Колку и да е киселата зелка суперхрана, со многу витамини, малку калории, а многу придобивки, сепак оваа диета не би требало да ја применувате повеќе од 6-7 дена, бидејќи на телото му се потребни и останати супстанци.

Постојат многу различни рецепти како да се конзумира кисела зелка во текот на оваа диета, а со неа ќе го прочистите организмот и во просек ќе изгубите 4-5 килограми за исто толку дена.

Предлог доручек: кисела зелка и цитрусно овошје

Ручек: било какво јадење од кисела зелка-супа, готвена зелка, зелка со грав итн.

Вечера: Салата од зеленчук со маслиново масло

Кој не смее да ја користи оваа диета: Луѓето кои боледуваат од: дијабетес, хипертензија, зголемена киселост на желудник, бубрежни болести, болести на панкреасот.

The post Диета со кисела зелка appeared first on Република.

Томас Вајтхед е персонален тренер познат по тоа што споделува совети за фитнес, здрав животен стил и исхрана на социјалните мрежи.

Тој неодамна објавил видео во кое наведува пет намирници што имаат речиси нула калории и ги израдувал оние што сакаат да симнат килограми пред Нова година.

На почетокот од видеото зборува за кофеинот.

„Кофеинот е број еден состојка во 90 отсто од согорувачите на масти, бидејќи е средство за намалување на апетитот“, рекол Томас.

Како следен производ ја наведува белата риба.

„Слободно можете да јадете бела риба. Таа е еден од најдобрите протеини, бидејќи содржи само 85 калории во 100 грама, а добивате 20,2 грама протеин.“

Третиот производ кој е совршен за оние што сакаат да ослабат е секој зелен листест зеленчук.

„Одличен начин да го излажете организмот и да си го олесните согорувањето на маснотиите. Јадете што повеќе зелен зеленчук со ручекот“, открил тренерот и им порачал на сите оние што не сакаат зеленчук дека време е да пораснат.

Потоа, истакнал дека белките се чист протеин.

„Ако го надополните јајцето со дополнителна белка, тоа ја менува целата слика за исхраната“, порачува Томас и објаснува дека 100 грама белки содржат само 48 калории и речиси 11 грама протеин.

Неговиот последен предлог се свежите бобинки, кои ја намалуваат желбата за шеќер. Како што тврди, тие содржат природни шеќери и нискокалорични се, па можат да ја намалат желбата за слатко.

 

View this post on Instagram

 

A post shared by Thomas Whitehead | Fat Loss Coach (@thomasjwhitehead)

The post Фитнес-експерт открива како да ослабете до Нова година appeared first on Република.

Поради тоа што печурките содржат хранливи влакна кои ја стимулираат работата на цревата и допринесуваат за чувство на ситост, ова е совршена диета за оние кои не сакаат да се чувствуваат гладни за време на посебниот режим на исхрана со кој би ги изгубиле оние „килограми плус“.

Диетата со печурки трае 5 недели, а за ова време можете да изгубите околу 5 килограми. Не треба да внесувате дневно повеќе од 1.550 калории, а покрај печурките диетата содржи и 5 порции овошје и зеленчук и половина литар млеко за да му обезбедите на организмот доволна количина хранливи материи. Се препорачува за еден оброк да изедете околу 250-300 грама свежи печурки.

Целта на оваа диета е да го замените месото со печурки секогаш кога ќе имате можност за тоа. На пример, подгответе ориз со печурки, испечете печурки на жар како предјадење, наместо мелено месо за шпагети користете исечкани печурки, направете вкусен гулаш со печурки или пита. На Интернет можете да пронајдете многу рецепти за вкусни оброци со печурки.

Печурките уште се нарекуваат „месо за вегетаријанци“ и тие се идеална замена за месото, особено доколку сакате да ослабете на здрав начин. Печурките се состојат од протеини и влакна кои создаваат чувство на ситост, а имаат многу малку калории – 150 грама шампињони содржат само 30 калории. Оваа диета ќе ви помогне да го подобрите вашиот изглед, бидејќи печурките содржат витамин Б, железо, цинк, калиум и селен кои се одлични за кожата, косата и ноктите.

The post Совршена за есен – диета со печурки appeared first on Република.

Рускиот кардиохирург Лео Бокерија е познат по своите необични тврдења

Лео Бокерија е кардиохирург што не водел здрав живот. Со години работел по 16 часа секој ден, пушел, пиел, јадел многу чоколадо. Открил дека знаел да излезе од операционата сала, да изеде чоколадо, па повторно да се врати на работа.

Но таквиот начин на живот си го зел данокот, па решил да си го промени животот од корен.

„Во септември минатата година престанав да јадам чоколадо, кое го консумирав во огромни количини: ќе излезев од операционата сала, ќе изедев плочка црно чоколадо, па ќе продолжев да работам уште 5-6 часа. Тоа ми беше како еден вид дрога.

Но со текот на времето сфатив дека тоа веројатно нема да ми донесе ништо добро и ја започнав диетата на американските астронаути, која ги исклучува лебот, шеќерот и солта од исхраната. Симнав 9 килограми и се чувствувам многу попријатно од претходно, додека апетитот и понатаму ми е брутален! Иако моите пријатели се чудат, се чини дека таквата исхрана е добра за мене. Наутро, по правило, одам во операциона сала. Кога ќе помине еден час, јадам свежо сирење и лесен јогурт или јајце (што мојата сопруга грижливо го сварила и го ставила во мојата актовка). Дури кога ќе стигнам дома јадам цел оброк.“

Доктор Бокерија е познат по тоа што смета дека појадокот е смрт за организмот.

„Изреката ‘Изедете го појадокот сами’ е комплетна бесмислица. Кога ќе се разбудите, телото почнува да се привикнува на работната состојба, а вие седнувате на маса и јадете чинија полна месо, корпа леб и сето тоа го долевате со чаша некаква напивка.

