Да честитам на Министерството за транспорт, на Царинската управа, се разбира кредитот којшто е добиен од страна на Светска банка, добро е тоа што македонските граѓани коишто ќе го враќаат овој кредит од Светската банка ќе имаат модерен граничен премин којшто е дел од Коридорот 8 и тоа е една силна политичка порака затоа што изминатиов период бевме обвинувани дека Коридорот 8 не бил толку приоритетен, друг коридор Коридорот 10 бил приоритетен, но со самото ова и она што ќе започне од понеделник, тоа е реконструкција на ГП Клепало - изјави премиерот Христијан Мицкоски на денешното поставување на камен темелник на нов објект на терминалот за стоково царинење со што се означува почетокот од надградбата и реконструкцијата на граничниот премин Деве Баир и Ќафасан.

Тој додаде:

Покажуваме јасна определба дека секоја точка на Македонија нас ни е важна, и дека нема да оставиме ниту една точка којашто нема да биде реконструирана и реновирана. Мораме да напоменеме дека македонските граѓани коишто ќе го отплаќаат овој кредит ќе добијат модерен граничен премин исто така ќе добијат модерни гранични премини каде што ќе имаме поефикасна работа на Царинската управа.

Кога сме кај ефикасната работа на Царинската управа можам, да кажам дека пред 2 во суштина беше тоа, е спречена нелегална трговија на 36 килограми опојна дрога, марихуана, а во текот на вчерашниот ден имаше нелегална трговија на лекарства исто така во огромна количина и ќе продолжиме во периодот којшто следи. Криминалците нема да бидат повеќе безбедни. Со заминување на власта на претходната Влада на СДСМ и ДУИ пораката којашто сакаме да ја упатиме е дека секој оној што ги почитува законите и Уставот ја има и нашата почит, но секој оној криминалец без разлика дали е тоа политички или поинаков ќе биде фатен, спроведен и однесен да одговара за тоа што го прави.

Така што мора да има правна држава насекаде, на целата територија на Република Македонија, но важно е дека македонските граѓани коишто ќе ги плаќаат овие кредити коишто ги зима македонската Влада ќе добијат европски услови кога ќе ги поминуваат граничните премини и ќе нема повеќе гужва и турканици како што тоа беше во минатото.

Вкупната вредност за изведба на првата фаза од овие проекти изнесува 118 милиони денари, од кои 96 милиони денари за надградба и реконструкција на граничен премин Деве Баир и 22 милиони денари за реконструкција и надградба на граничен премин Ќафасан. На граничниот премин Ќафасан веќе се започнати градежни активности коишто треба да завршат во период од 6 месеци.

Проектот за надградба и реконструкција на граничниот премин Деве Баир ќе се одвива во две фази.

Првата фаза опфаќа изградба на нов современ административен објект на терминалот за стоково царинење, како и целосна реконструкција на постоечката Управна зграда на самиот граничен премин. За оваа намена Министерството за транспорт склучи договор за градежни работи со македонска фирма во вредност од 96 милиони денари. Средствата за оваа намена се обезбедени преку Проектот за олеснување на трговијата и транспортот во Западен Балкан на Светска банка.

Со реконструкцијата на Управната зграда ќе се добијат современи услови за работа на царинските и полициските службеници, а со изградбата на новиот објект на терминалот за стоково царинење покрај царинските службеници, бенефит ќе имаат и службениците од Државниот инспекторат за земјоделие и граничната Фитосанитарна инспекција како и од Агенцијата за храна и ветеринарство.

Воедно процедурите за увоз, извоз и транзит ќе се одвиваат на едно место, што ќе претставува олеснување за економските оператори, а ќе се придонесе и кон скратување на времетраењето на завршување на постапките.

The post Мицкоски: Целосно се реконструира граничниот премин Деве Баир, дел од Коридорот 8 appeared first on Република.

По седум години во бегство, на граничниот премин “Деве Баир” на влез во Македонија од Бугарија на македонските власти се предаде Дејан Давидовски-Дешо, објави Канал 5 телевизија

По седум години во бегство, на граничниот премин “Деве Баир” на влез во Македонија од Бугарија на македонските власти се предаде Дејан Давидовски-Дешо кој беше баран со меѓународна потерница за настаните со упадот во Собранието од 27 април. Тој е осомничен за терористичко загрозување на уставниот поредок и безбедноста.

