Речиси една четвртина од младите во Србија се соочиле со депресија и анксиозност, а половина се обраќаат кај професионалец за некаква психолошка поддршка, покажува националното истражување за животните и здравствените навики на дваесетгодишниците, спроведено од „Здрави дваесетти “ платформа на компанијата Галеника, пренесе Бета.

Како периоди на интензивна вознемиреност, младите ги наведоа ситуациите кога треба да донесат важни животни одлуки, како запишување на факултет, а како уште еден психолошки проблем, исцрпеност и проблеми со концентрацијата, особено за време на испитните периоди, кои најчесто се решаваат со пиење кафе или енергетски пијалоци.

Истражувањето покажа дека четвртина од младите мислат дека се грижат за своето здравје, додека речиси двојно повеќе од нив изјавиле дека се трудат да ги подобрат своите навики. Повеќето од испитаниците го промениле начинот на живот во претходната година - во таа смисла испитаниците истакнуваат дека повеќе се движат, повеќе внимаваат на исхраната, почесто се занимаваат со спорт или физичка активност и помалку консумираат алкохол.

Истражувањето за животните навики на дваесетгодишниците било спроведено од јануари до февруари на примерок од 600 испитаници од цела Србија.

The post Речиси четвртина од младите во Србија се соочиле со депресија и анксиозност appeared first on Република.

Депресијата може да придонесе за губење на помнењето и обратно, открива ново истражување коешто следело речиси 8.200 Британци во текот на две десетлетија.

Научниците откриваат дека „линеарната промена во депресивните симптоми води кон забрзано губење на меморијата“ кај испитаниците постари од 50 години. Нивната просечна возраст е 64 години. Но, не само што депресијата влијае на памтењето, туку и обратното е точно, заклучуваат научниците во написот објавен од Американското медицинско здружение. Тимот вклучува научници и лекари од британскиот Универзитетски колеџ во Лондон, Медицинскиот центар на Универзитетот во Рочестер и Медицинскиот факултет во Сасекс.

Побрзата промена во помнењето и заборавањето е исто така реципрочно поврзана со брза промена на симптомите на депресија со текот на времето. Психолошкото расположение и помнењето се суштински поврзани“, тврдат компетентните научници.

Понатаму се истакнува и дека, иако когнитивната дисфункција и претходно е поврзувана со депресијата, „насоката на таа врска“ сѐ уште не е јасно дефинирана.

Учесниците во испитувањата биле испрашувани секоја втора година од 2002 до 2019 година, со тестови за запомнување и течно говорење, како и проценки на симптомите на депресија според Центарот за епидемиолошки студии.

The post Депресијата води кон губење на меморијата и обратно appeared first on Република.

Дани Алвеш тешко го поднесува времето во затвор. Тој е во затвор веќе неколку месеци, а неодамна почна судскиот процес за сексуалниот напад за кој беше обвинет.

-Тој е депресивен, депресивен е, добива помош од вработените во затворот, рекол еден од затворениците, според извештаи на бразилските медиуми, а се работи за личност со која Алвеш ја дели затворската ќелија.

Наводно, во затвор посегнале по „екстремни мерки“ токму поради емоционалната и психичката состојба на поранешниот фудбалер по почетокот на судењето.

Понатаму се наведува дека затворот покренал протоколи во случај на сомневање дека некој од затворениците размислува за самоубиство.

-Се плашат за неговата состојба, се плашат да не се пресече или да направи нешто лошо, лудо. Еден ден откако беше сослушан на судењето, протоколот беше активиран, наводно рекол овој неименуван затвореник.

The post Алвеш во депресија, затворот активирал „протокол за самоубиство“ appeared first on Република.

Поранешниот аргентински репрезентативец, Езекиел Лавеци (38) во последните два месеци ги минува најтешките моменти во животот. По неколку хоспитализации, неодамна тој заврши на психијатрија. Беше избоден со нож во декември, а неколку недели по закрепнувањето се предозира.

Шпанскиот спортски дневен весник „Марка“ пишува дека лекарите утврдиле што не е во ред со Лавеци. Му дијагностицирале хипоманија, односно хронично нарушување на расположението.

