The post Прослава на Денот на Европа со пикник, спортски активности и музички настапи во паркот „Гази Баба“ appeared first on Република.

Зградите на Европската унија во Брисел синоќа беа осветлени во боите на украинското знаме по повод Денот на Европа.

Ние сме со Украина и нејзиниот народ во нивната борба за слобода, мир и демократија: истите вредности врз кои беше изградена ЕУ пред 72 години, напиша Европската служба за надворешни работи на Твитер.

Претседателката на Европската комисија, Урсула фон дер Лајен, на својот Твитер профил напиша дека зградите на ЕУ, во пресрет на Денот на Европа, блескаат во боите на украинското знаме.

Тие блескаат исто како нашата надеж да видиме враќање на мирот во Европа. И да започнеме да градиме заедничка иднина со нашите украински пријатели, напиша таа.

The post Зградите на ЕУ во боите на украинското знаме по повод Денот на Европа appeared first on Република.

Берлин не сака да дозволи носење украински и руски знамиња на манифестациите за одбележување на годишнината од крајот на Втората светска војна.

Властите во Берлин одлучија руските и украинските знамиња да не смеат да се носат во близина на 15 споменици, пишува весникот „Билд“.

Амбасадорот на Украина во Германија, Андриј Мелник ги повика властите во Берлин да ја повлечат таа одлука.

Тој праша зошто луѓето кои сакаат со знаме да ја изразат својата солидарност со Украина не се заштитат од можна агресија на оние кои би се чувствувале испровоцирани од тие знамиња.

Мелник на Твитер порача дека ова е скандалозна одлука која мора да се повлече, наведувајќи дека одлуката претставува шлаканица за Украина и за целиот украински народ.

Инаку, со одлуката на берлинската полиција, покрај знамињата на Русија и на Украина, се забранети и симболот „З“, како и униформите и воените песни на руската армија.

Од оваа мерка се изземени само ветераните од Втората светска војна, дипломатите и претставниците на делегациите кои ќе присуствуваат на церемониите.

Полицијата ќе ги обезбедува собирите со голем број полицајци во униформа и цивилна облека, како и пријавените протести.

Според соопштението на полицијата, утре и в понеделник ќе бидат ангажирани околу 3.400 полицајци за одбележување на годишнината од крајот на Втората светска војна.

The post Берлин ги забрани руското и украинското знаме на Денот на победата appeared first on Република.

Во сабота (7 мај) на платото пред Младинскиот културен центар (МКЦ) во 12 часот ќе започне концерт на млади бендови по повод прославата на Денот на Европа.

Пред МКЦ ќе настапат седум млади бендови, односно „Црно собрание“, „Резонанца“, „DIBS“, „Улично радио“, „Visionary Records“, „Zanadu“ и „Exhibit A“.

Влезот на настанот е бесплатен.

Денот на Европа се прославува од 1964 година.

The post Концерт на млади бендови денеска во МКЦ за Денот на Европа appeared first on Република.