Давидовски пред пет години беше уапсен во Шведска, но потоа и ослободен од шведскиот Врховен суд кој го одби барањето на Македонија за негова екстрадиција.

The post Дејан Давидовски се предаде на Деве Баир, седум години е во бегство поради „27 април“ appeared first on Република.

На магистралниот пат Граничен премин „Деве Баир“ на 13 јануари се случила сообраќајна несреќа во која едно лице се здобило со тешки телесни повреди и е пренесено во болница, соопшти Министерството за внатрешни работи.

На 13.01.2024 околу 15.40 часот, било пријавено дека на магистралниот пат Граничен премин „Деве Баир“ – Крива Паланка, се случила сообраќајна несреќа во која патничко моторно возило „рено“ управувано од Т.М.(34) од Крива Паланка, со регистарски ознаки од Крива Паланка удрило во Д.М.(49) од с. Дурачка Река, Крива Паланка, а потоа во запрено товарно моторно возило „мицубиши“, сопственост на ЈП за Комунални услуги-Комуналец Крива Паланка. Во несреќата со тешки телесни повреди се здобил Д.М., констатирани во Комплекс клиники „Мајка Тереза“ во Скопје, велат од МВР.

Извршен бил увид од увидна екипа на ОВР Крива Паланка.

The post Автомобил прегазил човек кој стоел крај неговиот паркиран камиот: Тешка сообраќајка кај „Деве Баир“ appeared first on Република.

Македонија пат информира дека патниот правец Крива Палнка-Деве Баир е пуштен во сообраќај.

Тие велат дека останува само забраната за тешки товарни возила.

https://republika.mk/zivot/servisi/ukinata-zabranata-za-kamioni-na-ushte-dva-patni-pravtsi/

The post Деве Баир пуштен во сообраќај, забрана само за камиони appeared first on Република.

На граничниот премин Деве Баир царинските службеници спречија обид за криумчарење на 300 парчиња филери REVOLAX, во вредност од 9.000 евра.

-Лицето, инаку косовски државјанин со иницијали А.Г., се обидело да влезе во државата без да ја пријави стоката. На прашањето од царинскиот службеник дали има нешто да пријави истиот одговорил дека нема што да пријави освен личен багаж. При рутинската контрола извршена од страна на царинските службеници во патничкиот куфер и позади задните седишта беа откриени 300 парчиња филери за лице, во најголем дел за усни, чија вредност согласно фактурата која е пронајдена во возилото изнесува 9000 евра, информираат денеска од Царинската управа.

Стоката и возилото се привремено задржани, а против  лицето е поднесена соодветна кривична пријава за криумчарење.

The post На Деве Баир запленети 300 парчиња филери во вредност од 9000 евра appeared first on Република.

Бугарите ги донесоа ветените агрегати за струја на преминот „Деве Баир“, а МВР им ги врати назад. Ова пак, беше повод за бугарскиот европратеник Ангел Џамбаски одново да упати критики за Македонија и да обвинува за сеење омраза. Агрегаторите беа ветени од бугарскиот вицепремиерот за јавен ред и безбедност и министер за внатрешни работи Иван Демерџиев, но не се знае дали и тој ги испратил. Од македонското МВР велат дека агрегаторите можат да ги земат, само ако тоа е поткрепено со документација.

Согласно законските прописи без договор за донација институцијата не може нит да прими нит да предаде донација, велат од МВР.

Европратеникот Ангел Џамбаски ги обвини македонските гранични власти на преминот „Деве Баир“ дека одбиле да ги примат агрегатите за струја.

Не е никакво изненадување, бугарските хејтери во Скопје се ќе направат против Бугарија. Инаку вака блеска нивната лага. Тие самите докажаа дека причината за кршењето на правата на стотици Бугари за слободно движење не е немањето струја, туку омразата на властите во Скопје кон Бугарија и Бугарите, напиша Џамбаски на Фејсбук.

Најавата за агрегати од бугарските власти следуваше откако во саботата на 4-ти февруари кога падна системот за контрола на граничниот премин „Деве Баир“, со кој се регулира влегување и излегување во земјава. Бугарите тргнати да го чествуваат Гоце Делчев останаа заглавени на граница неколку часа поради паднатиот систем.

Откако Македнија одби да ги прими генераторите, Бугарија истите реши да и ги донира на Турција.

Иван Демерџиев изјави дека генераторите ќе бидат пренасочени кон Турција, каде што има поголема потреба по разорните земјотреси.

