Маријана Вишегирскаја, облечена во исти пижами со точки, е фотографирана како ја држи новородената ќерка, објави Гардијан.

Една од трудниците сликана како бега од урнатините на породилното одделение од болницата во Мариупол, бомбардирана од руските сили, роди ќерка.

Маријана Вишегирскаја, облечена во истите пижами со точки во кои беше сликана додека се мачи по скалите на опустошената болница, во петокот беше фотографирана од Асошиетед прес како лежи во болнички кревет држејќи ја својата новородена ќерка Вероника.

The post Се породи трудницата која беше фотографирана како бега од урнатините од болницата во Мариупол appeared first on Република.

Руското Министерство за одбрана денеска негираше дека руските сили ден претходно бомбардирале породилиште и детска болница во украинскиот град Мариупол.

Според соопштението, Русија вчера не извршила воздушни напади врз копнени цели во таа област, почитувајќи го договорениот „режим на тишина“, пренесува Ројтерс.

Рускиот министер за надворешни работи претходно денеска изјави дека Русија на седницата на Советот за безбедност на ОН изјавила дека украинскиот националистички баталјон Азов ја користи породилната болница во Мариупол како своја база.

Украинските националисти претходно ги извадија сите идни мајки и персоналот од породилиштето, рече Лавров по разговорите со украинските и турските колеги Дмитриј Кулеб и Мевлут Чавушоглу, пренесе Тас.

Слушнавме патетична реторика за некои злосторства наводно извршени многу пати од страна на руската војска. Пред три дена, на 7 март, нашата делегација на седницата на Советот за безбедност на ОН презентираше докази дека предметното породилиште долго време било окупирано од баталјонот Азов и други радикали, рече тој Лавров.

Според тврдењата на украинските власти, во вчерашниот воздушен напад на Мариупол била уништена детската болница, а загинале три лица.

Посебно ќе се задржам на информативната провокација на режимот во Киев дека руската авијација наводно вчера ја нападнала болницата бр. 3 во Мариупол. Најпрво сакам да истакнам дека руското Министерство за одбрана вчера објави режим на молк на безбедно да се евакуираат цивилите од градот. „Руската авијација не реализира апсолутно никакви задачи за елиминација на цели на теренот во областа Мариупол, рече Конашенков.

Анализа на изјавите на претставниците на киевскиот националистички режим, фотографијата од болницата не остава сомнеж, истакна Конашенков.

Наводниот воздушен напад е целосно изведена провокација чија цел е да поттикне антируска хистерија на Запад, рече тој.

Тој додаде дека руската страна повеќепати нагласила дека медицинските установи во Мариупол, вклучително и болницата бр. 3, престанале да работат на почетокот на февруари.

Националистите ги растераа сите вработени и пациенти. Поради добрата тактичка положба, зградата на болницата е претворена во упориште на националистичкиот баталјон „Азов“, изјави Конашенков.

The post Нападот на породилиштето е инсценирана провокација, вели Конашенков appeared first on Република.

Украинскиот претседател Володимир Зеленски денеска категорично ги отфрли руските наводи дека ултрарадикални борци биле стационирани во породилиште во Мариупол.

Болницата во украинскиот пристанишен град вчера беше бомбардирана, веројатно од воздух, а рускиот министер за надворешни работи Сергеј Лавров денеска рече дека таму немало медицински персонал, туку бил камп за радикали.

– Русите беа излажани (на ТВ) за фактот дека наводно нема пациенти во болницата и дека нема жени и деца во породилиштето, рече Зеленски во видеопорака. Сето тоа беше „лага“, додаде тој, велејќи дека тројца цивили биле убиени, а 17 повредени во рускиот напад врз објектот.

„Пропагандистите“ на руската телевизија ќе одговараат, додаде тој, откако ја обвини Русија и за попречување на обидите за поставување хуманитарни коридори од Мариупол.

„Руските трупи веќе создадоа хуманитарна катастрофа во Украина“, рече тој.

Претходно денеска, Лавров од Анталија оцени дека се „лажни“ наводите за руски напад врз породилиштето во украинскиот град Мариупол. Тој рече дека Русија веќе ги информирала Обединетите нации дека во поранешната болница воопшто немало медицински персонал, туку оти објектот бил претворен во камп на ултрарадикални борци од украинскиот баталјон „Азов“.

ЕУ најостро го осуди бомбардирањето на породилиштето во Мариупол, порача на Твитер шефот на европската дипломатија Жозеп Борел.

-Мариупол е под опсада. Бомбардирањето од страна на Русија на породилиштето е грозоморно воено злосторство. Воздушните напади врз станбени области и блокирањето на конвои за помош од страна на руските сили мораат веднаш да прекинат. Потребен е безбеден пристап, сега, напиша на Твитер високиот претставник за надворешна политика на ЕУ, Жозеп Борел.

Обединетите нации и Светската здравствена организација повикаа на „итно прекинување на нападите врз болниците, здравствените работници, амбулантните возила“ во Украина.

„Тие не смеат никогаш да бидат цели на напади“, изјави пред медиумите портпаролот на ОН, Стефан Дужарик.

Дужарик додаде дека ОН ги следат деталите за пријавениот напад врз детска болница и породилиште во градот Мариупол, каде што се пријавени најмалку 17 повредени.

СЗО досега потврди најмалку 18 различни напади врз здравствени установи од почетокот на рускиот напад врз Украина, при што се убиени десет, а се повредени 16 лица.

The post Зеленски: Лага е тврдењето на Русија дека породилиштето во Мариупол било камп за радикали appeared first on Република.

Во руски воздушен напад погодена е детска болница во Мариупол, соопшти денеска советот на градот, наведувајќи дека сè уште не е познато дали има жртви во нападот.

Градските власти тврдат дека неколку бомби се фрлени врз болницата и дека штетата е голема.
Украинскиот претседател Володомир Зеленски, на Твитер објави видео од оштетената детска болница.

Мариупол. Директен удар на руските сили врз породилиште. Луѓе, деца се под урнатините. Ѕверство. Колку долго уште светот ќе биде соучесник игнорирајќи го овој терор? Затворете го небото веднаш! Запрете ги убивањата. Имате моќ, но се чини дека ја губите човечноста, објави на Твитер Зеленски.

Москва, демантира дека цивилни објекти се цел на руските воени операции во Украина.

The post Во воздушен напад погодена детска болница во Мариупол appeared first on Република.