Езекиел не се лекува од злоупотреба на дрога или алкохол, туку од психолошко нарушување кое може да предизвика да се повреди и кое може да биде поттикнато од различни фактори, вели адвокатот на Лавеци.

Тој објаснува дека една хипоманична епизода може да трае од еден до четири дена.

Хипоманијата е дел од биполарното растројство, познато и како манична депресија.

Кога играше во кинескиот клуб Хебеи, Лавеци беше најплатениот фудбалер во светот - заработуваше над 20 милиони долари за сезона. Во својата кариера играше за Естудијантес, Сан Лоренцо, Наполи и ПСЖ, а за Аргентина забележа 51 настап и го освои сребрениот медал на Светското првенство во Бразил 2014 година.

The post Беше најплатениот фудбалер на светот, а денес ги минува најтешките моменти во животот appeared first on Република.

Храната што се јаде секој ден е исклучително важна за подобро расположение, за психо-физичкото здравје, но и нормално функционирање во текот на денот. Допаминот, на пр., е еден од хормоните на среќа - го подобрува чувството на задоволство и благосостојба... Одредена храна го стимулира ослободувањето допамин, па затоа е битно да се јадат намирници што го зголемуваат нивото на овој хормон во телото.

Стручњакот за здрав животен стил, Најма Хасан Дијана говори за храната што го подобрува расположението во сиви, тмурни денови.

Темно чоколадо

Тоа, според нутриционистката, е богато со антиоксиданси и е исклучително моќно поради содржината на фенилетиламин - соединение коешто влијае на расположението. Тоа може да биде добра закуска пред тренинг бидејќи го зголемува и нивото на енергија.

Риба и јајца

Овие секојдневни намирници се богати со протеини и се одлични за поттикнување на лачењето допамин. Рибата е дополнително богата со омега-3 масни киселини.

Додадете и храна богата со протеини во Вашата исхрана. Тоа ни помага да изградиме мускули и за подобро заздравување. Поголемиот внос на протеини е поврзан со подобро расположение, советува Дијана.

Јаткасти плодови и семиња

Тие се извор на здрави масти и разни други хранливи материи. Овие плодови имаат хранлива вредност и се богати со тирозин - аминокиселина којашто го создава допаминот.

Авокадо

Како извор на здрави масти, ова овошје има антиинфламаторно дејство и помага во контрола на нивото на шеќер во крвта. Тоа содржи и значителни количини на фолати, или витамин Б-9 што исто така му помага на мозокот да лачи допамин.

The post Помогнете си со оваа храна во борбата против зимската депресија и тмурните денови appeared first on Република.

Пократки денови, студено, темно … во зима обично ни паѓа расположението. Но, некои од нас развиваат и вистинска сезонска депресија. „Дојче веле“ прави анализа како да се препознае и што да се направи?

Додека да трепнеш, поминал денот. Ова често ни се случува во студениот, мрачен зимски период. Се чувствуваме уморни, исцрпени и безволни.

А како што се ближи крајот на годината и доаѓа време за ретроспектива, тоа сме позамислени и помеланхолични - не фаќа „зимскиот блуз“.

„Речиси сите го знаат тоа“, вели заменик директорката на Германската организација за помош во депресија, Инес Кеита.

Значи, ако е само послабо расположение, нема причина за грижа.

Зимската депресија е сезонска депресија која, за разлика од „зимскиот блуз“, треба лекување“, објаснува психологот Кеита.

Иако симптомите може да бидат слични, кај зимската депресија тие се многу поизразени и не се појавуваат само неколку денови, туку траат.

Кога го имаме „зимски блуз“, сè уште уживаме во многу работи, како посета на божиќниот пазар“, вели таа.

Од друга страна, оние кои страдаат од зимска депресија речиси повеќе не чувствуваат радост, немаат надеж и се повлекуваат од социјалните активности.

Според Кеита, единствената разлика помеѓу зимската депресија и „класичната“ депресија, освен сезонскиот карактер, е зголемената потреба за калории и повеќе сон.