Одите на работа со преполнет стомак. Тогаш сте си тешки и самите на себе. Кога соработувавме со Американците, забележав дека големите хирурзи наутро, во најдобар случај, пијат шолја кафе. Дури на пладне јадат еден сендвич и тоа е нивниот ручек. Во вечерните часови си доаѓаат дома, јадат нормална храна, пливаат во базен, читаат и одмораат“, открил доктор Бокерија.

„Значи, појадокот дајте му го на непријателот, ручајте околу пладне и нормално вечерајте (но не во доцните часови) и на крајот, прошетајте пред спиење или вежбајте. Од мое искуство, луѓето кои живеат вака, живеат долго и здраво“, заклучил експертот.

The post Руски доктор открива: Ослабев 9 килограми со помош на диетата на американските астронаути appeared first on Република.

Јаглехидратите често добиваат лоша репутација кога станува збор за слабеење, но сите јаглехидрати не се исти. Секако, рафинираните и едноставни јаглехидрати како што се белиот леб, засладените грицки и преработената храна треба да се избегнуваат, бидејќи можат да предизвикаат скокови на шеќерот во крвта и да доведат до прејадување. Сепак, постојат многу други здрави јаглехидрати кои лекарите и нутриционистите ги препорачуваат бидејќи можат да придонесат за губење на тежината.

Јаглехидратите се примарен извор на енергија на телото, а кога станува збор за слабеење, клучно е да се фокусирате на квалитетот и видот на јаглехидратите што ги консумирате. Според нутриционистите, жените над 40 години ќе имаат голема корист од здравите, сложени јаглехидрати, бидејќи тие обезбедуваат одржлива енергија и чувство на ситост, што ја намалува желбата за храна и прејадувањето.

Преработените и рафинирани јаглехидрати може да доведат до зголемување на телесната тежина и други здравствени проблеми, додека сложените јаглехидрати од цела, непреработена храна можат да помогнат во губење на тежината и да придонесат за поздрава исхрана во целина. Ова се трите намирници кои нутриционистите им ги препорачуваат на жените над 40 години, кои се на пат да ослабат.

1. Зеленчук богат со растителни влакна

Зеленчук, како што се брокулата, спанаќот и кељот, играат витална улога во стимулирање на побрз метаболизам. Полн е со растителни влакна, бара повеќе енергија за варење, а високата содржина на влакна исто така промовира ситост и го намалува вкупниот внес на калории.

Јаглехидратите го поттикнат метаболизмот на неколку начини. Јаглехидратите богати со влакна, како што се цели зрна и зеленчук, ја зголемуваат стапката на метаболизмот на телото со тоа што бараат повеќе енергија за да се разградат за време на варењето. Некои други примери на зеленчук вклучуваат артичока, целер, моркови и црвена зелка.

2. Киноа

Киноата се издвојува како фантастичен избор на здрави јаглехидрати. Диететичарката Алиса Пачеко забележува дека ова цело зрно е добар извор на влакна и протеини за оптимална контрола на шеќерот во крвта.

Но, покрај влакната, киноата е одличен извор на протеини бидејќи ги содржи сите девет есенцијални амино киселини. Протеинот е познат по својата улога во промовирање на ситост и зачувување на мускулната маса за време на губење на тежината. Разновидноста на киноата ја прави фантастичен избор за јадење во текот на денот, вклучително и како хранлива опција за појадок.

3. Јогурт

Јогуртот е одличен извор на јаглени хидрати и може да обезбеди и други хранливи материи како што се протеини, калциум и корисни бактерии, што го прави хранлив додаток на урамнотежена исхрана.

Јадењето повеќе храна богата со пробиотици може да помогне да се намали воспалението во телото. Пробиотиците се живи микроорганизми кои се корисни за здравјето, особено за здравјето на цревата.

Храната богата со пробиотици, како што е јогуртот, содржи живи корисни бактерии кои може да помогнат да се врати рамнотежата во цревниот микробиом.

Најдобро е да изберете обичен јогурт со малку маснотии и да избегнувате зашеќерени опции кои се рекламираат како „здрави“ и содржат многу адитиви и конзерванси.

The post Ако имате над 40 години и сакате да ослабете, јадете ги овие три намирници appeared first on Република.

Кога ќе започнеме диета, обично мислиме дека мора да се откажеме од многу вкусни и омилени намирници. Но, тоа не мора да биде случај! Постојат многу неочекувани храни кои можат да се вклучат во вашето мени дури и кога сте на диета, а кои не само што ќе ви помогнат да слабеете, туку и ќе го задоволат вашиот апетит и ќе ве наполнат со енергија.

Во продолжение, ќе ги откриеме некои од овие намирници кои можеби ги избегнувате мислејќи дека се „лоши“ за диета, но всушност можат да бидат ваши сојузници во борбата со килограмите.

1. Авокадо: Маснотија која слабеe
Можеби се прашувате, „Зарем не треба да избегнувам масни намирници додека сум на диета?“ Авокадото е исклучок! Иако е богато со масти, тоа се здрави мононезаситени масти кои помагаат во регулирање на нивото на холестерол и создаваат чувство на ситост. Овие масти всушност го стимулираат метаболизмот и го намалуваат апетитот, што го прави авокадото одлична опција за појадок или како додаток на салата. Авокадото е исто така богато со влакна и витамини кои придонесуваат за вашата целокупна здравствена состојба.

2. Темно чоколадо: Сладок сојузник за слабеење
Да, добро прочитавте! Темното чоколадо (со висок процент на какао, од 70% и повеќе) може да биде дел од вашата диета. Ова чоколадо содржи антиоксиданти и здрави масти, кои помагаат во намалување на воспаленијата и подобрување на чувствителноста на инсулин, што може да го забрза процесот на слабеење. Освен тоа, темното чоколадо ќе го задоволи вашиот глад за слатко, со што ќе ја избегнете потребата за нездрави грицки. Но, важно е да консумирате умерено, бидејќи и покрај неговите придобивки, темното чоколадо е калорично.

