 7.44%.

Во споредба со гласањето на 8 мај 2024, до 9 часот, на ова прегласување се забележува зголемена излезеност за 4.07% на овие избирачки места.

The post ДИК: До 9 часот излезноста изнесува 7.22% appeared first on Република.

Државната изборна комисија (ДИК) ќе одржи јавна седница на која ќе се усвојуваат записниците од претходните седници, а потоа ќе се започне со доделување на Уверенијата за пратеници за потврдените пратенички мандати.

На доделувањето ќе присуствуваат овластените претставници на кандидатските листи.

The post Во ДИК доделување на Уверенијата за пратеници за потврдените пратенички мандати appeared first on Република.

Државната изборна комисија (ДИК) денеска ги соопшти освоените мандати за пратеници во новиот парламентарен состав по изборите одржани на 8 мај годинава. Како што информира претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците кои сигурно ќе влезат во Собранието. По прегласувањето, ДИК со посебен заклучок ќе ги објави дополнителниот број освоени мандати.

Во ИЕ 1, коалицијата „Твоја Македонија“ предводена од ВМРО-ДПМНЕ има 80 963 гласови и 10 мандати, коалицијата „За европска иднина“ – СДСМ има 27 164 гласови и три мандати, Левица освоила 20 989 гласови и два мандата, коалицијата „Вреди“ 21 627 гласови и два мандата, коалицијата „Европски фронт“ 20 586 и два мандата, додека Движењето ЗНАМ 11 944 гласови и еден мандат.

Во ИЕ 2, коалицијата „Твоја Македонија“ предводена од ВМРО-ДПМНЕ има 66 422 освоени гласови и осум мандати, коалицијата „Европски фронт“ – ДУИ 60 625 гласа и четири мандати, коалицијата „Вреди“ 25 864 гласови и три мандати, ЗНАМ 16 264 гласови и два мандата, коалицијата „За европска иднина“ – СДСМ 18 631 глас и два мандата и Левица 10 654 гласови и еден мандат.

Во ИЕ 3, коалицијата „Твоја Македонија“ предводена од ВМРО-ДПМНЕ добила 96 545 гласови и 14 мандати, коалиција „За европска иднина“ 33 601 глас и 4 мандати, Левица 13 404 гласови и еден мандат, додека ЗНАМ 9 426 гласови и еден мандат.

Во ИЕ 4, коалицијата „Твоја Македонија“ предводена од ВМРО-ДПМНЕ има 96 551 глас и 13 мандати, коалиција „За европска иднина“ – СДСМ 41 965 гласа и пет мандати, Левица 12 428 и еден мандат и ЗНАМ 8 416 гласови и еден мандат.

The post ДИК ги соопшти освоените мандати за пратеници во новиот парламентарен состав appeared first on Република.

На 22 мај, среда ќе има прегласување на седум избирачки места, изјави претседателот на Државната изборна комисија Александар Даштевски.

Прегласувањето ќе се одвива на 6 избирачки места во Петтата изборна единица, и на едно избирачко место во ИЕ 6.

„Предлог решение за повторување на гласање во ИЕ 5, на избирачки места 1470/1, 1470 во општина Долнени. Избирачко место 1184, избирачко место 1202 во општина Крушево, избирачко место 1844 во општина Струга и избирачко место 1272 во општина Охрид. Констатирам дека Комисијата едногласно го одобри предлогот за прегласување на овие избирачки места. Предлагам да ја усвоиме точката 3, барам да гласаме, Кој е за? Констатирам дека точка 3, предлог-одлуката за повторување на гласањето во ИЕ 6, во избирачко 2101 во општина Желино, едногласно е усвоена“, рече Даштевски.

Управниот суд вчера ги отфрли како неосновани сите седум тужби од Европскиот фронт, поднесени против решенијата на Државната изборна комисија поврзани со изборите одржани на 8 мај. Од коалицијата „Вреди“ ја поздравија одлуката оценувајќи дека е во согласност со волјата на граѓаните, а од „Европскиот фронт“ претходно обвинија за изборен инженеринг кој како што рекоа има за цел да го промени односот на бројките во Собранието преку политички договор.

The post В среда ќе има прегласување на седум избирачки места appeared first on Република.

Државната изборна комисија денеска, на 105. седница која е во тек, ги објавува конечните резултати за распределба на мандатите за пратеници по изборни едници согласно освоените гласови на парламентарните избори од 8 мај 2024 година.

Како што информира претседателот на ДИК Александар Даштевски, според усвоениот дневен ред, на седницата ќе се расправа и по предлог-решенијата за повторување на гласањето во ИЕ 5 на 1470/1 и 1470 во Општина Долнени, 1194 и 1202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачко место 2101 во Општина Желино.