Ова е нетипично за депресија, која обично е придружена со губење на апетит и нарушувања на спиењето“, вели таа.

„Светло за хибернација“

Според проценките на Германската организација за помош во депресија, околу еден до два отсто од луѓето во Германија страдаат од зимска депресија, што може со сигурност да се утврди само ако се повторува во студените и темни месеци.

Причините за таквата депресија се сложени и сè уште не се целосно истражени. Недостатокот на светлина веројатно игра значајна улога бидејќи го исфрла од рамнотежа нашиот биолошки часовник.

Дитер Кунц, берлински лекар специјализиран за нарушувања на сонот, смета дека со почетокот на студената сезона луѓето преминуваат во режим, кој вклучува заштеда на енергија, односно запаѓаат во еден вид „зимски сон“.

Отсекогаш било така, дури и кај нашите предци, кои се повлекувале во своите пештери за да заштедат енергија штом надвор било студено и темно“, вели тој.

Оттогаш, вели тој, живееме од нашите резерви на енергија – и ништо не се променило до денес. Ние исто така се приспособуваме на недостигот на светлина и падот на температурата забавувајќи ја својата физиологија.

Во зима еден час повеќе сон

Мерливо функционираме различно во лето и зима, без оглед дали тоа го забележуваме или не“, објаснува Кунц.

Најновите откритија покажуваат дека ни треба повеќе сон во студената сезона.

Возрасните во Берлин во просек спијат еден час повеќе во зима отколку во лето“, вели Кунц, кој го истражувал ова со неговиот тим.

Како што вели Кунц, длабокиот сон, кој е важен за регенерација, во зима трае половина час подолго.

Сепак, не сите луѓе кои наесен преминуваат на „штедлив“ начин на работа имаат доволно резерви во текот на зимата.

Штом резервите се потрошат, ние колабираме – и развиваме зимска депресија. За повеќето луѓе, ова не се случува до февруари или март“, вели Кунц.

Решение?

Превенција, односно скратување на зимскиот сон со продолжување на летото“, вели Кунц.

Повеќе светлина?

Но, не мора да патувате на југ неколку недели за да го впиете сонцето и да ги наполните батериите. Ова може да се направи и дома.

Штом ќе почне денот, треба да ја искористите целата природна светлина што можете да ја добиете, дури и сивите денови помагаат“, советува Кунц.

Во исто време, важно е да гледате во небото одвреме-навреме.

Ако треба да го поминете цел ден во канцеларија, може да ви помогнат така наречените „дневни светла“, кои имаат најмалку 10.000 лукс и се силни како дневна светлина.

Користењето на таква светилка од половина до еден час наутро прави чуда, велат експертите.

Особено ако гледате директно во светлината.

Светлосната терапија често се препорачува за лекување на зимска депресија. Како што е случајот со депресијата воопшто, може да се препише психотерапија или дури и лекови.

Ако мислите дека сте болни, треба да побарате стручна помош и да не се надевате на подобрување на пролет. Првата допирна точка е вашиот матичен лекар“, вели психологот Кеита.

Ова е исто така важно за да се разјасни дали се работи за зимска депресија или за класична.

The post Меланхоличноста во зима е нормална, но има разлика меѓу „зимски блуз“ и зимска депресија appeared first on Република.

Податоците од најновите истражувања во Македонија покажуваат дека една третина од мајките за време на бременоста и по породувањето страдаат од симптоми на депресија, додека кај 28 проценти од нив се регистрира анксиозност.

Понатаму, според податоците, тинејџерите и адолесцентите се особено ранлива категорија, според податоците од најновите истражувања во Македонија кај 29,2 отсто од младите се регистрирани клинички симптоми на депресија додека кај 23,7 проценти се присутни клинички симптоми на анксиозност во периодот после пандемијата со Ковид-19, а девојчињата се позасегнати од анксиозност и депресивни симптоми во споредба со момчињата.

Истражувањето на Универзитетската клиника за психијатрија е направено во периодот после пандемијата со Ковид-19, а го презентираше д-р Стефанија Митровска, за време на настанот организиран по повод Светскиот ден на менталното здравје – 10 октомври.