3. Пуканки: Нискокалорична ужина која го исполнува желудникот
Пуканките се една од најнеочекуваните и најпотценетите ужини кои можете да ги јадете додека сте на диета. Тие се нискокалорични, богати со влакна, и имаат мала количина на масти, особено ако ги подготвувате дома без путер и маснотии. Пуканките можат да го наполнат вашиот стомак и да ви помогнат да се чувствувате сити подолго време. Само внимавајте на количината на сол и масло што ги додавате!

4. Јајца: Протеинска моќ која поттикнува метаболизам
Јајцата се многу хранлива храна која е идеална за слабеење. Тие се богати со висококвалитетни протеини кои го поттикнуваат вашиот метаболизам и ве држат сити подолго време. Иако во минатото се веруваше дека жолчките треба да се избегнуваат поради холестеролот, новите истражувања покажуваат дека тие немаат негативно влијание врз нивото на холестерол кај повеќето луѓе. Слободно можете да консумирате јајца за појадок, како омлет или варени, што ќе ви помогне да го намалите апетитот во текот на денот.

5. Компири: Заборавеното „страшило“ на диетите
Компирите долго време беа избегнувани во многу диети, но вистината е дека тие можат да бидат одлична опција за слабеење, ако ги подготвувате правилно. Печените или варени компири се нискокалорични и богати со хранливи материи, како витамин Ц и калиум. Дополнително, компирите содржат отпорен скроб, кој делува како влакна и помага во подобрување на дигестијата и поттикнување на ситост.

6. Путер од кикирики: Кремасто задоволство кое топи килограми
Иако многумина мислат дека путерот од кикирики е многу калоричен и дека треба да се избегнува за време на диета, во умерени количини тој е одличен извор на здрави масти и протеини. Путерот од кикирики ви помага да се чувствувате сити подолго време, а исто така го стабилизира нивото на шеќер во крвта, спречувајќи ненадејни напади на глад. Консумирајте го на леб од интегрално брашно или како додаток на овошје, и ќе имате вкусен и здрав појадок или ужина.

7. Сирење: Калциумот како ваш најдобар пријател
Сирењето често е намирница која се смета за непријател на диетата поради својата калорична вредност, но умерената консумација може да биде дел од здрав план за слабеење. Сирењето е богато со калциум, што помага во зајакнување на коските и забрзување на метаболизмот. Покрај тоа, протеините во сирењето го намалуваат апетитот и можат да ве држат сити подолго време. Секако, најдобро е да се изберат сирења со пониска масленост како фета или рикота.

8. Јаткасти плодови: Енергетски „бомби“ за брзо ситост
Јаткастите плодови, како бадеми, ореви и лешници, се полни со здрави масти и протеини кои помагаат во борбата против гладот и ја зголемуваат енергијата. Иако се калорични, јаткастите плодови имаат висока хранлива вредност и можете да ги консумирате како брза ужина, која нема да го наруши вашиот диететски план, ако се држите до препорачаниот внес.

Со вклучување на овие неочекувани, но здрави намирници во вашето секојдневие, не само што ќе го забрзате процесот на слабеење, туку и ќе го направите повкусен и поинтересен. Трикот е во умереноста и правилната подготовка, а вашето тело ќе ви биде благодарно за хранливите состојки кои ги внесувате.

The post Изненадувачки намирници кои можете да ги јадете на диета appeared first on Република.

Палеодиета е современа верзија на исхраната на луѓето кои живееле во палеолитот, т.е. постарото камено доба, односно пред околу 2,5 милиони години.

Во тоа време, луѓето обично јаделе коренест зеленчук, семиња, јаткасти плодови, а како извори на протеини - дивеч, морска храна и инсекти. Денес, при палеодиета, целосен приоритет ќе ѝ се даде на храна побогата со хранливи материи. Според некои истражувања, палеодиетата обезбедува околу 35 отсто калории од јаглехидрати, 35 отсто од масти и 30 отсто од протеини, што се смета за донекаде здрав начин на исхрана.

Храна што е дозволена со палеодиетата:

- Месо: говедско, јагнешко, свинско, пилешко, патка и мисирка;
- Јајца;
- Морска храна: лосос, бакалар, пастрмка, сардини, школки, школки и ракчиња;
- Зеленчук: моркови, слатки компири, зелени плодови, артичока, тиква, блага тиква, аспарагус, и брокула;
- Овошје: бобинки, цреши, јаболка, праски, круши и авокадо;
- Јаткасти плодови и семки: бразилски ореви, макадамија, путер од кикирики без додаден шеќер, семки од тиква, лешници и ореви;
- Одредени масти: маслиново масло, масло од авокадо и вегетаријански јогурт од кокос;
- Билки и зачини: куркума, рузмарин, црн пипер и нане.

Храна што треба да се избегнува, според правилата на палеодиета:

- Житарици: пченица, јачмен, ориз, пченка, овес;
- Мешунки: леќа, црн грав, папуда;
- Млечни производи: млеко, јогурт, путер, свежо сирење и павлака;
- Сокови и засладени напитоци;
- Рафиниран шеќер: бел шеќер, агава, кафеав шеќер и преработена пченка,
- Преработена и препржена храна: чипс, житарици, бонбони и други слични закуски;
- Масла: од соја, пченка, шафран;
- Вештачки засладувачи.

Придобивки од диетата

Палеодиетата е насочена на ограничување на прекумерно обработената храна и додадениот шеќер, на сметка на повеќе свежа и здрава храна. Некои истражувања посочуваат дека палеодиетата е полезна за намалување на нивото на шеќер во крвта и слабеење. Поради тоа што оваа исхрана е богата со зеленчук, мешунки и јаткасти плодови, се користи за губење маснотии, а подолготрјна ситост.

Недостатоци на палеодиетата

Како прв недостаток, според некои познавачи, се наведува тоа што оваа диета исклучува одредени мешунки, млечни производи и зрнеста храна. Овие намирници се здрави и богати со важни хранливи материи како што се влакна, калциум и магнезиум, поради што се тврди дека палеодиетата е непотребно рестриктивна, а може да биде и штетна.