Се надевам дека Македонија ќе најде сила и средства подобро да ја обезбеди својата гранична контрола, рече министерот Демерџиев и додаде дека претстојат конзуларни консултации на кои се надева дека ќе учествува.

Таму ќе ги разјасниме сите проблеми и ако можеме да помогнеме, ќе им помогнеме, но потребата во Турција е многу поакутна во моментов, се однесува на спасување човечки животи и мислам дека трите генератори ќе одат таму - рече Демерџиев.

The post Бугарите ги донесоа агрегатите за струја на „Деве Баир“, МВР ги врати назад, Џамбаски не „исплука“ за сите пари appeared first on Република.

На македонскиот граничен премин „Деве Баир“ одбиле да ги земат подарените генератори за струја што ги најави министерот за внатрешни работи Иван Демерџиев за време на чествувањето на Гоце Делчев во Скопје, јави БГНЕС.

Според БГНЕС, на граничниот премин Деве Баир одбиле да ги примат и место тоа ги поправиле своите.

Веста ја потврдиле претставници на бугарската граничниот премин „Гуешево“ за БНР.

„На македонската станица, каде често снемува струја, како што беше случајот на 4 февруари кога 4 часа немаше струја, стотици Бугари не можеа да стигнат до Скопје на чествување на гробот на Гоце Делчев, го ремонтирале и ставиле во употреба стариот агрегат.

Министерот за внатрешни работи Иван Демерџиев вети дека ќе бидат испорачани генератори за три македонски гранични премини за да не се создаваат проблеми во работата на екипите и сообраќајот со часови да запира, но тоа досега не се случило.

На македонскиот граничен премин „Деве Баир“, каде што речиси секој ден неделава имаше прекин на струја, го ремонтираа и го стартуваа стариот апарат, изјавиле вработените на граничниот премин „Ѓуешево“, пишува БГНЕС.

The post ГП „Деве Баир“ одби да прими генератори за струја од Бугарија appeared first on Република.

Ангел Георгиев, бугарскиот политичар од Преордба, тврди дека македонската граничната полиција скокнала врз него и врз другите граѓани кои биле со него, биле тепани, удирани со тупанци и клоци. Сега веќе поранешниот пратеник беше дел од групата бугарски граѓани кои вчера направија инцидент на граничниот премин Деве Баир кога сакаа да влезат во земјава за да присуствуваат на чествувањето по повод годишнината од раѓањето на Гоце Делчев. Тој за Бугарската национална телевизија БНТ изјави:

„Околу 5-6 часа имаше колона Бугари кои сакаа да одат да го чествуваат споменот на Гоце Делчев. Се беше смислено, под изговор дека нема струја. И кога конечно почнаа да се движат неколку автомобили решија да извршат претрес врз една кола со цел да одолговлекуваат. Почнавме да снимаме видео со мобилните телефони и да прашуваме зошто го држат човекот. Ни рекоа да не снимаме, и тогаш граничната полиција скокна врз мене и врз другите кои беа околу мене. Не тепаа, не удираа со клоци и тупаници. Не внесоа во пунктот. Внатре во собите не тепаа. Имам син очен капак, исеченица на носот, болки во потколеницата, ме тепаа со тупаници по глава. Јас најлесно поминав, останатите се повеќе повредени. Шефот од македонска страна тепаше и ни викаа: ќе ве здробиме како кучиња“.

Експратеникот вели дека му паднал во просториите на граничниот премин додека траело тепањето. Телефонот не му го вратиле, за што и наводно поднел жалба. Тврди дека побарал адвокат и лекарска помош, но бил одбиен, а не му било дозволено ниту да стапи во контакт со бугарските власти.

„Не држеа на граница неколку часа, по што не однесоа во суд во Крива Паланка. Не обвинија за зборови што не ги кажавме ние, туку Симон Милков. Но ни ги препишаа на нас. Ова можеби е намерно исценирано. Веројатно тоа лице е испратено таму со цел и задача. Добивме парична казна затоа што не прекинавме да ги снимаме граничните полицајци - вели тој.

Георгиев се пожали дека никој од бугарската држава не се појавил, ниту конзулот ниту амбасадорот. Адвокат си обезбедиле сами. Тврди дека паричната гаранција и казните претставник од Преродба им ги дал на рака на полицајците во евра. Но не добил никаков документ за тоа. Дури и искаќа сомнеж дека парите завршиле во нечиј џеб.