Митровска која работи на Универзитетската клиника за психијатрија, вели дека од особен интерес на клиниката е покревањето на свесноста кај пошироката јавност и професионалците, за овие потешкотии со кои се соочуваат жените во бременоста и по породувањето.

Во истражувањето се покажа дека една третина од испитаничките покажуваат клинички релевантни симптоми на депресивност и уште толку се соочуваат со анксиозност. Важно е здравјето на мајката за здрав развој на детето. Ние имаме парола која вели: ‘Здрава мајка, здраво дете, здраво дете, здраво општетство’, рече таа.

Како што додаде во последно време забележува дека почесто се говори на оваа тема во медиумите и социјалните мрежи, но треба и им се укаже на мајките и на тоа како можат да дојдат до помош.

Ретко кој знае како да побара помош. Ако некоја жена препознава кај себе потешкотии со психичкото здравје ја охрабруваме да се обрати кај матичниот лектр, за да ја упати кај специјалист за натамошна проценка. Исто ги повикуваме сите лекари кои се во контакст со родилки, да ги препознаваат знаците на нарушено психичко здравје и да ги прашаат жените како се чувствуваат. Важно е колетивно да ја градиме поддршката, рече д-р Митровска.

Статистичките податоци генерално покажуваат дека дури 1 од 8 луѓе страдаат од потешкотии со психичкото здравје. Овие предизвици не ја афектираат само психичката добросостојба,туку нивното влијание се одразува и на социјалното и професионално функционирање на личноста, а оттаму и на општеството во целост.

The post Една третина од тинејџерите и адолесцентите и една третина од трудниците страдаат од депресија, покажуваат истражувањата во Македонија appeared first on Република.

На луѓето им требаат 50 микрограми витамин Б12 дневно, а оние кои имаат недостаток на оваа хранлива материја може да искусат одредени тешкотии, според британскиот биолог Џастин Батлер.

Екстремниот замор, недостатокот на енергија, мускулна слабост, пецкање, депресија и когнитивни проблеми, како што се слаба меморија, разбирање и расудување, може да бидат признак за недостаток на витамин Б12, вели д-р Батлер.

Таа наведува дека витаминот Б12 го произведуваат бактериите коишто се наоѓаат во почвата, па најлесен начин да се добие е преку неизмиени плодови, што за повеќето луѓе денес не е опција. Затоа, сега најчесто се добива од збогатена храна или додатоци во исхраната.

Може да се добие со внесување екстракт од квасец и снегулки, млеко од растително потекло, вегански јогурти и десерти збогатени со витамин Б12... Тој витамин му помага на телото да одржува здрави нервни клетки и помага во создавањето на ДНК. Исто така, витаминот Б12 тесно е поврзана со фолната киселина, ги ствара црвените крвни зрнца, му помага на железото подобро да работи во телото и произведува соединение вклучено во имунолошката функција и расположението, појасни д-р Батлер.

Меѓу последиците од долгорочно ниско ниво на витамин Б12, се покачени нивоа на аминокиселината хомоцистеин во крвта. Тоа пак е поврзано со срцевите заболувања. Советот на стручкот за крај гласи - при загриженост за нивото витамин Б12 и сомнеж за недостаток, контактирајте со вашиот лекар за консултација.

The post Депресијата, заборавањето и заморот може да значат дека ви фали овој витамин appeared first on Република.

Постојат луѓе кои постојано се чувствувате како да немаат контрола врз ситуациите кои се случуваат во нивниот живот или мислат дека во животот секогаш им се случуваат лоши работи, без оглед на тоа што и да направт.

Ако и вие се наоѓате себеси во ситуација често да ги обвинувате другите за тоа што се случува во вашиот живот, тогаш големи се шансите дека се соочувате со состојбата наречена менталитет на жртва.

Луѓето кои „страдаат“ од ваквиот феномен постојано мислат дека другите се одговорни за нивната среќа или несреќа, а често веруваат и дека тие самите не можат да направат ништо за да го променат својот живот. Тој најчесто се појавува кај оние луѓе кои се соочиле со лош период во животот или пак имале некаква траума, но во тој период немале соодветни стратегии, помош или механизми со кои би можеле да се справат со таквата ситуација.