Натаму, може негативно да влијае на здравјето на цревата бидејќи поттикнува помали нивоа на одредени здрави бактерии. Тоа понекогаш, на пр., предизвикува неправилна столица.

The post Палеодиета: Се исплати ли да се храниме како во Каменото време? appeared first on Република.

Желбата за слатки често се поврзува со потребата за „утеха“ и подобро расположение... Но, тој „ефект“ не трае долго, па затоа е подобро да го замениме вишокот јагленохидрати со здрава доза протеини, советуваат стручњаците.

Според науката, јагленохидратите влијаат на „хормоните на среќата“ - ендорфин и допамин, но само кусо време. Енергијата што ја даваат слатките, бргу се троши и предизвикува нова желба за уште повеќе таква храна, за што поскоро „да ни го врати доброто расположение“. И, тој своевиден „магичен круг“ најчесто води само до зголемување на телесната тежина.

Постојат намирници што може да го прекинат тој „круг“ - производите со протеини. Тие помагаат да се урамнотежи нивото на шеќер во крвта и да се намали желбата за шеќер и јаглехидрати.

Тоа значи: Повеќе месо, риба, јаткасти плодови, семки, авокадо, природен јогурт, јајца и путер од семки, советува нутриционистката Лили Саутер.

Исто така, и лажичка цимет дневно ќе ја намали желбата за јагленохидрати. Тоа го намалува „напливот“ на инсулин после оброкот којшто води кон желба за благо. Додадете малку цимет во храната или чајот, истакнуваат стручњаците.

Следниот совет гласи: Спијте доволно. Ако на телото му недостасува сон, тоа ќе бара дополнителни калории во текот на денот, заради повеќе енергија. Истражувањата покажуваат дека, ако човек не спие доволно, дневно внесува и до 400 калории повеќе.

The post Како да ви се јаде помалку благо? appeared first on Република.

За оние што сакаат брзо да се ослободат од килограмите, ги советуваме појадокот да го заменат со овој оброк кој има својство на лаксатив.

Меѓутоа, многу е важно да не го јадете овој оброк подолго од 7 дена.

Состојки:

1 шолја кефир
1 јаболко
1 лажица цимет

Приготвување:

Изрендајте едно јаболко, додајте шолја кефир и цимет. Изедете го ова наутро наместо појадок.

По неколку дена ќе забележите дека половината ви е потенка, а стомакот порамен.

Оваа каша е одличен пробиотик и совршено ги исфрла токсините од организмот. Но за да ослабете за 10 дена, мора да се храните здраво: исфрлете ги слатките, тестото и грицките!

Исто така, наша препорака е брзо одење во времетраење од половина час секој ден. Резултатот ќе ве воодушеви!

The post Појадок од кој брзо ќе ослабнете, но не смее да се јаде повеќе од 7 дена appeared first on Република.

Иако губењето маснотии во оваа област може да биде тешко, овие утрински пијалоци можат да бидат здрав додаток во вашата рутина. За најдобри резултати, комбинирајте ги со урамнотежена исхрана и редовно вежбање. И што е најважно, не заборавајте да го слушате вашето тело и да се консултирате со лекар или нутриционист пред да направите значителни промени во вашата исхрана.

Иако не постои магична напивка која конкретно го таргетира салото на половината, една од овие едноставни и вкусни напивки може да ви помогне полесно да изгубите тежина, вклучително и намалување на струкот.

1. Топла вода со лимон
Состојки: 1 шолја топла вода, сок од половина лимон

Упатство: Исцедете го сокот од половина лимон во топла вода и добро измешајте. Пијте го овој освежителен пијалок на празен стомак за да го забрзате метаболизмот и да го подобрите варењето. Витаминот Ц во лимонот може да помогне во зајакнувањето на вашиот имунолошки систем и детоксикација на вашето тело, додека топлата вода може да помогне во стимулирање на вашиот дигестивен систем.

2. Напиток од јаболков оцет
Состојки: 1 лажица јаболков оцет, 1 чаша вода, 1 лажичка мед (по избор)

Насоки: Измешајте една лажица јаболков оцет со чаша вода. За сладост можете да додадете една лажичка мед. Познато е дека јаболковиот оцет помага при губење на тежината, помагајќи да се регулира нивото на гликоза во крвта и да се подобри варењето. Пиењето на овој пијалок наутро може да го забрза метаболизмот и да ги намали мастите во половината со текот на времето.

3. Зелен чај
Состојки: 1 кесичка зелен чај, 1 шолја топла вода.

Упатство: ставете кесичка зелен чај во шолја топла (90 °C) вода и оставете ја да се свари 3-5 минути. Зелениот чај е богат со антиоксиданси наречени катехини, особено епигалокатехин галат (EGCG), за кои е докажано дека го забрзува метаболизмот и го поттикнува согорувањето на мастите. Редовното консумирање зелен чај може да помогне во намалувањето на маснотиите на половината со текот на времето.

4. Вода со краставица и нане
Состојки: 1/2 краставица, неколку гранчиња свежо нане, 1 литар вода

Насоки: Исечете половина краставица и додадете ја во бокал со вода. Искинете неколку гранчиња свежо нане и додајте ги и во бокалот. Оставете ја водата да отстои преку ноќ во фрижидер. Краставицата има хидратантно дејство и е нискокалорична, додека нането го помага варењето и дава освежителен вкус. Пиењето вода од краставица и нане наутро може да помогне да се намали надуеноста и да се поддржи здравото варење, што потенцијално ќе доведе до порамен стомак.

5. Чај од ѓумбир и куркума
Состојки: парче свеж ѓумбир околу 2,5 см, 1/2 лажичка куркума во прав, 1 чаша вода, мед по вкус

Насоки: Изрендајте парче свеж ѓумбир и додајте го во тенџере со шолја вода. Промешајте половина лажичка куркума во прав и доведете ја смесата до вриење. Оставете го полека да се вари 5-10 минути, а потоа исцедете го чајот во чаша. Додадете мед по вкус. И ѓумбирот и куркумата имаат антиинфламаторни својства кои можат да помогнат во варењето, да ја намалат надуеноста и да промовираат губење на тежината. Пиењето чај од ѓумбир и куркума наутро може да му помогне на вашиот дигестивен систем и потенцијално да ги намали мастите во половината со текот на времето.