ДИК треба да ги разгледа и предлог-решениеја за разрешување претседател, членови и нивни заменици на избирачки одбори во избирачки места 1470/1 и 1470 во Општина Долнени, 1190 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.

https://www.youtube.com/watch?v=5MkmypWkC8w&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

The post ДИК ги соопштува освоените мандати за пратеници во новиот парламентарен состав appeared first on Република.

Државната изборна комисија (ДИК) соопшти дека попладнево ќе одржи седница.

Седницата е закажана за 14 часот и ќе биде јавна, односно ќе се пренесува во живо на youtube каналот на ДИК.

The post ДИК најави седница за 14 часот appeared first on Република.

Управниот суд синоќа ги одби како неосновани сите седум тужби од коалицијата „Европски фронт“ против решенијата на Државната изборна комисија (ДИК) за прегласување на парламентарните избори 2024.

Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.

Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.

Коалицијата „Европски фронт“ поднесе седум тужби против решенија на ДИК на Парламентарните избори 2024. За сите беа оформени предмети и закажани во текот на вчерашниот ден.

The post Ќе има прегласување: Управен суд ги одби сите седум тужби од „Европски фронт“ appeared first on Република.

Претседателот на ДИК Александар Даштевски и членовите на ДИК Радица Ристеска, Оливер Ристовски, Борис Кондарко, Бобан Стојаноски и Абдуш Демири денеска преку соопштение изразуваат загриженост за, како што велат, настаните кои во јавноста се продуцирани од изјави на политички партии и носители на високи владини функции, кои се однесуваат на работата на ДИК за постапувањето по приговорите за парламентарните избори.

Ве известуваме дека покрај тоа што сме лично понижувани и навредувани, исто така како членови во највисоката институција за организирање и спроведување на изборите, сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК, се вели во реакцијата.

Следејќи го контекстот и интензитетот на нападите, прозивките и навредите, како што наведуваат, исто така сме загрижени и дека е можно да преминат и во лични напади на нашата сигурност.

Ве известуваме дека ДИК во целост професионално, транспаретно и само врз основа на закон ги спроведе изборите што е потврдено од сите домашни и меѓународни фактори. Исто така и покрај сите непријатности кои ги имаме, сепак со највисок степен на интегритет врз основа на јавна проверка на изборниот материјал ДИК ги утврди фактите и одлучуваше по приговори поднесени од различни учесници за 110 избирачки места, од кои врз основа на образложени докази усвои приговори за само 7 избирачки места за кои имаше правен основ, додека сите останати 103 избирачки места, беа одбиени како неосновани и за нив немаше поднесено тужби ниту еден учесник на изборите, стои во реакцијата.

Според тоа за ДИК, како што се наведува, се неприфатливи и недопуштени нападите, притисоците и мешањето на одредени политички партии и на поединци од техничката Влада во изборните процедури, како и во работата и одлучувањето на ДИК и на Управниот суд.

Посочуваат дека за сето ова денеска на средбата во ДИК била известена и амбасадорката на набљудувачката мисија на ОБСЕ-ОДИХР Џилијан Стирк.

Премиерот на техничката Влада Талат Џафери вчера на прес-конференција соопшти дека имало договор за надгласување во Државната изборна комисија за прифаќање на одредени приговори за изборните резултати и прегласување и оти на ваков начин се прави обид за изборен инженеринг за менување на бројките во Собранието и изигрување на волјата на граѓаните. Изборниот процес кој беше оценет како кредибилен и демократски, сега е во рацете на Управниот суд, рече Џафери и повика сите институции да постапуваат согласно закон без партиски директиви од која било страна.

Управниот суд вчера одржа јавна седница по тужба на Коалицијата „Вреди“ по одлуката на ДИК за одбивање на нивниот приговор за избирачко место 0511, во Долна Бањица во Општина Гостивар на Парламентарните избори 2024 година. Постапката беше прекината, откако претставникот на Коалицијата „Вреди“ изјави дека ја повлекува тужбата во целост.

До Државната изборна комисија беа поднесени вкупно 27 приговори за парламентарните избори - девет од коалицијата „Влен“, осум од ВМРО-ДПМНЕ, пет од СДСМ и четири од Левица. Прифатени беа седум и тоа шест во Петтата изборна единица и еден во Шестата изборна единица. Во Изборната единица 5 прифатени беа приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени. Во Изборната единица 6 прифатен е еден приговор за избирачкото место 2101 во Желино.

Против одлуката на ДИК може да се поднесе тужба до Управниот суд, во рок од 24 часа од приемот на решението.Управниот суд, пак, по жалбата е должен да донесе одлука во рок од 48 часа по нејзиниот прием.

The post Членовите на ДИК се пожалија на јавните притисоци и навреди, пријавено е и во ОБСЕ/ОДХИР appeared first on Република.

Претседателот на Управен суд Бурим Сејдини за МИА информира дека досега не пристигнала ниту една жалба по одлуките на Државната изборна комисија (ДИК), за приговорите поднесени од политичките партии по одржувањето на парламентарните избори на 8 мај.