Треба да се истакне дека луѓето кои го имаат менталитетот на жртва често одбиваат да преземат одговорност или да ја примат поддршката од другите кои можеби доаѓаат кај нив со одредени решенија.

Сепак, постојат одредени показатели преку кои може да се забележи дали постои ваквиот менталитет кај вас.

Постојано размислувате дека лошите работи ви се случуваат само вам и тие ќе продолжат дави се случуваат.

Ги обвинувате другите за она што се случува во вашиот живот.

Тешко ви е да се соочите со проблемите и да размислите за евентуални решенија, тоа ви изгледа невозможно.

Имате негативен став кон секоја нова работа во вашиот живот.

Кога некој се обидува да ви помогне, вие се лутите.

Се чувствувате како да ви недостасува поддршка од другите луѓе.

Мислите дека другите треба да го препознаат и потврдат тоа дека сте жртва.

Иако е разбирливо зошто се чувствувате така, важно е да преземете активни чекори како да го промените своето однесување.

Ако другите луѓе ви нудат помош или совети, послушајте ги, наместо да очајувајте дека вашата состојба никогаш нема да се промени. Не си дозволувајте да се самосожалувате, туку малку по малку, чекор по чекор, дајте си сила и кажете си себеси дека можете. Не е лесно, но не е и невозможно.

Вистината е дека животот никогаш не престанува да ни носи проблеми и животни предизвици. Секој од нас има свој пат кој е различен, но наше е да го земеме најдоброто од она што го имаме и со позитивен став да се обидеме да го живееме животот кој и онака е прекраток.

The post Што е менталитет на жртва и како да препознаеме кај себе дали ја имаме оваа состојба appeared first on Република.

Долготрајната изложеност на загаден воздух ја зголемува можноста од депресија, покажуваат две нови истражувања објавени во научните списанија „JAMA“.

Претпоставките дека загадувањето на воздухот влијае и на менталното здравје, не се ништо ново. Но, новите сознанија потврдуваат дека долготрајната изложеност на покачени нивоа загаден воздух го зголемува ризикот од депресија кај повозрасните лица, како и од анксиозност. За да ги проучат последиците од загадувањето на воздухот врз постарите Американци, истражувачите од Харвард и Универзитетот Емори ги анализираа податоците од речиси девет милиони луѓе од американското „Медикер“ здравствено осигурување, за луѓе на возраст над 65 години.

На повеќе од 1,52 милиони од нив им била дијагностицирана депресија во времето 2005 - 2016 година.

Набљудувавме статистички значајна негативна поврзаност меѓу долготрајната изложеност на покачени нивоа загаденост на воздухот и зголемената опасност од депресија во подоцнежниот живот... Се забележува дека социоекономски загрозените поединци опфатени со овој труд се изложени на многу поголема опасност од депресија во подоцниот живот. Тие луѓе се истовремено изложени и на социјален стрес и на лоши еколошки услови, вклучувајќи го и загадувањето на воздухот. Постарите можат да бидат особено ранливи на депресија поврзана со загадувањето“, се наведува во истражувањето.

Загадувачите на кои биле изложени луѓето со дијагностицирана депресија, се прашина, чад, азот диоксид, којшто главно се испушта во сообраќајот и озон, што го испуштат и електраните и рафинериите.

Загадувањето на воздухот се поврзува и со и заболувања на крвоточниот систем, како и дишните патишта.

Иако депресијата е помалку застапена кај постарите во споредба со помладото население, (кај првите) може да се појават сериозни последици, како што се когнитивно оштетување, физички коморбидитети и смрт“, велат научниците.

И во другиот научен труд, научници од Велика Британија и Кина ја истражуваа поврзаноста меѓу долготрајната изложеност на повеќе загаден воздух и зачестеноста на депресија и анксиозност. Проучувањето опфатило 390.000 луѓе, главно Британци, во период од 11 години и откриле дека постои зголемена можност од депресија и анксиозност дури и на дозволените нивоа на загаденост во оваа западноевропска земја.

