Организиравме дигитална ликовна колонија во Крушево инспирирана од еден од најценетите претставници на македонското современо сликарство – Никола Мартиноски, соопшти Европската куќа-Скопје.

Во чест на неговото творештво, како и 120 години од раѓањето на Мартиноски,осум  млади креативци под менторство на уметникот Зоран Кардула се приклучија на иницијативата да продуцираат дигитални решенија, оддавајќи почит на неговиот уметнички белег и културно наследство.

Живописното Крушево беше дополнителна креативна искра за дизајнерите кои поминаа 3 дена испреплетени со авантура и напорна работа. Наскоро, делата на младите дизајнери ќе бидат изложени на плоштадот “Никола Мартиноски” во Крушево.