Престојот на децата во градинките е многу повеќе од неколку часовно згрижување. За секое дете, градинката е прва средба со обврски и одговорност, прво самостојно запознавање нови луѓе, комуникација со многу дечиња и прв момент на „разделба“ со родителите. Затоа, градинката за нив треба да биде местото во кое се чувствуваат сигурни и добредојдени, што е подеднакво важно и за родителите.

Воспитувачите и негувателите ја имаат главната улога, а благодарение на нивниот професионален однос и пристап, децата се среќни што поголем дел од нивниот ден, го поминуваат токму со нив. Всушност, во очите на децата, воспитувачот е лојален пријател, кој на секое нивно „зошто“ има „затоа“ и првиот поим за авторитет, со кој секогаш може да играат интересни игри, а во исто време и да научат многу нови работи.

За родителот, престојот на неговото дете во градинка треба да обезбеди одржина, квалитет, едукација, воспитување, правилно формирање на личноста на детето, квалитети кои децата можат да ги добијат преку воспитувачкиот кадар. Па затоа, за да се испише успешна приказна за детска градинка, пред сѐ потребно е родителите да имаат безрезервна доверба во воспитувачите, а децата безгрижно да ги создаваат првите спомени и секојдневно да ги прошируваат знаењата.

Приватната детска градинка Литл Ми, веќе седма година по ред, гордо ја раскажува својата успешна приказна, заедно со многуте задоволни родители и најважно, со огромниот број среќни, насмеавни и воспитани деца. Секое дете кое било, или е дел од семејството Литл Ми добива многу повеќе од згрижување, затоа што секој нов ден поминат во градинка е нова авантура исполнета со различни активности, нови игри и предизвици, безгрижна дружба со другарчињата, интересни „дебати“ со воспитувачите и различни еднодневни посети кои ги прошируваат нивните
хоризонти.

Родителите се особени горди на изборот, затоа што знаат дека нивното дете ќе биде безбедно, силно и ценето. Но, исто така, една од најважните работи за еден родител е исхрана за децата, додека се надвор од домот, но кога се во Литл Ми тоа веќе не претставува грижа, туку задоволство, затоа што за тоа се грижи беспрекорен тим од врвни кувари кои секојдневно им подготвуваат на децата чинии полни здравје, односно разновидни јадења, нутритуитивно богати, со витамини во изобилство.

Тимот на градинката има за цел да изгради свет во кој детето слободно ќе го изразува своето мислење, со што ќе има чувство на припадност во развојно-социјална и грижлива средина пропратена со сите услови за спроведување на разновидните активности кои се детално обработени и однапред испланирани.

Изберете ја детската градинка Литл Ми, затоа што вашето дете, ќе биде нивната најголема грижа.

Фото: Принтскрин

The post Детската градинка Литл Ми ја раскажува својата успешна приказна – „Вашето дете, нашата грижа“ appeared first on Република.

Ви благодарам за вашето присуство на овој свечен чин да посведочиме на уште еден капитален проект во општина Јегуновце. Ветеното се остварува, а општината денес е вистински сервис на граѓаните. Општина Јегуновце денес е отворена, транспарентна институција и јас како градоначалник сум постојано достапен за граѓаните. Мојата канцеларија и вработените во општина Јегуновце се секогаш на располагање и ги решаваат проблемите кои се од локална надлежност. Во согласност со мојата програма и барањата на моите сограѓани ве информирам дека во изминативе месеци работевме вредно, посветено, чесно и успеавме да завршиме неколку капитални проекти, од кои сега ќе ги набројам, ова денеска преку изјава за медиумите го истакна градоначалникот на општина Јегуновце, Димитар Костадиноски.

-Завршена е изградба на колекторот за фекална канализација во село Жилче, село Шемшево и целосно оспособување и пуштање во употреба на фекалната канализација во населеното место Жилче;

-Во завршна фаза е изградба на два мини парка во населените места Јанчиште и Јегуновце, комплетно се реконструира основното училиште „Симче Настовски“ во Вратница и тоа поставена е нова термо фасада, реновиран е целиот внатрешен дел на училиштето, инсталирано е парно за греење на пелети;

-И во населено место Сиричино е изградено кошаркарско игралиште со обезбедени финансиски средства од наш иселеник во САД;

-започнавме со изградба на локални улици со бекатон плочки во повеќе населени места на територија на општина Јегуновце;

-Обезбедивме пластични канти за комунален отпад и истите ќе бидат поделени на секое домаќинство во периодот што следи, вели Костадиноски.

Тој додава дека дополнителни инвестиции кои се планираат за тековната 2022 година се:

-Во финална фаза е решавање на долгогодишниот проблем со вода за пиење за населените места Шемшево и Жилче;

-промена на досегашниот начин на затоплување во подрачните основни училишта во Туденце, Жилче и Ратае со топлински пумпи со кои ќе инвестираме во нова, модерна, економична и незагадена технологија за нашите најмлади жители односно децата;

-Изградба на тротоари во населените места Копанце и Јанчиште;

-Во фаза на тендерирање е проектот и реконструкција на локалните патишта и улица во населеното место Јегуновце.

Почитувани пријатели денес сум многу среќен и радосен што успеавме да ја отвориме новата детска градинка „Цветови“ која ќе згрижува 50 дечиња и тоа 25 од македонска паралелка и од 25 од aлбанска паралелка. Градинката е целосна опремена и ги исполнува сите стандарди, инсталирано е ново модерно парно за греење, со топлинска пумпа, поставени се дополнителни детски реквизити во надворешниот дел на градинката и комплетно оградување на целата градинка. Градинката „Цветови“ е подготвена за дечињата од општина Јегуновце и од мое име и од името на целата општинска администрација им посакувам среќни, весели денови на сите дечиња и на вработените од новата градинка, вели Костадиноски.

https://youtu.be/U7VRBTQ-ezw

The post Костадиноски: Денеска отвораме нова детска градинка, која ќе згрижува 50 деца во Јегуновце appeared first on Република.