The post Можеби сте депресивни поради загадениот воздух appeared first on Република.

Кантарион или Богородична трева како што уште се нарекува меѓу народот, е многу ценета во природната медицина.

Таа е најделотворна во лекувањето на проблемите со црниот дроб и жолчната кеса, но, најдетално е испитано нејзиното дејство врз депресијата.

Клинички е докажано дека кантарионот може значително да го поправи расположението и да ги намали депресивните состојби.

Го намалува чувството на исцрпеност, умор и безволност. Помага и кај фобии и пореметување на спиењето.

Успешно се користи и кај луѓе кои имаат потешкотии со спиењето и концентрацијата, а се препорачува и за жени во менопауза.

Во овој случај најчесто се користи чај или тинктура. Антидепресивното дејство настапува постепено и после две седмици се забележуваат промените.

Тинктурата против депресија можете да ја приготвите од 20 г свежо исушени цветови. Прелијте ги со 100 мл 70% алкохол (се купува од аптека). Оставете да отстои најмалку две седмици, а потоа процедете.

Употреба: од 20 до 30 капки во половина чаша вода, 2-3 пати дневно. Терапијата треба да трае од четири до шест седмици, но пред користење посоветувајте се со вашиот лекар, особено ако имате тешки проблеми со анксиозност.

За чај против депресија: една до две лажички сув кантарион оставете да отстои во врела вода 10 минути. Наутро и навечер се пие по шолја чај. За подобри резултати чајот треба да се пие од 4 до 6 седмици секојдневно.

Напомена: Овој чај не се препорачува за трудници.

The post Оваа билка лекува депресија, го брка стравот, ги смирува нервите appeared first on Република.

Уште сме во сезоната на празници, но веќе влеговме во јануари - најтешкиот месец за многумина. Студеното време, кратките денови и високите трошоци се дел од причините поради кои луѓето не го сакаат овој месец. Тереза Оуен, директорка за јавно здравје при Универзитетот „Бетси Кадваладр“ споделува неколку совети како полесно да го поминете овој месец.

Максимално искористете ја дневната светлина

Иако времето е студено, а често надвор има и магла, оние ретки денови кога е сончево треба да бидат максимално искористени. Излегувањето на сончева светлина ќе направи да се чувствувате добро и ќе ви даде енергија. Изложеноста на природна светлина го зголемува нивото на серотонин во мозокот, што го подобрува расположението.

Вежбајте

Еден од најдобрите начини за подобрување на благосостојбата и расположението е вежбањето. Кратка прошетка со пријателите може да биде доволна да се чувствувате подобро.

Правилна исхрана

Исхраната влијае врз расположението. Кога не сте расположени, почесто јадете лоша храна, јадете малку или премногу. Правилната и балансирана исхрана може да направи чуда за расположението.

Доволно сон

Недостигот на сон може да има негативно влијание врз менталното здравје и може да ве направи нервозни или анксиозни.

Идентификувајте ги грижите

Обидете се да откриете што ве прави тажни или анксиозни. Споделувањето на емоциите со најблиските може да биде првиот чекор кон решавање на проблемот.

Читајте добри книги

Читањето од задоволство е одличен начин да не мислите на она што ве загрижува. За време на празниците веројатно имате и повеќе време за читање.

Бидете добри кон себе

Многу луѓе си поставуваат нереални новогодишни одлуки и потоа се чувствуваат лошо кога не може да ги постигнат. Не заборавајте да забавите и да издвоите време за себе.

Исклучете ги уредите

Постојаната поврзаност со технологија може негативно да влијае врз расположението. Исклучете ги електронските уреди барем 90 минути пред да заспиете. Тоа ќе ви помогне да се релаксирате и добро да се наспиете.

Научете нешто ново

Направете нешто ново. Пријавете се за курсот на кој одамна мислите. Поправете го велосипедот. Научете нов рецепт или како да свирите на музички инструмент. Учењето може да направи да се чувствувате подобро.

The post Време на празници, време на лошо расположение: Еве како да се ослободите од негативните вибрации appeared first on Република.