The post Пет утрински пијалоци кои ќе ви помогнат да го стопите салото околу половината appeared first on Република.

Вечерата е важен оброк како појадокот и ручекот, па затоа не треба да се прескокнува. Но, ако сакате да изгубите тежина, важно е што јадете за вечера. Можете да ослабете со задоволство и без напор, а во тоа ќе ви помогне супата што треба да ја јадете за вечера.

Најдобрата вечера за слабеење без напор
Зошто треба да јадете домашна супа навечер?
Се подготвува од природни производи богати со корисни микроелементи (месо, риба, зеленчук, житарки);
Содржи многу вода, поради што желудникот брзо се полни, а чувството на глад исчезнува без да се трошат голема количина на штетни калории.

Има (со исклучок на супите кои се служат ладни) висока температура, па затоа не може брзо да се јаде. За формирање на чувството на ситост е важно и времетраењето на внесувањето храна. Кога брзо ќе се наполниме со плескавица или сендвич или некоја брза храна, ризикуваме да дојдеме во ситуација каде чувството на ситост се уштене настанало, а стомакот е веќе полн.

Како да направите нискокалорична супа
Со цел супата да биде вкусна, но во исто време лесна за дигестивниот систем, треба да следите неколку препораки:

Исечете ги видливите маснотии и кожата од месото. Дајте предност на нискокалорична храна (пилешко, мисирка, зелка, артишок, бибер, морков, бисер јачмен, просо и ориз);

Кога пржите зеленчук, користете минимална количина растително масло.

Луѓето со хипертензија не треба да додаваат сол во супата кога ја подготвуваат. За да не биде блага, можете да ја зачините со природни зачини, билки или лук. И лекарите ги советуваат луѓето со нарушен метаболизам да избегнуваат супи од јаки говедски коски.

The post Што да јадете пред спиење за да изгубите вишок тежина? appeared first on Република.

УХМР најавува дека од утре Македонија влегува во портокалова фаза на предупредување од високи температури. Затоа ова е совршено време за диета со лубеница.

Неделно мени за диета од лубеница од 5 дена

Прв ден:

• Појадок: 1 парче лубеница и 1 шолја кафе или чај
• Ручек: 150 гр говедско месо со 150 гр варен ориз. Засладете се со парче лубеница
• Вечера: 60 ​​гр сирење, парче леб и парче лубеница

Втор ден:

• Појадок: 1 парче леб, 1 шолја кафе или чај и 1 парче лубеница
• Ручек: 100гр пилешко без кожа, 1 парче леб и 1 парче лубеница
• Вечера: 100 гр скара риба, 100 гр варен ориз и дури 2 парчиња лубеница.

Трет ден:

• Појадок: Како претходниот ден – парче леб, шолја кафе и парче лубеница
• Ручек: 50гр тестенини со сос од домати и 3 парчиња лубеница.
• Вечера: салата од свеж зеленчук и лубеница – колку што можете да јадете

Четврти ден:

• Појадок: 2 парчиња лубеница
• Ручек: супа од брокула (секоја супа од зеленчук е добар избор), парче леб и 2 парчиња лубеница.
• Вечера: 3 средно печени компири и 2 парчиња лубеница

Петти ден:

• Појадок: 3 парчиња лубеница
• Ручек: 150 гр говедско месо и неограничена количина лубеница
• Вечера: Парче интегрален леб, 60 гр сирење и 3 парчиња лубеница

Овој метод на исхрана драстично го намалува бројот на потрошени калории и не треба да се држи долг временски период. За време на држењето на диетата,  прескокнете го вежбањето и рекреацијата затоа што веројатно ќе се чувствувате лошо, исцрпено и уморно. Ако забележите дека не ви се допаѓа овој начин на исхрана, запрете го веднаш и не чекајте до петтиот ден по секоја цена. Постојат неколку диети што можете да ги пробате. Можеби диетата со лубеница не е за вас.

The post Нема подобро време за оваа Лубеница диета appeared first on Република.

Главната дилема во врска со лубеницата е количината на шеќер. Храната со гликемиски индекс поголем од 70 се смета за храна со висок ГИ. Лубеницата има ГИ 72, толку многу висок.

Ако сте дијабетичар, тогаш треба да се грижите за тоа како вашето тело ќе се справи со приливот на шеќер во крвта. Ако не сте, треба да го земете предвид гликемиското оптоварување и врз основа на тоа да одредите дали некоја храна ќе придонесе за зголемување на телесната тежина и како телото ќе се справи со шеќерот. И овој индикатор се добива со множење на ГИ со количината на сварливи јаглехидрати, а потоа добиениот број се дели со 100. Гликемиското оптоварување е превисоко ако е поголемо од 20. Помалку од 10 се смета за ниско.

Кај лубеницата гликемиското оптоварување е околу 5 бидејќи на 100 грама има 7 грама јаглехидрати, па затоа нејзината сладост не е проблем и не може да ве здебели. Напротив! Добро е за слабеење.

Ако сакате да изгубите тежина, тогаш сакате да знаете и колку калории има храната кон која се стремите и дали е навистина добар помошник кон таа цел.

Калориската вредност на лубеницата не е висока. Со 100 грама, таа има околу 30 калории. Проблемот е што е полна со вода и многу тешка, а 100гр од ова слатко овошје не е баш доза која го задоволува нашиот апетит. Обично јадеме многу повеќе и се плашиме дека лубеницата може да здебели. А сепак, дури и ако сте јаделе половина килограм од оваа слатка храна, сте изеле 300 калории. Тоа е само малку повеќе калории од 100 грама бел леб.

Диетата со лубеница може да биде многу ефикасна за слабеење. Нејзиниот состав е 90% вода и може да се каже дека пиете повеќе лубеница отколку што јадете. Сепак, за разлика од водата, таа има многу влакна и тоа е нејзината тајна. За разлика од водата, мора да се справите со нејзиното џвакање. Ова испраќа сигнал до мозокот да јаде и полесно се постигнува чувството на ситост. Покрај тоа, влакната го исполнуваат местото во цревата исто како течноста, а тоа го намалува вашиот апетит.

