Емоциите го совладаа Диего Симеоне по неговиот рекорден натпревар број 700 на чело на Атлетико Мадрид. Во овој важен момент од својата тренерска кариера, Аргентинецот под негово водство ја постигна победата бр.300 во Ла Лига. Чоло е на чело на мадридскиот клуб речиси 13 години, поради што по натпреварот логично беше прашан за неговата иднина.

Како одговор, Симеоне беше речиси во солзи бидејќи брзо го прекина интервјуто за ДАЗН.

-Како што можете да видите, живеам за моментот. Се наоѓаме во силен период, а играчите се одговорни во извршувањето на обврските. Јас сум мирен. Јас сум на место кое многу го сакам. Тоа е тоа, збогум, рече менторот.

Неодамна „Релево“ информираше дека Атлетико е во потрага по тренер бидејќи се сомнева дека Чоло ќе си замине на крајот на сезоната

The post Дали солзите на Симеоне ја најавија разделбата од Атлетико? appeared first on Република.

Тренерот на Атлетико Мадрид, Диего Симеоне е задоволен од играта на неговиот тим синоќа на натпреварот од 10. коло на Ла Лига со Леганес.

Домаќините славеа со 3:1 и покрај тоа што Леганес на полувреме водеше.

-Задоволен сум што успеавме да се вратиме од тешка ситуација откако противникот ни поведе. Одигравме одлично второ полувреме. Треба да продолжиме во истиот дух. На паузата им кажав на моите фудбалери дека се добро подготвени, дека работиме 15 дена, дека примениот гол не треба да не извади од ритам, изјави Симеоне за „As“.

Атлетико има 20 бодови и е на третото место на табелата во шпанското првенство.

Во следното коло избраниците на Симеоне ќе играат против бетис на 27 октомври.

The post Атлетико ја сврте од „два во кец“ appeared first on Република.

Тренерот на Атлетико Мадрид, Диего Симеоне, беше во екстаза по победата на пенали над Интер и пласманот на неговиот тим во четвртфиналето на Лигата на шампионите.

Тој изрази благодарност до навивачите на тимот, кои, како што кажа, одиграле огромна улога во успехот на „јорганџиите“ на овој натпревар.

-Им се восхитувам на нашите навивачи - пречекот што ни го приредија денеска, од моментот кога пристигнавме на стадионот, беше многу емотивен. Претходно одигравме лош натпревар против Кадиз, па се обидов да ги убедам моите играчи дека не треба да очекуваат голема поддршка од трибините, а мора да дадат се од себе за да го заслужат тоа. Нашите поддржувачи имаат огромно влијание на нашиот стадион. Целиот свет може да го види тоа. Публиката им помогна на играчите да пораснат денес против овој неверојатен противник,  изјави Симеоне веднаш по мечот.

Тој потоа ја анализираше играта на своите фудбалери.

-Коке го остави срцето на теренот, Гризман не престана да трча додека не можеше да се движи. Кога Мемфис (Депај) влезе од клупата, докажа дека навистина ни е потребен. Тоа беше она што ни требаше за да успееме. Да се ​​биде меѓу најдобрите осум можеби звучи лесно, но не е, додаде Аргентинецот по триумфот.

The post Чоло пак е главен во Мадрид appeared first on Република.

Tренерот на Атлетико Мадрид, Диего Симеоне, призна дека никогаш не бил опседнат со желбата да ја освои Лигата на шампионите.

- Не сум опседнат со освојување на Лигата на шампионите. Овој тим никогаш не го освоил овој турнир. Но, јас не сум тука поради тоа. За нас е радост само што учествуваме на овој турнир. Знаеме колку е тешко. Не се чувствувам опседнато бидејќи да се биде опседнат со било што е лошо. Го гледам освојувањето на Лигата на шампионите како илузија, што е добро. На крајот на краиштата, секој има илузии, изјави Симеоне.

Клубот од Мадрид, предводен од Шпанецот, двапати стигна до финалето на Лигата на шампионите, каде што двапати загуби од Реал Мадрид.

На 28 ноември Атлетико Мадрид ќе игра против Феенорд во 5. коло од групната фаза на Лигата на шампионите. Тимот на Симеоне води во групата Е со 8 бода

The post Симеоне не е опседнат со Лигата на шампионите appeared first on Република.

Тренерот на Атлетико Мадрид, Диего Симеоне се произнесе за неговиот аплауз за паѓањето на играчите на Манчестер сити.

– Не, не им аплаудирав на легнатите играчи на Сити, туку им аплаудирав на нашите навивачите кои ги ценат напорите на тимот. Како да не им аплаудирам на таквите луѓе? Немам што да кажам за фудбалерите на Манчестер сити кои често лежеа по теренот за да „украдат“ од времето. Има судија кој ги следи правилата. Треба да му честитаме на противникот, кој оди понатаму, бидејќи постигна еден гол повеќе од нас, изјави Симеоне, за „Marca“.

Средбата во Мадрид по голема борба заврши нерешено 0:0. Во првиот натпревар Манчестер сити победи со минимален резултат 1:0, па се пласираше во полуфиналето на Лигата на шампионите.

Следен противник на англискиот тим ќе биде Реал Мадрид кој го елиминира Челзи

The post Искри во Мадрид: Симоне вели дека им аплаудирал на своите играчи а не на Сити кои лежеле на теренот appeared first on Република.

Тренерот на Атлетико Мадрид, Диего Симеоне ги сумираше впечатоците од четвртфиналниот натпревар од Лигата на шампионите против Манчестер сити.

Англичаните го добија мечот со 1:0 со голот на Кевин Де Брујне во 70. минута.

https://www.youtube.com/watch?v=Uy7SWMMwbKM

– Добар настап против извонреден клуб кој успеа да собере многу играчи од светска класа во одличен тим. Сакавме добро да се браниме, да го намалиме просторот и да ги загрозиме со контранапади. Токму кога изгледавме дека сме ги создале нашите најдобри шанси, тие го постигнаа единствениот гол. Тоа беше многу тежок натпревар. Отстрануваат тројца одлични играчи и ги заменуваат со тројца подеднакво одлични момци. Признавам дека уживам да ја гледам играта на Сити. Какво трпение имаат. Но и двете екипи се стремевме кон истото – да победиме. Можеби се најдобриот тим во светот. Малку ќе ја промениме играта на реваншот, но не им е гајле – ќе играат на ист начин. Ние со напорна работа ќе се обидеме да се натпреваруваме со нив. Само да видиме каде ќе се одвива мечот, изјави Симеоне на официјалната веб-страница на УЕФА.

Реваншот ќе се одигра на 13 април на стадионот „Ванда Метрополитано“ во Мадрид.

The post Симеоне призна дека Сити игра убаво за око appeared first on Република.