Можеби веќе дошло времето кога ние Македонците ќе им станеме камен околу вратот на Албанците, вели универзитетската професорка Мирјана Малеска, инаку сопруга на поранешниот македонски министер за надворешни работи Денко Малески.

– Зошто жестока врева околу изјавата на претседателот на ДУИ Али Ахмети дека водството на военото и политичко движење од 2001 година ОНА направило избор Албанците во Македонија да бидат државотворци и господари во сопствената држава? Би требало да се радуваме, што направиле таков избор и што засега се држат до него. Држава на лојални граѓани е благодет, бидејќи можеби веќе дошло времето дека ние, Македонците, ќе им станеме камен околу вратот на Албанците, пишува госпоѓата Малеска во својата колумна со наслов „Херои и убијци“, која е објавена на интернет-порталот на Институтот за медиуми и политика.

Малеска прави паралела меѓу „историската ВМРО“ и „военото и политичко движење од 2001 година“ – УЧК и пишува: „Стојан Христов, наш иселеник, кој по Илинденското востание заминува во Америка, ја напишал книгата `Херои и убијци`, за која доби Пулицерова награда за публицистика и која е објавена во 1935 година. Темата е улогата на историската ВМРО. Луѓето кои се бореле за слобода на Македонија, со сите средства, вклучувајќи политички убиства и тероризам, за едни биле херои, ама за други убијци. За секој совесен човек ова би бил тежок крст на плеќи, без оглед на оправданоста на целите“.

Секогаш, пишува Малеска во колумната, може да се најде порадикален од Али Ахмети.

„А дека е тоа така непријатно ќе се изненадиме еден ден, ако продолжи да се крева бранот против Албанците. Национализмите се хранат со омраза еден со друг. Колега од универзитет повторуваше дека Албанците, такви какви што се, ни се камен околу вратот и дека е најдобро да се поделиме и очи да не си видиме. Како што тргнале работите, ќе дојде време, ако не е и дојдено веќе, дека ние, Македонците, ќе им станеме камен околу вратот на Албанците“, пишува Малеска.

Не се далеку од вистината автори на некои коментари во медиумите, кои тврдат дека со својот говор во Сопот и картата на „Голема Албанија“ Али Ахмети сакал да ги исплаши Македонците: „Еве што ве чека ако не се согласите на уставни измени и внесување на бугарското малцинство во уставот!“

Целата колумна на госпоѓата Малеска може да ја прочитате ТУКА.

The post Сопругата на Денко Малески: Зошто жестока врева за изјавата на Ахмети дека ОНА направило избор Албанците да бидат државотворци и господари appeared first on Република.

Пратеникот од редовите на ВМРО-ДПМНЕ, Драган Ковачки преку Фејсбук статус му се обрати на професорот Денко Малески.

Неговиот Фејсбук статус може да го прочитате во продолжение:

„Денко Малески, професоре, министре… Вие бевте тој што во деведесетите години на минатиот век кажувавте дека Македонија може да биде независна само преку Вас мртов, нели? Вие до смрт ќе ја браневте Југославија, која веќе беше распадната ама Вие професоре тоа не сакавте да го видите, или сум грешка?
Вие кажавте дека Гоце Делчев е Бугарин, или се лажам?
Вие кажавте дека и Крсте Петков Мисирков е Бугарин, или и за тоа се лажам?
Вие го советувавте, односно го наместивте и гостинот во вилата на Водно – Пендаровски да каже дека Гоце Делчев е Бугарин, или и за тоа се лажам?
Професоре, министре, Вие сте најдобар доказ за тоа како за соодветна сума на пари, човек еволуира во ставовите и како тоа од најдобар Југословен се станува најпосакуван Бугарин.
Значи, ќе бидете се’ само не Македонец. Се срамите ли да бидете Македонец?
Професоре, министре Малески, цел живот сте на државна плата, државата ве плаќала, сте бил прв човек на надворешната политика. Вие сте еден од тие што е директно одговорен што сме на ова дереџе.
Уживате во староста со парите што ги земате од тие кои ги негирате.
Совет до Вас:
Ако не сте способни, не правете штета и оставете ги Македонците да се изборат за своите права.
*И не ме споменувајте веќе во Ваши текстови, најдете си некоја интелектуална величина на Ваше ниво со кого ќе дебатирате аргументирано. Јас немам ниту време ниту желба да разговарам со сенилен старец чие време поминало.
Сепак, имајте малку почит кон тие што се борат да се спроведат законите и оваа криминално-предавничка банда да одговара и да заврши во затвор.
Ако мислите дека кога ќе дојдеме на власт, дека не треба да ги спроведуваме законите, тогаш така напишете и изјаснете се.
Можеби треба на предавниците да им дадеме медали?
Најдлабоко Ви се извинувам што сум Ве вознемирил додека сте гледале седница од Парламентот на која вашите комуњари уринираа врз гробот на Вашиот татко што ја напиша македонската химна.
Професоре, министре, ние живееме во различни светови.
Македонија ќе ги издржи и најупорните како Вас и ќе победи!“

The post Ковачки до Малески: Од најголемиот Југословен станавте најпосакуван Бугар. Се срамите ли да бидете Македонец? appeared first on Република.