Украинскиот премиер Денис Шмигал денеска му честиташе на Христијан Мицкоски по неговото именување за премиер.

Благодарни сме за вашата поддршка на Украина во борбата против руската агресија. Очекуваме натамошно зајакнување на соработката помеѓу двете земји на патот кон интеграција во ЕУ, порача Шмигал преку „Х“.

Congratulations to Hristijan Mickoski @MickoskiHM on his appointment as Prime Minister of the Republic of North Macedonia. We are grateful for your support of Ukraine in the fight against russian aggression. We look forward to further strengthening cooperation between 🇺🇦 & 🇲🇰 on…

— Denys Shmyhal (@Denys_Shmyhal) June 24, 2024

The post Украинскиот премиер му честиташе нова влада на Мицкоски appeared first on Република.

Украинскиот премиер Денис Шмигал денеска ги повика западните земји да му префрлат на Киев 300 милијарди евра руски средства кои се замрзнати во странство, јавија француските медиуми.

Помошта од нашите партнери е исклучително важна алатка, но ни треба предвидливост и стабилност без оглед на временските услови, политичките промени, изборните циклуси што се случуваат низ светот, рече Шмигал.

„Конфискацијата на рускиот имот треба да прерасне во еден сигурен извор на поддршка за нашата земја“, додаде тој.

The post Украинскиот премиер ги повика западните земји да му префрлат на Киев 300 милијарди евра руски средства замрзнати во странство appeared first on Република.

Додека се разгорува дебатата за проширувањето на ЕУ пред самитот на Европската политичка заедница следната недела во Гранада, украинскиот премиер Денис Шмигал јасно дава до знаење дека Украина не сака да биде членка на ЕУ од втор ред.

Шмигал го рече ова додека земјите од ЕУ го разгледуваат француско-германскиот предлог за попостепен пристап кон проширувањето на ЕУ.

Во изјава за „Политико“ тој истакна дека целта на Украина е „да стане полноправна кандидатка за полноправно членство“ во ЕУ. Шмигал вети и дека ќе ја внесе својата земја во Унијата во следните две години.

„Вложуваме максимални напори за да обезбедиме Украина да стане полноправна членка на ЕУ. Ова е од критично значење за сите Украинци“, рече Шмигал, објави денеска бриселскиот портал.

Тој додаде дека Украина ги исполнила сите седум услови на Европската комисија од јуни 2022 година за преминување во следната фаза од процесот на пристапување.

Шмигал рече дека украинската влада оваа недела усвои резолуција која вклучува признавање на правата на националните малцинства. Набљудувачите сметаат дека тоа е понуда на „маслиново гранче“ на Будимпешта, која имаше забелешки за третманот на етничките Унгарци во Украина.

Европската комисија има рок до крајот на октомври да ги оцени напорите на Киев.

Тој рече и дека Украина е во единствена позиција.

- Сакаме да бидеме полноправна членка бидејќи денес Украина е единствена земја... која плати огромна цена за тоа што сака да биде членка на ЕУ, рече Шмигал.

Тој, исто така, истакна дека повеќе од 90 отсто од Украинците сакаат нивната земја да биде полноправна членка на Унијата.

The post Украинскиот премиер вели дека ќе ја внесе земјата во ЕУ за две години appeared first on Република.

Премиерот на Украина Денис Шмигал, соопшти дека земјата добила финансиска помош од две милијарди евра од Европската Унија.

Дополнителните финансиски средства ќе помогнат да се покријат итните буџетски трошоци, особено за социјални и хуманитарни потреби - објави Шмигал на Телеграм.

Тоа е прва транша од пакетот од пет милијарди евра, усвоен по воената операција покрената од Русија.

The post Украина се пофали дека добила две милијарди евра од ЕУ appeared first on Република.