Последна и не најмалку важна предност на лубеницата е фактот што со нејзиното јадење внесувате доволно вода во организмот, што помага во процесот на исфрлање на токсините, регулирање на нивото на натриум во организмот и исфрлање на вишокот вода од организмот.

Пример за мени за 5 дена за исхрана

Прв ден:

Појадок: 1 парче лубеница и шолја кафе или чај
Ручек: 150 гр говедско месо со 150 гр варен ориз. Засладете со парче лубеница
Вечера: 60 ​​гр сирење, парче леб и парче лубеница

Втор ден:

Појадок: парче леб тост, шолја кафе или чај и парче лубеница
Ручек: 100 гр пилешко без кожа, парче леб и парче лубеница
Вечера: 100 гр риба на скара, 100 гр варен ориз и дури 2 кришки лубеница.

Трет ден:

Појадок: Како и претходниот ден – парче тост, шолја кафе и парче лубеница
Ручек: 50 гр тестенини со сос од домати и 3 кришки лубеница.
Вечера: Салата од свеж зеленчук и лубеница – колку што можете да изедете

Четврти ден:

Појадок: 2 парчиња лубеница
Ручек: супа од брокула (секоја супа од зеленчук ќе биде во ред), парче леб и 2 кришки лубеница.
Вечера: 3 печени компири со средна големина и 2 кришки лубеница

Петти ден:

Појадок: 3 парчиња лубеница
Ручек: 150 гр говедско месо и неограничена количина лубеница
Вечера: Парче интегрален леб, 60 гр сирење и 3 кришки лубеница

The post Диета со лубеница која е идеална за слабеење appeared first on Република.

Постојат знаци кои ќе ви укажат дека диетата која размислувате да ја започнете не е правилна за вас, односно или нуди краткотрајни резултати или не му ги дава на телото клучните хранливи материи кои ги нуди само балансираната исхрана.

Кажете НЕ на секоја диета која:

Предвидува внесување на помалку од 1.200 калории дневно

Жените се наежуваат при спомнување на зборот калории, но без нив не се живее. Со цел да донесат брзи резултати, многу строги диети го ограничуваат бројот на дозволени калории, и тоа под минималната граница за жени.

Нутриционистите советуваат дека минималниот број на внесени дневни калории за жените е 1.200. Секоја диета што ги ограничува калориите повеќе од тоа е штетна и треба да ја отфрлите.

Нуди „магичен“ производ

Можеби сте слушнале за диетата со грејпфрут, која посочува дека ова овошје содржи „магична“ супстанција што согорува масти. Или пак, за диетата со супа од зелка. Тие се добар пример за диети кои ќе ви помогнат да ослабете поголем број килограми за кратко време, но на нездрав начин, бидејќи се изградени околу еден тип на храна. Не постои супер-храна која може магично да ги „избрише“ долготрајните последици од честото прејадување или отсуството на физичка активност.

Звучи премногу добро за да е вистина

Навистина звучат примамливо пораките „10 килограми помалку за 2 недели“ или „Изгубете 3 килограми за 5 дена“, но звучат и премногу добро за да се вистина. Тие треба да ви бидат како црвено знаменце основно поради две причини. Прво, за да нудат големо слабеење, тие препорачуваат план за исхрана кој е штетен за здравјето. Се препорачува неделно да се слабее 0,5-1 килограм. И второ, по брзо слабеење, килограмите се враќаат со уште поголема брзина.

Не препорачува физичка активност

Вежбањето и здравите диети одат рака под рака. Редовната физичка активност е клуч за создавање здрав план за слабеење и помага за долгорочно контролирање на тежината. Доколку диетата забранува или не препорачува физичка активност, најверојатно таа предвидува внесување на мал број калории кои нема да ви ја даваат неопходната енергија за вежбање. Здравите диети препорачуваат физичка активност најмалку по 30 минути трипати неделно.

The post Како да знаете дали одредена диета е за вас? appeared first on Република.

Многу жени во слободното време вежбаат опсесивно, прелистуваат модни списанија и фантазираат дека еден ден, со добра исхрана и добро испланиран тренинг, и тие ќе изгледаат како супермоделите кои се насмевнуваат од насловните страници.

Но, на голем број им е тешко да го направат тоа, дури и со диета и вежбање.

Не сме сите родени да бидеме супермодели. Тие се раѓаат, а не се создаваат, велат експертите.

Постојат три основни типови на тело и преминот од еден во друг, како што вели науката, е невозможна мисија.

Супермоделите имаат ектоморфни тела. Се карактеризираат со брз метаболизам , генерално високо и слабо тело, деликатна, кревка градба и долги екстремитети. Овој тип на тело едноставно тешко добива тежина, но во принцип тешко е да се добие мускулна маса .

Ендоморфното тело е сосема спротивно од ектоморфното тело. Ќе ја препознаете по нејзиното меко, масивно, природно дебеличко тело, а овие луѓе имаат најголем проблем со таложење маснотии. За нивна жал, тие имаат многу бавен метаболизам.

Мезоморфната фигура е нешто помеѓу претходните два типа. Луѓето со таква градба ќе ги препознаете по нивната атлетска форма на телото и добро дефинираната мускулатура. Имаат умерено брз метаболизам, а силната телесна конституција од „мезоморфи“ ги прави идеални за професионални спортови.

Три типа на градба

Ектоморфи – високо, слабо тело, долги екстремитети, брз метаболизам

Ендоморфи – меко, масивно тело, бавен метаболизам

Мезоморфи – атлетско тело, дефинирана мускулатура, умерено брз метаболизам.

The post Држите диета и не можете да ослабнете? Еве зошто се случува тоа appeared first on Република.

Постојат различни диети кои гарантираат губење на тежината. Сепак, треба да се напомене дека практикувањето на одредени диети не е здраво, а дека корекција на исхраната со додавање на физичка активност е најздравата опција.

