Градоначалникот на општина Гази Баба, Бобан Стефковски го пушти во употреба новото детско катче во населеното место Јурумлери.

За посетата на Јурумлери, градоначалникот Стефковски информираше на својата официјална страна на Фејсбук на која што напиша:

„Пуштено во употреба новото детско катче во населеното место Јурумлери.

Утрово го пуштивме во употреба новото детско катче во Јурумлери кое е изградено во рамки на клонот Морковче од детската градинка 25-ти Мај.

Нема поубаво чувство од искрената детска насмевка, проследена со неизмерна среќа и топла прегратка.

Среќен сум што со изградбата на ова детско катче е создаден простор на кој дечињата ќе можат да го поминуваат поголемиот дел од времето во летниот период.

Продолжува обновата на нашата Гази Баба. Се реализираат проекти за сите генерации, напиша Стефковски.

The post Стефковски: Изградивме ново детско катче во Јурумлери, Гази Баба се менува appeared first on Република.

Во населбата 22 Декември во Киево демолиран е детскиот парк, што беше изграден пред една недела. Случајот е пријавен во полиција, но се уште не се познати сторителите на овој вандалски чин. Пичинета е огромна материјална штета.

Децата разочарани од глетката, бидејќи едвај чекаа да добијат вакво нешто во нивната населба.

За ова реагираше и градоначалникот на Кичево, Фатмир Дехари, нарекувајќи го чинот вандализам врз јавен имот.

Урбаната опрема и детските играчки се уриваат, рушат, се делат на парчиња, давајќи тажна слика кога ќе ги погледнете на овие фотографии, а повеќе во реалност. Неразбирливо е ова чувство на напад на убавината, функционалното за град со чиста животна средина. Настанот е пријавен во полиција и веднаш била реакцијата на полициските службеници за откривање и изведување пред правдата сторителите на ова лудило врз граѓанинот и урбаното со неразбирлива деструктивна намера - реагираше градоначалникот на Кичево на социјалните мрежи.

Вакви случувања имало и порано во Кичево. Пред неколку месеци, неколку пати по ред беше уништувано и Калето во Кичево. Откако ќе го реновираа, повторно беше уништувано, крадеа клупи, електрични кабли и светилки кои беа поставени на калето.

The post Уништено детското игралиште во Кичево изградено пред една недела appeared first on Република.