Претходно, Државната изборна комисија (ДИК) на 104 седница ги разгледа приговорите поднесени од политичките партии по одржувањето на парламентарните избори на 8 мај.

Од вкупно 27 поднесени приговори - девет од коалицијата „Влен“, осум од ВМРО-ДПМНЕ, пет од СДСМ и четири од Левица, прифатени се седум и тоа шест во Петтата изборна единица и еден во Шестата изборна единица.

Инаку, од Европскиот фронт најавуваат дека ќе ги обжалат одлуките на Државната изборна комисија (ДИК) во Управниот суд и ќе поднесат пријави за членовите на ДИК за кршење на правото на гласачите да ја изразат слободната волја.

The post Управен суд: Досега не е пристигната ниту една жалба по одлуките на ДИК appeared first on Република.

По одлуките на Државната изборна комисија (ДИК) за приговорите за изборните резултати, дел од коалициите најавија жалби до Управниот суд.  Од 27 приговори што беа поднесени од партиите и коалиците, ДИК прифати седум, шест во Петтата изборна единица и еден во Шестата изборна единица.

Во Изборната единица 5 прифатени се приговорите за избирачките места 1272 во Охрид, 1194 и 1202 во Крушево, 1844 во Струга, 1470 и 1470/1 во Долнени, а во Изборната единица 6 прифатен е еден приговор за избирачкото место 2101 во Желино. 

Против одлуката на ДИК, како што информираа оттаму вчера, може да се поднесе тужба до Управниот суд, во рок од 24 часа од приемот на решението. Управниот суд, пак, по жалбата е должен да донесе одлука во рок од 48 часа по нејзиниот прием.

Коалицијата „Европски фронт“ предводена од ДУИ вчера најави дека до Управниот суд ќе ги обжали донесените одлуки за приговорите што се однесуваат за Петтата и Шестата изборна единица.

The post Teче рокот за жалби до Управниот суд за одлуката на ДИК за прегласување appeared first on Република.

ДИК синоќа одлучи дека ќе има прегласување на шест избрирачки во петтата изборна единица и тоа: Избирачко место 1844 во Струга, 1202 и 1194 во Крушево, 1272 во Охрид, 1470 и 1470/1 во Долнени.

Вкупниот број на запишани гласачи на овие избирачки места е 3521 избирачи што може да влијае на бројот на пратеници.

Конкретно, ако ВМРО-ДПМНЕ освои 300 гласови повеќе од сегашните ќе добие 11 пратеници во петтата изборната единица. ДУИ пак може да загуби еден пратеник.

Можно е и ЛДП да освои пратеник ако коалицијата освои 110 гласови повеќе. ДУИ би загубил пратеник и тоа Исмаил Јахоски, газдата на Пуцко Петрол.

https://republika.mk/vesti/makedonija/do-petok-ke-se-znae-dali-ke-ima-preglasuvane/

Партиите имаат право на жалба до утре до Управниот суд кој има 48 часа да ја донесе конечната одлука дали ќе има прегласување.

The post Со прегласувањето ВМРО-ДПМНЕ може да освои пратеник плус на сметка на ДУИ appeared first on Република.

„Дадовме приговори за некои места каде имаше нерегуларности во гласањето, ни ги прифатија и сега ќе има прегласување на истите тие места, каде што очекуваме да добиеме плус некој пратеник доколку граѓаните ни го дадат својот глас”, изјави меѓународниот секретар на ВМРО-ДПМНЕ и дополнителен заменик министер во МИОА, Стефан Андоновски, на ТВ 21.

Ова следува откако ДИК донесе одлука за прегласување во Желино,Охрид и Крушево на неколку избирачки места. Париите имаат право на жалби до Управниот суд.

https://republika.mk/vesti/makedonija/do-petok-ke-se-znae-dali-ke-ima-preglasuvane/

Во Крушево и Охрид СДСМ за 109 гласа го загуби четвртиот мандат, кој замина во „Европскиот фронт“ на ДУИ.

Во Општина Крушево поништено е гласањето на избирачкото место 1194 во селото Бучин, каде што ВМРО-ДПМНЕ доби 268, а СДСМ 84 гласови. Гласањето е поништено и во селото Јакреново каде СДСМ има 56 гласови, ВМРО – 0, а „Европскиот фронт“ 38.

Во Охрид поништено е гласањето на избирачкото место 1272 во Општата болница. Таму ВМРО-ДПМНЕ добил 236 гласови, а СДСМ 89.

Во Желино (ИЕ 6) поништено е гласањето на избирачкото место 2102 во селото Мерово, каде ДУИ добила 196 гласови, а коалицијата „Вреди“ 126.

The post ВМРО-ДПМНЕ очекува зголемување на бројот на пратеници по прегласувањето appeared first on Република.