Сепак, за оние кои сакаат инстантно да ослабат или барем да изгледаат послаби во одредена прилика, постои „брза диета“. Имено, брзата диета се практикува еден ден, а најмногу 3.

Ја користеле дамите кои сакале брзо да ослабат за некоја посебна пригода, а трикот е да се јаде храна со малку влакна, кои желудникот брзо ги вари. На овој начин се губат масните клетки, но се намалува и надуеноста, што прави веднаш да изгледаме послаби.

„Целосно е можно да се израмни желудникот за 24 часа. Мојата исхрана веќе им помогна на бројни актерки и манекенки, а девојките ја користат пред, да речеме, првиот состанок“, вели Моника Гренел, авторка на модерната верзија на оваа диета.

Ова се златните правила:

Јадете помали оброци, но на секои три часа, дури и ако тоа е само една чаша јогурт или млеко.

Не џвакајте гуми за џвакање и не зборувајте додека јадете. Ако пушите, исфрлете ги цигарите тој ден. Проголтаниот воздух е најголемиот виновник за надуеност.

Избегнувајте газирани пијалоци, но и секој газиран пијалок, тука спаѓа дури и кафето со пена, капучино или било што друго што содржи пена!

Држете се строго до менито. Само залак недозволена храна, како што се грицки, парче леб, па дури и грст бадеми или ореви, ќе ги уништи резултатите.

Важно е да пиете многу течности, но не „преоптоварувајте“, пијте во мали голтки. Течностите вклучуваат вода, кафе и кафе со млеко.

Мени:

Појадок: малку јогурт, кајгана од две јајца или мала чинија урда.

Ужина: Мала чаша јогурт.

Ручек: Конзерва исцедена туна со младо сирење или 40 грама чаден лосос со малку младо сирење.

Три часа по ручекот: Кафе со млеко.

Вечера: Или една од опциите за ручек или омлет од две јајца со две лажици свежо сирење.

Ужина, само во случај да сте многу гладни, испијте чаша топло млеко. Ќе ви го „среди“ стомакот и ќе ви помогне да заспиете.

Извор: Убавина и здравје

The post Диета која ги чисти цревата, за еден ден до рамен стомак со вкусни намирници appeared first on Република.

Кога станува збор за губење на тежината, доследноста е клучна, како и подготовката и планирањето на оброците. Дури и времето кога појадуваме, ручаме и вечераме има своја улога.

„Она што го јадеме за ручек е важно, но треба да се земат предвид и метаболизмот и деноноќниот ритам“, изјави д-р Река Б. Кумар за The Parade.

Со оглед на тоа, д-р Кумар вели дека е најдобро да се јаде ручек помеѓу 10 и 14 часот, или четири до пет часа по појадокот кога нивото на шеќер во крвта е стабилно. Со други зборови, ако појадувате околу 8 часот, ручекот треба да го планирате околу 12 или 13 часот.

Една неодамнешна студија на Northwestern Medicine ја поддржува оваа методологија, наведувајќи дека времето за вечера треба да го следи истиот распоред како и вашите претходни оброци, осигурувајќи се дека нема повеќе од четири до пет часа помеѓу ручекот и вечерата.

„Ако ви треба закуска која ќе ве засити до следниот оброк, контролирајте ја големината на порцијата за да избегнете прејадување. И обидете се да јадете нешто со протеини, како половина шолја свежо сирење со боровинки или грст бадеми со малку маснотии“, советува докторот.

Извор: Убавина и здравје

The post Ова е најдобро време за ручек доколку сакате да ослабите appeared first on Република.

Нутриционистот Предраг Ненадиќ, кој важи за еден од најпознатите нутриционисти од поранешна Југославија, неодамна потсети познатата „диета со зелка“ со која можете да изгубите и до 5 килограми неделно.

Финтата е во тоа што резултатите не траат долго, т.е. килограмите се враќаат многу брзо ако престанете да внимавате на исхраната.

Диетата со зелка се препорачува само во еден случај - како увертира за промена на навиките во исхраната и стабилизирање на телесната тежина и не се препорачува да се држите до неа долго време.

Се препорачува после првичното држење до режимот со чорбата на база на зелка, да продолжите да водите здрав живот со редовна физичка активност и консумирање на разновидна здрава храна.

Како да се подготви супа од зелка за брзо губење на тежината:

Потребно е:

6 големи перки на млад кромид (во зима може да се користи главица стар кромид или праз)
2 пиперки
една голема свежа зелка
малку сол и бибер
по желба и зачини

Подготовка: 

Зелката исечкајте ја на парчиња и ставете ја во соодветно тенџере и налејте доволно вода за да ја покрие. Додадете ги останатите состојки, па варете на силен оган 10 минути. Потоа намалете ја температурата и оставете да крчка додека зелката не омекне.

Напомена:

Оваа манџа мора да ја јадете секој ден кога сте гладни. Јадете колку што сакате и колку што можете во секое време од денот. Чорбата нема калории и колку повеќе ја јадете, толку побрзо ќе ослабете. Но, ако го јадете само ова јадење долго време, ќе станете неухранети.

Распоред:

Ден 1: Може да јадете било какво овошје, освен банани, но изберете ги оние со помалку шеќер. Од останатите намирници, јадете ја само оваа супа од зелка и пијте вода или незасладени чаеви.

Ден 2: На ​​овој ден јадете секаков вид зеленчук. Јадете колку што сакате додека не се заситите. Изберете зелен зеленчук и избегнувајте зелка и пченка. Почестете се со голем печен компир со путер за ручек. Не јадете овошје и секако не заборавајте да каснете и од чорбата.

Ден 3: Јадете овошје и зеленчук, но и чорба колку што можете повеќе. Не јадете компири или банани.

Ден 4: На ​​овој ден јадете банани и пијте обезмастено млеко. Во текот на денот можете да изедете до 6 банани и да пиете млеко колку сакате, со задолжителната чорба од зелка.

