Во претходниот социјалистички систем во Република Македонија беа изградени бројни детски одморалишта како во планините така и покрај езерата. Освен за воспитно – образовна дејност тие служеа и за социјализација, дружење меѓу учениците, спортски активности и така натаму. Тоа ни ја покажува грижата за најмладите која ја водела државата, како своевидна инвестиција во сопствената иднина, велат од политичката партија Левица.

Од почетокот на приватизацијата одморалиштата се прогласени за конкуренција на приватниот туристички сектор, па така тие постепено се занемаруваат и препуштат на пропаѓање.

Наместо да се место каде децата ќе може безгрижно да ги поминуваат зимските и летни распусти, денес, детските одморалишта Голак, Висока Чука, Црвен Крст и многу други, се целосна руина, со уништена надворешност, демолирана внатрешност и разрушени ѕидови.

Иако изминатите години имаше бројни најави од Владата на Република Македонија и Министерство за труд и социјална политика во чија сопственост се истите, со години немаат ништо направено за детските одморалишта и со тоа ја докажуваат континуираната негрижа за најмладите.

The post Левица обвинува за планско уништување на детските одморалишта во државата appeared first on Република.

Советниците од граѓанската иницијатива „Поинаку“ побараа Детското одморалиште „Пелистер“ да биде отстапено на користење на Општина Битола.

Да ги вратиме децата на Пелистер, на зимување, летување, настава во природа, екскурзии, семинари, излети, апелираат тие.

Спуштајќи се по костум на Пелистер, иницијативата ја најави советникот од „Поинаку“ Иван Чулакоски, кој трета година по ред се спушта по костум од врвот на Баба планина со една цел – Пелистер да прерасне во врвен туристички центар.

Како „Поинаку“ доставивме иницијатива за поднесување на барање до Владата за отстапување на Детско одморалиште Пелистер на Општина Битола, со цел негово рестартирање како јавно детско одморалиште со намена за одмор и рекреација. На следната седница на Советот на Општина Битола, која ќе се одржи на 15.03.2022 година ќе се расправа за оваа точка на дневен ред, но со оглед на тоа што станува збор за објект со огромно значење кој долг период е затворен и оставен да пропаѓа, очекуваме поддршка од сите колеги, порачаа од „Поинаку“.

The post Советникот од „Поинаку“ повторно со костум на планина, бара Детското одморалиште да биде отстапено на Општина Битола appeared first on Република.