The post Приведениот бугарски пратеник: Македонските полицајци не тепаа, ни удираа клоци и тупаници appeared first on Република.

The post Aлијанса за Албанците го осудува однесувањето на „Комитите“ и на Бугарите на Деве Баир appeared first on Република.

И денес на одбележувањето на 151 годишнината од смртта на Гоце Дечлев, не се пропушти, а да не се навреди Ромскиот заедница во Македонија. На видеото што се појави низ медиумите, јасно се гледа како Бугарски граѓани и новинари на граничниот премин Деве Баир, со висок тон и недолични зборови се обраќаат кон припадниците на македонската полиција со зборовите: „САКАМ ДА ОТИДАМ НА ГРОБОТ НА ГОЦЕ ДЕЛЧЕВ, А ВИЕ ТУКА ЦИГАНИ МИ ПРАВИТЕ ПРОБЛЕМ ДА ВЛЕЗАМ“, се наведува во реакцијата на Демократски сили на Ромите - ДСР.

-Партијата ДСР, силно го осудува ваквиот недоличен начин со простачко и расистичко однесување од страна на Бугарскиот граѓанин, но и на било кој поединец кој се обидува да ја навреди Ромска задница. Очигледно Ромите се споменувани само во лоша конотација, а во последно време тоа е се почесто. Со оглед на тоа дека во Македонија се иницира влез на Бугарите во уставот на Македонија, бараме јавна осуда на овој настан и ова однесување од страна на Љатифе Шиковска, која е пратеничка во Собранието на Република Македонија од редовите на СДСМ. Бараме јавно да се огради од гласање на уставните измени, поради навредата која е направена кон Ромскиот народ, велат од партијата.

„Исто така, очекуваме во одбрана на своите сограѓани Роми, да застанат и Министерот за надворешни работи, г-динот Бујар Османи и премиерот г-динот Димитар Ковачевски, како и сите Ромски партии кои се во коалиција со актуелната влада, бидејќи Ромите се составен дел од оваа држава. Од ова видео јасно се гледа како Бугарскиот народ и држава ги третираат и навредуваат Ромите со ширење на национално – фашистичка омраза, за жал во XXI век“ – велат од Демократски сили на Ромите

https://republika.mk/vesti/makedonija/vikane-kon-makedonskite-politsajtsi-snimane-bugarski-pratenik-go-objavi-intsidentot-na-granitsa-pravejki-gi-bugarite-zhrtvi/

The post ДСР бара јавна осуда по навредите и инцидентот на бугарска граница appeared first on Република.

Неовластено снимање, навреди, закани, буткање со македонски полицајци. Ова се гледа на видеото од инцидентот на граничниот премин Деве Баир кој резултираше со апсење на тројца бугарски државјани.

Снимката ја објави бугарскиот пратеник Ангел Георгиев. Mакедонските полицајци се обидуваат да го вратат во неговото возило, но тој упорно одеше кон нив без никаква дозвола тука да се движи. Со примена на сила тој беше вратен во неговото возило.

На снимката се гледа дека тој што снима е исто така спроведен во просториите на станицата.

https://www.youtube.com/watch?v=AX4l6_ZceTA&embeds_euri=https%3A%2F%2Fkurir.mk%2F&source_ve_path=MjM4NTE&feature=emb_title

Бугарските медиуми пак за инцидентот пренесуваат дека македонските полицајци се тие кои му се заканувале и го тепале пратеникот на „Вазраждане“ Ангел Георгиев, а со него биле и бугарски државјани.

МВР веќе потврди дека се приведени тројца бугарски државјани поради овој инцидент.

The post Викање кон македонските полицајци, снимање – бугарски пратеник го објави инцидентот на граница, правејќи ги Бугарите жртви appeared first on Република.

Околу 12.45 часот на Граничниот премин Деве Баир дошло до нарушување на јавниот ред и мир од страна тројца бугарски државјани, информира МВР.

Г.З (35),А.Х(50)и Р.Х(54) бугарски државјани кои најпрво вербално, дрско и недолично со најпогрдни зборови се однесувале, а потоа се обиделе и физички да ги нападнат полициски службеници кои преземале службени дејства, при што се приведени и се работи на целосно расчистување на случајот, соопшти Министерството.

