Доктор Каролина Симоновска – директор и стручен колегиум на ЈЗУ Универзитетска клиника за респираторни заболувања кај децата, Козле во врска со случајот со починатото 14-месечно бебе вели дека „формирала стручна комисија на клиниката која го разгледала целиот случај и не нашла никаков лекарски стручен пропуст“.

Таа вели „сакам повторно да нагласам дека како директор на Универзитетската Клиника за респираторни заболувања кај децата Козле веднаш формирав стручна комисија на клиниката која го разгледа целиот случај и не најде никаков лекарски стручен пропуст во третманот, следењето и лекувањето на пацентот. Веднаш потоа се состана во два наврати и стручниот колегиум кој се согласи со извештајот на комисијата на клиниката“.

„Уште еднаш би сакала да информирам дека пациентот во нашата клиника е веднаш прифатен, направени се бројни анализи, поставен на терапија според интерните протоколи на клиниката, постојано следен, мониториран и под кислородна подршка која е контролирана и мониторирана а поради невообичаеното рапидно и прогресивно влошување на состојбата на детето, истото беше препратено на КДБ по претходен договор и најава со дежурниот педијатар, со организиран транспорт на ИМП во придружба на лекар и медицинска сестра, во согласност со интерниот протокол за префрлување на болно дете во друга институција за продолжување на лекувањето.

Стручната комисија како и едногласноста на колегиумот се мој императив дека во нашата клиника е превземено се во третманот на детето.

Истовремено сакам да информирам дека како директор на оваа клиника во тек на само 2.5 месеци превземени се сериозни организациски чекори, план и првична програма за реорганизација на одделот за интензивна нега и терапија, според законските прописи дадени од АКЗУМ. Унапредување на одделот со детален план за доопремување со апаратура за неинвазивна и инвазивна респираторна подршка и веке е договорен тим на лекари специјалисти кои ќе бидат испратени на адекватна обука.

Клиниката за респираторни заболувања кај децата, Козле поседува интерни клинички протоколи според Медицината базирана на докази кои се спроведуваат децении наназад кај сите наши пациенти“, вели доктор Каролина Симоновска – директор и стручен колегиум на ЈЗУ Универзитетска клиника за респираторни заболувања кај децата, Козле.

The post Симоновска за случајот со починатото 14-месечно бебе: Не е најден никаков лекарски пропуст во третманот! appeared first on Република.

Доцна синоќа беше изгаснат пожарот зад Детската клиника за белодробни заболување – Козле во Скопје.

Гореше ниска шума, трева и грмушки кај улицата „Загребска“, 43. По пријавата до ЦУК , пожарникарите од скопската бригада успешно интервенирале

The post Вака гореше над Детската клиника-Козле appeared first on Република.

Институтот за белодробни заболувања кај децата - Козле со одлука на Владата во октомври прераснува во Јавна здравствена установа Универзитетска клиника за респираторни заболувања кај децата „Козле“ – Скопје. По повод промената на дејноста, видот и називот на болницата за деца „Козле“ во Скопје, премиерот Димитар Ковачевски денеска ја посети институцијата која со одлука на Владата прерасна во универзитетска клиника.

Се очекува дека со одлуката за промена на дејноста на оваа здравствена установа ќе се добие побрзо и поефикасно дијагностицирање, третман и лекување на пациентите и ќе се намали притисокот кон други установи, со што ќе се обезбеди подостапна и поквалитетна здравствена заштита за пациентите.

Со оваа одлука се овозможува проширување на дејноста на оваа здравствена установа преку специјалистичко-консултативна и болничка здравствена заштита и здравствена дејност на терцијарно ниво од областа на респираторните заболувања кај децата и цистичната фиброза, изведување образовна дејност, вршење усовршување на здравствените работници и научно-истражувачка дејност, како и вршење здравствени услуги кои бараат стручен, организациски и технолошки сложен и мултидисциплинарен здравствен третман од областа на респираторните заболувања кај децата и цистичната фиброза, изградување и спроведување на стручно-медицински доктринарни критериуми во својата област и укажување стручно -методолошка помош на здравствените установи од соодветната гранка на медицината.

Повеќе од 70 години, „Козле" е симбол на професионалност и грижа за децата и со проширување на дејноста тоа заслужено се надградува и се отвораат можности за натамошен развој на оваа установа, рече Ковачевски.

The post Откако детската болница „Козле“ ќе стане универзитетска клиника, ќе се намали притисокот кон другите установи, а пациентите ќе добијат побрз и поефикасен третман и лекување appeared first on Република.

Скоро исполнет капацитетот во детската болница Козле и тоа најчесто со деца до четири годишна возраст, пренесува ТВ21.

Приливот на пациенти енормно расте. Над 100 е бројката кои доаѓаат на преглед само на дежурство.Сабота и недела е зголемен бројот. Од понеделник до петок не ги рачунаме. Зголемен е бројот момнетално лежат 86 мајки и деца заедно. Едно е само Ковид кое денеска го пуштивме. Кашлање, пораст на температура, секреција од нос ова се симптомите со кои најчесто доаѓаат децата во болницата во Козле. Во вечерните часови се активираат ларингити, сува кашлица во народот позната како „кучешко лаење.“ Кашлицата почнува обично кај 23 часот, па до раните утрински часови, вели педијатарот д-р Драган Дачевски за телевизијата.

Според докторот, сега кај децата доминира пенвмонија, а кај оние помалите по година, година и пол бронхолитите има опција и на пронхоспаза и воспаленије на самите дишни патишта.

Поголемото дружење на родителите особено кога е вака убаво времето групација има и на деца и на родители. Треба да внимаваат со кого се дружат, да не бидат тоа деца кои поткашлуваат на кои им тече носот, бидејќи родителите тоа некогаш го сфаќаат како нормалнмо. Има промена на температирите штом ќе зајде сонцето е ладно. Наутро за во училште и градинка треба да бидат топло облечени, додава тој.

The post Над 100 прегледи на деца за едно дежурство – Енормно зголемен бројот на пациенти во болницата „Козле“ appeared first on Република.

Министерот за здравство Беким Сали на својот фејсбук профил објави дека ги посетил заболените дечиња со Ковид-19, кои придружувани од родител се хоспитализирани во ковид – центарот на Детската болница Козле.

Дечињата се во стабилна здравствена состојба и им посакав побрзо закрепнување и враќање во своите домови, како и безгрижна детска игра. Исто така, во рамки на посета на оваа установа, направив увид и во Центарот за цистична фиброза, каде пациентите се лекуваат според најсовремени стандарди и опрема за третман на болните од цистична фиброза. Огромна благодарност за медицинскиот персонал во оваа установа за грижата за пациентите во услови на пандемија кога секојдневно се соочуваат со предизвици - напиша Сали.

The post Министерот Сали ги посети Детската болница Козле и Центарот за цистична фиброза appeared first on Република.