На подрачјето на Ресен и Битола денеска поради присуство на владини делегации од државата и странство, ќе биде применет посебен режим во сообраќајот со запирање на сите возила и пропуштање на службените возила со првенство на минување.

СВР Битола ги известува граѓаните дека во времето од 8.00 до 18.00 часот ќе биде применет посебен сообраќаен режим со цел непречено и безбедно одвивање на закажаните настани за одбележување на годишнина од одржувањето на Битолскиот Конгрес и унифицирањето на албанската азбука, и за таа цел СВР Битола ќе воспостави посебен режим на сообраќај.

Во Битола за сообраќај ќе бидат затворени улиците „Билбил камен“, „Довлеџик“, булеварот „Први Мај“ ќе биде затворен од двете страни до крстосница со улица „Столарска“, улица„ Добривоје Радосављевиќ“, „Лазо Трповски“, „Рузвелтова“, „Никола Тесла“ и улицата „Димитар Илиевски Мурато“ што се наоѓа во строгиот центар на градот.

СВР Битола апелира учесниците во сообраќајот да ги почитуваат сообраќајните правила и прописи, како и сообраќајната регулатива за променетиот режим на сообраќајот кој утрово почнува во 08 и ќе заврши во 18 часот.а

The post Битола блокирана, ќе се одбележува Денот на албанската азбука appeared first on Република.

Христијан Мицкоски, претседателот на ВМРО ДПМНЕ на припадниците на албанскат заедница во Македонија им го честита Денот на албанската азбука 22 Ноември.

Македонија е земја за пример во која се уважуваат и почитуваат јазичните и културните особености на сите нејзини граѓани. Оттука јазичното и културно богатство на Албанците во Македонија е нераскинлив дел од македонскиот мозаик, кој е пример за заедништво, взаемна почит и разбирање граден низ вековите, се вели во честитката на Мицкоски.

Тој додава дека Албанците во Македонија знаат дека Македонците и сите останати кои живеат во државата се нивните најблиски со кои можеле и можат да ги споделат сите предизвици и тешкотии.

Заедно ја делиме судбината и заедно мораме да ја градиме иднината. Затоа не треба да бидат жртви на политичките игри на власта, кои преку раздорот и недоразбирањата сакаат да градат лични богатства на сметка на грбот на се посиромашните граѓани. Во овие тешки години на економски колапс, неуспеси, трагедии и погазено достоинство на секое семејство во Македонија, без разлика дали тоа се Албанци, Македонци, Турци, Срби, Роми, Власи, Бошњаци или останати, мораме да стоиме заедно сплотени и да градиме заеднички патриотизам, како основа на подобро заедничко утре.

Заедно да се спротивставиме на поделбите кои носат поголемо иселување, поголема сиромаштија, поголема апатија и бесперспективност. Додека нечии приватни банкарски сметки растат, Македонија ја имаме се помалку. Додека нечии имоти се зголемуваат се намалуваат жителите и на Тетово и на Струмица, и на Чегране и на Зрновци, и на Кичево и на Куманово.
Да застанеме заедно против оние кои ни ја крадат иднината и заедно да создадеме патриотизам во кој најдобрите ќе работат за перспективата наша и на нашите идни поколенија, се вели во честитката на Мицкоски по повод Денот на албанската азбука.

The post Мицкоски со честитка за Денот на албанската азбука: Македонија е земја во која се уважуваат и почитуваат јазичните особености на сите граѓани appeared first on Република.