Денеска над 100 автомобили и десетици тешки товарни возила се блокирани на границата меѓу Бугарија и Република Македонија помеѓу граничните премини „Ѓуешево“ и „Деве Баир“.

Во автомобилите запрени на граница се и патници за прославата на 151-годишнината од раѓањето на Гоце Делчев, јавија бугарските медиуми.

Сообраќајот беше во прекин околу 9 часот утринава поради неисправност на системот за контрола на патници и возила, кој беше обновен по 12:30 часот и сообраќајот продолжи да се одвива нормално.

The post Детали за апсењето на Бугарите кои нападнале полицајци на Деве Баир appeared first on Република.

Околу 12.45 часот на Граничниот премин Деве Баир дошло до нарушување на јавниот ред и мир од страна на Г.З (35),А.Х(50)и Р.Х(54) бугарски државјани кои најпрво вербално, дрско и недолично со најпогрдни зборови се однесувале. Истите потоа се обиделе и физички да ги нападнат полициски службеници кои преземале службени дејства, при што се приведени и се работи на целосно расчистување на случајот.

The post На ГП Деве Баир приведени тројца бугарски државјани, се обиделе физички да нападнат полициски службеници appeared first on Република.

МВР информира дека отстранет е дефектот на системот на Граничните премини, истиот е оспособен за функција и се пропуштаат возила за влез и излез од земјава.

The post МВР: Отстранет е дефектот на системот на Граничните премини appeared first on Република.

На граничниот премин кон Бугарија, „Деве Баир“, од утрово има засилена полициска и гранична контрола, но протокот на патници за влез во државата е речиси минимален, јавува МИА.

Од Министерството за внатрешни работи - Регионален центар за гранични работи „Исток“, информираат дека нема никакви организирани групи бугарски државјани кои досега ја минале границата, по повод чествувањето на денот на раѓањето на Гоце Делчев.

Од утрово од 7 часот досега во државата влегоа само дваесетина странски туристи кои транзитираат низ Македонија и тоа со организиран меѓународен автобуски транспорт, додека пак, други лица сѐ уште не влегоа во државата низ овој граничен премин.

Фреквенцијата на патници кои излегуваат од државата е нешто поголема, но вообичаена кога станува збор за викенд патувања.

Претежно минуваат возила од Скопје и останатите градови во земјава кои се упатуваат кон зимските туристички центри во Бугарија, а регуларен е и протокот на патнички товарни возила.

The post Засилена контрола на граничниот премин Деве Баир, нема организирани групи за влез во државата appeared first on Република.

Бугарската полиција на граничниот премин со Македонија, Деве Баир, уапсила македонски цариник.

Цариникот со иницијали Д.Д. во својот автомобил со кумановски регистарски таблички превезувал поголема количество на психотропни супстанци, објави „Инфомакс“.

Во шишиња од леден чај тој превезувал концентриран метамфетамин како и три литри течен амфетамин.

Извори на „Инфомакс“ велат дека македонскиот државјанин е вработен во македонската царина.

The post Во шишиња леден чај пренесувал амфетамини: Македонски цариник уапсен на Деве Баир appeared first on Република.

Бугарската полиција на граничниот премин „Ѓуешево/Деве Баир“ го привела 53-годишниот македонски државјанин Н.Е. врз основа на европска потерница издадена од Суд во Прага.

Како што соопшти софиското Јавно обвинителство, при проверка на документите за лична идентификација, полициските службеници на граничниот премин утврдиле дека прашкиот Суд издал европска потерница за апсење и екстрадиција на Н.Е. под обвинение за „перење пари, фалсификување на официјални документи и тргување со нив“.

Потерницата против Н.Е. е издадена за отслужување на двегодишна казна затвор на која е осуден од страна на чешки Суд.

Бугарското Обвинителство информира дека издало налог за задржување во притвор на Н.Е. се до завршувањето на постапката за негова екстрадиција.

The post Македонец влегувал во Бугарија, па на граница го уапсиле според потерница од Чешка appeared first on Република.

Укината е забраната за тешки товарни возила на патниот правец Крива Паланка – Г.П. Деве Баир, соопштија од АМСМ.

Забраната што беше воведена поради обилните врнежи од снег е укината во 10.30 часот.

Во сила се забраните за камиони на патниот правец Гостивар – Кичево преку планинскиот премин Стража, како и на патот R1202 Дебар – Маврово.

The post Укината забраната за тешки товарни возила на Деве Баир appeared first on Република.