Ден 5: Говедско месо и домати. Во текот на денот можете да јадете помеѓу 350 и 600 грама варено говедско месо и шест свежи домати. Добро би било да пиете до 6 чаши вода во текот на денот, што ќе помогне во детоксикацијата. Јадете и најмалку две порции од чорбата.

Ако ги следите овие правила, доктор Ненадиќ вели дека ќе изгубите помеѓу 2,5 и 3,5 килограми, а можеби и повеќе за една недела.

По петтиот ден се враќате на менито од првиот ден, додека не ја достигнете саканата тежина.

Последици од диетата со зелка:

Резултатите се краткорочни. Тежината се губи многу брзо, но по диетата може да се врати исто толку брзо.

Менито е монотоно и брзо станува досадно и предизвикува ситост, понекогаш дури и гадење. Ако супата од зелка ви пречи на стомакот, отстранете ги корените и ребрата и варете ја супата само од меките листови.

Некои луѓе може да се чувствуваат тромо поради недостаток на калории и недостаток на енергија, но ако јадете повеќе од таа супа од зелка, ќе го почувствувате тој недостаток помалку.

The post „Зелка диета“ по рецепт на југословенски нутриционист, најдобра за брзо чистење на организмот appeared first on Република.

Есента е сезона за тиквата. Постојат толку разновидни начини за нејзино приготвување, како што постојат и голем број разни видови тикви. Тие може да се поделат во две групи, зимски и летни тикви. Летната тиква обично е мека, а зимската е потврда, како однадвор така и однатре. Зимските тикви, ако се чуваат на ладно место, може да траат и до неколку месеци, не губејќи ги своите својства.

Меѓу зеленчукот тиквата е шампион по содржината на железо, бакар и флуор, а содржи и калиум, калциум, манган, цинк, кобалт, силициум. Богата е со пектини, шеќери, витамините Ц, Е, витамини од групата Б, каротин. По содржината на каротин тиквата е побогата дури и од морковот. Освен тоа, тиквата е богата со прехранбените влакна, кои лесно се апсорбираат во организмот. И за крај, тиквата е нискокалорична.

Искористете ја предноста на сезоната на тикви и користете ја во облик на супа, како главен оброк за појадок, ручек или вечера. За време на диетата може да користите свеж зеленчук како грицки или како ужина и задолжително треба да пиете два литри вода дневно.

За рецептот за супата, која е вашето единствено главно јадење, потребни ви се следниве состојки:

2 јаболка
450 г зеленчук по желба
1 кг тиква
1 главица кромид, средна големина
2 лажици билно масло
малку павлака за готвење со ниска масленост
зачини по желба

Приготвување:

Излупете ги јаболката, отстранете ги семките и исечете ги на парчиња. Истото тоа направете го и со тиквата.
Во големо тенџере ставете ги двете лажици масло и на нив пропржете го кромидот. Врз него додајте ги зеленчукот и овошјето, зачинете и ставете 2 чаши вода.
Смесата треба да зовре, па потоа на умерена температура варете уште 20-25 минути со постојано мешање.
Меко сварениот зеленчук ставете го во блендер.
Добиеното пире вратете го во садот за варење, ставете малку павлака за готвење и проварете неколку минути со постојано мешање.
Супата може да ја консумирате кога сакате, во колкаво количество и да сакате.

The post Време е за чорба од тиква, совршена за есенска диета appeared first on Република.

Со оглед на тоа што се ближи сезоната на слави и празници, добро е да почнеме да внимаваме на исхраната навреме, за да можеме да уживаме во богатата трпеза. Диетата со качамак може да ви помогне да го пронајдете својот баланс, кога станува збор за исхраната.

Основата на качамакот е пченкарно брашно, а со оглед на тоа што не содржи глутен, тој не е само вкусен предлог за појадок, туку и еден од најздравите избори што можеме да ги направиме.

Кои корисни состојки ги содржи пченкарното брашно?
Пченкарното брашно содржи големо количество на хранливи состојки што му се неопходни на нашето тело, како и минерали и витамини А, Е и Б. Покрај тоа, богато е со фосфор, цинк, калиум, магнезиум, манган и селен. Одлично влијае врз перисталтиката на цревата и рамнотежата на бактерии во цревната флора, што значи дека е добро не само за варењето, туку и за имунитетот.

Комплексните јаглехидрати во комбинација со влакната од качамакот долго се варат, па подолг временски период ќе чувствувате ситост, а притоа го стимулираат доброто варење и спречуваат констипација, што е честа последица од брзите диети.

Од друга страна, диетата со качамак која трае 4 дена, ќе му ги обезбеди на вашето тело неопходните витамини и минерали, ќе ги прочисти цревата и ќе го забрза метаболизмот. Исто така, качамакот помага да се снижи нивото на холестерол во крвта.

ПРВ ДЕН
400 г палента

1 краставица

1 домат

1 јаболко

2 л вода

ВТОР ДЕН
Повторете го менито од првиот ден.

ТРЕТ ДЕН
400 г палента

салата од 300 г зелена салата, 200 г свежа зелка, 2 моркова, малку лимонов сок и 1 лажиче маслиново масло

2 л вода

3 шолји зелен чај без шеќер

ЧЕТВРТИ ДЕН
Повторете го менито од третиот ден.

Додека сте на диета со качамак, пијте многу вода и јадете мали порции кога ќе почувствувате глад.

Најдобриот начин на приготвување качамак
За да ви помогне качамакот во слабеењето, мора да го приготвите без млеко, шеќер или путер.

Состојки:

50 г палента
200 мл вода
1/2 лажиче маслиново масло

Приготвување:

Измијте го качамакот со чиста вода. Сипете 200 мл вода во тенџере и посолете многу малку. Оставете ја да зоврие, па додајте го качамакот. Варете го на ниска температура, 15-20 минути. Кога ќе се свари, додајте маслиново масло и промешајте.

Извор: Убавина и здравје

The post Детално мени за диета со качамак: За 4 дена ги прочистува цревата и ги топи маснотиите appeared first on Република.